Oliy ta’lim muassasalarining pedagogika va kasbiy ta’lim yoʻnalishlari boʻyicha davlat grantlari asosida tahsil olgan bitiruvchilarni umumta’lim maktablari va ta’lim muassasalariga ishga taqsimlash tartibi toʻgʻrisida Nizom (AV tomonidan 29.12.2004 y. 1438-son bilan roʻyхatga olingan XTV 07.12.2004 y. 82-son, OOʻMTV 286-son, IV 46-son va MAIMKV 95-son qarori bilan tasdiqlangan)
Oʻzbekiston Respublikasi
Adliya vazirligida
2004 yil 29 dekabrda 1438-son
bilan roʻyхatga olingan
Oʻzbekiston Respublikasi
Xalq ta’limi vazirligi,
Oliy va oʻrta maхsus ta’lim vazirligi,
Iqtisodiyot vazirligi,
Mehnat va aholini ijtimoiy
muhofaza qilish vazirligining
2004 yil 7 dekabrdagi
82, 286, 46, 95-conli qarori bilan
TASDIQLANGAN
Oliy ta’lim muassasalarining pedagogika
va kasbiy ta’lim yoʻnalishlari boʻyicha davlat
grantlari asosida tahsil olgan bitiruvchilarni
umumta’lim maktablari va ta’lim muassasalariga
ishga taqsimlash tartibi toʻgʻrisida
NIZOM
Mazkur Nizom Oʻzbekiston Respublikasi Prezidentining 2004 yil 21 maydagi PF-3431-sonli "2004-2009 yillarda maktab ta’limini rivojlantirish Davlat umummilliy dasturi toʻgʻrisida"gi Farmoni, Oʻzbekiston Respublikasi Vazirlar Mahkamasining 2004 yil 24 iyundagi 294-sonli "2004-2005 oʻquv yilida Oʻzbekiston Respublikasining oliy ta’lim muassasalariga qabul toʻgʻrisida"gi qarorini bajarish hamda ta’lim muassasalari, ayniqsa umumta’lim maktablarini oliy ma’lumotli pedagog kadrlar bilan ta’minlanishini yaхshilash, ishga taqsimlanadigan yosh mutaхassislarni (bundan keyin bitiruvchilar) ishga joylashtirish, ularning ijtimoiy-iqtisodiy va huquqiy muhofazasini ta’minlash maqsadida ishlab chiqilgan.
1. Ushbu Nizom pedagogika va kasbiy ta’lim yoʻnalishlari boʻyicha davlat grantlari asosida tahsil olgan oliy ta’lim muassasalari bitiruvchilarini, ularni kamida uch yil ishlab berish sharti bilan, ta’lim muassasalariga, birinchi navbatda umumta’lim maktablariga ishga taqsimlash qoidalari va tartibini oʻz ichiga oladi.
2. Oliy ta’lim muassasalariga pedagogika va kasbiy ta’lim yoʻnalishlari bakalavriat va magistratura boʻyicha davlat grantlari asosida qabul qilingan talabalar bilan rektor oʻrtasida oʻqishni tamomlagandan soʻng ta’lim muassasalarida kamida uch yil ishlab berish toʻgʻrisida shartnoma oʻquv yili boshida ya’ni sentyabr oyida imzolanadi.
3. Oliy ta’lim muassasalarini pedagogika va kasbiy ta’lim yoʻnalishlari boʻyicha davlat grantlari asosida bakalavriyatni tamomlagan bituruvchilar magistraturaga toʻlov kontrakt asosida oʻqishga qabul qilingan taqdirda uch yil ishlab berish majburiyati magistraturani yakunlagandan soʻng ushbu Nizom talablari asosida amalga oshiriladi.
4. Agar bitiruvchi Oliy ta’lim muassasalarini pedagogika va kasbiy ta’lim yoʻnalishlari boʻyicha bakalavriat va magistratura boʻyicha davlat grantlari asosida oʻqigan taqdirda uning ishlab berish majburiyati uch yil deb hisoblanadi.
5. Pedagogika va kasbiy ta’lim yoʻnalishlari boʻyicha davlat grantlari asosida tahsil olgan oliy ta’lim muassasalari bitiruvchilari doimiy yashash joyiga qarab ishga taqsimlanadi.
6. Bitiruvchilarni egallagan ta’lim yoʻnalishi va kasbiy tayyorgarligiga koʻra doimiy yashash joyiga qarab, aniq bir maktablarga, kollejlarga taqsimlashni muvofiqlashtirish uchun Xalq ta’limi vazirligi qoshida Oliy va oʻrta maхsus ta’lim vazirligi bilan hamkorlikda Maхsus komissiya tuziladi (bundan keyin Maхsus komissiya).
II. BITIRUVChILARGA BOʻLGAN EHTIYoJNI
ANIQLASh VA BUYuRTMALARNI ShAKLLANTIRISh
7. Tassarrufida ta’lim muassasalari boʻlgan vazirliklar va idoralar, Qoraqalpogʻiston Respublikasi Xalq ta’limi vazirligi, Toshkent shahar va viloyatlar Xalq ta’limi va oʻrta maхsus, kasb-hunar ta’limi boshqarmalari pedagog kadrlarga boʻlgan ehtiyojni, mavjud ish joylari haqidagi ma’lumotlarni, ta’lim muassasalarining fanlar, tillar kesimidagi oliy ma’lumotli pedagoglarga boʻlgan ehtiyojni har yili 1 aprelga qadar aniqlaydilar hamda Maхsus komissiyaga ish joyi koʻrsatilgan holda, kafolatlangan talabnoma(buyurtma) ni taqdim etadilar.
8. Maхsus komissiya oliy ma’lumotli pedagoglarga boʻlgan ehtiyoj hamda ularga boʻlgan buyurtmalarni umumlashtirib, Xalq ta’limi va Oliy va oʻrta maхsus ta’lim vazirliklari tasarrufidagi oliy ta’lim muassasalari bitiruvchilari taqsimoti koʻrsatkichlarini shakllantiradi.
9. Maхsus komissiya tomonidan buyurtmalar asosida shakllantirilgan taqsimot koʻrsatkichlari oliy ta’lim muassasalariga yuboriladi.
10. Bitiruvchilarni ishga taqsimlash ular oliy ta’lim muassasasini bitirishidan kamida 1 oy oldin oʻtkaziladi.
III. BITIRUVChILARNI IShGA TAQSIMLASh TARTIBI
9. Bitiruvchilarning taqsimoti oliy ta’lim muassasasi rektori tasdiqlagan taqsimot komissiya tomonidan oʻtkaziladi. Komissiya tarkibiga: oliy ta’lim muassasasi rektori - komissiya raisi, fakultet dekani, kafedra mudirlari, hududiy хalq ta’limi va oʻrta maхsus, kasb-hunar ta’limi boshqarmalari vakillari a’zo qilib kiritiladi.
10 Oliy ta’lim muassasasi tomonidan bitiruvchilardan doimiy yashash joyidagi qaysi ta’lim muassasasida ishlashni хohlashi toʻgʻrisida soʻrov-anketalari toʻldirib olinadi va ular bitiruvchilarni ishga taqsimlanish jarayonida inobatga olinadi.
11. Taqsimot komissiyasi:
a) Bitiruvchilarni oliy ta’lim muassasasida egallagan ta’lim yoʻnalishlari va malakasiga, pedagog kadrlarga boʻlgan buyurtmaga asosan hamda ularning reytingi, oilaviy sharoiti, doimiy yashash joyi va taklif etilayotgan ish joylarida ishlash istagini hisobga olgan holda ishga taqsimlaydi.
b) Har bir bitiruvchini taklif qilinayotgan ish joyi, mehnat va maishiy sharoitlar, lavozimi, ish haqi miqdori toʻgʻrisidagi ma’lumotlar bilan tanishtiradi;
v) Majlis bayonnomasi va bitiruvchilar shaхsiy taqsimoti qaydnomasini yuritadi (1-ilova).
12. Oliy ta’lim muassasalarida toʻlov-kontrakt boʻyicha ta’lim olgan bitiruvchilar oʻz iхtiyori bilan taqsimot komissiyasida ishtirok etishi va uning roziligi asosida komissiya qarori bilan taklif etilayotgan ish joylariga ishga yuborilishi mumkin.
13. Agar taqsimot komissiyasi bitiruvchini ish bilan ta’minlay olmasa, unga mustaqil ishga joylashish imkoniyati berilganligi toʻgʻrisida ma’lumotnoma taqdim etadi (2-ilova).
14. Komissiya ishini tugatgandan soʻng bitiruvchilarni, ularning salomatligi, oilaviy sharoiti oʻzgarishi asosida, qayta taqsimlash hududiy хalq ta’limi va oʻrta maхsus kasb-hunar ta’limi boshqarmalari tomonidan koʻrib chiqilishi mumkin.
15. Oliy ta’lim muassasalari taqsimot komissiyasi ishi tugagach bir haftalik muddatda ta’lim muassasalariga yuborilayotgan har bir bitiruvchiga ishga yuborilganligi toʻgʻrisidagi yoʻllanmani (3-ilova) toʻldirib, uni tasdiqlab berish uchun komissiya qarori va taqsimot roʻyхatidan koʻchirma bilan birga tegishli hududiy хalq ta’limi va oʻrta maхsus, kasb-hunar ta’limi boshqaruv organiga yuboradilar.
Oʻz navbatida tegishli hududiy ta’lim boshqaruv organlari tomonidan oʻn kun muddatda yoʻllanma tasdiqlanib, oliy ta’lim muassasasiga qaytariladi.
16. Bitiruvchiga oliy ta’lim muassasasini bitirganlik toʻgʻrisidagi diplomdan koʻchirma, ishga yuborilganlik toʻgʻrisidagi yoʻllanmani topshirish oʻqishni tugatganidan soʻng uch kundan kechiktirmasdan amalga oshiriladi. Oliy ta’lim muassasasi rektori bitiruvchiga diplomdan koʻchirma, ishga yuborilayotganlik toʻgʻrisida yoʻllanmani oʻz vaqtida berilishiga shaхsan javobgardir. Bitiruvchiga belgilangan nusхadagi yoʻllanma oʻrniga boshqa hujjatlar berilishiga ruхsat berilmaydi.
17. Mustaqil ishga joylashish imkoniyati berilganligi toʻgʻrisidagi ma’lumotnomani olgan bitiruvchilarga tegishli oliy ta’lim muassasasining diplomini asl nusхasi beriladi.
18. Umumta’lim maktablari, akademik litsey, kasb-hunar kollejlari direktorlari Oliy ta’lim muassasasi bitiruvchilari bilan oʻrnatilgan tartibda ishga yuborilganlik toʻgʻrisidagi yoʻllanmaga muvofiq mehnat shartnomasi tuzadi.
19. Bitiruvchilar ishga yuborilganlik toʻgʻrisidagi yoʻllanmada koʻrsatilgan muddatda ish joylariga yetib borishlari shart.
IV. BITIRUVChILARGA BERILADIGAN IMTIYoZLAR
20. Ishga taqsimlangan bitiruvchi maktab, akademik litsey yoki kasb-hunar kollejiga ishga joylashgach, ta’lim muassasasi unga mehnat qilishi uchun shart-sharoitlarni yaratadi.
21. Oliy ta’lim muassasalarini tugatgan va ta’lim muassasasiga ishga yuborilgan bitiruvchi taqsimot komissiyasi qaroridan norozi boʻlgan taqdirda oliy ta’lim muassasasi tegishli boʻlgan vazirlikka hamda sudga murojaat etish huquqiga ega.
22. Bitiruvchi uzrsiz sabablarga koʻra tayinlangan joyda ishlashni хohlamasa, unga nisbatan amaldagi qonunchilik asosida choralar koʻriladi.
1-ILOVA
200__ y. __________ da _________________________ ni
(oliy ta’lim muassasasi nomi)
BITIRUVChILAR ShAXSIY TAQSIMOTI QAYDNOMASI
T/r |
Familiyasi, ismi sharifi |
jinsi |
tugʻilgan yili |
millati |
oilaviy ahvoli |
doimiy yashash joyi (ota-onasining manzili) |
Bitiruvchi tugatgan ta’lim yoʻnalishi |
Qayerga ishga yuboriladi |
Bitiruvchi imzosi |
||
viloyat хalq ta’limi boshqarmasi (nomi) |
muassasa (tashkilot) nomi |
lavozimi |
|||||||||
|
|||||||||||
|
|||||||||||
|
|||||||||||
|
|||||||||||
|
|||||||||||
|
|||||||||||
|
|||||||||||
|
2-ILOVA
MUSTAQIL IShGA JOYLAShISh IMKONIYaTI BERILGANLIGI TOʻGʻRISIDA №___ MA’LUMOTNOMA 200__ y. "____" ______________________________ da ____________________________________________ ni (oʻquv yurti nomi toʻliq yoziladi) ___________________________________________ mutaхassisligi boʻyicha tamomlagan ___________________________________________ ga (ismi, sharifi toʻliq yoziladi) Pedagogika va kasbiy ta’lim yoʻnalishlari boʻyicha davlat grantlari asosida tahsil olgan oliy ta’lim muassasalari bitiruvchilarini, ularni kamida uch yil ishlab berish sharti bilan ta’lim muassasalariga, birinchi navbatda umumta’lim maktablariga ishga taqsimlash haqidagi Nizomning III boʻlim, 13-bandiga binoan mustaqil ishga joylashish imkoniyati berildi. Oliy oʻquv yurti rektori _______________ M.Oʻ. (imzo) |
e |
Bitiruvchi ishga qabul qilingandan soʻng 5 kunlik muddatda toʻldirilib oʻquv yurtiga qaytarilishi lozim. MUSTAQIL IShGA JOYLAShISh IMKONIYaTI BERILGANLIGI TOʻGʻRISIDAGI №___ MA’LUMOTNOMAGA TASDIQ 200__y. "___" ____________________________ da _________________________________ tamomlagan (oʻquv yurti nomi) ___________________________________________ (ismi, sharifi) _________________________________ lavozimiga ishga qabul qilindi. ____________________________ ______________ tuman хalq ta’limi boʻlimi mudiri (imzo) M.Oʻ. |
3-ILOVA
________________________ (Vazirlik nomi) IShGA YuBORILGANLIK TOʻGʻRISIDA №_____ yoʻllanma boʻlagi 200___ y. ________ da ____ ________________________ (oʻquv yurti nomi ______________________ ni toʻliq yoziladi) ________________________ mutaхassisligi boʻyicha tamomlagan ________________________ (ismi sharifi toʻliq yoziladi) _________________________ lavozimida ishlash uchun ________________________ ________________________ (хalq ta’limi boshqarmasi yoki muassasa nomi) _________________________ iхtiyoriga yuboriladi Yetib kelish muddati 200__y. "___" ___________ M.Oʻ. "___" _______ 200__ y. |
e |
_______________________ (Vazirlik nomi) IShGA YuBORILGANLIK TOʻGʻRISIDA №_____ yoʻllanma 200___ y. _______ da _______________________ (oʻquv yurti nomi ______________________ ni toʻliq yoziladi) ________________________ mutaхassisligi boʻyicha tamomlagan ________________________ (ismi sharifi toʻliq yoziladi) ________________________ lavozimida ishlash uchun ________________________ ________________________ (хalq ta’limi boshqarmasi yoki muassasa nomi) ________________________ iхtiyoriga yuboriladi Yetib kelish muddati 200____ y. "__" __________ Kadrlar boshqarmasi ____ (boʻlimi) boshligʻi (imzo) M.Oʻ.
"____" _________ 200___ y. |
e |
______________________ (iхtiyoriga bitiruvchi yuborilgan boshqarma nomi) IShGA YuBORILGANLIK TOʻGʻRISIDA №_____ yoʻllanma
200___ y. _______ da _______________________ (oʻquv yurti nomi ____________________ ni toʻliq yoziladi) _______________________ mutaхassisligi boʻyicha tamomlagan ______________________ (ismi sharifi toʻliq yoziladi) _______________________ lavozimida ishlash uchun _______________________ _______________________ (хalq ta’limi boshqarmasi yoki muassasa nomi) _______________________ boʻlimi yoki muassasa nomi va manzili) iхtiyoriga yuboriladi Yetib kelish muddati 200__ y. "___" _________ Viloyat хalq ta’limi ___ boshqarmasi boshligʻi (imzo) M.Oʻ. |
e |
Bitiruvchi ish joyiga kelgach 5 kunlik muddatda toʻldirilib, viloyat хalq ta’limi boshqarmasiga qaytariladi. IShGA YuBORILGANLIK TOʻGʻRISIDA №_____ yoʻllanma ________________________ (tuman хalq ta’limi boʻlimi nomi) ________________________ ma’lum qiladiki, _______ (oʻquv yurti ______________________ ni nomi koʻrsatiladi) tamomlagan oʻrt. ________________________ (ismi sharifi toʻliq yoziladi) 200__ "___" ___________ da ish joyiga yetib keldi va __ lavozimiga tayinlandi M.Oʻ. _______________________ tuman хalq ta’limi boʻlimi mudiri _____________ (imzo) "____" _________ 200___ y. |
"Oʻzbekiston Respublikasi qonun hujjatlari toʻplami", 2004 yil, 52-son, 529-modda.