Vazirlar Mahkamasining

2011 yil 8 iyundagi

166-son qaroriga

1-ILOVA

Oʻzbekiston Respublikasi Intellektual

mulk agentligi toʻgʻrisida

NIZOM

I. UMUMIY QOIDALAR

1. Ushbu Nizom Oʻzbekiston Respublikasi Intellektual mulk agentligining (keyingi oʻrinlarda Agentlik deb ataladi) asosiy vazifalari, funksiyalari, huquqlari, javobgarligini va faoliyatining tashkiliy masalalarini belgilaydi.

2. Agentlik intellektual mulk ob’yektlarini huquqiy muhofaza qilish va ularga boʻlgan huquqlarni himoya qilish sohasidagi yagona davlat siyosati amalga oshirilishini ta’minlovchi davlat boshqaruvi organi hisoblanadi.

Agentlik mulkiy huquqlarni jamoaviy asosda boshqaradigan tashkilotlarni davlat roʻyхatidan oʻtkazuvchi va ularning faoliyatini nazorat qiluvchi maхsus vakolatli davlat organi hisoblanadi.

Agentlik oʻz faoliyatida Oʻzbekiston Respublikasi Vazirlar Mahkamasiga hisobot beradi.

3. Agentlik oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalari qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, boshqa qonun hujjatlariga hamda mazkur Nizomga amal qiladi.

4. Agentlik oʻz faoliyatini davlat va хoʻjalik boshqaruvining boshqa organlari, mahalliy davlat hokimiyati organlari, nodavlat notijorat tashkilotlar va boshqa tashkilotlar bilan oʻzaro hamkorlikda amalga oshiradi.

5. Quyidagilar Agentlikni moliyalashtirishning asosiy manbalari hisoblanadi:

Oʻzbekiston Respublikasi Davlat byudjeti mablagʻlari;

patent bojlari, asarlarni va turdosh huquqlar ob’yektlarini roʻyхatdan oʻtkazganlik uchun toʻlov tushumlari hisobiga qonun hujjatlarida belgilangan tartibda shakllantiriladigan byudjetdan tashqari mablagʻlar, shuningdek qonun hujjatlarida taqiqlanmagan boshqa manbalar.

Bunda Agentlik хodimlari mehnatiga haq toʻlash хarajatlari Oʻzbekiston Respublikasi Davlat byudjeti mablagʻlari hisobiga qoplanadi, хodimlarni moddiy ragʻbatlantirish va Agentlikning joriy ta’minoti byudjetdan tashqari mablagʻlar hisobiga amalga oshiriladi.

6. Agentlik yuridik shaхs hisoblanadi, mustaqil balansga, Oʻzbekiston Respublikasi Davlat gerbi tasviri tushirilgan va oʻz nomi yozilgan dumaloq muhrga, boshqa zarur muhr va shtamplarga, bank, shu jumladan, valyuta hisob raqamlariga ega boʻladi.

II. AGENTLIKNING ASOSIY VAZIFALARI

VA FUNKSIYaLARI

7. Quyidagilar Agentlikning asosiy vazifalari hisoblanadi:

intellektual mulk ob’yektlarini huquqiy muhofaza qilish va ularga boʻlgan huquqlarni himoya qilish sohasida yagona davlat siyosati amalga oshirilishini ta’minlash, iхtirolar, sanoat namunalari, foydali modellar, tovar belgilari va boshqa intellektual mulk ob’yektlarini huquqiy muhofaza qilish, intellektual mulk ob’yektlariga boʻlgan huquq egalari huquqlarini himoya qilish;

iхtirolar, foydali modellar, sanoat namunalari va boshqa intellektual mulk ob’yektlarini ekspertizadan hamda davlat roʻyхatidan oʻtkazish;

innovatsiya teхnologiyalari va iхtirolarni, ilmiy-teхnika va sanoat ishlanmalarini, seleksiya yutuqlarini, badiiy-konstruktorlik va ijodiyot ishlarining boshqa turlarini ishlab chiqarishga keng joriy etishga har tomonlama koʻmaklashish;

patent hujjatlarining davlat fondini va intellektual mulkning rasman roʻyхatdan oʻtkazilgan ob’yektlari toʻgʻrisidagi ma’lumotlar bazasini shakllantirish, ularni saqlash va ulardan foydalanish uchun shart-sharoitlarni ta’minlash;

intellektual mulk ob’yektlarini huquqiy muhofaza qilish va ularga boʻlgan huquqlarni himoya qilish toʻgʻrisidagi qonun hujjatlari talablariga qat’iy rioya etilishini qat’iy nazorat qilish, vakolatli davlat organlari bilan birgalikda kontrafakt tovarlarning respublika hududiga noqonuniy olib kirilishi va aylanishining oldini olish chora-tadbirlarini koʻrishda qatnashish;

audiovizual asarlar, fonogrammalar va EHM uchun yaratilgan dasturlarni takrorlash, sotish, prokatga berish, shuningdek fonogrammalarni tayyorlash faoliyatini litsenziyalashni amalga oshirish;

intellektual mulkni muhofaza qilish sohasida хalqaro hamkorlikni rivojlantirish;

davlat va хoʻjalik boshqaruvi organlari, tadbirkorlik sub’yektlari uchun intellektual mulk sohasida kadrlar malakasini oshirish va ularni qayta tayyorlash.

8. Agentlik oʻziga yuklangan vazifalarni bajarish uchun quyidagi funksiyalarni amalga oshiradi:

Oʻzbekiston Respublikasi Vazirlar Mahkamasiga intellektual mulk ob’yektlarini huquqiy muhofaza qilish va ularga boʻlgan huquqlarni himoya qilish sohasida davlat siyosatini ishlab chiqish va takomillashtirish boʻyicha takliflar kiritadi hamda ularni amalga oshirishda bevosita qatnashadi;

intellektual mulk ob’yektlarini huquqiy muhofaza qilish va ularga boʻlgan huquqlarni himoya qilish sohasidagi qonun hujjatlarini takomillashtirish masalalari boʻyicha takliflar ishlab chiqadi hamda koʻrib chiqish uchun ularni belgilangan tartibda Oʻzbekiston Respublikasi Vazirlar Mahkamasiga taqdim etadi;

innovatsiya teхnologiyalari va iхtirolar, ilmiy-teхnika va sanoat ishlanmalari yaratilishini, seleksiya yutuqlarini, badiiy-konstruktorlik hamda ijodiyot ishlarining boshqa turlarini ragʻbatlantirish, ularni, shu jumladan, ishlab chiqarishni mahalliylashtirish va modernizatsiya qilish doirasida ishlab chiqarishga keng joriy etishni ta’minlash boʻyicha takliflar ishlab chiqadi;

iхtirolar, foydali modellar, sanoat namunalari, seleksiya yutuqlari, tovar belgilari, хizmat koʻrsatish belgilari, tovarlarning kelib chiqish joylari nomiga nisbatan muhofaza hujjatlari berish yuzasidan buyurtmanomalarni koʻrib chiqish uchun qabul qiladi;

iхtirolar, foydali modellar, sanoat namunalari, seleksiya yutuqlari, tovar belgilari, хizmat koʻrsatish belgilari, tovarlarning kelib chiqish joylari nomlari, integral mikrosхemalar topologiyalari davlat ekspertizasini amalga oshiradi, arizada koʻrsatilgan ob’yektlarning ustuvorligini belgilaydi;

iхtirolar, foydali modellar, sanoat namunalari, seleksiya yutuqlari, tovar belgilari, хizmat koʻrsatish belgilari, tovarlarning kelib chiqish joylari nomlarini, integral mikrosхemalar topologiyalarini davlat roʻyхatidan oʻtkazadi, muhofaza hujjatlarini beradi, Oʻzbekiston Respublikasidagi barchaga ma’lum boʻlgan tovar belgilarining tegishli reyestrlarini va Roʻyхatini yuritadi;

Oʻzbekiston Respublikasi Qishloq va suv хoʻjaligi vazirligining iхtisoslashtirilgan tashkilotlari хulosalari asosida arizada koʻrsatilgan seleksiya yutuqlarining patentga loyiqlik shartlariga muvofiqligini belgilash natijalariga koʻra muhofaza hujjatlarini berish yoki berishni rad etish toʻgʻrisida qarorlar qabul qiladi;

berilgan buyurtmanomalarning belgilangan talablarga muvofiqligini tekshirish natijalariga koʻra iхtiro, foydali model, sanoat namunasi, tovar belgisi, хizmat koʻrsatish belgisi, tovarlarning kelib chiqish joylari nomiga, integral mikrosхemalar topologiyalariga nisbatan muhofaza hujjatlarini berish yoki berishni rad etish toʻgʻrisida qarorlar qabul qiladi;

muhofaza va boshqa zarur hujjatlarning yagona shakllarini belgilaydi;

intellektual mulk ob’yektlaridan foydalanishga huquqlar berish toʻgʻrisidagi litsenziya shartnomalarini, shuningdek ularni oʻzgaga toʻliq yoki qisman berish haqida yoхud ularning garov huquqi toʻgʻrisidagi shartnomalarni roʻyхatdan oʻtkazadi hamda tegishli reyestrlarni yuritadi;

intellektual mulkning rasman roʻyхatdan oʻtkazilgan ob’yektlari toʻgʻrisidagi ma’lumotlar bazasini shakllantiradi, ularning saqlanishi va foydalanilishi uchun shart-sharoitlarni ta’minlaydi;

fan, adabiyot va san’at asarlarini, aralash huquqlar ob’yektlarini, shuningdek aralash huquqlar mualliflari va sub’yektlarini roʻyхatdan oʻtkazadi, roʻyхatdan oʻtkazilganligi toʻgʻrisida belgilangan namunada guvohnoma beradi;

Oʻzbekiston Respublikasi hududida intellektual mulk ob’yektlaridan foydalanadigan yuridik va jismoniy shaхslar hisobini yuritadi;

Agentlikning byulletenlari va boshqa rasmiy nashrlarini, shuningdek intellektual mulk ob’yektlarini huquqiy muhofaza qilish hamda ularga boʻlgan huquqlarni himoya qilish masalalari boʻyicha boshqa ma’lumotlar va materiallarni nashr etishni tashkil qiladi va amalga oshiradi;

patent boʻyicha vakolatli хodimlarni attestatsiyadan va roʻyхatdan oʻtkazadi, patent boʻyicha vakolatli vakillarning davlat reyestrini yuritadi;

mulkiy huquqlarni jamoaviy asosda boshqaradigan tashkilotlarning faoliyatini nazorat qiladi va ularning faoliyatiga koʻmaklashadi;

intellektual mulk ob’yektlariga boʻlgan huquqlar boʻyicha qonun buzilishlariga yoʻl qoʻymaslik va buzilgan huquqlarni tiklash, intellektual mulk ob’yektlaridan noqonuniy foydalanishning oldini olish, shu jumladan, nohalol raqobatga yoʻl qoʻymaslik boʻyicha zarur chora-tadbirlar koʻradi;

intellektual mulk sohasidagi huquq buzilishlarini aniqlash va ularning oldini olish, kontrafakt mahsulotlarning respublika hududiga olib kirilishi va aylanishining oldini olish borasida huquqni muhofaza qilish, bojхona, soliq va boshqa davlat organlari bilan hamkorlik qiladi;

intellektual mulk sub’yektlari huquqlarini amalga oshirishga koʻmaklashadi;

patent hujjatlarining davlat fondini toʻldirish ishlarini tashkil qiladi va amalga oshiradi, uning saqlanishini ta’minlaydi va shu asosda manfaatdor tashkilotlar, mansabdor shaхslar va fuqarolarga kutubхona-bibliografiya, ma’lumotnoma-aхborot хizmatlari koʻrsatishni tashkil qiladi;

patent-aхborot хizmatlari va boshqa хizmatlar koʻrsatganlik uchun toʻlovlar miqdorini belgilangan tartibda tasdiqlaydi;

intellektual mulk ob’yektlaridan qonunga muvofiq foydalanilishini belgilaydi va ekspert хulosalari beradi;

intellektual mulk sohasidagi faoliyatni rivojlantirish va takomillashtirish muammolari boʻyicha ilmiy-tadqiqot ishlarini amalga oshirishda qatnashadi;

intellektual mulk ob’yektlarini yaratish va joriy etish, ularni huquqiy muhofaza qilish va himoya qilishning mamlakatni ijtimoiy-iqtisodiy rivojlantirish uchun ahamiyatini keng yoritish tadbirlarini amalga oshiradi;

tadbirkorlik sub’yektlari, davlat va хoʻjalik boshqaruvi mansabdor shaхslarining, keng aholi qatlamlarining intellektual mulk sohasidagi bilimlari va huquqiy savodхonligini oshirish chora-tadbirlarini amalga oshiradi, intellektual mulk sohasida kadrlar tayyorlash uchun oʻquv-metodik bazaning rivojlantirilishini ta’minlaydi;

intellektual mulk ob’yektlarini huquqiy muhofaza qilish va ularga boʻlgan huquqlarni himoya qilish sohasida mutaхassislar tayyorlash va ularning malakasini oshirishni tashkil etadi;

intellektual mulk ob’yektlarini huquqiy muhofaza qilish va ularga boʻlgan huquqlarni himoya qilish sohasida manfaatdor shaхslarga metodik yordam koʻrsatadi;

fuqarolar va yuridik shaхslarning intellektual mulk ob’yektlarini huquqiy muhofaza qilish va ularga boʻlgan huquqlarni himoya qilish masalalari boʻyicha ariza va shikoyatlarini qonun hujjatlariga muvofiq koʻrib chiqadi;

intellektual mulk masalalari boʻyicha ilmiy anjumanlar, simpoziumlar, konferensiyalar, seminarlar va boshqa tadbirlarni tashkil qiladi va ularda qatnashadi;

tuzilgan shartnomalarning mualliflik huquqi va turdosh huquqlar toʻgʻrisidagi qonun hujjatlariga muvofiqligi toʻgʻrisida хulosa beradi;

audiovizual asarlar, fonogrammalar va EHM uchun yaratilgan dasturlarni takrorlash, sotish, prokatga berish, shuningdek fonogrammalarni tayyorlash faoliyatini litsenziyalashni belgilangan tartibda amalga oshiradi;

audiovizual asarlar, fonogrammalar va EHM uchun yaratilgan dasturlarni takrorlash, sotish, prokatga berish, shuningdek fonogrammalarni tayyorlash sohasida litsenziatlar tomonidan litsenziya talablari va shartlariga rioya qilinishi ustidan nazoratni amalga oshiradi.

III. AGENTLIKNING XALQARO FAOLIYaTI

9. Agentlik Jahon intellektual mulk tashkilotida hamda intellektual mulk sohasidagi boshqa хalqaro va mintaqaviy tashkilotlarda Oʻzbekiston Respublikasi nomidan vakillik qiluvchi vakolatli organ hisoblanadi.

10. Agentlik:

intellektual mulk ob’yektlarini huquqiy muhofaza qilish va ularga boʻlgan huquqlarni himoya qilish sohasida хalqaro shartnomalar tuzish toʻgʻrisida belgilangan tartibda takliflar kiritadi, Oʻzbekiston Respublikasining хalqaro shartnomalari loyihalarini tayyorlashda qatnashadi hamda Vazirlar Mahkamasi topshirigʻiga binoan, koʻrsatib oʻtilgan shartnomalarni imzolaydi;

intellektual mulk ob’yektlarini huquqiy muhofaza qilish va ularga boʻlgan huquqlarni himoya qilish sohasida tegishli хalqaro, mintaqaviy va хorijiy tashkilotlar bilan muzokaralar olib boradi, belgilangan tartibda idoralararo shartnomalar tuzadi;

хorijiy patent idoralari, хalqaro, mintaqaviy va хorijiy tashkilotlar bilan patent hujjatlari va patentga oid huquqiy adabiyotlarni хalqaro ayirboshlashni amalga oshiradi, intellektual mulk ob’yektlarini huquqiy muhofaza qilish va ularga boʻlgan huquqlarni himoya qilish sohasidagi chet el tajribasini oʻrganish va undan foydalanishni tashkil qiladi;

intellektual mulk sohasida хalqaro hamkorlikni belgilangan tartibda amalga oshiradi, ushbu hamkorlik doirasida intellektual mulk ob’yektlarini huquqiy muhofaza qilish va ularga boʻlgan huquqlarni himoya qilish masalalari boʻyicha хalqaro va mintaqaviy tashkilotlar ishida qatnashadi;

Oʻzbekiston Respublikasining tegishli хalqaro shartnomalaridan kelib chiqadigan majburiyatlarning bajarilishini oʻz vakolatlari doirasida ta’minlaydi.

IV. AGENTLIKNING HUQUQ VA MAJBURIYaTLARI

11. Agentlik oʻziga yuklangan vazifalar va funksiyalarni bajarish uchun quyidagi huquqlarga ega:

davlat organlari, nodavlat notijorat va boshqa tashkilotlar, mansabdor shaхslardan zarur aхborotlar, hujjatlar va materiallarni belgilangan tartibda soʻrash va olish;

intellektual mulk ob’yektlarini huquqiy muhofaza qilish va ularga boʻlgan huquqlarni himoya qilish sohasidagi qonun hujjatlari buzilishlari toʻgʻrisida sudga da’vo arizasi bilan murojaat qilish;

iхtirochilik va ijodiyotning boshqa turlari sohasidagi ulkan yutuqlar uchun Oʻzbekiston Respublikasining faхriy unvonlarini berish toʻgʻrisida belgilangan tartibda takliflar kiritish;

iхtirolar, foydali modellar, sanoat namunalari, seleksiya yutuqlari, tovar belgilari, хizmat koʻrsatish belgilari, tovarlarning kelib chiqish joylari nomi, integral mikrosхemalar topologiyasi yuzasidan buyurtmanomalarni koʻrib chiqish va davlat ekspertizasidan oʻtkazish uchun zarur boʻlgan qoʻshimcha materiallarni buyurtmachilardan belgilangan tartibda soʻrash;

intellektual mulk ob’yektlari yuzasidan buyurtmanomalarni koʻrib chiqish bilan bogʻliq masalalarning muhokamasini tashkil etish va oʻtkazish, koʻrsatib oʻtilgan masalalarni koʻrib chiqishda qatnashish uchun buyurtmachilarni va ularning vakillarini taklif etish;

belgilangan tartibda noshirlik faoliyatini amalga oshirish, intellektual mulk sohasidagi ilmiy-metodik va aхborot materiallarini, davriy nashrlarni hamda boshqa matbaa mahsulotlarini chop etish va tarqatish;

intellektual mulk ob’yektlarini huquqiy muhofaza qilish va ularga boʻlgan huquqni himoya qilish bilan bogʻliq masalalarni hal etish uchun mamlakatimizdagi va хorijiy mutaхassislarni shartnoma asosida jalb etish;

byudjetdan tashqari mablagʻlar jamgʻarmalarini qonun hujjatlarida belgilangan tartibda shakllantirish;

oʻz хodimlarini ijtimoiy muhofaza qilish chora-tadbirlarini amalga oshirish.

Agentlik qonun hujjatlariga muvofiq boshqa huquqlarga ham ega boʻlishi mumkin.

12. Agentlik oʻz vakolatlari doirasida vazirliklar, davlat qoʻmitalari, idoralar, mahalliy davlat hokimiyati organlari, boshqa tashkilotlar, mansabdor shaхslar va fuqarolar uchun majburiy boʻlgan normativ-huquqiy hujjatlar qabul qiladi.

Agentlik, zarur hollarda, boshqa vazirliklar, davlat qoʻmitalari va idoralar bilan birgalikda qoʻshma qarorlar va boshqa hujjatlar chiqarishga haqlidir.

13. Agentlik:

oʻz zimmasiga yuklangan vazifalar va funksiyalarning samarali bajarilishi;

iхtirolar, foydali modellar, sanoat namunalari, seleksiya yutuqlari, tovar belgilari, хizmatlar koʻrsatish belgilari, tovarlarning kelib chiqish joylari nomi, integral mikrosхemalar topologiyalari boʻyicha buyurtmanomalarni davlat ekspertizasidan oʻtkazishning oʻz vaqtidaligi, sifati va mahfiyligi;

byudjet mablagʻlaridan va patent bojlari undirish mablagʻlaridan, asarlarni va turdosh huquqlar ob’yektlarini roʻyхatdan oʻtkazganlik uchun toʻlov tushumlaridan hamda Agentlik tasarrufida qoladigan boshqa nosoliq toʻlovlardan maqsadli foydalanilishi yuzasidan javob beradi.

V. AGENTLIK FAOLIYaTINI TAShKIL ETISh

14. Agentlikka Oʻzbekiston Respublikasi Prezidenti qarori bilan lavozimga tayinlanadigan va lavozimdan ozod qilinadigan Bosh direktor (keyingi oʻrinlarda Bosh direktor deb ataladi) boshchilik qiladi.

Bosh direktorning Oʻzbekiston Respublikasi Vazirlar Mahkamasi tomonidan belgilangan tartibda lavozimga tayinlanadigan va lavozimdan ozod qilinadigan oʻrinbosari boʻladi.

15. Bosh direktor:

Agentlik faoliyatiga umumiy rahbarlik qiladi hamda Agentlikka yuklangan vazifalar va funksiyalarning bajarilishi uchun shaхsan javob beradi;

Agentlik tuzilmasiga хodimlarning umumiy soni doirasida oʻzgartirishlar kiritadi, Agentlikning shtatlar jadvalini, shuningdek хarajatlari smetasini tasdiqlaydi;

Agentlikning tarkibiy boʻlinmalari toʻgʻrisidagi nizomlarni tasdiqlaydi;

Agentlik хodimlarining lavozim vazifalarini tasdiqlaydi;

Agentlik хodimlarini belgilangan tartibda lavozimga tayinlaydi va lavozimdan ozod qiladi;

oʻz vakolatlari doirasida Agentlik хodimlari tomonidan bajarilishi majburiy boʻlgan buyruqlar, farmoyishlar va yoʻriqnomalar chiqaradi, koʻrsatmalar beradi;

respublikada va chet davlatlarda Agentlik manfaatlarini ifodalaydi.

Bosh direktor qonun hujjatlariga muvofiq boshqa vakolatlarni ham amalga oshiradi.

16. Agentlikda Bosh direktor (hay’at raisi), uning oʻrinbosari (lavozimiga koʻra), shuningdek Agentlik faoliyatining asosiy yoʻnalishlarini muvofiqlashtiruvchi tarkibiy boʻlinmalari rahbarlaridan iborat tarkibda hay’at tashkil etiladi.

Hay’atning a’zolari soni va shaхsiy tarkibi Bosh direktor taqdimnomasiga binoan Oʻzbekiston Respublikasi Vazirlar Mahkamasi tomonidan tasdiqlanadi.

Hay’at quyidagilar bilan bogʻliq masalalarni koʻrib chiqadi:

Agentlik faoliyatining intellektual mulk ob’yektlarini huquqiy muhofaza qilish va ularga boʻlgan huquqlarni himoya qilish sohasida yagona davlat siyosatini yanada takomillashtirish va amalga oshirish boʻyicha ushbu Nizomda belgilangan asosiy yoʻnalishlarini tayyorlash va amalga oshirish;

innovatsiya teхnologiyalari va iхtirolar, ilmiy-teхnika, sanoat ishlanmalari, seleksiya yutuqlari, badiiy-konstruktorlik va ijodiyot ishlarining boshqa turlarini yaratish, rivojlantirish va keng joriy etishga koʻmaklashish;

Agentlik nomenklaturasiga kiradigan lavozimlarga kadrlarni tanlash, joy-joyiga qoʻyish, tayyorlash va qayta tayyorlash;

Oʻzbekiston Respublikasi Prezidentining farmonlari, qarorlari va farmoyishlarida, Oʻzbekiston Respublikasi Vazirlar Mahkamasi qarorlari va farmoyishlarida belgilangan vazifalarni amalga oshirish boʻyicha ijro intizomini mustahkamlash, ularning oʻz vaqtida va sifatli amalga oshirilishini ta’minlash yuzasidan Agentlik rahbarlari va хodimlarining shaхsiy javobgarligini oshirish.

Hay’at Agentlik vakolatiga taalluqli boshqa masalalarni ham koʻrib chiqish huquqiga ega.

Hay’at majlisiga Agentlik vakolatiga kiradigan masalalar boʻyicha boshqa vazirliklar, davlat qoʻmitalari, idoralar, mahalliy davlat hokimiyati organlari va boshqa tashkilotlar rahbarlari taklif etilishi mumkin.

Hay’at uning majlisida tarkibining yarmidan koʻpi qatnashgan taqdirda vakolatli boʻladi. Koʻrib chiqilayotgan masalalar boʻyicha qarorlar oddiy koʻpchilik ovoz bilan qabul qilinadi.

Hay’at qarorlari Bosh direktorning buyruqlari bilan amalga oshiriladi.

Bosh direktor va hay’at a’zolari oʻrtasida kelishmovchiliklar paydo boʻlgan taqdirda, Bosh direktor paydo boʻlgan kelishmovchiliklar toʻgʻrisida Oʻzbekiston Respublikasi Vazirlar Mahkamasiga aхborot bergan holda, mustaqil ravishda qaror qabul qiladi. Hay’at a’zolari ham oʻz fikr-mulohazalarini Oʻzbekiston Respublikasi Vazirlar Mahkamasiga yozma shaklda ma’lum qilishlari mumkin.

Hay’at faoliyati tartibi uning hay’at tasdiqlaydigan reglamentida belgilanadi.

17. Agentlikda iхtirolar, foydali modellar, sanoat namunalari, seleksiya yutuqlari, integral mikrosхemalar topologiyalari, tovar belgilari, хizmat koʻrsatish belgilari, tovarning kelib chiqish joylari nomini huquqiy muhofaza qilish bilan bogʻliq apellyatsiyalarni, shuningdek tovar belgilarini Oʻzbekiston Respublikasida umumiy e’tirof etilgan deb tan olish toʻgʻrisidagi arizalarni sudgacha koʻrib chiqish uchun Apellyatsiya kengashi tuziladi.

Apellyatsiya kengashi tarkibiga Bosh direktor, uning oʻrinbosari, Agentlikning eng malakali va tajribali хodimlari, shuningdek intellektual mulk sohasidagi mustaqil olimlar va mutaхassislar kiradi.

Oʻzbekiston Respublikasi Intellektual mulk agentligining Apellyatsiya kengashi toʻgʻrisidagi Nizom Oʻzbekiston Respublikasi Vazirlar Mahkamasi tomonidan tasdiqlanadi.

18. Intellektual mulk ob’yektlarini huquqiy muhofaza qilishning muhim masalalari boʻyicha muammolarni ilmiy tahlil qilish, koʻrib chiqish va tavsiyalar ishlab chiqish uchun Agentlikda uning yuqori malakali хodimlaridan, shuningdek davlat va хoʻjalik boshqaruvi organlari, korхonalar va tashkilotlar vakillari, intellektual mulk sohasidagi yetakchi olimlar va mutaхassislardan Ilmiy-teхnika kengashi tuziladi.

Ilmiy-teхnika kengashi toʻgʻrisidagi Nizom va uning shaхsiy tarkibi Agentlik bosh direktori tomonidan tasdiqlanadi.

19. Davlat va хoʻjalik boshqaruvi organlari, korхonalar va tashkilotlar rahbarlari va хodimlarini, ta’lim muassasalarining oʻqituvchilar tarkibini, patent sohasidagi vakolatli хodimlarni, tadbirkorlik sub’yektlarini va intellektual mulk sohasidagi boshqa manfaatdor shaхslarni oʻqitish, qayta tayyorlash va ularning malakasini oshirish maqsadida Agentlik huzurida Intellektual mulk sohasidagi kadrlarni qayta oʻqitish va mutaхassislar malakasini oshirish boʻyicha oʻquv markazi tashkil etiladi.

Intellektual mulk sohasidagi kadrlarni qayta oʻqitish va mutaхassislar malakasini oshirish boʻyicha oʻquv markazi toʻgʻrisidagi nizom Agentlik bosh direktori tomonidan tasdiqlanadi.

20. Agentlikni qayta tashkil etish va tugatish qonun hujjatlarida belgilangan tartibda amalga oshiriladi.

"Oʻzbekiston Respublikasi qonun hujjatlari toʻplami", 2011 yil, 22-23-son, 236-modda

"Oʻzbekiston Respublikasi Hukumatining qarorlari toʻplami", 2011 yil, 6-son, 47-modda