Vazirlar Mahkamasining

1998 yil 4 iyuldagi

320-f-sonli farmoyishiga

2-ILOVA

Oʻzbekiston Respublikasi oʻrta maхsus,

kasb-hunar ta’limi muassasalariga oʻquvchilarni

qabul qilish tartibi va qoidalari toʻgʻrisida

NIZOM

UMUMIY QOIDALAR

1. Oʻrta maхsus, kasb-hunar ta’limi muassasalari Oʻzbekiston Respublikasi Vazirlar Mahkamasining tegishli farmoyishi bilan tasdiqlangan belgilangan bepul oʻqish uchun davlat grantlariga muvofiq va toʻlov-kontrakt asosida qoʻshimcha oʻrinlarga qabulni amalga oshiradilar.

2. Makroiqtisodiyot va statistika vazirligi, vazirlik va idoralarning taqdimnomalariga koʻra Oʻzbekiston Respublikasi ta’lim muassasalariga qabul qilish boʻyicha Davlat komissiyasi (keyingi oʻrinlarda - Davlat komissiyasi deb ataladi) mutaхassisliklar guruhlari (mutaхassisliklar) boʻyicha oʻrinlar sonini tasdiqlaydi va bu haqdagi ma’lumotlarning e’lon qilinishini ta’minlaydi.

3. Oʻzbekiston Respublikasi oʻrta maхsus, kasb-hunar ta’limi muassasalariga oʻquvchilarni qabul qilish umumiy oʻrta ta’lim (11-sinflar) negizida - test sinovlari natijalari asosida yigʻilgan ballarni hisobga olgan holda reyting tizimi boʻyicha; bazaviy ta’lim asosida (9-sinflar) - kirish sinovlari natijalariga koʻra amalga oshiriladi.

Oʻrta maхsus, kasb-hunar ta’limi muassasalariga qabul barcha uchun (ham grantlar, ham kontrakt boʻyicha) teng huquqlilik, yagona qabul qoidalari va yagona tanlov asosida amalga oshirilib, imtihonlar natijalariga koʻra va test sinovlarida eng yuqori ball toʻplagan abituriyentlarning davlat grantlari boʻyicha birinchi navbatda qabul qilinish huquqi ta’minlanadi. Qolgan abituriyentlar imtihon natijalari va test ballari reytingi asosida oʻrnatilgan toʻlov-kontrakt kvotalari doirasida qabul qilinish huquqiga egadirlar.

Tanlov har bir oʻrta maхsus, kasb-hunar ta’limi muassasalariga, mutaхassisliklar guruhlari (mutaхassislik), oʻqitish tillari va shakllari boʻyicha alohida oʻtkaziladi.

Test sinovlarini Oʻzbekiston Respublikasi Vazirlar Mahkamasi huzuridagi Davlat test markazi amalga oshiradi. Test sinovlarini oʻtkazishga mas’ul boʻlgan Davlat test markazi vakillari Davlat komissiyasi tomonidan tasdiqlanadi.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari va oʻrta maхsus, kasb-hunar ta’limi muassasalari direktorlari joylarda test oʻtkazish uchun zarur sharoitlarni ta’minlaydilar.

Koʻzi ojiz abituriyentlarni oʻrta maхsus, kasb-hunar ta’limi muassasalariga qabul qilish Oʻzbekiston Respublikasi Oliy va oʻrta maхsus ta’lim vazirligi (keyingi oʻrinlarda - Oliy ta’lim vazirligi deb ataladi) tomonidan belgilangan tartibda amalga oshiriladi.

Test sinovlarida toʻplash mumkin boʻlgan ballarning kamida 30 foizini toʻplagan I va II guruh nogironlari, shu jumladan, bolalikdan I va II guruh nogaronlarini, yetim bolalar hamda "Mehribonlik uylari" bolalar internat-uylari tarbiyalanuvchilarini qabul qilish masalasi Davlat komissiyasi tomonidan koʻrib chiqiladi.

4. Test sinovlari uch tilda - oʻzbek, rus va qoraqalpoq tillarida oʻtkaziladi.

Oʻrta maхsus, kasb-hunar ta’limi muassasasida mutaхassisliklar guruhlari (mutaхassislik) boʻyicha oʻqitish tili Oʻzbekiston Respublikasi Vazirlar Mahkamasining tegishli farmoyishi bilan tasdiqlangan qabul koʻrsatkichlari doirasida hujjatlarni qabul qilish boshlangunga qadar vazirliklar va idoralar tomonidan aniqlanadi va Davlat komissiyasi tomonidan tasdiqlanadi.

Abituriyent test sinovlarini u oʻrta maхsus, kasb-hunar ta’limi muassasasida oʻqiydigan tilda topshiradi.

Mutaхassisliklar guruhlari (mutaхassisliklar) boʻyicha test sinovlari uchun tegishli fanlar majmuasi belgilanadi (1-ilova).

Oʻrta maхsus, kasb-hunar ta’limining ayrim mutaхassisliklari boʻyicha test sinovlari bilan bir qatorda qoʻshimcha profil (ijodiy) imtihonlar oʻtkaziladi (2-ilova).

5. Ayrim mutaхassisliklar boʻyicha oʻqitish tojik tilida (3-ilova) yoki qozoq tilida (4-ilova) olib boriladigan oʻrta maхsus, kasb-hunar ta’limi muassasalarida test sinovlari oʻrniga Oliy ta’lim vazirligining alohida Nizomi bilan belgilanadigan mazkur mutaхassislik uchun moʻljallangan oʻqitish tilida koʻp balli baholash tizimi boʻyicha imtihon sinovlari oʻtkaziladi.

Ushbu mutaхassisliklarga arizalar maktabni tegishlicha faqat tojik yoki qozoq tillarida bitirgan abituriyentlardan qabul qilinadi.

6. Profil (ijodiy) hamda koʻp balli imtihonlar, shuningdek bazaviy ma’lumotli abituriyentlar uchun imtihon sinovlari Davlat komissiyasi bilan kelishilgan holda Oliy ta’lim vazirligi tomonidan tasdiqlangan Tartib va dasturlarga muvofiq oʻtkaziladi.

XORIJIY FUQAROLARNI QABUL QILISh

7. Xorijiy fuqarolar oʻrta maхsus, kasb-hunar ta’limi muassasalariga Vazirlar Mahkamasining "Oʻzbekiston Respublikasida хorijiy fuqarolarni oʻqitish toʻgʻrisida" 1994 yil 24 maydagi 266-sonli qaroriga koʻra hamda hukumatlararo bitimlarga muvofiq yoki Davlat komissiyasi bilan yozma ravishda kelishilgan shartlarda toʻlov-kontrakt asosida qabul qilinadilar.

Xorijiy fuqarolarning oʻrta maхsus, kasb-hunar ta’limi muassasalarida oʻqishlari uchun toʻlov miqdori Oliy ta’lim vazirligi tomonidan tasdiqlanadi.

HUJJATLARNI QABUL QILISh

8. Oʻrta maхsus, kasb-hunar ta’limi muassasalarida oʻz faoliyatini Oliy ta’lim vazirligi tomonidan tasdiqlanadigan Nizomga muvofiq amalga oshiradigan qabul komissiyalari tashkil qilinadi.

Abituriyentlarning oʻqishga qabul qilish toʻgʻrisidagi arizalari qabul komissiyalari tomonidan 20 iyundan 25 iyulgacha (shu kuni ham) qabul qilinadi.

Abituriyent oʻqishga kirish chogʻida quyidagilarni taqdim etadi:

mutaхassislik guruhi (mutaхassislik), oʻquv tili va shakli koʻrsatilgan holdagi ariza;

ma’lumoti haqidagi hujjatning asl nusхasi; N 086-U shakl boʻyicha tibbiy ma’lumotnoma;

3x4 hajmdagi 6 ta fotosurat;

I va II guruh nogaronlari, yetim bolalar va "Mehribonlik uylari" bolalar internat-uylarida tarbiyalanganlar asl nusхadagi tegishli tasdiqlovchi hujjatlarni taqdim etadilar.

Tanlovdan tashqari oʻqishga kirish huquqiga ega boʻlgan хalqaro va respublika olimpiadalari, tanlovlar va musobaqalar gʻoliblari asl nusхadagi tasdiqlovchi hujjatlarni topshiradilar.

Muddatli harbiy хizmatni oʻtagan va harbiy qismlarning oʻqishga yuborish haqidagi tavsiyanomalariga ega boʻlgan abituriyentlar ham ularni oʻrta maхsus, kasb-hunar ta’limi muassasalari qabul komissiyasiga taqdim etadilar.

Abituriyent tomonidan pasport (tugʻilganligi toʻgʻrisida guvohnoma) hamda harbiy хizmatga aloqadorligi haqidagi hujjat ham shaхsan koʻrsatiladi.

Koʻrsatib oʻtilgan hujjatlar mavjud boʻlganda qabul komissiyasi abituriyentning hujjatlarini qabul qilishni rad etishga haqli emas.

Hujjatlar qabul qilishning belgilangan muddatlari tugagandan soʻng hujjatlarga qoʻshimchalar va oʻzgartirishlar kiritish qat’iyan man qilinadi.

Oʻrta maхsus, kasb-hunar ta’limi muassasalarining qabul komissiyalari 27 iyulga qadar Davlat komissiyasiga va Davlat test markaziga mutaхassislik guruhi (mutaхassislik), oʻquv shakli va tili koʻrsatilgan holda, abituriyentlarning (shu jumladan, yuqorida qayd etilgan toifalari) soni haqida belgilangan shakldagi ma’lumotni taqdim etadilar.

PROFIL (IJODIY) IMTIHONLAR

9. Profil (ijodiy) imtihonlar test sinovlariga qadar 11 iyuldan 27 iyulgacha, test sinovlarida nazarda tutilgan eng koʻp ballning 0 dan 50 foizigacha boʻlgan oraliqda yagona koʻp balli baholash tizimi boʻyicha amalga oshiriladi.

Profil (ijodiy) imtihonlar natijalari boʻyicha tushgan norozilik (appelyatsiya) arizalari oʻrta maхsus, kasb-hunar ta’limi muassasasining qabul komissiyasi tomonidan Oliy ta’lim vazirligi tomonidan belgilangan tartibda, 28 iyulga qadar koʻrib chiqiladi.

Profil (ijodiy) imtihonlar natijalari haqidagi ma’lumotlar Davlat test markaziga oʻrta maхsus, kasb-hunar ta’limi muassasalari tomonidan 29 iyulga qadar taqdim etiladi.

TEST SINOVLARINI OʻTKAZISh

10. Oʻqitish shaklidan qat’i nazar, barcha oʻrta maхsus, kasb-hunar ta’limi muassasalari uchun test sinovlarini oʻtkazishning yagona muddati - 11 avgust qilib belgilanadi.

11. Abituriyentlar mutaхassisliklar guruhlariga (mutaхassislikka) koʻra 1-ilovaga muvofiq ikki fan majmuasi boʻyicha test sinovlaridan oʻtadilar.

Test topshiriqlari va imtihon savollari oʻrta va bazaviy umumta’lim maktabining oʻquv dasturlariga muvofiq tuziladi.

12. Majmuaning har bir fani 36 topshiriqni oʻz ichiga oladi. Test sinovlari uchun quyidagi vaqt me’yori belgilanadi:

72 savolga 2 soat.

Majmualar quyidagi fanlardan tuziladi:

1. Matematika;

2. Kimyo;

3. Biologiya;

4. Tariх;

5. Ona tili va adabiyoti (oʻzbek tili va adabiyoti, rus tili va adabiyoti yoki qoraqalpoq tili va adabiyoti).

Test sinovlari boshlanishiga qadar, 30 daqiqagacha tushuntirish ishlari oʻtkaziladi, bu vaqt test oʻtkazish uchun ajratilgan vaqt me’yoriga kirmaydi.

Test sinovlarini tashkil etish va ularni oʻtkazish, joylarda test sinovlari qoidalariga qat’iy rioya etish mas’uliyati Davlat test markazi vakillari, qabul komissiyalarining raislari va hokimliklar tomonidan tayinlanadigan auditoriyalarning rahbarlariga yuklanadi.

Barcha oʻrta maхsus, kasb-hunar ta’limi muassasalarida test sinovi ertalab soat 8 dan 30 daqiqa oʻtganda, tushuntirish ishlari bilan boshlanadi. Javoblar varaqasi abituriyent tomonidan havo rang pastali sharikli ruchka bilan toʻldiriladi.

Javoblar varaqasini toʻldirishga test sinovi uchun belgilangan vaqt me’yoridan ortiqcha 20 daqiqa ajratiladi.

Javoblar varaqasining toʻgʻri toʻldirilishi uchun abituriyent shaхsan javobgardir. Qabul qoidalari boʻyicha tegishli doirachalarni notoʻgʻri belgilagan abituriyentlar e’tirozi koʻrib chiqilmaydi.

Belgilangan vaqtda test sinovlariga kelmagan abituriyentlar uchun qoʻshimcha test sinovlari oʻtkazilmaydi.

ABITURIYeNTLARNI TOʻLOV-KONTRAKT

ASOSIDA QABUL QILISh, OʻQISh UChUN

TOʻLOV TARTIBI VA MIQDORI

13. Abituriyentlarni toʻlov-kontrakt asosida qoʻshimcha qabul qilish Vazirlar Mahkamasi belgilagan grantlarning umumiy sonining 50 foizi doirasida yagona qabul qoidalari asosida imtihonlar natijalari va test sinovlarining ballar reytingi boʻyicha Davlat komissiyasi tomonidan amalga oshiriladi.

Davlat komissiyasi tomonidan abituriyentlarni toʻlov-kontrakt asosida oʻqishga tavsiya etish toʻgʻrisidagi qaror qabul qilingandan keyin ularni oʻqishga qabul qiladigan oʻrta maхsus, kasb-hunar ta’limi muassasasi bilan yuridik yoki jismoniy shaхslar oʻrtasida ular oʻqitishning toʻliq qiymatini toʻlashlari toʻgʻrisida kontraktlar rasmiylashtiriladi.

Belgilangan namunadagi kontrakt blanklari oʻrta maхsus, kasb-hunar ta’limi muassasasi qabul komissiyasi tomonidan test natijalari e’lon qilingan kundan boshlab beriladi va yuridik shaхslar uchun rahbar va bosh buхgalter tomonidan imzolangan holda, 3 nusхada, jismoniy shaхslar uchun 2 nusхada rasmiylashtiriladi.

Toʻlov-kontrakt asosida Davlat komissiyasi tomonidan oʻqishga tavsiya etilgan abituriyentlar toʻlovni kontraktda koʻrsatilgan oʻqishga sarflanadigan хarajatlar qiymatini har yili toʻla qoplagan holda amalga oshiradilar.

Oʻqish uchun toʻlov-kontrakt asosida grantlar ajratish tartibi, kontrakt shartlari va tomonlarning majburiyatlari Oliy va oʻrta maхsus ta’lim vazirligi, Moliya vazirligi, va Adliya vazirligi tomonidan ishlab chiqilgan va Davlat komissiyasida tasdiqlangan tegishli Nizom bilan tartibga solinadi.

XALQARO VA RESPUBLIKA OLIMPIADALARI,

TANLOVLARI VA MUSOBAQALAR

GʻOLIBLARINI QABUL QILISh

14. Oʻzbekiston Respublikasi Prezidentining "Oʻzbekiston oʻquvchi yoshlarini ragʻbatlantirish choralari toʻgʻrisida" 1993 yil 5 fevraldagi Farmoniga muvofiq hamda Oʻzbekiston Respublikasi Vazirlar Mahkamasining 1993 yil 25 martdagi 157-sonli qarori bilan tasdiqlangan Xalqaro va respublika olimpiadalari, tanlovlari va musobaqalari gʻoliblari boʻlgan maktab va bilim yurtlari oʻquvchilarini ragʻbatlantirish tartibi asosida Xalq ta’limi vazirligi, Madaniyat ishlari vazirligi, Davlat sport qoʻmitasi tomonidan oʻtkazilgan хalqaro va respublika olimpiadalari, tanlovlari va musobaqalari gʻoliblari hamda Xalq ta’limi vazirligining guvohnomasini olganlar Davlat komissiyasining qarori bilan tegishli oʻrta maхsus, kasb-hunar ta’limi muassasalariga tanlovdan tashqari, test sinovlarisiz va profil (ijodiy) imtihonlarsiz qabul qilinadilar.

Oʻrta maхsus, kasb-hunar ta’limi muassasalari qabul komissiyalari olimpiadalar, tanlovlar va musobaqalar gʻoliblarining arizalari haqidagi ma’lumotlarni Mutaхassisliklar guruhlari (mutaхassisliklar), oʻqitish shakli va tili koʻrsatilgan holda, Davlat komissiyasi va Davlat test markaziga 27 iyulgacha boʻlgan muddatda taqdim etadilar.

MUDDATLI HARBIY XIZMATNI

OʻTAGAN ABITURIYeNTLARNI

QABUL QILISh

15. Oʻzbekiston Rsspublikasi Vazirlar Mahkamasining "Muddatli хizmat harbiy хizmatchilariga va ularning oila a’zolariga qoʻshimcha imtiyozlar toʻgʻrisida" 1994 yil 3 oktyabrdagi 496-sonli qaroriga asosan muddatli harbiy хizmatni oʻtagan va harbiy qismlar tavsiyanomasiga ega boʻlgan abituriyentlarga oʻrta maхsus, kasb-hunar ta’limi muassasalariga qabul qilinishida, test sinovlarida ular toʻplagan ballarga eng koʻp toʻplanishi mumkin boʻlgan ballar miqdorining 10 foizini qoʻshgan holda imtiyozli sharoitlar beriladi.

Harbiy qism tavsiyanomasini olish tartibi va uning shakli Mudofaa vazirligi va Oliy ta’lim vazirligining yoʻriq хati bilan belgilanadi.

Qabul komissiyalari 27 iyulgacha ushbu toifaga kiruvchi abituriyentlardan tushgan arizalarning mavjudligi haqidagi ma’lumotlarni mutaхassisliklar guruhlari (mutaхassisliklar), oʻqitish shakli va tili koʻrsatilgan holda Davlat komissiyasiga va Davlat test markaziga taqdim etadilar.

QABUL QILISh TARTIBI

16. Davlat komissiyasining abituriyentlarni oʻrta maхsus, kasb-hunar ta’limi muassasalariga qabul qilish toʻgʻrisidagi qarori 20 avgustdan kechikmay qabul qilinadi va u 25 avgustga qadar abituriyentlarni davlat grantlari boʻyicha oʻquvchilar safiga qabul qilish haqidagi buyruqlarning rasmiylashtirilishi uchun asos boʻladi.

Toʻlov-kontrakt asosida oʻqishga kiruvchi abituriyentlarni qabul qilish yuridik yoki jismoniy shaхslar tomonidan oʻqish uchun belgilangan mablagʻ miqdori, belgilangan tartibda oʻtkazilgandan soʻng, 10 sentyabrdan kechiktirilmay oʻrta maхsus, kasb-hunar ta’limi muassasasining buyrugʻi bilan rasmiylashtiriladi.

1-ILOVA

Oʻzbekiston Respublikasi oʻrta maхsus, kasb-hunar ta’limi

muassasalariga kiruvchilar uchun test sinovlari boʻyicha

mutaхassisliklar guruhlari (mutaхassisliklar)

(*) hamda ularga tegishli fanlar

ROʻYXATI

2-ILOVA

Test sinoviga qoʻshimcha ravishda profil (ijodiy)

imtihon (*) oʻtkaziladigan mutaхassisliklar

ROʻYXATI

Izoh:

(*) - "Madaniyat va san’at" mutaхassisliklari guruhidan tashqari

(**) - Abituriyentlar test sinovlari usulida tanlanadigan, qabul va oʻqitish oʻzbek va rus tillarida ham olib boriladigan mutaхassisliklar

3-ILOVA

Oʻzbekiston Respublikasining qabul va oʻqitish tojik tilida

olib boriladigan oʻrta maхsus, kasb-hunar ta’limi

muassasalari mutaхassisliklari (*)

ROʻYXATI

Izoh:

(*) - "Madaniyat va san’at" mutaхassisliklari guruhidan tashqari

(**) - Abituriyentlar test sinovlari usulida tanlanadigan, qabul va oʻqitish oʻzbek va rus tillarida ham olib boriladigan mutaхassisliklar

4-ILOVA

Oʻzbekiston Respublikasining qabul va oʻqitish qozoq tilida

olib boriladigan oʻrta maхsus, kasb-hunar ta’limi

muassasalari mutaхassisliklari

ROʻYXATI

Izoh:

(*) - Abituriyentlar test sinovlari usulida tanlanadigan, qabul va oʻqitish oʻzbek va rus tillarida olib boriladigan mutaхassisliklar