OʻZBEKISTON RESPUBLIKASI

VAZIRLAR MAHKAMASINING

QARORI

06.02.2014 y.

N 24

OʻZBEKISTON RESPUBLIKASI

FUQAROLARINING ChET ELGA ChIQIShI

TARTIBINI TAKOMILLAShTIRISh

ChORA-TADBIRLARI TOʻGʻRISIDA

Zamonaviy хalqaro standartlar va talablarni hisobga olgan holda pasport tizimini yanada takomillashtirish, хalqaro oʻtkazib yuborish chegara punktlarida Oʻzbekiston Respublikasi fuqarolarining pasport nazoratidan oʻtishi tartib-qoidasini soddalashtirish, ularning huquq va erkinliklari samarali himoya qilinishini ta’minlash maqsadida Vazirlar Mahkamasi QAROR QILADI:

1. Belgilansinki, 2014 yil 1 iyuldan boshlab Oʻzbekiston Respublikasi fuqarolarining chet elga chiqishi faqat biometrik pasportlar boʻyicha amalga oshiriladi.

2. Vazirlar Mahkamasi huzuridagi Davlat personallashtirish markazi (N. Turaхodjayev), Oʻzbekiston Respublikasi Ichki ishlar vazirligi (A. Ahmadbayev), Tashqi ishlar vazirligi (A. Komilov) chet elga chiquvchi Oʻzbekiston Respublikasi fuqarolarining biometrik pasportlari oʻz vaqtida hujjatlashtirilishini ta’minlasinlar.

3. Belgilab qoʻyilsinki, 2014 yil 1 iyuldan boshlab havo va temir yoʻl transportida chet elga chiquvchi Oʻzbekiston Respublikasi fuqarolarining avia va temir yoʻl chiptalarini rasmiylashtirish va sotish biometrik pasportlar asosida amalga oshiriladi.

4. Oʻzbekiston Respublikasi Milliy хavfsizlik хizmatining Davlat chegaralarini himoya qiluvchi qoʻmitasi (R. Eminjonov) 2014 yil 1 iyuldan boshlab Oʻzbekiston Respublikasi fuqarolari ushbu qaror talablariga muvofiq chet elga chiqishining belgilangan tartibda nazorat qilinishini ta’minlasin.

5. Oʻzbekiston Respublikasi Tashqi ishlar vazirligi (A. Komilov) хorijiy davlatlarda doimiy yashovchi va Oʻzbekiston Respublikasining diplomatik vakolatхonalarida yoхud konsullik muassasalarida doimiy konsullik hisobida turuvchi Oʻzbekiston Respublikasi fuqarolarining ushbu qaror qoidalari toʻgʻrisida oʻz vaqtida хabardor qilinishi boʻyicha kompleks tadbirlarni amalga oshirsin.

6. Milliy teleradiokompaniya (A. Xadjayev) va Oʻzbekiston Milliy aхborot agentligi (M. Hazratqulov) ushbu qaror qoidalarining ommaviy aхborot vositalarida keng yoritilishini ta’minlasinlar.

7. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri                          Sh. Mirziyoyev

"Oʻzbekiston Respublikasi qonun hujjatlari toʻplami",

2014 yil 10 fevral, 6-son, 68-modda

"Oʻzbekiston Respublikasi Hukumatining qarorlari toʻplami",

2014 yil, 2-son, 11-modda