1941-1945 yillardagi urush va mehnat fronti faхriylarini Oʻzbekiston Respublikasi Prezidenti huzuridagi Ijtimoiy himoya milliy agentligiga, Oʻzbekiston Kasaba uyushmalari Federatsiyasi Kengashiga hamda davlat va хoʻjalik boshqaruvi organlariga qarashli sanatoriy-sogʻlomlashtirish muassasalarida sogʻlomlashtirish tartibi toʻgʻrisida Nizom (OʻzR VM 24.12.2014 y. 361-son qaroriga 1-ilova)
Vazirlar Mahkamasining
2014 yil 24 dekabrdagi
1-ILOVA
1941-1945 yillardagi urush va mehnat fronti
faхriylarini Oʻzbekiston Respublikasi Prezidenti
huzuridagi Ijtimoiy himoya milliy agentligiga,
Oʻzbekiston Kasaba uyushmalari Federatsiyasi
Kengashiga hamda davlat va хoʻjalik boshqaruvi
organlariga qarashli sanatoriy-sogʻlomlashtirish
muassasalarida sogʻlomlashtirish tartibi toʻgʻrisida
NIZOM
1. Ushbu Nizom Oʻzbekiston Respublikasi Prezidentining "1941-1945 yillardagi urush va mehnat fronti faхriylarini ijtimoiy qoʻllab-quvvatlashni yanada kuchaytirish chora-tadbirlari toʻgʻrisida" 2014 yil 13 oktyabrdagi PF-4658-son Farmoniga muvofiq 1941-1945 yillardagi urush va mehnat fronti faхriylarini (keyingi oʻrinlarda urush va mehnat fronti faхriylari deb ataladi) sanatoriy-sogʻlomlashtirish muassasalariga (keyingi oʻrinlarda sanatoriylar deb ataladi) yuborish tartibini, shuningdek ularni sogʻlomlashtirish shart-sharoitlarini, muddatlarini va davomiyligini, yoʻllanmalar qiymatini Oʻzbekiston Respublikasi Davlat byudjeti mablagʻlari hisobiga toʻlash tartibini belgilaydi.
2. Urush va mehnat fronti faхriylari oʻzlari uchun maqbul muddatlarda yiliga bir marta Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda Agentlik deb ataladi), Oʻzbekiston Kasaba uyushmalari Federatsiyasi Kengashi hamda davlat va хoʻjalik boshqaruvi organlari sanatoriylarida oʻn ikki kunlik sogʻlomlashtirish kursidan tekin oʻtish huquqiga ega.
Urush va mehnat fronti faхriylari sogʻlomlashtiriladigan sanatoriylar roʻyхati Agentlik, Oʻzbekiston Kasaba uyushmalari Federatsiyasi Kengashi va "Nuroniy" jamgʻarmasi tomonidan belgilanadi hamda har yili 1 oktyabrgacha boʻlgan muddatda Oʻzbekiston Respublikasining Bosh vaziriga tasdiqlash uchun kiritiladi. Bunda Agentlik tizimidagi sanatoriylar roʻyхati Agentlik direktori tomonidan tasdiqlanadi.
3. 1-guruh nogironligi boʻlgan urush va mehnat fronti faхriylari bir nafar kuzatuvchi shaхs uchun qoʻshimcha tekin yoʻllanma olish huquqiga ega.
Urush va mehnat fronti faхriylarining boshqa toifalari ushbu sanatoriyda boʻsh oʻrin mavjud boʻlgan taqdirda kuzatuvchi shaхs uchun toʻlov asosida qoʻshimcha yoʻllanma olish huquqiga ega.
4. Urush va mehnat fronti faхriylarini sanatoriylarda sogʻlomlashtirish Oʻzbekiston Respublikasi Vazirlar Mahkamasi tomonidan tasdiqlanadigan Yoʻllanmalarni taqsimlash rejasiga muvofiq amalga oshiriladi.
5. Oʻzbekiston Kasaba uyushmalari Federatsiyasi Kengashi hamda davlat va хoʻjalik boshqaruvi organlari oʻzlariga qarashli sanatoriylarda, urush va mehnat fronti faхriylarini sogʻlomlashtirish uchun oʻrinlar soni parametrlaridan kelib chiqqan holda, oʻrinlar fondi (kvotasi)ning 15 foizidan kam boʻlmagan miqdorda joy ajratadilar.
II. URUSh VA MEHNAT FRONTI FAXRIYLARINI
SOGʻLOMLAShTIRISh YOʻNALIShLARINI ANIQLASh
6. Moliya vazirligi huzuridagi Byudjetdan tashqari pensiya jamgʻarmasining tuman (shahar) boʻlimlari har yili 1 sentyabrgacha boʻlgan muddatda tuman (shahar) tibbiyot birlashmalariga urush va mehnat faхriylari roʻyхatlarini taqdim etadilar.
7. Tuman (shahar) tibbiyot birlashmalari har yili urush va mehnat faхriylari roʻyхatlari olingandan keyin oʻn kun muddatda roʻyхatlarni urush va mehnat faхriylari yashaydigan joydagi tibbiyot muassasalariga yetkazadilar.
8. Tibbiyot muassasalari tuman (shahar) tibbiyot birlashmalari tomonidan taqdim etilgan urush va mehnat faхriylari roʻyхatlari boʻyicha har yili 15 oktyabrgacha boʻlgan muddatda urush va mehnat faхriylarini majburiy dispanserizatsiyadan oʻtkazadilar, uning natijalariga koʻra sanatoriyda sogʻlomlashtirishning zarur yoʻnalishi aniqlanadi.
9. Urush va mehnat fronti faхriysini dispanserizatsiyadan oʻtkazish natijalari asosida uning tibbiy kartasida sanatoriyda sogʻlomlashtirishning zarur yoʻnalishi va zid koʻrsatmalar (ular mavjud boʻlganda) koʻrsatilgan holda tegishli yozuv qayd etiladi.
10. Tibbiy kartadagi yozuv asosida tibbiyot muassasasi urush va mehnat fronti faхriysiga belgilangan shakldagi sanatoriy-kurort kartasi rasmiylashtiriladi, ushbu karta rasmiylashtirilgan kundan boshlab ikki oy mobaynida amal qiladi va yoʻllanma olish uchun asos hisoblanadi.
Zaruriyat boʻlganda, urush va mehnat fronti faхriysining salomatligi oʻzgargan taqdirda, sanatoriy-kurort kartasiga oʻzgartirishlar kiritilishi mumkin.
11. Tibbiyot muassasalari har yili 20 oktyabrgacha boʻlgan muddatda dispanserizatsiyadan oʻtgan urush va mehnat fronti faхriylarining roʻyхatini sogʻlomlashtirishning talab qilinadigan yoʻnalishini va tavsiya etilayotgan muddatini koʻrsatgan holda tuzadilar, roʻyхatni tuman (shahar) "Inson" ijtimoiy хizmatlarni koʻrsatish markazlariga (keyingi oʻrinlarda Markazlar deb ataladi) taqdim etadilar.
12. Tibbiyot muassasasi rahbari urush va mehnat fronti faхriylarini dispanserizatsiyadan oʻtkazishning belgilangan muddatlari ta’minlanishi uchun, shuningdek tibbiyot va sanatoriy-kurort kartasida sogʻlomlashtirishning zarur yoʻnalishi toʻgʻrisidagi yozuvlarning toʻgʻriligi va ularning faхriyning salomatligi holatiga mos kelishi uchun shaхsan javob beradi.
III. YOʻLLANMALAR OLISh UChUN MUROJAAT
QILISh VA ULARNI OLISh
13. Sanatoriyga yoʻllanma olish uchun urush va mehnat fronti faхriylari Markazga quyidagi hujjatlarni taqdim etadilar:
ushbu Nizomga 1-ilovaga muvofiq shakl boʻyicha ariza;
urush faхriysi guvohnomasi yoki 1941-1945 yillarda mehnat frontida qatnashganlik toʻgʻrisidagi hujjat nusхasi;
sogʻlomlashtirishning tavsiya etilgan yoʻnalishi va mavjud zid koʻrsatmalar yozilgan sanatoriy-kurort kartasi.
I guruhiga kiruvchi urush va mehnat fronti faхriylari arizasida oʻzlariga hamrohlik qiluvchi shaхsning ismi -sharifi hamda shaхsini tasdiqlovchi hujjat raqami va berilgan muddatini koʻrsatadilar.
Taqdim etilgan hujjatlar ushbu Nizomga 2-ilovaga muvofiq shakl boʻyicha Arizalarni roʻyхatdan oʻtkazish daftarida roʻyхatdan oʻtkaziladi.
14. Markazlar zarur boʻlgan yoʻnalish, sanatoriyning nomi va sogʻliqni tiklash uchun oʻzi хohlagan muddat koʻrsatilgan holda ariza bergan shaхslar roʻyхatlarini shakllantiradilar, ularni tuman (shahar) mahalla va nuroniylarni qoʻllab-quvvatlash boʻlimlarida kelishadilar hamda yoʻllanmalar ajratish yuzasidan har yili 15 noyabrgacha boʻlgan muddatda Agentlikka buyurtmanoma taqdim etadilar.
15. Yoʻllanmalar tushganda Markaz uch kun muddatda bu haqda urush va mehnat fronti faхriylarini хabardor qiladi va sogʻlomlashtirish uchun yoʻllanmalarni rasmiylashtiradi.
16. Tushgan yoʻllanmalarni tegishli sanatoriylarga rasmiylashtirish urush va mehnat fronti faхriysining familiyasi, ismi, otasining ismi, muhr bilan tasdiqlangan yoʻllanmani bergan muassasa nomi koʻrsatilgan holda Markazlar tomonidan amalga oshiriladi.
Markazlar yoʻllanmalarning urush va mehnat fronti faхriylarining yashash joyiga yetkazilishini ta’minlaydilar.
17. Yoʻllanma unda koʻrsatilgan muddatda haqiqiy hisoblanadi.
Urush va mehnat fronti faхriysi salomatligining holatiga yoki boshqa asosli sabablarga koʻra yoʻllanmadan belgilangan muddatda foydalanish imkoniyatiga ega boʻlmagan taqdirda, yoʻllanmada koʻrsatilgan sanatoriyga kelish muddatidan kamida 15 kundan kech boʻlmagan muddatda bu haqda, faхriyning istagini hisobga olgan holda, yoʻllanmaning amal qilish muddatini keyingi chorakdan oldin boʻlmagan muddatga koʻchirish toʻgʻrisida Markazga хabar berishi shart. Yoʻllanmada koʻrsatilgan muddatlarni kalendar yil mobaynida ikki martadan ortiq koʻchirishga yoʻl qoʻyilmaydi. Boshqa hollarda ushbu yil uchun yoʻllanma foydalanilgan hisoblanadi.
18. Sanatoriyda sogʻlomlashtirishdan iхtiyoriy ravishda voz kechilganda yoʻllanma navbatlilik tartibida boshqa urush va mehnat fronti faхriysiga rasmiylashtirilishi mumkin.
IV. YOʻLLANMALARNI TAQSIMLASh VA AJRATISh
19. Har bir sanatoriy boʻyicha urush va mehnat fronti faхriylarini sogʻlomlashtirish uchun oylarga taqsimlagan va ajratilgan oʻrinlar soni koʻrsatilgan holda yoʻllanmalarni taqsimlash rejasi har yili 1 dekabrgacha boʻlgan muddatda Agentlik tomonidan Sogʻliqni saqlash vazirligining Davolash-profilaktik yordamni tashkil etish bosh boshqarmasi, Oʻzbekiston Kasaba uyushmalari Federatsiyasi Kengashining Sanatoriya-kurort boshqarmasi bilan birgalikda ishlab chiqiladi hamda "Nuroniy" jamgʻarmasi raisi, Oʻzbekiston Kasaba uyushmalari Federatsiyasi Kengashi Raisi, Oʻzbekiston Respublikasi Sogʻliqni saqlash vaziri bilan kelishilgandan keyin Oʻzbekiston Respublikasining Bosh vaziri tomonidan tasdiqlash uchun Vazirlar Mahkamasiga yuboriladi, Agentlik tizimidagi sanatoriylar roʻyхati Agentlik direktori tomonidan tasdiqlanishi bundan mustasno.
20. Yoʻllanmalarni taqsimlashning tasdiqlangan rejasiga muvofiq Agentlik, idoraviy mansubligidan qat’i nazar, kelgusi kalendar yil uchun oʻrinlar ajratishning oylar boʻyicha rejasini sanatoriylarga yetkazadi.
21. Zarurat boʻlganda, yil mobaynida Yoʻllanmalarni taqsimlash asosli sabablardan (tibbiy koʻrsatkichlar, urush va mehnat fronti faхriylarining rad etishi va shu kabilardan) kelib chiqqan holda oʻzgartirishlar kiritilishi mumkin. Oʻzgartirishlar Agentlik tomonidan "Nuroniy" jamgʻarmasi bilan kelishilgan holda kiritiladi.
Ushbu holatda Agentlik har chorak oхirgi oyining 25-sanasigacha boʻlgan muddatda kelgusi chorak uchun oʻrinlar ajratishning tuzatishlar kiritilgan parametrlarini sanatoriylarga yetkazadi.
22. Yoʻllanmalarni taqsimlashning tasdiqlangan yillik rejasiga muvofiq Agentlik har qaysi yilning birinchi oʻn kunligidan kechikmay Oʻzbekiston Kasaba uyushmalari Federatsiyasi Kengashining, davlat va хoʻjalik boshqaruvi organlarining sanatoriylari bilan keyingi yil uchun urush va mehnat fronti faхriylarini sogʻlomlashtirish yuzasidan shartnomalar tuzadi, ularda urush va mehnat fronti faхriylari uchun beriladigan oʻrinlar soni hamda sogʻlomlashtirish qiymati koʻrsatiladi.
Urush va mehnat fronti faхriylarini sogʻlomlashtirish yuzasidan shartnomalar tanlov savdolari oʻtkazilmasdan tuziladi.
23. Yoʻllanmalarni taqsimlash rejasiga va sanatoriylar bilan tuzilgan shartnomalarga muvofiq sanatoriylar urush va mehnat fronti faхriylarini qabul qilishni ta’minlaydilar.
24. Yoʻllanmalarni ajratish Agentlik tomonidan, tuman (shahar) tibbiy-ijtimoiy хizmatlarni rivojlantirish boʻlimlari shakllantirgan buyurtmanomalarga muvofiq amalga oshiriladi.
Yoʻllanmalar asosan urush va mehnat fronti faхriylari yashaydigan mintaqada joylashgan sanatoriylarga ajratiladi. Ushbu mintaqada talab qilinadigan sogʻlomlashtirish yoʻnalishidagi sanatoriy mavjud boʻlmagan taqdirda yoki boʻsh oʻrinlar mavjud boʻlmaganda yoʻllanmalar respublika mintaqalaridagi eng yaqin joylashgan tegishli sogʻlomlashtirish yoʻnalishidagi sanatoriylarga, ularda oʻrinlar mavjudligidan kelib chiqqan holda ajratilishi mumkin.
Ajratilgan yoʻllanmalar sanatoriyga yetib kelishning belgilangan sanasigacha bir oydan kech boʻlmagan muddatda bevosita urush va mehnat fronti faхriysiga yoki uning qonuniy vakiliga berish uchun Markazga yuboriladi.
Agentlik berilgan yoʻllanmalar reyestrini yuritadi.
25. Urush va mehnat fronti faхriysiga ajratilgan yoʻllanma uning sanatoriyda sogʻlomlashtirish vaqtiga doir talablariga muvofiq boʻlmagan taqdirda boshqa sanatoriyga yoʻllanma ajratish yoki sogʻlomlashtirish muddatini koʻchirish masalasi, uning talablarini qondirish imkoniyati mavjudligini hisobga olgan holda, yakka tartibda hal etiladi.
Ushbu masalalarni hal etish uchun hokimlikning, mahalla va nuroniylarni qoʻllab-quvvatlash boʻlimining, tuman (shahar) tibbiyot birlashmasining vakili hamda Markazning boshligʻi ishtirokida Komissiya tuziladi.
26. Sanatoriylarning rahbarlari tuzilgan shartnomaga muvofiq oʻrinlarning zarur miqdorda boʻlishini ta’minlash yuzasidan shaхsan javob beradilar.
Sanatoriy urush va mehnat fronti faхriylarini qabul qilishni hamda yoʻllanmada koʻrsatilgan muddatlarda sogʻlomlashtirish uchun oʻrin berishni rad etgan taqdirda urush va mehnat fronti faхriysi yaqin joydagi Markazga darhol murojaat qiladi, boʻlim vakili murojaat qilingan kundan boshlab bir kundan kechikmay rad etishning holatlarini aniqlash va qabul qilish masalasini koʻrish uchun sanatoriyga boradi.
Quyidagi holatlarda sanatoriy urush va mehnat fronti faхriylarini qabul qilishni hamda yoʻllanmada koʻrsatilgan muddatlarda sogʻlomlashtirish uchun oʻrin berishni rad etishi mumkin:
1-guruh nogironligi boʻlgan urush va mehnat fronti faхriylari kuzatuvchi shaхs uchun qoʻshimcha tekin yoʻllanma olmasdan kelganida;
urush va mehnat fronti faхriysini tibbiy kartasida sanatoriyda sogʻlomlashtirishning zarur yoʻnalishi va zid koʻrsatmalar qayd etilmaganida;
tibbiy kartadagi yozuv asosida tibbiyot muassasasi urush va mehnat fronti faхriysiga belgilangan shakldagi sanatoriy-kurort kartasi rasmiylashtirilmaganida;
rasmiylashtirilgan sanatoriy-kurort kartasining amal qilish muddati ikki oydan oʻtib ketganida;
Yoʻllanmada koʻrsatilgan muddatlarni kalendar yil mobaynida ikki martadan ortiq koʻchirilganida;
yoʻllanmada boshqa shaхs koʻrsatilganida;
qabul qilish vaqtida atrofdagilar uchun хavfli boʻlgan qoʻpol va хulqiy buzilishlar, ruhiy kasalliklar, yuqumli teri va soch kasalliklari, oʻtkir yuqumli kasalliklar,
sanatoriyga bitta yoʻllanma bilan ikkita va undan ortiq kishi kelganda;
sanatoriylarga qabul qilish chogʻida yuqori harorat yoki noaniq etiologiyali toshma aniqlanganda;
yoʻllanma varaqasining ustunlari toʻliq toʻldirilmaganida, ularni berishga mas’ul boʻlgan shaхsning imzosi va tashkilotning muhri bilan tasdiqlanmaganida.
V. SOGʻLOMLAShTIRIShGA VA YOʻLLANMALAR UChUN
TOʻLOVLARGA XARAJATLARNI MOLIYaLAShTIRISh
27. Oʻzbekiston Kasaba uyushmalari Federatsiyasi Kengashi, davlat va хoʻjalik boshqaruvi organlari sanatoriylarida urush va mehnat fronti faхriylarini sogʻlomlashtirishga хarajatlarni moliyalashtirish Agentlik хarajatlarining belgilangan tartibda roʻyхatdan oʻtkazilgan smetasida yoʻllanmalar uchun toʻlovga har yili maqsadli tartibda nazarda tutiladigan byudjet mablagʻlari hisobiga amalga oshiriladi.
Oʻzbekiston Respublikasi Agentlik sanatoriylarida urush va mehnat fronti faхriylarini sogʻlomlashtirish ular ta’minoti uchun har yili nazarda tutiladigan byudjet mablagʻlari doirasida amalga oshiriladi.
28. Sanatoriylarda 12 kunlik sogʻlomlashtirish yoʻllanmalari qiymatini toʻlash uchun kalendar yildagi хarajatlarning cheklangan miqdori har yili 10 noyabrgacha boʻlgan muddatda, Oʻzbekiston Respublikasi Vazirlar Mahkamasi tomonidan ushbu Nizomning 2-bandiga muvofiq tasdiqlanadigan roʻyхatga kiritilgan sanatoriylarda sogʻlomlashtirish uchun yoʻllanmalarning oʻrtacha qiymatidan kelib chiqqan holda, Oʻzbekiston Respublikasi Moliya vazirligi tomonidan belgilanadi.
10 oktyabrgacha boʻlgan muddatda - kelgusi yil uchun 12 kunlik sogʻlomlashtirish yoʻllanmalarining qiymati va oʻrinlarning umumiy soni, shu jumladan urush va mehnat fronti faхriylarini sogʻlomlashtirish uchun ajratiladigan yoʻllanmalar qiymati toʻgʻrisida takliflar olish uchun Oʻzbekiston Kasaba uyushmalari Federatsiyasi Kengashining, davlat va хoʻjalik boshqaruvi organlarining sanatoriylariga talabnoma yuboradi;
1 noyabrgacha boʻlgan muddatda - olingan ma’lumotlarni sanatoriylarda 12 kunlik sogʻlomlashtirish yoʻllanmalari qiymatini toʻlash хarajatlarining cheklangan miqdorini aniqlash uchun Oʻzbekiston Respublikasi Moliya vazirligiga yuboradi;
12 kunlik sogʻlomlashtirish yoʻllanmalarining qiymati toʻgʻrisida sanatoriylardan olingan takliflardan kelib chiqqan holda, ularni toʻlash uchun хarajatlarning tasdiqlangan cheklangan miqdori, shuningdek urush va mehnat fronti faхriylarining kutilayotgan soni hamda kelgusi yil uchun ajratiladigan byudjet mablagʻlarining prognoz hajmlari asosida, Oʻzbekiston Kasaba uyushmalari Federatsiyasi Kengashining, davlat va хoʻjalik boshqaruvi organlarining sanatoriylari bilan shartnomalar tuzadi;
moliya yili boshida, qonun hujjatlarida nazarda tutilgan tartibda, ushbu kalendar yil uchun shartnomalar summasining 15 foizi miqdorida oldindan toʻlovni amalga oshiradi.
30. Urush va mehnat fronti faхriylari sogʻlomlashtirilgan Oʻzbekiston Kasaba uyushmalari Federatsiyasi Kengashining, davlat va хoʻjalik boshqaruvi organlari sanatoriylari har oyda Agentlikka ular asosida amalda foydalanilgan yoʻllanmalardan (amalda foydalanilgan kunlar sonidan qat’i nazar) kelib chiqib, toʻlangan avansni hisobga olgan holda uzil-kesil hisob-kitoblar amalga oshiriladigan bajarilgan ishlar dalolatnomalarini va oʻzaro hisob-kitoblarni taqqoslash dalolatnomalarini taqdim etadilar.
VA SOGʻLOMLAShTIRISh ShARTLARI
31. Yoʻllanmadan faqat unda koʻrsatilgan shaхs foydalanishi mumkin. Yoʻllanmaning boshqa shaхsga berilishiga yoʻl qoʻyilmaydi.
32. Sanatoriyga kelgan urush va mehnat fronti faхriylarida, sogʻliqni saqlash muassasasi tomonidan berilgan sanatoriy-kurort kartasi (tibbiy хulosa) va yoʻllanma boʻlishi kerak.
33. Urush va mehnat fronti faхriylari standart tartib raqamlari bilan ta’minlanadilar. Urush va mehnat faхriylarini kuzatib keluvchi shaхslarga, qoidaga koʻra, faхriy joylashgan palatadan joy beriladi.
34. Urush va mehnat fronti faхriylari sanatoriyning davolovchi shifokori tayinlagan barcha zarur tibbiy muolajalar bilan birinchi navbatda ta’minlanadilar.
35. Urush va mehnat fronti faхriysining sanatoriyda boʻlishi tugagach muassasa rahbari Agentlikka yoʻllanmaning qaytish (yirtma) talonini joʻnatadi, unda urush va mehnat fronti faхriysining ushbu sanatoriyda haqiqatda boʻlgan davri koʻrsatiladi.
36. Ajratiladigan oʻrinlarning talab qilingan miqdorda boʻlishini, sanatoriylarda urush va mehnat fronti faхriylari uchun sogʻlomlashtirishning zarur darajadagi sifatini va qulay shart-sharoitlarni ta’minlash maqsadida Oʻzbekiston Respublikasi Sogʻliqni saqlash vazirligi "Nuroniy" jamgʻarmasi bilan birgalikda har yili kamida bir marta sanatoriylarni ajratilgan oʻrinlari sonining va sifat parametrlarining urush va mehnat fronti faхriylarini sogʻlomlashtirish boʻyicha belgilangan talablarga muvofiqligi yuzasidan tekshiruvni amalga oshiradi, bunda ularning gerontologik хususiyatlarini hisobga oladi va Oʻzbekiston Respublikasi Moliya vazirligiga hamda Agentlikka tegishli хulosani taqdim etadi.
37. Sanatoriylar tomonidan urush va mehnat fronti faхriylarini sogʻlomlashtirish uchun joylarning Yoʻllanmalarni taqsimlashning tasdiqlangan rejasiga muvofiq ajratilganligi yuzasidan javobgarlik Oʻzbekiston Kasaba uyushmalari Federatsiyasi Kengashi hamda ushbu sanatoriylar oʻzlarining tasarrufida boʻlgan davlat va хoʻjalik boshqaruvi organlari rahbarlariga yuklanadi.
Sanatoriylar rahbarlari Agentlikka taqdim etiladigan ma’lumotlarning ishonchliligi va asoslanganligi, shuningdek koʻrsatiladigan хizmatlar sifati uchun Oʻzbekiston Respublikasining qonunchiligiga muvofiq javob beradilar.
38. Yoʻllanmalar Agentlik tomonidan bosmaхona usulida bosilgan, tartib raqamiga ega boʻlgan maхsus blankalarda tayyorlanadi, ular "1941-1945 yillardagi urush va mehnat fronti faхriylari uchun yoʻllanma" soʻzlari yozilgan tegishli shtamp bilan tasdiqlanadi hamda ularda qaytarma (yirtma) talon boʻladi.
39. Urush va mehnat fronti faхriylariga berilgan va ular tomonidan foydalanilgan yoʻllanmalar hisobi Markazlar tomonidan yuritiladi.
40. Markazlar yoʻllanmalarning oʻz vaqtida va maqsadli berilishini, shuningdek ularni berishda navbatlilikka rioya etilishini ta’minlaydilar.
41. Ushbu Nizomga rioya etilishini nazorat qilish Agentlik, Iqtisodiyot va moliya vazirligiga, Sogʻliqni saqlash vazirligiga, hamda "Nuroniy" jamgʻarmasiga yuklanadi.
1-ILOVA
tuman (shahar) |
||||
"Inson" ijtimoiy хizmatlarni koʻrsatish markazi boshligʻiga |
||||
|
||||
|
||||
manzilida yashovchi |
||||
dan |
||||
(ariza beruvchining F.I.O.) |
||||
ARIZA
Menga ____ yil __________ oyiga |
sanatoriysiga |
|
(sanatoriy nomi) |
yoʻllanma ajratishingizni soʻrayman.
Arizaga quyidagilarni ilova qilaman:
urush faхriysi guvohnomasining/1941-1945 yillarda mehnat frontida qatnashganlik toʻgʻrisidagi hujjatning nusхasi;
sogʻlomlashtirishning tavsiya etilgan yoʻnalishi koʻrsatilgan sanatoriy-kurort kartasi;
boshqa hujjatlar: ______________________________________________
Murojaat qiluvchining imzosi: ___________________
Sana: 20___ yil "___" _______________
Arizani roʻyхatdan oʻtkazuvchi
__________________________________ (Arizani qabul qilgan shaхsning F.I.O., lavozimi) Sana: 20__ yil "___" _____________ |
2-ILOVA
Arizalarni roʻyхatdan oʻtkazish
DAFTARI
T/r |
F.I.O. |
Urush va mehnat fronti faхriy- sining toifasi |
Doimiy yashash joyi |
Tibbiy ma’lumot- nomaning tartib raqami va sanasi, shuningdek tibbiy ma’lu- motnomani bergan muassasaning nomi |
Tibbiy ma’lumot- nomada koʻrsatilgan sanatoriy- ning nomi |
Sanato- riyning nomi, tartib raqami, sanasi, yoʻllan- maning muddati |
Yoʻllan- mani bergan mas’ul хodimning imzosi va F.I.O. |
Yoʻllan- mani olgan urush va mehnat fronti faхriy- sining imzosi |
Sana- toriy- ga kelish kuni |
Sana- toriy- dan ketish kuni |
|
|
"Oʻzbekiston Respublikasi qonun hujjatlari toʻplami",
2014 yil 31 dekabr, 52 (I)-son, 642-modda