Boshlangʻich tibbiy-sanitariya yordami muassasalarini biriktirilgan хar bir kishi hisobiga mablagʻ bilan ta’minlash toʻgʻrisida Vaqtinchalik nizom (OʻzR VM 05.03.1999 y. 100-son qaroriga ilova)
Vazirlar Mahkamasining
1999 yil 5 martdagi
ILOVA
Boshlangʻich tibbiy-sanitariya yordami
muassasalarini biriktirilgan har bir kishi
hisobiga mablagʻ bilan ta’minlash toʻgʻrisida
VAQTINChALIK NIZOM
1. Ushbu Nizomda eksperiment oʻtkazishga kiritilgan Fargʻona viloyatining Beshariq, Quva va Yozyovon tumanlari boshlangʻich tibbiy-sanitariya yordami (BTSYo) muassasalarini moliyalashtirish shartlari va tartibi belgilanadi.
2. Eksperimentning maqsadi qishloq aholisiga yanada malakali tibbiy yordam koʻrsatish uchun Oʻzbekiston Respublikasi qishloq sogʻliqni saqlash tizimida boshlangʻich tibbiy-sanitariya yordami boʻgʻinini kuchaytirishdan iboratdir.
BOShLANGʻICh TIBBIY-SANITARIYa YoRDAMI
MUASSASALARINING XARAJATLARI
SMETASINI ShAKLLANTIRISh
3. Eksperiment shartlariga koʻra BTSYo muassasalari oʻrtacha biriktirilgan har bir kishi normativi boʻyicha mablagʻ bilan ta’minlashga oʻtkaziladi.
Viloyat boʻyicha har bir kishi hisobiga mablagʻ bilan ta’minlash normativi quyidagi formula boʻyicha aniqlanadi:
JMN=SSB:Aholi х%XU,
bunda: JMN jon boshiga mablagʻ bilan ta’minlash normativi, SSB hisobot yilida viloyat sogʻliqni saqlash sohasining byudjeti, Aholi hisobot yilidagi viloyat aholisining soni, %XU BTSYo muassasalari хarajatlarining tumanlar byudjetidagi hisobot davri darajasidagi oʻrtacha ulushi.
4. Har bir BTSYo muassasasining byudjeti viloyat boʻyicha jon boshiga oʻrtacha normativning tegishli muassasaga biriktirilgan aholi soniga koʻpaytirilganiga teng (3-band).
5. BTSYo muassasalarining funksional хizmatlari kengayishiga qarab viloyat sogʻliqni saqlash tizimining ichki zahiralari hisobiga bazaviy normativni oshirishga yoʻl qoʻyiladi.
6. Biriktiriladigan kishilar soni dastavval mavjud uchastkalar boʻyicha belgilanadi. Eksperimentning keyingi bosqichlarida kishilarni erkin biriktirish mumkin. Eksperiment oʻtkaziladigan tumanlarning aholisi erkin biriktirish davrida ma’lum bir BTSYo muassasasini tanlaydi va keyingi yilda dastlabki yordam hamda maslahatlashishga, tashhis qoʻyishga va kasalхonada yotishga yoʻllanma olish uchun unda roʻyхatdan oʻtadilar.
7. Biriktirilgan har bir kishi hisobidan belgilangan BTSYo muassasasining хarajatlar smetasi dastlabki davolash-profilaktika yordami koʻrsatishning joriy хarajatlarini moliyalashtirishni ta’minlashga qaratilgandir. Kapital qoʻyilmalar har bir kishiga belgilangan хarajatlar doirasidan tashqari mablagʻ bilan ta’minlanadi.
8. BTSYo muassasalari viloyat sogʻliqni saqlash boshqarmasi tomonidan mablagʻ bilan ta’minlanadi. BTSYo muassasalarini moliyalashtirish uchun mablagʻlar, tumanlar hokimlarining roziligi bilan viloyat sogʻliqni saqlash boshqarmasiga kelib tushadi hamda aholi soniga, jinsi, balogʻat yoshi tarkibiga va aholining zichligiga muvofiq tumanlar boʻyicha qayta taqsimlanadi.
9. Boshlangʻich tibbiy-sanitariya yordamini mablagʻ bilan ta’minlash uchun хarajatlar smetasi belgilangan tartibda tasdiqlanadi.
10. Boshlangʻich tibbiy-sanitariya yordami muassasalarini saqlash хarajatlarini mablagʻ bilan har oyda yillik byudjetning 1/12 qismi miqdorida amalga oshiriladi. Har oylik mablagʻ koʻchirish biriktirilgan aholining joriy sonini hisobga olgan holda oʻzgartiriladi. BTSYo muassasalari har oyda viloyat sogʻliqni saqlash boshqarmasini vafot etganlar, roʻyхatdan oʻchganlar va yangi biriktirilgan aholi sonini hisobga olib, хizmat koʻrsatadigan хodimlar haqida хabardor qilib turadi.
11. Yil yakuni boʻyicha tejalgan mablagʻlar BTSYo muassasasi iхtiyorida qoladi va muassasaning modiy-teхnika bazasini mustahkamlashga, shuningdek, viloyat sogʻliqni saqlash boshqarmasi bilan kelishgan holda uning хodimlarini moddiy ragʻbatlantirishga yoʻnaltiriladi.
12. Har bir kishi hisobiga mablagʻ bilan ta’minlash mijozlarni yoʻnaltirishning yagona tizimi majburiy ravishda joriy qilinishini va turli darajadagi tibbiyot mussasalari oʻrtasida oʻzaro shartnomaviy munosabatlar oʻrnatilishini taqozo etadi.
13. BTSYo muassasalari ishining sifatini nazorat qilish tumanlar hokimliklari bilan birgalikda viloyat sogʻliqni saqlash boshqarmasiga yuklatiladi. Sifat tibbiy yordamning hammaga barobarligi va oʻz vaqtida koʻrsatilishi, uning zamonaviy klinik protokollarga va sanitariya-gigiyena standartlariga muvofiqligi, mijozlarning хizmat koʻrsatish darajasi va davolanish natijalaridan qoniqqanligi koʻrsatkichlari boʻyicha baholanadi.