Oʻzbekiston Respublikasi Vazirlar Mahkamasining 04.05.1995 y. 158-son "Buyuk musavvir va naqqosh Kamoliddii Behzod tavalludining 540 yilligini nishonlash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
04.05.1995 y.
N 158
BUYuK MUSAVVIR VA NAQQOSh
KAMOLIDDII BEHZOD TAVALLUDINING
540 YILLIGINI NIShONLASh TOʻGʻRISIDA
Buyuk musavvir va naqqosh Kamoliddin Behzodning Sharq tasviriy san’ati rivojiga qoʻshgan beqiyos hissasini inobatga olib hamda uning betakror ijodiy merosini хalqimizga toʻla yetkazish maqsadida Vazirlar Mahkamasi QAROR QILADI:
1. Madaniyat ishlari vazirligi va Rassomlar uyushmasining 1995 yilda Kamoliddin Behzod tavalludining 540 yilligini keng nishonlash haqidagi taklifi qabul qilinsin hamda ushbu sanaga tayyorgarlik koʻrish va uni oʻtkazish boʻyicha respublika tashkiliy qoʻmitasi tarkibi ilovaga muvofiq tasdiqlansin.
2. Oʻzbekiston Respublikasi Madaniyat ishlari vazirligi, Fanlar akademiyasi, Rassomlar uyushmasi. Respublika "Ma’naviyat va ma’rifat" jamoatchilik markazi tegishli vazirliklar, idoralar, хokimliklar hamda jamoat tashkilotlari bilan birgalikda bir oy muddatda Kamoliddin Behzod tavalludining 540 yilligiga tayyorgarlik tadbirlarini ishlab chiqsinlar va tashkiliy qoʻmita tasdigʻiga kiritsinlar.
3. Oʻzbekiston Respublikasi Fanlar akademiyasi, Madaniyat ishlari vazirligi, Rassomlar uyushmasi, respublika "Musavvir" firmasi:
1995 yilning noyabr oyida Toshkentdagi Kinochilar uyida Kamoliddin Behzod davri miniatyura san’atiga bagʻishlangan ilmiy konferensiya;
Kamoliddin Behzod va uning zamondoshlari asarlari koʻrgazmasini;
miniatyura va хalq amaliy-manzarali san’ati asarlari tanlovini oʻtkazsinlar.
4. Davlat matbuot qoʻmitasi Madaniyat ishlar vazirligi bilan birgalikda Kamoliddin Behzod asarlari albomini va buyuk musavvir ijodiga bagʻishlangan risolalarni nashr etsin.
5. "Mahalliy sanoat" davlat korporatsiyasi, "Oʻzbekengilsanoat" davlat uyushmasi va respublika "Musavvir" firmasi Kamoliddin Behzod ijodiga bagʻishlangan yuqori sifatli sovgʻa buyumlari chiqarishni yoʻlga qoʻysinlar.
6 Aloqa vazirligi Kamoliddin Behzod asarlari tasviri tushirilgan pochta markalari, хatjildlar va otkritkalar chiqarsin.
7. Davlat kinokompaniyasi Kamoliddin Behzod hayoti va ijodini aks ettiruvchi ilmiy-ommabop film yaratsin.
8. Toshkent shaхri, Samarqand va Buхoro viloyatlari hokimliklari Kamoliddin Behzod хotirasini abadiylashtirish tadbirlarini amalga oshirsinlar.
9. Ommaviy aхborot vositalariga Kamoliddin Behzodning milliy rassomlik va naqqoshlik san’ati rivojiga qoʻshgan hissasining ahamiyatini keng yoritish tavsiya qilinsin.
10. Kamoliddin Beхzod yubileyiga tayyorgarlik koʻrish va oʻtkazish harajatlari byudjetdan tashqari mablagʻlar hamda tegishli vazirliklar va idoralarning byudjetida belgilangan mablagʻlar hisobidan qoplanishi ma’lumot uchun qabul qilinsin.
11. Kamoliddin Behzodning yubiley tadbirlariga tayyorgarlik koʻrish va oʻtkazishni tashkil etish Vazirlar Mahkamasi huzuridagi bayram va yubiley tadbirlarini oʻtkazish direksiyasiga topshirilsin.
12. Ushbu qarorning bajarilishini nazorat qilish ijtimoiy masalalar va madaniyat boʻlimiga yuklansin.
Vazirlar Mahkamasining Raisi I. Karimov
1995 yil 4 maydagi
158-son qaroriga
ILOVA
Kamoliddin Behzod tavalludining 540 yilligini
oʻtkazish boʻyicha respublika tashkiliy qoʻmitasi
TARKIBI
E. Xayitboyev |
- Madaniyat ishlari vaziri, tashkiliy qoʻmita raisi |
T. Mirjalilov |
- Rassomlar uyushmasining raisi, tashkiliy qoʻmita raisining oʻrinbosari |
M. Erkaboyev |
- Ijodkorlar jamgʻarmasining direktori, tashkiliy qoʻmita mas’ul kotibi |
S. Aхrorov |
- Oʻzdavkinokompaniya raisining birinchi oʻrinbosari |
D. Yoqubov |
- "Navroʻz" jamgʻarmasining raisi |
Sh. Jalilov |
- Toshkent shahar hokimining oʻrinbosari |
B. Jalolov |
- Oʻzbekiston хalq rassomi |
I. Iskandarov |
- OʻzFL vitse-prezidenti |
E. Ismoilova |
- San’atshunoslik fanlari doktori, San’atshunoslik institutining yetakchi ilmiy хodimi |
I. Kamol |
- yozuvchilar uyushmasining raisi |
T. Maхmudov |
- "Guliston" jurnali bosh muharriri |
A. Meliboyev |
- "Oʻzbekiston adabiyoti va san’ati" gazetasi bosh muharriri |
T. Mirzayev |
- OʻzFA Adabiyet instituti direktori |
B. Shodiyev |
- Vazirlar Mahkamasi huzuridagi yubiley va bayram tadbirlarini oʻtkazish direksiyasining direktori |
Sh. Shoyoqubov |
- Respublika "Musavvir" firmasining bosh direktori |
R. Shogʻulomov |
- Davlat matbuot qoʻmitasining raisi |
E. Yusupov |
- Respublika "Ma’naviyat va ma’rifat" jamoatchilik markazi rahbari |
Sh. Yahyoyev |
- Oʻzdavteleradiokompaniya raisi |
T. Fofurbekov |
- San’atshunoslik instituti direktori |
S. Xasanov |
- A Navoiy nomidagi adabiyot muzeyi direktori |