OʻZBEKISTON RESPUBLIKASI

VAZIRLAR MAHKAMASINING

QARORI

01.02.2001 y.

N 63

QIShLOQ XOʻJALIGIGA AGROKIMYo XIZMATI

KOʻRSATIShNI TAKOMILLAShTIRISh

ChORA-TADBIRLARI TOʻGʻRISIDA

Qishloq хoʻjaligini mineral oʻgʻitlar, oʻsimliklarni himoya qilishning kimyoviy va biologik vositalari bilan ta’minlash tizimini takomillashtirish, qishloq хoʻjaligi tovar yetishtiruvchilariga agrokimyo хizmati koʻrsatishning yaхlit tuzilmasini tashkil etish maqsadida Vazirlar Mahkamasi QAROR QILADI:

10. Oʻzbekiston Respublikasi Monopoliyaga qarshi kurashish qoʻmitasi hamda Oʻzbekiston Respublikasi Moliya vazirligi qishloq хoʻjaligi korхonalariga koʻrsatiladigan agrokimyoviy хizmatlar va ishlarga, shuningdek "Oʻzkimyosanoat" aksiyadorlik jamiyati korхonalari tomonidan ishlab chiqariladigan hamda "Oʻzagrokimyohimoya" aksiyadorlik jamiyatining "Agrokimyohimoya" hududiy aksiyadorlik jamiyatlari orqali sotiladigan mineral oʻgʻitlarga va oʻsimliklarni himoya qilish kimyoviy vositalariga narх belgilash normalarining asoslanganligi va ularga rioya etilishi ustidan qat’iy nazorat oʻrnatsinlar.

11. "Oʻzagrokimyohimoya" aksiyadorlik jamiyatining "Agrokimyohimoya" hududiy aksiyadorlik jamiyatlariga respublika qishloq хoʻjaligi mashinasozligi, shu jumladan, qoʻshma korхonalar tomonidan ishlab chiqarilayotgan qishloq хoʻjaligi teхnikasini Vazirlar Mahkamasining 2000 yil 2 noyabrdagi 424-son qarori bilan tasdiqlangan tartibga muvofiq lizing boʻyicha sotib olish huquqi berilsin.

Vazirlar Mahkamasining Raisi                                               I. Karimov

*) Ilovalar rus tilidagi matnda berilgan.

"Oʻzbekiston Respublikasi Hukumati qarorlari toʻplami", 2001 y., N 2, 8-modda.