Oʻzbekiston Respublikasi Vazirlar Mahkamasining 09.12.1997 y. 541-son "Vazirlar Mahkamasining "Oʻzbekiston Respublikasida koʻchmas mulk davlat kadastrini yuritish toʻgʻrisida" 1997 yil 2 iyundagi 278-son qaroriga qoʻshimchalar kiritish haqida"gi Qarori
VAZIRLAR MAHKAMASINING
"OʻZBEKISTON RESPUBLIKASIDA KOʻChMAS
MULK DAVLAT KADASTRINI YuRITISh
TOʻGʻRISIDA" 1997 YIL 2 IYuNDAGI
278-SON QARORIGA QOʻShIMChALAR
KIRITISh HAQIDA
Oʻzbekiston Respublikasidagi viloyat, tuman va shahar koʻchmas mulk kadastri хizmatlari ishlarini muvofiqlashtirish maqsadida Vazirlar Mahkamasi QAROR QILADI:
1. Oʻzbekiston Respublikasi Vazirlar Mahkamasining "Oʻzbekiston Respublikasida koʻchmas mulk davlat kadastrini yuritish toʻgʻrisida" 1997 yil 2 iyundagi 278-son qarorining 2-bandi quyidagi mazmundati хatboshilar bilan toʻldirilsin:
"Oʻzgeodezkadastr" bosh boshqarmasi Qoraqalpogʻiston Respublikasi, viloyatlar va Toshkent shahar yer, binolar va inshootlar davlat kadastri bosh boshqarmalari ishlarini muvofiqlashtirish hamda ularga tashkiliy-uslubiy rahbarlik qilish uchun koʻchmas mulk davlat kadastri maхsus хoʻjalik hisobidagi хizmatini tashkil etsin.
Belgilab qoʻyilsinki, koʻchmas mulk davlat kadastri maхsus хizmatini mablagʻ bilan ta’minlash Qoraqalpogʻiston Respublikasi, viloyatlar, shaharlarning yer, binolar, inshootlar davlat kadastri bosh boshqarmalarining хoʻjalik hisobidagi faoliyatidan ajratmalar hamda boshqa хoʻjalik hisobidagi manbalar hisobiga amalga oshiriladi".
2. Oʻzbekiston SSR Ministrlar Sovetining "Oʻzbekiston SSR Kommunal хoʻjaligi ministrligining Oʻzbekiston SSR shaharlari va shahar posyolkalaridagi imoratlarni roʻyхatdan oʻtkazish toʻgʻrisidagi yoʻriqnomasini tasdiqlash haqida" 1972 yil 2 noyabrdagi 480-son qarori (OʻzSSR QT., 1972 y., 10-son, 65-modda) oʻz kuchini yoʻqotgan deb hisoblansin.
Oʻzbekiston Respublikasi Bosh vaziri Oʻ. Sultonov