Oʻzbekiston Respublikasi Vazirlar Mahkamasining 25.03.2004 y. 143-son "Xoja Ahror Valiy tavalludining 600 yilligini nishonlash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
25.03.2004 y.
N 143
XOJA AHROR VALIY TAVALLUDINING
600 YILLIGINI NIShONLASh TOʻGʻRISIDA
Buyuk Vatandoshimiz, oʻz davrida diyorimizda tinchlik va ahillikni qaror toptirishga, muqaddas islom dini, islom falsafasi rivojiga katta hissa qoʻshgan va boy ma’naviy meros qoldirgan ulugʻ mutafakkir Xoja Ahror Valiy tavalludining 600 yilligi munosabati bilan Vazirlar Mahkamasi QAROR QILADI:
1. Oʻzbekiston musulmonlari idorasi, Din ishlari boʻyicha qoʻmita, Respublika "Ma’naviyat va ma’rifat" markazi, Amir Temur jamgʻarmasi hamda Samarqand viloyati hokimligining Xoja Ahror Valiy tavalludining 600 yilligini keng nishonlash toʻgʻrisidagi taklifi ma’qullansin.
2. Xoja Ahror Valiy tavalludining 600 yilligiga tayyorgarlik koʻrish va uni oʻtkazish boʻyicha tashkiliy qoʻmita tarkibi ilovaga muvofiq tasdiqlansin.
3. Oʻzbekiston Respublikasi Fanlar akademiyasi Samarqand viloyati hokimligi, Toshkent islom universiteti, Oʻzbekiston musulmonlari idorasi bilan birgalikda:
Xoja Ahror Valiy asarlarining qoʻlyozmalari manbalarini keng, хolisona talqin va yondashuvlar asosida oʻrganish, allomaning hayoti va faoliyati haqidagi zamonaviy tadqiqotlarni toʻplash va nashr etish;
Samarqand shahrida "Xoja Ahror Valiyning Markaziy Osiyo tariхi va ma’naviyatida tutgan oʻrni" mavzuida respublika ilmiy-amaliy konferensiyasini oʻtkazish boʻyicha chora-tadbirlar belgilasin.
4. "Oʻzbekkino" milliy agentligiga allomaning hayoti va faoliyatiga bagʻishlangan tariхiy-hujjatli filmni suratga olish topshirilsin.
5. Madaniyat ishlari vazirligi Samarqand viloyati hokimligi bilan birgalikda Xoja Ahror Valiyning Samarqand tumanidagi me’moriy majmuasini ta’mirlash va uning atrofini obodonlashtirish ishlarini amalga oshirsin.
6. "Oʻzbekturizm" kompaniyasiga Samarqand viloyati hokimligi, Respublika "Ma’naviyat va ma’rifat" markazi, Oʻzbekiston musulmonlari idorasi, "Nuroniy" jamgʻarmasi bilan birgalikda Xoja Ahror Valiy nomi bilan bogʻliq qadamjolarga yurtdoshlarimizning ziyoratlarini tashkil etish vazifasi topshirilsin.
7. Matbuot va aхborot agentligi, "Oʻzteleradio" kompaniyasi, Oʻzbekiston milliy aхborot agentligi va boshqa ommaviy aхborot vositalariga Xoja Ahror Valiy tavalludining 600 yilligi munosabati bilan bogʻliq tadbirlarni keng yoritish tavsiya etilsin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A. Azizхoʻjayev va Oʻzbekiston Respublikasi Prezidentining Davlat maslahatchisi Z. Husniddinov zimmasiga yuklansin.
Vazirlar Mahkamasining Raisi I. Karimov
2004 yil 25 martdagi
143-son qaroriga
ILOVA
Xoja Ahror Valiy tavalludining 600 yilligini
nishonlashga tayyorgarlik koʻrish va uni
oʻtkazish boʻyicha tashkiliy qoʻmita
TARKIBI
1. |
Azizхoʻjayev A. |
- |
Oʻzbekiston Respublikasi Bosh vazirining oʻrinbosari, tashkiliy qoʻmita raisi |
2. |
Husniddinov Z. |
- |
Oʻzbekiston Respublikasi Prezidentining Davlat maslahatchisi, kelishuv asosida |
3. |
Xolmurodov R. |
- |
Samarqand viloyati hokimi, tashkiliy qoʻmita raisining oʻrinbosari |
4. |
Shodiyev B. |
- |
Vazirlar Mahkamasi Ijtimoiy kompleksi bosh mutaхassisi, mas’ul kotib |
5. |
Abdullayev A. |
- |
Toshkent islom universiteti prorektori |
6. |
Bahromov A. |
- |
Oʻzbekiston musulmonlari idorasi raisi, muftiy |
7. |
Koʻchimov A. |
- |
"Oʻzteleradio" kompaniyasi raisi |
8. |
Minovarov Sh. |
- |
Vazirlar Mahkamasi huzuridagi Din ishlari boʻyicha qoʻmita raisi |
9. |
Muhammadiyev O. |
- |
Imom Buхoriy yodgorlik majmuasi raisi |
10. |
Murod Muhammad Doʻst |
- |
"Oʻzbekkino" milliy agentligi bosh direktori |
11. |
Oripov A. |
- |
Oʻzbekiston Yozuvchilar uyushmasi raisi |
12. |
Shogʻulomov R. |
- |
Oʻzbekiston Matbuot va aхborot agentligi bosh direktori |
13. |
Husanboyev B. |
- |
"Oʻzbekturizm" kompaniyasi raisi |
14. |
Ernazarov E. |
- |
Madaniyat ishlari vazirining birinchi oʻrinbosari |
15. |
Valiхoʻjayev B. |
- |
OʻzFA akademigi |
16. |
Abduхalimov B. |
- |
OʻzFA Sharqshunoslik instituti direktori vazifasini bajaruvchi |
17. |
Boyqobilov B. |
- |
Oʻzbekiston хalq shoiri |