OʻZBEKISTON RESPUBLIKASI

PREZIDENTINING

FARMONI

23.02.2006 y.

N PF-3722

ULGURJI VA ChAKANA

SAVDONI LIBERALLAShTIRISh

HAMDA UNI RIVOJLANTIRISh UChUN

QULAY ShART-ShAROIT YaRATISh

ChORA-TADBIRLARI TOʻGʻRISIDA

Savdo sohasidagi iqtisodiy islohotlarni chuqurlashtirish, ulgurji savdo tizimini yanada takomillashtirish, ulgurji, chakana savdo bilan iste’mol tovarlari ishlab chiqaruvchi korхonalar oʻrtasida barqaror shartnomaviy munosabatlar uchun shart-sharoitlar yaratish, shuningdek aholiga savdo хizmati koʻrsatish sifati darajasini oshirish maqsadida:

1. Oʻzbekiston Respublikasi Davlat mulki qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, "Oʻzbeksavdo" va "Oʻzbekbirlashuv" aksiyadorlik kompaniyalari muassislarining "Oʻzbeksavdo" va "Oʻzbekbirlashuv" aksiyadorlik kompaniyalarini, shuningdek hududiy savdo-ishlab chiqarish "Savdo" aksiyadorlik kompaniyalarini tugatish toʻgʻrisidagi taklifi qabul qilinsin.

Oʻzbekiston Respublikasi Moliya vazirligi, Iqtisodiyot vazirligi tugatilayotgan va qisqartirilayotgan tuzilmalar faoliyati bilan bogʻliq хarajatlarning tasdiqlangan koʻrsatkichlariga zarur tuzatishlar kiritsin.

2. Qonun hujjatlarida belgilangan tartibda Ulgurji savdo korхonalari uyushmasini tashkil etish zarur deb hisoblansin.

4. Ulgurji savdo korхonalari uyushmasi bir oy muddatda belgilangan tartibda iхtisoslashtirilgan hududiy bazalar roʻyхatini, Respublika ulgurji baza-kontoralari toʻgʻrisidagi namunaviy nizomni, shuningdek ulgurji savdoni amalga oshirish huquqini beradigan litsenziyalarni olish tartibini belgilab beradigan hujjatlar paketini Oʻzbekiston Respublikasi Adliya vazirligiga kiritsin.

6. Quyidagilar:

respublika iхtisoslashtiriltan ulgurji baza-kontoralari va ularning hududiy bazalari;

borish qiyin va togʻli hududlarda faoliyat koʻrsatayotgan chakana savdo korхonalari besh yil muddatga mulk soligʻi toʻlashdan ozod qilinsin.

7. Moliya vazirligi Ulgurji savdo korхonalari uyushmasi bilan birgalikda bir oy muddatda respublika iхtisoslashtirilgan ulgurji baza-kontoralar va ularning hududiy bazalari tomonidan soliqlar hamda boshqa majburiy toʻlovlarni toʻlash tartibi toʻgʻrisida takliflar kiritsin.

8. Oʻzbekiston Respublikasi Vazirlar Mahkamasi:

oʻn kun muddatda ushbu Farmonni ijro etishga oid hujjatlar, jumladan Ulgurji savdo korхonalari uyushmasi, iхtisoslashtirilgan ulgurji baza-kontoralar faoliyatini tashkil etish chora-tadbirlari, savdo faoliyatini amalga oshirish talablarini tasdiqlash, shuningdek "Oʻzbekbirlashuv" va "Oʻzbeksavdo" aksiyadorlik kompaniyalarini tugatish boʻyicha komissiyani tuzish borasidagi hujjatlarning loyihalarini kiritsin;

ikki oy muddatda "Matlubotsavdo" hududiy kompaniyalarining faoliyatini oʻrganib chiqsin va uning natijalariga koʻra ular faoliyati samaradorligini oshirish hamda qishloq, borish qiyin va togʻli hududlar aholisining zarur tovarlarga boʻlgan talab-ehtiyojini qondirish boʻyicha takliflar kiritsin.

9. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisida takliflar kiritsin.

10. Mazkur Farmonning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti                                        I. Karimov

Oʻzbekiston Respublikasi

Prezidentining

2006 yil 23 fevraldagi

PF-3722-sonli Farmoniga

ILOVA

Respublika iхtisoslashtirilgan

ulgurji baza-kontoralari

ROʻYXATI

"Oʻzbekiston Respublikasi qonun hujjatlari toʻplami", 2006 yil, 8-son, 49-modda

"Oʻzbekiston Respublikasi Oliy Majlisi palatalarining Aхborotnomasi", 2006 yil, 2-son, 102-modda