OʻZBEKISTON RESPUBLIKASI

PREZIDENTINING

FARMONI

04.05.2005 y.

N PF-3603

OʻZBEKISTON RESPUBLIKASI

DAVLAT MULKI QOʻMITASINING

NOMINI OʻZGARTIRISh TOʻGʻRISIDA

Oʻzbekiston Respublikasi Prezidentining 2005 yil 30 apreldagi "Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasini tashkil etish toʻgʻrisida"gi PF-3602-sonli Farmoni qabul qilinishi munosabati bilan hamda davlat boshqaruvi organlari oʻrtasida vazifalar, funksiya va vakolatlar aniq belgilab qoʻyilishini ta’minlash maqsadida:

1. Oʻzbekiston Respublikasi Davlat mulkini boshqarish va tadbirkorlikni qoʻllab-quvvatlash davlat qoʻmitasining nomi Oʻzbekiston Respublikasi Davlat mulkini boshqarish davlat qoʻmitasi (Davlat mulki qoʻmitasi) deb oʻzgartirilsin.

2. Oʻzbekiston Respublikasi Adliya vazirligi Davlat mulkini boshqarish davlat qoʻmitasi, Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi, boshqa manfaatdor vazirliklar va idoralar bilan birgalikda bir oy muddatda:

qonun hujjatlariga ushbu Farmondan kelib chiqadigan oʻzgarishlar toʻgʻrisida Vazirlar Mahkamasiga takliflar kiritsin;

vazirliklar va idoralarning normativ hujjatlari mazkur Farmonga muvofiqlashtirilishini ta’minlasin.

3. Ushbu Farmonning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklatilsin.

Oʻzbekiston Respublikasining Prezidenti                           I. Karimov

"Oʻzbekiston Respublikasi qonun hujjatlari toʻplami", 2005 yil, 17-18-son, 128-modda

"Oʻzbekiston Respublikasi Oliy Majlisi palatalarining Aхborotnomasi", 2005 yil, 5-son, 183-modda