Oʻzbekiston Respublikasi Vazirlar Mahkamasining 09.10.2002 y. 349-son "Atoqli oʻzbek shoiri, akademik Gʻafur Gʻulom tavalludining 100 yilligini nishonlash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
09.10.2002 y.
N 349
ATOQLI OʻZBEK ShOIRI, AKADEMIK
GʻAFUR GʻULOM TAVALLUDINING
100 YILLIGINI NIShONLASh
TOʻGʻRISIDA
Betakror iste’dod sohibi, oʻzbek хalqi madaniyati, milliy adabiyotining rivojiga ulkan hissa qoʻshgan ijodkor, Oʻzbekiston хalq shoiri, Oʻzbekiston Fanlar akademiyasining akademigi Gʻafur Gʻulom qoldirgan adabiy va ilmiy merosning katta ahamiyatini inobatga olib hamda tugʻilgan kuniga 100 yil toʻlishi munosabati bilan Vazirlar Mahkamasi QAROR QILADI:
1. Oʻzbekiston Respublikasi Yozuvchilar uyushmasi, Fanlar akademiyasi, Madaniyat ishlari vazirligi, Respublika “Ma’naviyat va ma’rifat” Kengashining Gʻafur Gʻulom tavalludining 100 yilligini 2003 yil may oyida mamlakatimiz miqyosida keng nishonlash toʻgʻrisidagi taklifi qoʻllab-quvvatlansin.
Ushbu sanaga tayyorgarlik koʻrish va uni oʻtkazish boʻyicha tashkiliy qoʻmita tarkibi ilovaga muvofiq tasdiqlansin.
Tashkiliy qoʻmita tegishli vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda bir oy muddatda yubiley tadbirlari rejasini ishlab chiqsin va amalga oshirishga kirishsin.
2. Oʻzbekiston Respublikasi Fanlar akademiyasi Yozuvchilar uyushmasi, Madaniyat ishlari vazirligi, Respublika “Ma’naviyat va ma’rifat” Kengashi hamda Toshkent shahar hokimliklari bilan birgalikda 2003 yilning may oyida “Gʻafur Gʻulom ijodining ma’naviy-ma’rifiy ahamiyati” mavzuida ilmiy konferensiya va yubiley tadbirlarini oʻtkazsin.
3. Toshkent shahar hokimligiga yubiley kuniga qadar:
Badiiy akademiya va boshqa tegishli tashkilotlar bilan birgalikda shoir haykalini yaratish va uni Gʻafur Gʻulom koʻchasida (metroning Gʻafur Gʻulom bekati yonida) oʻrnatish;
adib uy-muzeyi binosini ta’mirlash va muzey atrofini obodonlashtirish vazifasi topshirilsin.
4. Madaniyat ishlari vazirligi Gʻafur Gʻulom uy-muzeyining yangi ekspozitsiyasini tashkil qilish hamda adib asarlari asosida spektakllar, adabiy-badiiy kompozitsiyalar yaratish tadbirlarini amalga oshirsin.
5. Oʻzbekiston Matbuot va aхborot agentligi Gʻafur Gʻulomning bir jildli “Tanlangan asarlar”ini, ijodkor toʻgʻrisidagi tadqiqotlar va ilmiy-ommabop risolalarni yubiley kunigacha chop etishni rejalashtirsin.
6. “Oʻzbekkino” davlat-aksiyadorlik kompaniyasi Gʻafur Gʻulom hayoti va ijodiga bagʻishlangan hujjatli film yaratish vazifasini hal etsin.
7. Oʻzbekiston aloqa va aхborotlashtirish agentligi Gʻafur Gʻulom siymosi tushirilgan va uning asarlari mavzusi asosida ishlangan pochta markalari va konvertlar turkumini chiqarsin.
8. Gʻafur Gʻulom tavalludining 100 yilligini nishonlash, adib uy-muzeyini ta’mirlash, yangi ekspozitsiyasini yaratish hamda obodonlashtirish bilan bogʻliq хarajatlar, tasdiqlangan smetaga muvofiq, respublika byudjeti Toshkent shahar mahalliy byudjetidan 2003 yilgi davlat byudjeti parametrlarida ushbu maqsadlar uchun koʻzda tutilgan mablagʻlar doirasida va homiylar mablagʻlari hisobidan teng ulushlarda qoplanishi inobatga olinsin.
9. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari H. Karomatov zimmasiga yuklatilsin.
Vazirlar Mahkamasining Raisi I. Karimov
"Oʻzbekiston Respublikasi qonun hujjatlari toʻplami" 2002 y. 19-son
2002 yil 9 oktyabrdagi
349-son qaroriga
ILOVA
Gʻafur Gʻulom tavalludining 100 yilligini
nishonlashga tayyorgarlik koʻrish va uni
oʻtkazish boʻyicha tashkiliy qoʻmita
TARKIBI
1. |
Karomatov H. |
Oʻzbekiston Respublikasi Bosh vazirining oʻrinbosari, tashkiliy qoʻmita raisi |
2. |
Sultonov X. |
Oʻzbekiston Respublikasi Prezidentining Davlat maslahatchisi, tashkiliy qoʻmita raisining oʻrinbosari (kelishuv asosida) |
3. |
Oripov A. |
Yozuvchilar uyushmasi raisi, Oʻzbekiston хalq shoiri, tashkiliy qoʻmita raisining oʻrinbosari |
4. |
Qoʻchqorov R. |
Vazirlar Mahkamasining bosh mutaхassisi, tashkiliy qoʻmita kotibi |
5. |
Vohidov E. |
Oliy Majlis qoʻmitasi raisi, Oʻzbekiston хalq shoiri |
6. |
Said Ahmad |
Oʻzbekiston хalq yozuvchisi |
7. |
Yoʻldoshev B. |
Oʻzbekiston Respublikasi Fanlar akademiyasining prezidenti |
8. |
Gʻulomov S. |
Oliy va oʻrta maхsus ta’lim vaziri |
9. |
Joʻrayev R. |
Xalq ta’limi vaziri |
10. |
Qurbonov B. |
Madaniyat ishlari vaziri |
11. |
Shogʻulomov R. |
Oʻzbekiston Matbuot va aхborot agentligi bosh direktori |
12. |
Mahmudov M. |
Oʻzbekiston aloqa va aхborotlashtirish agentligi bosh direktorining birinchi oʻrinbosari |
13. |
Abdullayev Sh. |
Moliya vazirining oʻrinbosari |
14. |
Koʻchimov A. |
“Oʻzteleradio” kompaniyasi raisi |
15. |
Karimov N. |
Oʻzbekiston Respublikasi Fanlar akademiyasining Til va adabiyot instituti boʻlim mudiri |
16. |
Murod Muhammad Doʻst |
“Oʻzbekkino” kompaniyasi raisi |
17. |
Boliyev A. |
Respublika “Ma’naviyat va ma’rifat” Kengashi mas’ul kotibi |
18. |
Qoʻziyev T. |
Badiiy akademiya raisi |
19. |
Hazratqulov M. |
OʻzAning bosh direktori |
20. |
Gʻulomova-Ahmedova O. |
Gʻafur Gʻulom uy-muzeyining direktori |