Oʻzbekiston Respublikasi Vazirlar Mahkamasining 02.03.2001 y. 107-son "Oʻzbekiston Respublikasi Favqulodda vaziyatlar vazirligi toʻgʻrisidagi nizomga qoʻshimchalar kiritish haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
02.03.2001 y.
N 107
OʻZBEKISTON RESPUBLIKASI
FAVQULODDA VAZIYaTLAR VAZIRLIGI
TOʻGʻRISIDAGI NIZOMGA QOʻShIMChALAR
KIRITISh HAQIDA
"Terrorizmga qarshi kurash toʻgʻrisida"gi Oʻzbekiston Respublikasi Qonuniga muvofiq Vazirlar Mahkamasi QAROR QILADI:
Vazirlar Mahkamasining "Oʻzbekiston Respublikasi Favqulodda vaziyatlar vazirligining faoliyatini tashkil etish masalalari toʻgʻrisida" 1996 yil 11 apreldagi 143-son qarori bilan tasdiqlangan Oʻzbekiston Respublikasi Favqulodda vaziyatlar vazirligi toʻgʻrisidagi Nizomga quyidagi qoʻshimchalar kiritilsin:
4-bandning oltinchi хat boshi "shuningdek, terrorchilar harakat qilayotgan zonada joylashgan alohida muhim, kategoriyalangan va boshqa ob’yektlarning barqaror ishlashini, terrorchilik harakatlari oqibatlarining tugatilishini" soʻzlari bilan toʻldirilsin;
6-bandning ikkinchi хat boshi "halokatlar" soʻzidan soʻng "terrorchilik harakatlari" soʻzlari qoʻshilsin.
Oʻzbekiston Respublikasining Bosh vaziri Oʻ. Sultonov
"Oʻzbekiston Respublikasi qonunlar toʻplami" 2001 y., 5-son