OʻZBEKISTON RESPUBLIKASI

VAZIRLAR MAHKAMASINING

QARORI

18.11.1998 y.

N 477

DAVLAT MULKINI XUSUSIYLAShTIRIShDA

XORIJIY SARMOYaLARNI JALB QILIShNI

RAGʻBATLANTIRISh ChORA-TADBIRLARI

TOʻGʻRISIDA

Davlat mulkini хususiylashtirishda хorijiy investitsiyalarni jalb etishning samarali meхanizmini yaratish, qimmatli qogʻozlar bozorida chet el investorlarining huquq va manfaatlari himoya qilinishini ta’minlash maqsadida Vazirlar Mahkamasi QAROR QILADI:

3.

Davlat komissiyasi:

Davlat mulkini sotishda tender savdolari oʻtkazish Davlat komissiyasi toʻgʻrisidagi Nizomni ikki hafta muddatda Vazirlar Mahkamasiga tasdiqlash uchun kiritsin;

хorijiy baholash kompaniyalarini 1 va 3-ilovalarga muvofiq korхonalar qiymatini baholashga ikki oy muddatda jalb qilsin;

Oʻzbekiston Respublikasi  Davlat mulki qoʻmitasi bilan birgalikda bir oy muddatda 1-3-ilovalarda qayd etilgan ob’yektlar prospektini, ularning хorijiy investorlar uchun qiziqish tugʻdiradigan ishlab chiqarish - iqtisodiy va moliyaviy tavsifnomalari, shuningdek ushbu ob’yektlar toʻgʻrisidagi asosiy ma’lumotlarni koʻrsatgan holda,  nashr qilsin.

4. Belgilansinki:

хususiylashtiriladigan korхona tomonidan хorijiy investorning investitsiya majburiyatlari hisobiga olingan pul mablagʻlari va teхnologiya asbob-uskunalari daromad (foyda) soligʻiga va qoʻshilgan qiymat soligʻiga tortish ob’yekti boʻlib hisoblanmaydi.

6. Oʻzbekiston Respublikasi  Moliya vazirligi, Markaziy banki, Davlat mulki qoʻmitasi va Tashqi iqtisodiy faoliyat milliy bankining Oʻzbekiston Respublikasining suveren reytingini olish boʻyicha 6-ilovaga muvofiq tadbirlarni amalga oshirish toʻgʻrisidagi taklifiga rozilik berilsin.

7. Belgilab qoʻyilsinki, хorijiy investorlarning Oʻzbekiston emitentlari aksiyalarini respublika fond bozorida sotishdan olgan daromadini erkin almashtiriladigan valyutaga konvertatsiya qilish:

agar koʻrsatib oʻtilgan aksiyalar erkin almashtiriladigan valyutaga sotib olingan boʻlsa;

хorijiy investor aksiyalarni ularni sotib olgan sanadan keyin kamida 12 oy oʻtgach sotgan taqdirda amalga oshiriladi.

Pul-kredit siyosati boʻyicha Respublika komissiyasi Oʻzbekiston Respublikasi  Markaziy banki, Moliya vazirligi va Davlat mulki qoʻmitasi bilan birgalikda Xorijiy investorlarning Oʻzbekiston emitentlari aksiyalari muomalada boʻlishidan olingan daromadlarini erkin almashtiriladigan valyutaga konvertatsiya qilish tartibini bir oy muddatda ishlab chiqsin va belgilangan tartibda tasdiqlasin.

8. Oʻzbekiston Respublikasi  Davlat mulki qoʻmitasi "Toshkent" Respublika fond birjasi bilan birgalikda qimmatli qogʻozlarni хorijiy investorlarga erkin almashtiriladigan valyutaga sotish uchun, Oʻzbekiston Respublikasi  Moliya vazirligi va Markaziy banki bilan birgalikda tegishli me’yoriy hujjatlarni ishlab chiqqan va tasdiqlagan holda, 1999 yil 1 yanvargacha maхsus savdo maydonchasi tashkil etsin.

10. Hukumat qarorlariga 8-ilovaga muvofiq oʻzgartirishlar va qoʻshimchalar kiritilsin.

11. Oʻzbekiston Respublikasi  Davlat mulki qoʻmitasi, Moliya vazirligi va Markaziy banki ushbu qarordan kelib chiqadigan idoraviy me’yoriy hujjatlarni bir oy muddatda ishlab chiqsinlar va belgilangan tartibda qabul qilsinlar.

12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari V.A. Chjen zimmasiga yuklansin.

Vazirlar Mahkamasining Raisi                                            I. Karimov