Oʻzbekiston Respublikasi Prezidentining 25.10.2006 y. PQ-499-son "Umumiy foydalaniladigan avtomobil yoʻllarini loyihalashtirish, qurish va rekonstruksiya qilish tartibini takomillashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
25.10.2006 y.
N PQ-499
UMUMIY FOYDALANILADIGAN AVTOMOBIL
YOʻLLARINI LOYIHALAShTIRISh, QURISh
VA REKONSTRUKSIYa QILISh TARTIBINI
TAKOMILLAShTIRISh ChORA-TADBIRLARI
TOʻGʻRISIDA
Umumiy foydalaniladigan avtomobil yoʻllarini loyihalashtirish, qurish va rekonstruksiya qilish tartibini takomillashtirish, shuningdek Respublika yoʻl fondi hisobidan yoʻl tarmogʻining ekspluatatsiya qilish va pudratchi tashkilotlari faoliyatini moliyalashtirishni maqbullashtirish maqsadida:
1. Quyidagilar:
Umumiy foydalaniladigan yoʻllarni loyihalashtirish, qurish va rekonstruksiya qilish tartibi toʻgʻrisidagi nizom 1-ilovaga* muvofiq;
Oʻzbekiston Respublikasi Moliya vazirligi huzuridagi Respublika yoʻl fondining yangilangan nizomi 2-ilovaga* muvofiq;
Oʻzbekiston Respublikasi Moliya vazirligi huzuridagi Respublika yoʻl fondi daromadlari shakllanishi va mablagʻlarini sarflash tartibi toʻgʻrisidagi yangilangan nizom 3-ilovaga* muvofiq tasdiqlansin.
2. Oʻzbekiston Respublikasi Moliya vazirligi huzuridagi Respublika yoʻl fondi "Oʻzavtoyoʻl" DAK, Davarхitektqurilish va Qoraqalpogʻiston Respublikasi Vazirlar Kengashi va viloyatlar hokimliklari huzuridagi yagona buyurtmachi хizmatlari bilan birgalikda umumiy foydalaniladigan avtomobil yoʻllarini loyihalashtirish, qurish va rekonstruksiya qilishning belgilangan tartibiga qat’iy amal qilinishini, koʻrsatilgan maqsadlarga ajratilgan mablagʻlardan oqilona va samarali foydalanishni ta’minlasin.
Oʻzbekiston Respublikasi Moliya vazirligi Respublika yoʻl fondining avtomobil yoʻllarini qurish, rekonstruksiya qilish, ta’mirlash va ekspluatatsiya qilishga ajratilgan mablagʻlaridan maqsadli va oqilona sarflanish ustidan qat’iy nazorat oʻrnatsin.
3. Oʻzbekiston Respublikasi Vazirlar Mahkamasining "Oʻzavtoyoʻl" davlat-aksiyadorlik kompaniyasi va Oʻzbekiston Respublikasi Moliya vazirligi huzuridagi Respublika yoʻl jamgʻarmasi faoliyatini tashkil etish masalalari toʻgʻrisida" 2003 yil 21 avgustdagi 361-sonli qarorining 7-bandidagi 2, 3 va 5-хatboshilari hamda mazkur qarorning 5, 6 va 8-ilovalari oʻz kuchini yoʻqotgan deb hisoblansin.
4. Oʻzbekiston Respublikasi Adliya vazirligi bir oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar boʻyicha Vazirlar Mahkamasiga takliflar kiritsin.
5. Mazkur qarorning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.
Oʻzbekiston Respublikasi Prezidenti I. Karimov
*) 1 - 3-ilova rus tilidagi matnda berilgan.
"Oʻzbekiston Respublikasi qonun hujjatlari toʻplami", 2006 yil, 43-44-son, 427-modda.