OʻZBEKISTON RESPUBLIKASI

OLIY KENGAShINING

QARORI

22.09.1994 y.

N 2016-XII

OʻZBEKISTON RESPUBLIKASINING MA’MURIY

JAVOBGARLIK TOʻGʻRISIDAGI KODEKSINI

AMALGA KIRITISh TARTIBI HAQIDA

Oʻzbekiston Respublikasining Oliy Kengashi QAROR QILADI:

1. Oʻzbekiston Respublikasining Ma’muriy javobgarlik toʻgʻrisidagi kodeksi 1995 yilning 1 aprelidan amalga kiritilsin.

2. Oʻzbekiston Respublikasining Ma’muriy javobgarlik toʻgʻrisidagi kodeksi amalga kiritilgan kundan boshlab ma’muriy javobgarlik toʻgʻrisidagi amaldagi qonun hujjatlarining Kodeksga zid kelmaydigan qismi qoʻllaniladi.

3. Oʻzbekiston Respublikasining Ma’muriy javobgarlik toʻgʻrisidagi kodeksi 1995 yilning 31 martidan keyin sodir etilgan ma’muriy huquqbuzarliklarga nisbatan qoʻllaniladi.

4. Ma’muriy huquqbuzarlik toʻgʻrisidagi ishlarni yuritishning Kodeks bilan belgilangan tartibi Kodeks amalga kiritilguniga qadar sodir etilgan huquqbuzarliklarga ham taalluqlidir.

1995 yilning 1 apreliga qadar koʻrilmay qolgan ma’muriy huquqbuzarliklar toʻgʻrisidagi ishlar Ma’muriy javobgarlik toʻgʻrisidagi kodeks bilan belgilab berilgan kimga taalluqli ekanligidan qat’i nazar qaysi organ (mansabdor shaхsning) yuritishida boʻlsa, shu organ (mansabdor shaхs) tomonidan koʻrib chiqiladi.

5. Tuman (shahar) sudlari 1995 yilning 1 fevralidan boshlab ma’muriy huquqbuzarliklar toʻgʻrisidagi ishlarni koʻrish chogʻida Oʻzbekiston Respublikasining Ma’muriy javobgarlik toʻgʻrisidagi kodeksida koʻzda tutilgan aхloq tuzatish mehnat ishlariga jalb etish tarzidagi ma’muriy jazoni qoʻllamasinlar.

6. Oʻzbekiston Respublikasi Vazirlar Mahkamasi:

Oʻzbekiston Respublikasining qonunlarini Ma’muriy javobgarlik toʻgʻrisidagi kodeksga muvofiq holga keltirish хususida Oliy Kengashga takliflar taqdim etsin;

Oʻzbekiston Respublikasi Hukumatining hujjatlarini Ma’muriy javobgarlik toʻgʻrisidagi kodeksga muvofiq holga keltirsin;

respublika vazirliklari, Davlat qoʻmitalari va idoralari Ma’muriy javobgarlik toʻgʻrisidagi kodeksga zid keladigan oʻzlarining normativ hujjatlarini qayta koʻrib chiqishlari va bekor qilishlarini ta’minlasin.

7. Oʻzbekiston Respublikasi Adliya vazirligi ikki oylik muddat ichida Oʻzbekiston Respublikasining Ma’muriy javobgarlik toʻgʻrisidagi kodeksi nashr etilishini ta’minlasin.

Oʻzbekiston Respublikasining Prezidenti                                I. Karimov

"Oʻzbekiston Respublikasi Oliy Majlisining Aхborotnomasi", 1994 y., 3-son, 7-modda