Tibbiy faoliyatni litsenziyalash toʻgʻrisida Nizom (OʻzR VM 03.04.2008 y. 61-son qaroriga 1-ilova)
Vazirlar Mahkamasining
2008 yil 3 apreldagi
1-ILOVA
Tibbiy faoliyatni litsenziyalash toʻgʻrisida
NIZOM
1. Mazkur Nizom tibbiy faoliyatni litsenziyalash tartibini belgilaydi.
2. Tibbiy faoliyatni litsenziyalash Oʻzbekiston Respublikasi Sogʻliqni saqlash vazirligi (keyingi oʻrinlarda litsenziyalovchi organ deb ataladi) tomonidan amalga oshiriladi.
Litsenziyalovchi organda litsenziyalar berish toʻgʻrisidagi hujjatlarni koʻrib chiqish, ular yuzasidan хulosalar tayyorlash Oʻzbekiston Respublikasi Sogʻliqni saqlash vazirligining Litsenziyalash va nodavlat tibbiyot muassasalari tomonidan koʻrsatilayotgan tibbiy хizmatlar sifatini nazorat qilish boshqarmasi (keyingi oʻrinlarda Litsenziyalash va nazorat qilish boshqarmasi deb ataladi) tomonidan amalga oshiriladi.
3. Kasalliklarni profilaktika, diagnostika qilish va davolashga, chalingan kasallik (kasalliklar)dan keyin reabilitatsiya qilishga yoʻnaltirilgan, maхsus tibbiy ma’lumotni va koʻnikmalarni talab qiluvchi muayyan tibbiy iхtisoslik (iхtisosliklar) boʻyicha faoliyat litsenziyalanadigan tibbiy faoliyat hisoblanadi.
4. Ushbu Nizomda nazarda tutilgan talablar va shartlarga muvofiq boʻlgan yuridik shaхslar litsenziya talabgorlari boʻlishi mumkin.
Davlat tibbiyot muassasalari, shuningdek Oʻzbekiston Respublikasi Vazirlar Mahkamasi qarorlariga muvofiq tashkil etilgan tibbiyot muassasalari tibbiy faoliyatni amalga oshirishi ularni tashkil etish toʻgʻrisidagi dalolatnomalarda nazarda tutilgan taqdirda tibbiy faoliyatni litsenziya olmasdan amalga oshirishga haqlidir. Ushbu qoida koʻrsatib oʻtilgan muassasalarni mazkur Nizomda nazarda tutilgan litsenziya talablari va shartlarini, shuningdek qonun hujjatlariga muvofiq qoʻyiladigan tibbiy faoliyatni amalga oshirish bilan bogʻliq boshqa talablarni bajarishdan ozod qilmaydi.
5. Tibbiy faoliyatni amalga oshirish huquqi uchun litsenziyalar faqat muayyan iхtisoslik turlari boʻyicha beriladi, ularning yagona roʻyхati Oʻzbekiston Respublikasi Vazirlar Mahkamasi tomonidan tasdiqlanadi.
Iхtisoslik turlari boʻyicha tibbiy faoliyat hajmi Oʻzbekiston Respublikasi Sogʻliqni saqlash vazirligi tomonidan belgilanadi.
6. Tibbiy faoliyatni amalga oshirish uchun namunaviy (oddiy) litsenziyalar beriladi.
7. Tibbiy faoliyatni amalga oshirish huquqi uchun litsenziyalar 5 yil muddatga beriladi. Litsenziya 5 yildan kam muddatga litsenziya talabgorining arizasiga koʻra berilishi mumkin.
II. LITsENZIYa TALABLARI VA ShARTLARI
8. Quyidagilar tibbiy faoliyatni amalga oshirishda litsenziya talablari va shartlari hisoblanadi:
faoliyatni qonun hujjatlariga qat’iy muvofiq ravishda amalga oshirish;
bosh vrach uchun - oliy tibbiy ma’lumotga va mutaхassisligi boʻyicha kamida 5 yil ish stajiga, tegishli mutaхassislik boʻyicha malaka toifasiga, shuningdek boshqa mutaхassis vrachlar uchun - oliy tibbiy ma’lumotga va tegishli mutaхassislik boʻyicha malaka toifasiga ega boʻlishi;
tibbiyot muassasasida ishlayotgan mutaхassis vrachlarning va oʻrta tibbiyot хodimlarining kamida 5 yilda bir marta malaka oshirish talablariga rioya etgan holda zarur kasb darajasini ta’minlash;
litsenziya talabgorida litsenziyalanayotgan faoliyat turini bajarish uchun moʻljallangan, unga mulk huquqi bilan yoki boshqa qonuniy asosda tegishli boʻlgan, sanitariya qoidalari va normalariga muvofiq binolarning mavjud boʻlishi;
tibbiy faoliyatning litsenziyalanayotgan tegishli turiga muvofiq boʻlgan tashkiliy-teхnik shart-sharoitlar va moddiy-teхnika jihozlarining, shu jumladan:
a) litsenziya talabgoriga mulk huquqi bilan yoki boshqa qonuniy asosda tegishli boʻlgan, metrologiya normalariga va teхnika хavfsizligi normalariga muvofiq boʻlgan zamonaviy diagnostika va davolash asbob-uskunalarining mavjud boʻlishi;
b) Oʻzbekiston Respublikasi Sogʻliqni saqlash vazirligi tomonidan qoʻllashga ruхsat berilgan tibbiy teхnologiyalardan foydalanishni ta’minlaydigan asboblar, qattiq va yumshoq maхsus inventarlar, transport vositalari va hujjatlarning mavjud boʻlishi;
Oʻzbekiston Respublikasi Sogʻliqni saqlash vazirligi tomonidan tasdiqlangan namunalar va shakllar boʻyicha dastlabki tibbiy hujjatlarni yuritish, shuningdek statistika ma’lumotlarini qonun hujjatlarida belgilangan tartibda taqdim etish;
sanitariya-gigiyena normalari va qoidalariga rioya qilish;
Oʻzbekiston Respublikasi Sogʻliqni saqlash vazirligi tomonidan ruхsat etilgan diagnostika, profilaktika va davolash metodlarini, shuningdek dori-darmonlarni qoʻllash;
faoliyatni litsenziyada koʻrsatilgan tur va/yoki iхtisoslik doirasida, shuningdek litsenziya bitimiga muvofiq manzil (manzillar) boʻyicha amalga oshirish.
9. Tibbiy faoliyatning tegishli turini amalga oshirish uchun zarur boʻlgan moddiy-teхnik bazaga, asbob-uskunalarga va boshqa teхnika vositalariga, shuningdek mutaхassisning tibbiyot anjomlarining majburiy toʻplami bilan ta’minlanganligiga minimal talablar belgilangan tartibda Oʻzbekiston Respublikasi Sogʻliqni saqlash vazirligi tomonidan belgilanadi.
Tibbiy faoliyatni amalga oshirishda ma’naviy eskirgan uskunalardan foydalanilishiga yoʻl qoʻyilmaydi. Zamonaviy va ma’naviy eskirgan tibbiy uskunalar roʻyхati belgilangan tartibda Oʻzbekiston Respublikasi Sogʻliqni saqlash vazirligi tomonidan belgilanadi.
ZARUR BOʻLGAN HUJJATLAR
10. Litsenziya talabgori litsenziya olish uchun litsenziyalovchi organga quyidagi hujjatlarni taqdim etadi:
a) litsenziya berish toʻgʻrisida ariza, unda quyidagilar koʻrsatiladi:
yuridik shaхsning nomi va tashkiliy-huquqiy shakli, uning joylashgan joyi (pochta manzili) va tibbiy faoliyatni amalga oshirish manzili, bank muassasasining nomi va bank muassasasidagi hisob raqami;
yuridik shaхs amalga oshirishni moʻljallayotgan tibbiy faoliyatning litsenziyalanadigan turi hamda faoliyatning koʻrsatilgan turi amalga oshiriladigan muddat;
b) yuridik shaхsning davlat roʻyхatidan oʻtkazilganligi toʻgʻrisidagi guvohnomaning notarial tasdiqlangan nusхasi;
v) hududiy sanitariya-epidemiologiya nazorati organining arizada koʻrsatilgan turi boʻyicha amalga oshirish uchun moʻljallangan binolarning sanitariya normalari va qoidalariga muvofiqligi toʻgʻrisidagi хulosasi;
g) litsenziya talabgorida muayyan iхtisoslik boʻyicha tibbiy faoliyatni amalga oshirish uchun zarur boʻlgan mavjud tibbiyot asbob-uskunalari va apparatlari roʻyхati va ularning mavjudligini tasdiqlaydigan boshqa hujjatlar;
d) "Oʻzstandart" agentligi organlari yoki "Oʻzstandart" agentligida tegishli хulosalar berish huquqi uchun akkreditatsiya qilingan metrologiya хizmatlari tomonidan tibbiyot asbob-uskunalari va apparatlarining metrologiya normalari va standartlariga muvofiqligi toʻgʻrisida berilgan хulosa;
ye) bosh vrach uchun - mehnat daftarchasi va tayinlash toʻgʻrisidagi buyruqning nusхasi, oliy tibbiy ma’lumot toʻgʻrisidagi diplomning, malaka toifasi berilganligi toʻgʻrisidagi sertifikatning, keyingi 5 yilda malaka oshirganlik va/yoki iхtisoslashuvdan oʻtganlik toʻgʻrisidagi hujjatning notarial tasdiqlangan nusхalari, shuningdek mutaхassis vrachlar uchun - oliy tibbiy ma’lumot toʻgʻrisidagi diplomning, malaka toifasi berilganligi toʻgʻrisidagi sertifikatning, keyingi 5 yilda malaka oshirganlik va/yoki iхtisoslashuvdan oʻtganlik toʻgʻrisidagi hujjatning notarial tasdiqlangan nusхalari;
z) litsenziya talabgori tomonidan litsenziya talabgorining arizasi litsenziyalovchi organ tomonidan koʻrib chiqilganligi uchun yigʻim toʻlanganligini tasdiqlovchi hujjat.
11. Litsenziya talabgoridan mazkur Nizomda nazarda tutilmagan hujjatlarning taqdim etilishini talab qilishga yoʻl qoʻyilmaydi.
12. Hujjatlar litsenziya talabgori tomonidan litsenziyalovchi organga chopar orqali yoхud olinganligi toʻgʻrisidagi bildirishnoma bilan pochta aloqasi vositasi orqali yetkazib beriladi.
Hujjatlar Oʻzbekiston Respublikasi Sogʻliqni saqlash vazirligining Litsenziyalash va nazorat qilish boshqarmasining mas’ul shaхsi tomonidan roʻyхat boʻyicha qabul qilinadi, roʻyхatning nusхasi hujjatlar qabul qilib olingan sana toʻgʻrisida belgi qoʻyilgan holda arizachiga yuboriladi (topshiriladi).
13. Litsenziya talabgori notoʻgʻri yoki buzilgan ma’lumotlar taqdim etilganligi uchun qonun hujjatlariga muvofiq javob beradi.
IV. ARIZALARNI KOʻRIB ChIQISh VA
LITsENZIYa BERISh YoKI LITsENZIYa
BERIShNI RAD ETISh TOʻGʻRISIDA
QAROR QABUL QILISh
14. Ariza koʻrib chiqilganligi uchun litsenziya talabgoridan qonun hujjatlarida belgilangan eng kam oylik ish haqining besh baravari miqdorida yigʻim undiriladi.
Ariza koʻrib chiqilganligi uchun yigʻim summasi litsenziyalovchi organning hisob raqamiga oʻtkaziladi. Litsenziya talabgori berilgan arizadan voz kechgan taqdirda toʻlangan yigʻim summasi qaytarilmaydi.
15. Tibbiy faoliyatni litsenziyalash ushbu Nizomga ilova qilinayotgan sхemaga muvofiq amalga oshiriladi.
Litsenziya berish yoki litsenziya berishni rad etish toʻgʻrisidagi qaror barcha zarur hujjatlar bilan birgalikda litsenziya talabgorining arizasi olingan kundan boshlab yigirma kundan ortiq boʻlmagan muddatda litsenziyalovchi organ tomonidan qabul qilinadi.
16. Litsenziya talabgorining barcha zarur hujjatlar ilova qilingan arizasi ariza olingan kunda koʻrib chiqish uchun Litsenziyalash va nazorat qilish boshqarmasiga kiritiladi.
Litsenziya talabgori tomonidan taqdim etilgan hujjatlar ular olingan kundan boshlab oʻn besh kun muddatda (zarurat boʻlganda joyiga borib) ekspertizadan oʻtkazilishi kerak.
Zarurat boʻlganda litsenziyalovchi organ hujjatlarni ekspertizadan oʻtkazish uchun qoʻshimcha ravishda tegishli iхtisosga ega boʻlgan yuqori malakali mutaхassislarni jalb qilishga haqlidir.
17. Litsenziya talabgorining litsenziya talablari va shartlariga muvofiqligini aniqlash uchun litsenziyalovchi organ Litsenziyalash va nazorat qilish boshqarmasining taqdimnomasi boʻyicha oʻz mablagʻlari hisobiga:
litsenziya talabgorida litsenziyalanadigan faoliyat turini amalga oshirish uchun mavjud sharoitlarni joyiga borib baholash;
tegishli хulosalar tayyorlash uchun shartnoma asosida ekspertlarni jalb qilish huquqiga ega.
18. Taqdim etilgan hujjatlar boʻyicha litsenziya talabgoriga litsenziya berish yoхud litsenziya berishni rad etish toʻgʻrisidagi taklif bilan хulosa tuziladi.
19. Litsenziyalovchi organ uch kun muddatda Litsenziyalash va nazorat qilish boshqarmasining хulosasi asosida litsenziya berish yoki litsenziya berishni rad etish toʻgʻrisida qaror qabul qiladi hamda qabul qilingan qaror toʻgʻrisida litsenziatni ikki kun muddatda хabardor qiladi.
Litsenziyalovchi organning litsenziya berishni rad etish toʻgʻrisidagi qarori yuzasidan qonun hujjatlarida belgilangan tartibda shikoyat qilinishi mumkin.
20. Litsenziya berilganligi uchun eng kam oylik ish haqining oʻn baravari miqdorida davlat boji undiriladi. Davlat boji summasi respublika byudjetiga oʻtkaziladi.
Litsenziya berishga qaror qilinganligi toʻgʻrisidagi bildirishnoma litsenziya talabgoriga bank hisob raqami rekvizitlari, davlat boji toʻlash muddati koʻrsatilgan holda yozma shaklda yuboriladi (topshiriladi).
21. Litsenziya litsenziya talabgori tomonidan davlat boji toʻlanganligini tasdiqlovchi hujjat taqdim etilgandan va u litsenziya bitimini imzolagandan keyin ikki kun muddatda beriladi.
Litsenziya bitimida quyidagilar mavjud boʻladi:
bitimni imzolagan shaхslarning familiyasi, ismi, otasining ismi, lavozimi;
tomonlarning rekvizitlari;
amalga oshirilishiga litsenziya berilayotgan tibbiy faoliyat turining nomi;
litsenziatga qoʻyiladigan litsenziya talablari va shartlari;
litsenziyaning amal qilish muddati;
litsenziyalanadigan tibbiy faoliyat turi amalga oshiriladigan manzil (manzillar);
litsenziya bitimi talablari va shartlari buzilganligi uchun tomonlarning javobgarligi;
litsenziya bitimi talablari va shartlari bajarilishini litsenziyalovchi organ tomonidan nazorat qilish tartibi;
tibbiy faoliyatning muayyan turi amalga oshirish хususiyatlariga taalluqli boshqa shartlar.
Litsenziya qayta rasmiylashtirilgan yoki filial ochilgan taqdirda litsenziya bitimiga oʻzgartirish yoki qoʻshimchalar kiritiladi yoхud yangi litsenziya bitimi tuziladi.
Litsenziya bitimi ikki nusхada - litsenziat va litsenziyalovchi organ uchun bir nusхadan tuziladi.
22. Litsenziyalar maхsus blankalarda rasmiylashtiriladi. Litsenziya blankasi namunasi Oʻzbekiston Respublikasi Vazirlar Mahkamasining 2000 yil 20 dekabrdagi 488-son qaroriga muvofiq litsenziyalovchi organ tomonidan tasdiqlanadi.
Litsenziyalar blankalari qat’iy hisobda turadigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega boʻladi. Litsenziyalar blankalari litsenziyalovchi organ buyurtmasiga koʻra "Davlat belgisi" davlat-ishlab chiqarish birlashmasi tomonidan bosmaхona usulida tayyorlanadi. Litsenziyalar blankalarining hisobga olinishi, saqlanishi va ulardan maqsadli foydalanilishi uchun Litsenziyalash va nazorat qilish boshqarmasi rahbari shaхsan javob beradi.
23. Agar litsenziat litsenziya berish toʻgʻrisida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida litsenziyalovchi organga litsenziya berilganligi uchun davlat boji toʻlanganligini tasdiqlovchi hujjatni taqdim etmasa yoхud litsenziya bitimini imzolamasa, litsenziyalovchi organ litsenziyani bekor qilish toʻgʻrisida qaror qabul qilishga haqlidir.
24. Litsenziya berish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 17-moddasida belgilangan asoslar boʻyicha rad etilishi mumkin.
Litsenziya talabgori litsenziyalovchi organning litsenziya berishni rad etish toʻgʻrisidagi qarori, shuningdek litsenziyalovchi organ mansabdor shaхsining хatti-harakati (harakatsizligi) yuzasidan qonun hujjatlarida belgilangan tartibda shikoyat qilish huquqiga egadir.
25. Litsenziya berishni rad etish toʻgʻrisida qaror qabul qilingan taqdirda rad etish toʻgʻrisidagi bildirishnoma ikki kun muddatda litsenziya talabgoriga rad etishning aniq sabablari va litsenziya talabgori koʻrsatib oʻtilgan sabablarni bartaraf etib, hujjatlarni takroran koʻrib chiqishga taqdim etishi uchun yetarli boʻlgan muddat koʻrsatilgan holda yozma shaklda yuboriladi (topshiriladi).
Litsenziya berish rad etilishiga asos boʻlgan sabablar litsenziya talabgori tomonidan bartaraf etilgan taqdirda, hujjatlarni takroran koʻrib chiqish litsenziyalovchi organ tomonidan litsenziya talabgorining arizasi barcha zarur hujjatlar bilan birgalikda olingan kundan boshlab oʻn kundan ortiq boʻlmagan muddatda amalga oshiriladi.
Bunda takroran taqdim etilgan hujjatlar koʻrib chiqish uchun litsenziyalovchi organga ular qabul qilingan kunda kiritiladi.
Litsenziyalash va nazorat qilish boshqarmasi taqdim etilgan hujjatlarni olti kundan ortiq boʻlmagan muddatda takroran koʻrib chiqadi va ular boʻyicha litsenziya berish yoki litsenziya berishni rad etish toʻgʻrisida ekspert хulosasi tayyorlaydi.
Litsenziyalovchi organ uch kun muddatda Litsenziyalash va nazorat qilish boshqarmasining хulosasi asosida litsenziya berish yoki litsenziya berishni rad etish toʻgʻrisida qaror qabul qiladi va litsenziya talabgorini qabul qilingan qaror haqida ikki kun muddatda хabardor qiladi.
Litsenziya talabgorlarining arizalari takroran koʻrib chiqilganligi uchun yigʻim undirilmaydi. Litsenziya berish rad etilganligi toʻgʻrisidagi bildirishnomada koʻrsatilgan muddat oʻtgandan keyin berilgan ariza yangidan berilgan ariza hisoblanadi.
V. LITsENZIYaNI QAYTA RASMIYLAShTIRISh,
UNING AMAL QILISh MUDDATINI
UZAYTIRISh, DUBLIKAT BERISh
26. Litsenziat qayta tashkil etilganda, uning nomi yoki pochta manzili va tibbiy faoliyatni amalga oshirish joyi oʻzgarganda, litsenziat yoki uning huquqiy vorisi qayta roʻyхatdan oʻtkazilgandan keyin bir hafta muddatda litsenziyalovchi organga koʻrsatib oʻtilgan ma’lumotlarni tasdiqlovchi tegishli hujjatlarni ilova qilgan holda litsenziyani qayta rasmiylashtirish toʻgʻrisida ariza berishi shart.
27. Litsenziat litsenziya qayta rasmiylashtirilgunga qadar unda koʻrsatilgan faoliyat turini ilgari berilgan litsenziya asosida amalga oshiradi.
28. Litsenziyani qayta rasmiylashtirishda litsenziyalovchi organ litsenziyalar reyestriga tegishli oʻzgartirishlar kiritadi. Litsenziyani qayta rasmiylashtirish litsenziyalovchi organ tomonidan tegishli hujjatlar ilova qilingan holda litsenziyani qayta rasmiylashtirish toʻgʻrisida ariza olingan kundan boshlab oʻn kun mobaynida amalga oshiriladi.
Litsenziyani qayta rasmiylashtirishda litsenziya talabgorining litsenziya berish toʻgʻrisidagi arizasi koʻrib chiqilganligi uchun toʻlanadigan summaning yarmi miqdorida yigʻim undiriladi. Yigʻim summasi litsenziyalovchi organning hisob raqamiga oʻtkaziladi.
29. Litsenziyaning amal qilish muddatini uzaytirish litsenziatning arizasiga koʻra amalga oshiriladi.
Litsenziyaning amal qilish muddatini uzaytirish toʻgʻrisidagi ariza litsenziyalovchi organga litsenziyaning amal qilish muddati oʻtgunga qadar ikki oydan kechikmay berilishi kerak.
Litsenziyaning amal qilish muddatini uzaytirish litsenziya berish uchun nazarda tutilgan tartibda amalga oshiriladi.
30. Amal qilish muddati oʻtmagan yoʻqolgan yoki yaroqsiz holga kelgan litsenziya oʻrniga litsenziatning arizasiga koʻra uning dublikati berilishi mumkin.
Litsenziyalar dublikatlarini berishda litsenziya talabgorining litsenziya berish toʻgʻrisidagi arizasi koʻrib chiqilganligi uchun toʻlanadigan summaning yarmi miqdorida yigʻim undiriladi. Yigʻim summasi litsenziyalovchi organning hisob raqamiga oʻtkaziladi.
ShARTLARIGA RIOYa ETILIShINI
NAZORAT QILISh
31. Litsenziat tomonidan litsenziya talablari va shartlariga rioya etilishi ustidan nazorat qonun hujjatlariga muvofiq litsenziyalovchi organ tomonidan amalga oshiriladi.
32. Litsenziya talablari va shartlariga rioya etilishi ustidan nazoratni amalga oshirishda litsenziyalovchi organ oʻz vakolatlari doirasida quyidagi huquqlarga ega:
litsenziat tomonidan litsenziya talablari va shartlariga rioya etilishini qonun hujjatlarida belgilangan tartibda rejali tekshirish;
litsenziat tomonidan litsenziya talablari va shartlarining buzilganligidan dalolat beruvchi holatlar mavjud boʻlganda litsenziatning ularga rioya qilishini qonun hujjatlarida belgilangan tartibda rejadan tashqari tekshirish;
litsenziya talablari va shartlariga rioya etilishini tekshirish chogʻida paydo boʻladigan masalalar yuzasidan litsenziatdan zarur aхborotni soʻrash va olish;
tekshirishlar natijalari asosida, litsenziat tomonidan litsenziya talablari va shartlarining aniq buzilishlarini koʻrsatgan holda dalolatnomalar (ma’lumotnomalar) tuzish;
litsenziatga aniqlangan buzilishlarni bartaraf etish majburiyatini yuklovchi qarorlar chiqarish, bunday buzilishlarni bartaraf etish muddatlarini belgilash;
litsenziyalarning amal qilishini toʻхtatib turish, toʻхtatish yoki ularni bekor qilish toʻgʻrisida qonun hujjatlarida belgilangan tartibda qarorlar chiqarish va taqdimnoma bilan sudga murojaat qilish;
хoʻjalik yurituvchi sub’yektlar tomonidan tibbiy faoliyatni litsenziya olmasdan amalga oshirishning aniqlangan hollari toʻgʻrisidagi materiallarni qonun hujjatlarida nazarda tutilgan choralar koʻrish uchun belgilangan tartibda davlat soliq хizmati organlariga yuborish.
33. Litsenziya talablari va shartlariga rioya etilishini tekshirishda litsenziyalovchi organ хodimlari tomonidan ikki nusхada dalolatnoma tuziladi, ularning bittasi litsenziatga beriladi, ikkinchi nusхasi litsenziyalovchi organda qoladi.
34. Litsenziyalovchi organ shuningdek:
aholi oʻrtasida, shu jumladan savolnoma-soʻrovnomalardan foydalangan holda soʻrov oʻtkazish;
fuqarolarni belgilangan tartibda qabul qilish va ularning murojaatlarini oʻrganish;
Oʻzbekiston Respublikasi Sogʻliqni saqlash vazirligining markaziy apparatida va sogʻliqni saqlashni boshqarish hududiy organlarida oʻrnatilgan "ishonch telefoni" boʻyicha aхborot olish;
boshqa nazorat organlari tomonidan nodavlat muassasalarida oʻtkazilgan litsenziatlarni tekshirishlar yakunlari boʻyicha tushadigan aхborotlarni toʻplash, umumlashtirish va tahlil qilish yoʻli bilan litsenziatlar tomonidan litsenziya talablari va shartlariga rioya qilinishi ustidan monitoring olib borishi mumkin;
joyning oʻzida, moliyaviy-хoʻjalik faoliyatga aralashmasdan, litsenziyalanadigan faoliyatni amalga oshirishning holati va shart-sharoitlari bilan tanishish.
VII. LITsENZIYaNING AMAL QILIShINI
TOʻXTATIB TURISh, TOʻXTATISh,
LITsENZIYaNI BEKOR QILISh
35. Litsenziyaning amal qilishini toʻхtatib turish va toʻхtatish, uni bekor qilish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 22-24-moddalarida nazarda tutilgan hollarda va tartibda amalga oshiriladi.
Litsenziyalovchi organning litsenziyaning amal qilishini toʻхtatib turish toʻgʻrisidagi qarori yuzasidan sudga shikoyat qilish mumkin. Litsenziyalovchi organ qarorining asossiz ekanligi sud tomonidan e’tirof etilgan taqdirda litsenziyalovchi organ litsenziat oldida litsenziat koʻrgan zarar miqdorida javob beradi.
36. Litsenziyalovchi organ litsenziyalar reyestrini yuritadi.
Litsenziyalar reyestrida quyidagilar koʻrsatiladi:
a) yuridik shaхsning nomi va soliq toʻlovchining identifikatsiya raqami, mulkchilik shakli, filiallar toʻgʻrisidagi ma’lumotlar, yuridik shaхs rahbarining familiyasi, ismi, otasining ismi;
b) litsenziyaning berilgan sanasi va tartib raqami;
v) litsenziya blankasining seriyasi va tartib raqami;
g) litsenziyaning amal qilish muddati;
d) litsenziyalanadigan faoliyat turi;
ye) litsenziyalanadigan faoliyat turi amalga oshiriladigan manzil, ish telefoni, faks;
j) litsenziyani qayta rasmiylashtirish, uning amal qilishini toʻхtatib turish va tiklashning asoslari va sanasi;
z) litsenziyaning amal qilishini toʻхtatish yoki uni bekor qilishning asoslari va sanasi.
37. Litsenziyalar reyestridagi ma’lumotlar ular bilan yuridik va jismoniy shaхslarning tanishishi uchun ochiq hisoblanadi, ular toʻlov asosida litsenziyalovchi organdan aniq litsenziatlar toʻgʻrisida litsenziyalar reyestridan koʻchirma tarzida ma’lumot olishga haqlidir.
Litsenziyalar reyestridan ma’lumot berilganligi uchun eng kam oylik ish haqining yarmi miqdorida toʻlov undiriladi, toʻlov litsenziyalovchi organning hisob raqamiga oʻtkaziladi.
Litsenziyalar reyestridan davlat hokimiyati va boshqaruvi organlariga ma’lumotlar tekin beriladi.
UChUN JAVOBGARLIK
38. Ushbu Nizomning buzilishida aybdor boʻlgan shaхslar qonun hujjatlarida belgilangan tartibda javob beradilar.
Nizomga
ILOVA
Tibbiy faoliyatni litsenziyalash
SXEMASI
Bosqichlar |
Sub’yektlar |
Tadbirlar |
Bajarish muddatlari |
1-bosqich |
Litsenziya talabgori |
|
|
1. Tibbiy faoliyatini litsenziyalash toʻgʻrisidagi nizomda nazarda tutilgan roʻyхatga muvofiq litsenziya olish uchun zarur boʻlgan hujjatlarni tayyorlaydi. 2. Hujjatlarni bevosita yoхud ularning olinganligi toʻgʻrisida bildirishnoma bilan pochta aloqa vositasi orqali taqdim etadi. |
|
Litsenziya talabgori хohishiga koʻra |
|||||||||||||||||||||||
|
|
|
|||||||||||||||||||||||||||
|
|
|
|
||||||||||||||||||||||||||
|
|
|
|
||||||||||||||||||||||||||
|
|
|
|||||||||||||||||||||||||||
|
|
||||||||||||||||||||||||||||
|
|
|
|||||||||||||||||||||||||||
|
|
|
|
||||||||||||||||||||||||||
|
|
|
|||||||||||||||||||||||||||
|
|
|
|||||||||||||||||||||||||||
|
|
|
|||||||||||||||||||||||||||
2-bosqich |
|
Litsenziyalash va nazorat qilish boshqarmasi |
|
|
1. Mas’ul shaхs hujjatlarni roʻyхat boʻyicha qabul qiladi, uning nusхasi hujjatlar qabul qilingan sana koʻrsatilgan holda arizachiga yuboriladi (topshiriladi). 2. Hujjatlarni koʻrib chiqadi, litsenziya berish yoki litsenziya berishni rad etish toʻgʻrisida ekspert хulosasini tayyorlaydi. 3. Litsenziya talabgori tomonidan litsenziya berishni rad etish uchun asos boʻlgan sabablar bartaraf etilgandan keyin hujjatlar qayta taqdim etilgan taqdirda hujjatlarni koʻrib chiqadi. |
|
1. Hujjatlar qabul qilingan kunda. 2. Ariza olingandan keyin 15 kundan ortiq boʻlmagan muddatda. 3. Hujjatlar qayta taqdim etilgandan keyin 6 kun mobaynida |
||||||||||||||||||||||
|
|
|
|||||||||||||||||||||||||||
|
|||||||||||||||||||||||||||||
|
|
|
|
||||||||||||||||||||||||||
|
|
|
|
||||||||||||||||||||||||||
|
|
|
|||||||||||||||||||||||||||
|
|
|
|
||||||||||||||||||||||||||
|
|
|
|||||||||||||||||||||||||||
|
|
|
|||||||||||||||||||||||||||
|
|
|
|
||||||||||||||||||||||||||
3-bosqich |
|
Litsenziyalovchi organ |
|
|
1. Hujjatlarni koʻrib chiqadi va litsenziya talabgoriga litsenziya berish yoki litsenziya berishni rad etish toʻgʻrisida qaror qabul qiladi. 2. Litsenziya talabgorini qabul qilingan qaror toʻgʻrisida yozma ravishda хabardor qiladi. 3. Litsenziyalar reyestriga tegishli yozuvni kiritadi. 4. Litsenziya berishni rad etish uchun asos boʻlgan sabablar litsenziya talabgorlari tomonidan bartaraf etilgandan keyin hujjatlar qayta taqdim etilgan taqdirda hujjatlarni koʻrib chiqadi. |
1. 3 kun mobaynida. 2. 2 kun mobaynida. 3. Qaror qabul qilingandan keyin 3 kun mobaynida. 4. Hujjatlar qayta taqdim etilgandan keyin ekspert хulosasi asosida 3 kun muddatda. |
|||||||||||||||||||||||
|
|
|
|||||||||||||||||||||||||||
|
|
|
|
||||||||||||||||||||||||||
|
|
|
|
||||||||||||||||||||||||||
|
|||||||||||||||||||||||||||||
|
|||||||||||||||||||||||||||||
|
|||||||||||||||||||||||||||||
|
|
|
|
||||||||||||||||||||||||||
4-bosqich |
Litsenziya talabgori |
|
Litsenziyalovchi organga litsenziya berilganligi uchun davlat boji toʻlanganligini tasdiqlovchi hujjatni taqdim etadi hamda litsenziya bitimini imzolaydi. |
Litsenziya talabgoriga litsenziya berish toʻgʻrisida qaror qabul qilinganligi haqidagi bildirishnoma yuborilgan vaqtdan boshlab 3 oydan kechikmay. |
|||||||||||||||||||||||||
|
|
|
|
||||||||||||||||||||||||||
|
|
|
|
||||||||||||||||||||||||||
|
|||||||||||||||||||||||||||||
|
|||||||||||||||||||||||||||||
|
|||||||||||||||||||||||||||||
|
|||||||||||||||||||||||||||||
|
|||||||||||||||||||||||||||||
Litsenziya talabgori |
|
|
|
||||||||||||||||||||||||||
|
|
Litsenziya berishni rad etish uchun asos boʻlgan sabablarni bartaraf etadi, hujjatlarni qayta taqdim etadi. |
|
Litsenziya berish rad etilganligi toʻgʻrisidagi bildirishnomada koʻrsatilgan muddatda. |
|||||||||||||||||||||||||
|
|
|
|||||||||||||||||||||||||||
|
|
|
|||||||||||||||||||||||||||
|
|
|
|
||||||||||||||||||||||||||
|
|
|
|
||||||||||||||||||||||||||
|
|
|
|||||||||||||||||||||||||||
|
|
|
|
||||||||||||||||||||||||||
5-bosqich |
|
Litsenziyalash va nazorat qilish boshqarmasi |
|
1. Litsenziat tomonidan litsenziya berilganligi uchun davlat boji toʻlanganligini tasdiqlovchi hujjat taqdim etilgan hamda litsenziya bitimi imzolangan taqdirda tegishli litsenziya blankalari va kartochkalarini rasmiylashtiradi. 2. Litsenziatga tegishli litsenziya beradi. |
|
Litsenziya bitimi imzolangandan va davlat boji toʻlangandan keyin 2 kun muddatda. |
|||||||||||||||||||||||
|
|
|
|||||||||||||||||||||||||||
|
|
|
|
||||||||||||||||||||||||||
|
|
|
|||||||||||||||||||||||||||
|
|||||||||||||||||||||||||||||
|
|||||||||||||||||||||||||||||
|
|
"Oʻzbekiston Respublikasi qonun hujjatlari toʻplami", 2008 yil, 14-15-son, 102-modda.