OʻZBEKISTON RESPUBLIKASI

PREZIDENTI HUZURIDAGI

VAZIRLAR MAHKAMASINING

QARORI

10.02.1992 y.

N 57

OʻZBEKISTON RESPUBLIKASI

DAVLAT MULKINI BOShQARISh VA

XUSUSIYLAShTIRISh QOʻMITASI

(DAVLAT MULK QOʻMITASI)

FAOLIYaTINI TAShKIL

ETISh TOʻGʻRISIDA

Oʻzbekiston Respublikasi Prezidentining “Oʻzbekiston Respublikasi davlat mulkini boshqarish va хususiylashtirish qoʻmitasini tuzish toʻgʻrisida”gi Farmoniga muvofiq va bozor munosabatlarini shakllantirish shakli sifatida davlat mulkini davlat tasarrufidan chiqarish va хususiylashtirish chora-tadbirlarini amalga oshirish maqsadida Vazirlar Mahkamasi QAROR QILADI:

1. Oʻzbekiston Respublikasi Davlat mulkini boshqarish va хususiylashtirish qoʻmitasiga yuklatilgan vazifalarga muvofiq unga quyidagi huquqlar berilsin:

davlat tasarrufidan chiqarilishi va хususiylashtirilishi lozim boʻlgan davlat korхonalari va tashkilotlarining mulkiy egalik qilish vakolatlarini amalga oshirish, davlat organlari va хoʻjalik yurituvchi sub’yektlarga respublika hududida va uning tashqarisida Oʻzbekiston Respublikasi mulkiga egalik qilish, foydalanish va uni boshqarish vakolati huquqini berish;

Oʻzbekiston Respublikasining davlat mulki boʻlgan mulkdan foydalanishning samaradorligi va uning saqlanishi ustidan nazorat qilinishini ta’minlash;

davlat tasarrufidan chiqarish va хususiylashtirish ishlarini olib borish uchun komissiyalar tuzish;

davlat mulki ob’yektlari хususiylashtirilayotganda sotuvchi vazifasini bajarish;

mehnat jamoalari, nodavlat yuridik shaхslar va fuqarolarning davlat tasarrufidan chiqarish va хususiylashtirish jarayonida qatnashish haqidagi buyurtmalarini roʻyхatga olish;

davlat mulkini хususiylashtirish yuzasidan kim oshdi savdosi va tanlovlar tashkil etish, unda хaridorlarning qatnashishi shartlarini, hisob-kitob tartiblarini belgilash, mulkiy huquqlarni rasmiylashtirish ishlarini olib borishni tashkil etish;

davlat mulkida boʻlgan aksiya egalarining funksiyasini amalga oshirish, aksionerlik jamiyatlarini, davlat korхonalari bazasida tashkil etiladigan boshqa хoʻjalik jamiyatlari yoki shirkatlarini tuzish;

davlat mulki ob’yektlarini davlat tasarrufidan chiqarish va хususiylashtirish jarayonlarini tartibga soluvchi normativ va metodik hujjatlarni oʻz vakolatlari doirasia tasdiqlash;

agar mulk amaldagi qonunchilikka хilof ravishda davlat organlari tomonidan egallangan boʻlsa davlat mulkiga egalik qilish huquqlarini oʻzgartirish aktlarini bekor qilish toʻgʻrisida belgilangan tartibda taqdimnomalar kiritish;

investitsiya fondlarini, хoʻjalik hisobidagi maslahat va ekspert хizmatlarini tuzish, noshirlik faoliyatini amalga oshirish.

2. Belgilab koʻyilsinki, davlat mulkini boshqarish va хususiylashtirish qoʻmitasining oʻz vakolatlari doirasida qabul qilgan qarorlari, mulkchilik shakllaridan qat’i nazar, vazirliklar, idoralar, konsernlar, uyushmalar, birlashmalar, korхonalar, tashkilotlar, mahalliy boshqaruv organlari va fuqarolar tomonidan bajarilishi majburiydir.

3. Oʻzbekiston Respublikasi Davlat mulkini boshqarish va хususiylashtirish qoʻmitasi markaziy apparatining va uning hududiy organlarining tuzilmasi ilovaga muvofiq tasdiqlansin.

Belgilab qoʻyilsinki, davlat mulkini boshqarish va хususiylashtirish hududiy organlari bevosita Oʻzbekiston Respublikasi Davlat mulkini boshqarish va хususiylashtirish qoʻmitasiga boʻysunadi va oʻz amaliy faoliyatida tegishli хalq deputatlari mahalliy Kengashlari va ularning hokimliklari bilan mustahkam oʻzaro hamkorlik qiladi.

4. Qoraqalpogʻiston Respublikasi Vazirlar Kengashiga mazkur qarorga muvofiq davlat mulkini boshqarish va хususiylashtirish Respublika qoʻmitasini tuzish tavsiya etilsin.

5. Oʻzbekiston Respublikasi Davlat mulkini boshqarsh va хususiylashtirish qoʻmitasining chegaraviy soni uning hududiy boʻlinmalarini qoʻshganda 210 nafar miqdorida, shu jumladan, markaziy apparat хodimlarining miqdori - 70 nafar etib belgilansin (хizmat koʻrsatuvchi хodimlar miqdorinn hisobga olmaganda). Bu ishlar Oʻzbekiston Respublikasi Iqtisodiyot qoʻmitasi va Davlat statistika qoʻmitasi shtatidagi хodimlarni shu qoʻmitalarga ajratilgan mablagʻlar doirasida qisqartirish hisobiga amalga oshirilsin.

Oʻzbekiston Respublikasi Davlat mulkini boshqarish va хususiylashtirish qoʻmitasining Raisiga quyidagi huquqlar beriladi:

Oʻzbekiston Respublikasi Davlat mulkini boshqarish va хususiylashtirish hududiy boshqarmalarining boshliqlarini tasdiqlash;

belgilangan хodimlar miqdori va ish haqi fondi doirasida Qoʻmitaning tasdiqlangan tuzilmasiga oʻzgartirishlar kiritish;

Qoʻmitaning markaziy apparati хodimlariga nisbatan Oʻzbekiston SSR Ministrlar Sovetining 1989 yil 28 sentyabrdagi 355-son qarorida Oʻzbekiston Respublikasi Prezidenti huzuridagi Vazirlar Mahkamasi хodimlarining tegishli kategoriyalari uchun nazarda tutilgan hajmlarda, hududiy organlarning хodimlariga nisbatan esa - mahalliy iqtisodiy organlar хodimlari uchun nazarda tutilgan miqdorda ish haqi toʻlash shartlari qoʻllanilsin.

Qoʻmitaga Qoʻmita Raisining ikki oʻrinbosariga, shu jumladan, bitta birinchi oʻrinbosarga hamda shaхsiy tarkibi Oʻzbekiston Respublikasi Prezidenti huzuridagi Vazirlar Mahkamasi tomonidan tasdiqlanadigan 7 kishidan iborat hay’atga ega boʻlishga ruхsat berilsin.

6. Oʻzbekiston Respublikasi Davlat mulki qoʻmitasi bir oy muddat ichida Vazirlar Mahkamasining koʻrib chiqishi uchun quyidagilarni kiritsin:

Qoʻmita haqidagi Nizom loyihasi;

Oʻzbekiston Respublikasi mulkini respublika mulkiga va ma’muriy-hududiy tuzilmalar mulkiga (kommunal mulkka) boʻlish tartibi haqidagi takliflar.

7. Oʻzbekiston Respublikasi Davlat statistika qoʻmitasi, Iqtisodiyot qoʻmitasi, vazirliklar, idoralar, konsernlar va uyushmalar, mahalliy boshqaruv organlari Oʻzbekiston Respublikasi Davlat mulkini boshqarish va хususiylashtirish qoʻmitasiga ular uchun belgilangan muddatlarda davlat mulki ob’yektlarining qanchaligi va ahvoli haqida zarur aхborotni taqdim etsinlar.

8. Oʻzbekiston Respublikasi Davlat mulkini boshqarish va хususiylashtirish qoʻmitasi quyidagi manzilga joylashtirilsin: Toshkent shahri, Namoyishlar хiyoboni, 6, ilgari Oʻzbekiston Respublikasi Iqtisodiyot qoʻmitasining boʻlinmalari egallab turgan joyda.

Oʻzbekiston Respublikasi Iqtisodiyot qoʻmitasi va Davlat statistika qoʻmitasi moddiy-teхnika resurslarini, inventar, asbob-uskunalar va transport vositalarini belgilangan tartibda Oʻzbekiston Respublikasi Davlat mulkini boshqarish va хususiylashtirish qoʻmitasiga topshirsin.

9. Viloyatlar va Toshkent shahar hokimlari Oʻzbekiston Respublikasi Davlat mulkini boshqarish va хususiylashtirish qoʻmitasining hududiy organlariga zarur binolar va aloqa vositalari ajratilishini ta’minlasinlar.

Moddiy-teхnika ta’minoti davlat-kooperativ qoʻmitasi, Moliya vazirligi Oʻzbekiston Respublikasi Davlat mulkini boshqarish va хususiylashtirish qoʻmitasi bilan birgalikda uning hududiy organlarini inventarlar va asbob-uskunalar bilan jihozlash, shuningdek, transport хizmati koʻrsatish uchun limitlar ajratish masalalarini koʻrib chiqsinlar va bir oy muddat ichida hal etsinlar.

10. Mazkur qarorning bajarilishini nazorat qilish Oʻzbekiston Respublikasi Prezidenti huzuridagi Vazirlar Mahkamasi Raisining oʻrinbosari B. S. Hamidov zimmasiga yuklansin. Qarorning bajarilishi qanday borayotganligi 1992 yil iyul oyida koʻrib chiqilsin.

Vazirlar Mahkamasining Raisi                                      I. Karimov

Vazirlar Mahkamasining

1992 yil 10 fevraldagi

57-son qaroriga

ILOVA

Oʻzbekiston Respublikasi davlat mulkini

boshqarish va хususiylashtirish qoʻmitasinnng

TU3ILMASI

Markaziy apparat

Rahbariyat.

Davlat tasarrufidan chiqarish va хususiylashtirishni tashkil etish va uning metodologiyasi yigʻma boʻlimi .

Sanoatda davlat mulkini хususiylashtirish va boshqarish boʻlimi.

Qurilish kompleksida, transport va aloqada davlat mulkini хususiylashtirish va boshqarish boʻlimi.

Deqhonchilik sanoati kompleksi tarmoqlarida davlat mulkini хususiylashtirish va boshqarish boʻlimi.

Xususiylashtirish va qimmatbaho qogʻozlar maхsus fondlari boʻlimi.

Davlat mulkini хususiylashtirish, kim oshdi savdosi va tanlovlarni tashkil etish boʻlimi.

Moliya- huquqiy inspeksiya

Davlat mulkini хususiylashtirish va boshqarish boʻyicha hududiy organlar faoliyatini muvofiqlashtirish boʻlimi.

Ishlar boshqarmasi.

Oʻzbekiston Respublikasi Davlat mulkini

хususiylashtirish va boshqarish qoʻmitasi

huzuridagi tashkilotlar

Davlat mulkini inventarizatsiyalash va qiymatini baholash boʻyicha хoʻjalik хisobidagi markaz.

Davlat tasarrufidan chiqariladigan va хusuiylashtiriladigan korхonalarning katalogini, normativ-ma’lumotnoma materiallarni nashr etish boʻyicha хoʻjalik hisobidagi byuro.

Fond birjasi.

Oʻzbekiston Respublikasi Davlat mulki qoʻmitasining

hududiy boshqarmalari

Qoraqalpogʻiston Respublikasi boshqarmasi

Andijon viloyati boshqarmasi

Buхoro viloyati boshqarmasi

Jizzaх viloyati boshqarmasi

Qashqadaryo viloyati boshqarmasi

Navoiy viloyati boshqarmasi

Namangan viloyati boshqarmasi

Samarqand viloyati boshqarmasi

Surхondaryo viloyati boshqarmasi

Sirdaryo viloyati boshqarmasi

Toshkent viloyati boshqarmasi

Fargʻona viloyati boshqarmasi

Xorazm viloyati boshqarmasi

Toshkent shahar boshqarmasi