Xalq ta’limi vazirligining 17-son, Oliy va oʻrta maхsus ta’lim vazirligining oʻrta maхsus, kasb-hunar ta’limi markazining 12/QQ-son "Umumta’lim maktablarining 9-sinf bitiruvchilarini akademik litsey va kasb-hunar kollejlarida oʻqitish bilan qamrab olish tartibi toʻgʻrisidagi vaqtinchalik nizomni tasdiqlash toʻgʻrisida"gi 18.06.2007 y. Qarori (AV tomonidan 18.06.2007 y. 1691-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
18.06.2007 y.
N 1691
OʻZBEKISTON RESPUBLIKASI XALQ TA’LIMI VAZIRLIGINING 18.06.2007 y. N 17 |
OʻZBEKISTON RESPUBLIKASI OLIY VA OʻRTA MAXSUS TA’LIM VAZIRLIGINING OʻRTA MAXSUS, KASB-HUNAR TA’LIMI MARKAZINING 18.06.2007 y. N 12/QQ |
QARORI
Umumta’lim maktablarining 9-sinf
bitiruvchilarini akademik litsey va kasb-hunar
kollejlarida oʻqitish bilan qamrab olish tartibi
toʻgʻrisidagi vaqtinchalik nizomni tasdiqlash toʻgʻrisida
Oʻzbekiston Respublikasi "Ta’lim toʻgʻrisida" va "Kadrlar tayyorlash milliy dasturi toʻgʻrisida"gi Qonunlari, Oʻzbekiston Respublikasi Vazirlar Mahkamasining 2003 yil 29 oktyabrdagi "Umumiy oʻrta va oʻrta maхsus, kasb-hunar ta’limiga izchil oʻtishini ta’minlashga doir qoʻshimcha chora-tadbirlari toʻgʻrisida"gi 473-sonli qaroriga muvofiq Oʻzbekiston Respublikasi Xalq ta’limi vazirligi va Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi QAROR QILADI:
1. Ilova qilinayotgan Umumta’lim maktablarining 9-sinf bitiruvchilarini akademik litsey va kasb-hunar kollejlarida oʻqitish bilan qamrab olish tartibi toʻgʻrisidagi Vaqtinchalik nizom tasdiqlansin.
2. Ushbu qaror Oʻzbekiston Respublikasi Adliya vazirligida davlat roʻyхatidan oʻtkazilganidan keyin oʻn kundan soʻng kuchga kiradi.
Oʻzbekiston Respublikasi
Xalq ta’limi vaziri T. Joʻrayev
Oʻzbekiston Respublikasi
Oliy va oʻrta maхsus ta’lim
vazirining birinchi oʻrinbosari,
Oʻrta maхsus, kasb-hunar ta’limi
markazi direktori A. Karimov
"Oʻzbekiston Respublikasi qonun hujjatlari toʻplami", 2007 yil, 25-26-son, 266-modda.