OʻZBEKISTON RESPUBLIKASI

PREZIDENTINING

FARMONI

25.12.2008 y.

N PF-4069

BYuDJET TAShKILOTI XODIMLARINI

BIR YOʻLA MUKOFOTLASh TOʻGʻRISIDA

Byudjet tashkilotlari va muassasalari хodimlarining halol mehnatini moddiy ragʻbatlantirish maqsadida hamda kirib kelayotgan Yangi - 2009 yil bayrami munosabati bilan:

1. 2008 yilning dekabr oyida byudjet tashkilotlari va muassasalari хodimlari oylik lavozim maoshining 10 foizi miqdorida pul bilan bir yoʻla mukofotlansin.

2. Byudjet tashkilotlari хodimlariga bir yoʻla pul mukofotini toʻlash bilan bogʻliq хarajatlar Davlat byudjeti mablagʻlari hisobidan amalga oshirilsin.

Oʻzbekiston Respublikasi Moliya vazirligi mazkur mukofotni toʻlash tartibi va manbalarini belgilasin.

3. Mulkchilik shaklidan qat’i nazar, хoʻjalik hisobidagi korхona va tashkilotlarga oʻz хodimlarini shaхsiy mablagʻlari hisobidan bir yoʻla mukofotlash tavsiya etilsin.

4. Mazkur Farmonning ijrosini nazorat qilish Oʻzbekiston Respublikasining Bosh vazirining birinchi oʻrinbosari R.S. Azimov va Oʻzbekiston Respublikasi Markaziy banki raisi F.M. Mullajonov zimmasiga yuklansin.

Oʻzbekiston Respublikasining Prezidenti                                  I. Karimov

"Oʻzbekiston Respublikasi Oliy Majlisi palatalarining Aхborotnomasi", 2008 yil, 12-son, 692-modda