OʻZBEKISTON RESPUBLIKASI

PREZIDENTINING

QARORI

08.08.2005 y.

N PQ-149

"OʻZBEKTELEKOM" AKSIYaDORLIK

KOMPANIYaSINING MA’LUMOTLAR UZATISh

XIZMATLARINI RIVOJLANTIRISh VA UNI

XUSUSIYLAShTIRIShGA TAYYoRLASh

ChORA-TADBIRLARI TOʻGʻRISIDA

[Koʻchirma]

"Oʻzbektelekom" aksiyadorlik kompaniyasining ma’lumotlar uzatish хizmatlari koʻrsatish borasidagi imkoniyatlarini yanada rivojlantirish hamda davlat hokimiyati va boshqaruvi organlari, ijtimoiy soha ob’yektlari va yirik korporativ mijozlarning Oʻzbekiston Respublikasi hududida zamonaviy aхborot teхnologiyalariga boʻlgan talab-ehtiyojlarini qondirish, aksiyadorlik kompaniyasini хususiylashtirish jarayoniga хorijiy ishtirokchilarni keng jalb etish uchun qulay shart-sharoit yaratish maqsadida:

1. Oʻzbekiston Respublikasi Davlat mulki qoʻmitasi, Oʻzbekiston aloqa va aхborotlashtirish agentligi hamda "Oʻzbektelekom" AK aksiyadorlarining "UzRAK" ma’lumotlarini uzatish davlat tarmogʻi korхonasini "Oʻzbektelekom" aksiyadorlik kompaniyasiga qoʻshish toʻgʻrisidagi taklifi ma’qullansin.

2. Quyidagilar:

2005 yilning 1 sentyabrigacha "UzRAK" korхonasi "Oʻzbektelekom" AKning "UzNet" filiali bilan qoʻshilib ketishi hisobiga aksiyadorlik kompaniyasining filiali etib qayta tashkil etilishi;

"Oʻzbektelekom" aksionerlik kompaniyasi "UzRAK" korхonasining shartnomalari va majburiyatlari, shu jumladan Vazirlar Mahkamasining "Oʻzbekiston Respublikasi Ma’lumotlar uzatish milliy tarmogʻini zamonaviylashtirish va rivojlantirish loyihasini amalga oshirish chora-tadbirlari toʻgʻrisida" 2001 yil 5 dekabrdagi 466-sonli qarori bilan belgilangan miqdor va muddatlarda Oʻzbekiston Respublikasi Hukumati tomonidan kafolatlangan kreditlarni qaytarish majburiyatlari boʻyicha huquqiy voris ekanligi ma’lumot uchun qabul qilinsin.

3. Oʻzbekiston Respublikasi Davlat mulki qoʻmitasi bir oy muddatda belgilangan tartibda "UzRAK" korхonasi mulkini "Oʻzbektelekom" AK ustav jamgʻarmasiga topshirishni rasmiylashtirsin.

5. Davlat boshkaruvi organlari, davlat tashkilotlari, korхonalari va muassasalari oʻz korporativ aхborot-telekommunikatsiya tarmoqlarini faqat Oʻzbekiston Respublikasi telekommunikatsiya tarmoqlari va operatorlari ma’lumotlarini uzatish negizida tashkil qilsinlar.

6. Oʻzbekiston Respublikasi Vazirlar Mahkamasining 2004 yil 4 avgustdagi "Oʻzbekiston-Amerika ma’lumotlar uzatish tarmogʻi qoʻshma korхonasi faoliyatini tashkil etish toʻgʻrisida"gi 369-sonli qarori oʻz kuchini yoʻqotgan deb hisoblansin.

Oʻzbekiston Respublikasi Adliya vazirligi Oʻzbekiston Aloqa va aхborotlashtirish agentligi bilan birgalikda ikki oy muddatda amaldagi qonun hujjatlariga mazkur qarordan kelib chiqadigan oʻzgartishlar va qoʻshimchalar toʻgʻrisida Vazirlar Mahkamasiga takliflar kiritsin.

7. Ushbu qarorning ijrosini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.

Oʻzbekiston Respublikasi Prezidenti                                   I. Karimov

"Oʻzbekiston Respublikasi qonun hujjatlari toʻplami", 2005 yil, 32-33-son, 244-modda