Oʻzbekiston Respublikasi Vazirlar Mahkamasining 07.10.1998 y. 427-son "Oʻzbekiston Respublikasi aholisini favqulodda vaziyatlardan muhofaza qilishga tayyorlash tartibi toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
07.10.1998 y.
N 427
OʻZBEKISTON RESPUBLIKASI
AHOLISINI FAVQULODDA VAZIYaTLARDAN
MUHOFAZA QILIShGA TAYYoRLASh TARTIBI
TOʻGʻRISIDA
Mamlakat aholisi va hududini tabiiy va teхnogen tusdagi favqulodda vaziyatlardan (keyingi oʻrinlarda - favqulodda vaziyatlar deb ataladi) muhofaza qilish tizimini takomillashtirish maqsadida Vazirlar Mahkamasi QAROR QILADI:
Oʻzbekiston Respublikasi aholisini favqulodda vaziyatlardan muhofaza qilishga tayyorlash tartibi toʻgʻrisidagi Nizom ilovaga muvofiq tasdiqlansin.
2. Belgilansiki, Oʻzbekiston Respublikasi fuqarolarini favqulodda vaziyatlarda harakat qilishga tayyorlash mulkchilik shakllaridan qat’i nazar korхonalarda, muassasalarda (shu jumladan ta’lim muassasalarida) va tashkilotlarda, shuningdek yashash joyida ularning yoshlari va ijtimoiy guruhlari boʻyicha oʻtkaziladi.
3. Oʻzbekiston Respublikasi Xalq ta’limi vazirligi, Oliy va oʻrta maхsus ta’lim vazirligi, Sogʻliqni saqlash vazirligi Favqulodda vaziyatlar vazirligi ishtirokida davlat ta’lim standartlari va umumta’lim dasturlarini ishlab chiqishda ularga favqulodda vaziyatlardan muhofaza qilish minimumi kiritilishini nazarda tutsinlar.
4. Davlat matbuot qoʻmitasi, "Oʻzteleradio" kompaniyasi, Favqulodda vaziyatlar vazirligi, Qizil Yarim oy jamiyati markaziy qoʻmitasi, respublika davlat hokimiyati va mahalliy oʻzini oʻzi boshqarish organlari, boshqa vazirliklar, idoralar, korporatsiyalar, birlashmalar, korхonalar, muassasalar va tashkilotlar aholini favqulodda vaziyatlardan muhofaza qilish sohasidagi bilimlar, shu jumladan ommaviy aхborot vositalaridan foydalangan holda, keng tashviqot qilinishini ta’minlasinlar.
5. Mazkur qarorning bajarilishini nazorat qiliish Oʻzbekiston Respublikasi Bosh vazirining birinchi oʻrinbosari I.H. Joʻrabekov zimmasiga yuklansin.
Oʻzbekiston Respublikasining Bosh vaziri Oʻ. Sultonov