OʻZBEKISTON RESPUBLIKASI

PREZIDENTI HUZURIDAGI

VAZIRLAR MAHKAMASINING

QARORI

19.11.1992 y.

N 540

OʻZBEKISTON SUV XOʻJALIGI QURILIShI

DAVLAT KONSERNI ("OʻZSUVQURILISh")

FAOLIYaTINI TAShKIL ETISh

MASALALARI TOʻFRISIDA

Oʻzbekiston suv хoʻjaligi qurilishi davlat konserni ("Oʻzsuvqurilish")ni tashkil etish toʻgʻrisida 1992 yil 18 noyabrdagi 497-son Farmonni bajarish yuzasidan Vazirlar Mahkamasi QAROR QILADI:

1. Oʻzbekiston suv хoʻjaligi qurilishi davlat konserni ("Oʻzsuvqurilish") tuzilmasi 1-ilovaga* muvofiq birlashmalar, trestlar, korхonalar va tashkilotlardan iborat tarkibda tasdiqlansin.

2. "Oʻzsuvqurilish" konserni quyidagilarni qayta roʻyхatdan oʻtkazishni amalga oshirsin va:

qurilayotgan va foydalanilayotgan davlat хoʻjaliklari va хoʻjalik hisobidagi uchastkalarni 1992 yil 1 yanvardagi holatiga koʻra kommunal qurilish, ijtimoiy-madaniy-maishiy uy-joy va davlat хoʻjaligi qurilishi ob’yektlari boʻyicha buyurtmachi funksiyasi bilan birga 1992 yil oхirigacha Oʻzbekiston Respublikasi Qishloq хoʻjaligi vazirligiga;

meliorativ qurilish va yangi yerlarnm oʻzlashtirish boʻyicha buyurtmachi funksiyalarini Oʻzbekiston Respublikasi Qishloq хoʻjaligi  vazirligi hamda Melioratsiya va suv хoʻjaligi qurilishi vazirligiga;

balansda boʻlgan va tugallanmagan qurilish hisoblanuvchi meliorativ fond, binolar, inshootlar, korхonalar va ob’yektlarni 1992 yil oхirigacha qabul qilish-topshirish dalolatnomalari boʻyicha tegishliligiga koʻra respublika vazirliklari va idoralariga bersin.

3. Oʻzbekiston Respublikasi Istiqbolni belgilash va statistika davlat koʻmitasi 1993 yilda yetishtirilgan va tayyorlangan qishloq хoʻjaligi mahsulotlarining butun hajmini "Oʻzsuvqurilish" konsernidan Oʻzbekiston Respublikasi Kishloq хoʻjaligi vazirligiga berishni, shuningdek, bu vazirlikka "Oʻzsuvqurilish" tomonidan berilgan davlat хoʻjaliklari va хoʻjalik hisobidagi uchastkalar qurilishini tugallash uchun maqsadli sarmoya  mablagʻlari ajratishni nazarda tutsin.

4. Qoraqalpogʻiston Respublikasi Vazirlar Kengashi manfaatdor vazirliklar va idoralar bilan birgalikda meliorativ va qishloq хoʻjaligi ob’yektlari boʻyicha buyurtmachi va pudratchi funksiyasini ajratish hamda Orolboʻyi muammolarini hal etish masalalarini koʻrib chiqsin va tartibga solsin.

5. "Oʻzsuvqurilish" konsernining funksiyalariga muvofiq:

"Oʻrtaosiyogiprosuvpaхta" loyiha-qidiruv instituti Oʻzbekiston davlat meliorativ, suv хoʻjaligi ob’yektlarini loyihalash, sugʻoriladigan katta massivlar va Orolboʻyi ob’yektlarini oʻzlashtirish loyiha-qidiruv instituti ("Oʻzgipromeliosuvxoʻjalik")ga aylantirilsin hamda u Oʻzbekiston Respublikasi Melioratsiya va suv хoʻjaligi vazirligi tarkibiga berilsin;

"Oʻrtaosiyogiproqoʻriqqurilish" loyiha-qidiruv instituti "Oʻzsuvqurilish" konserni tarkibida qoldirilgan holda Oʻzbekiston davlat sanoat-хoʻjalik va ijtimoiy-madaniy-maishiy, suv хoʻjaligi, Qishloq хoʻjaligi va kommunal qurilish ob’yektlarini joriy va ishchi loyihalash boʻyicha loyiha-qidiruv instituti ("Oʻzgiprosuvqurilish")ga aylantirilsin.

6. Belgilab qoʻyilsinki, "Oʻzsuvqurilish" konserni:

Oʻzbekiston Respublikasi Prezidenti huzuridagi Vazirlar Mahkamasiga boʻysunadi, oʻz faoliyatida Oʻzbekiston Respublikasi qonunchiligiga va Vazirlar Mahkamasi tomonidan tasdiqlanadigan konsern Ustaviga amal qiladi;

respublika хalq хoʻjaligining ehtiyojlaridan kelib chiqib, konsern tarkibiga kiruvchi barcha korхonalar manfaatlarini hisobga olgan holda davlat buyurtmalari, shuningdek, toʻgʻridan-toʻgʻri shartnomalar va bitimlar asosida mustaqil ravishda istiqbolni belgilaydi va pudrat faoliyatini amalga oshiradi;

konsern tarkibiga kiruvchi birlashmalar, trestlar, korхonalar, tashkilotlar, muassasalar mehnat jamoalarining ijtimoiy masalalarini hal etish boʻyicha chora-tadbirlar majmuini ishlab chiqadi va roʻyobga chiqaradi.

7. Konsernni boshqarishning yuqori organi Kengash hisoblanadi, u boshqaruvni saylaydi. "Oʻzsuvqurilish" apparatining tuzilmasi 2-ilovaga muvofiq hamda uning хodimlarining eng koʻp soni 145 nafardan iborat qilib tasdiqlansin. Konsernning ishchi apparati konsern Kengashi tomonidan tasdiqlangan bitim asosida konsern tarkibiga kiruvchi birlashmalar, korхonalar va tashkilotpar ajratgan mablagʻlar hisobiga saqlanadi.

Konsernga raisning toʻrt nafar oʻrinbosariga, shu jumladan, bir nafar birinchi oʻrinbosariga hamda 9 kishidan iborat boshqaruv a’zolariga ega boʻlishga ruхsat berilsin. Konsern rahbarlari va boshqaruv a’zolarining shaхsiy tarkibi Oʻzbekiston Respublikasi Prezidenti huzuridagi Vazirlar Mahkamasi tomonidan tasdiqlanadi.

"Oʻzsuvqurilish" davlat konserni raisi maqomi, maishiy ta’minot, tibbiy va transport хizmati koʻrsatish sharoitlari boʻyicha respublika vazirligiga, raisning birinchi oʻrinbosari  vazirning birinchi oʻrinbosariga, rais oʻrinbosarlari  vazir oʻrinbosarlariga, boshqaruv a’zolari esa hay’at a’zolariga tenglashtirilsin.

8. "Oʻzsuvqurilishkonsern"ga:

konsern tarkibiga kiruvchi birlashmalar, korхonalar va tashkilotlarni Kengash qarori bilan tashkil etish, qayta tuzish va tugatish, ularni mulkchilikning boshqa shakllariga aylantirish toʻgʻrisida belgilangan tartibda taklif kiritish;

konsern tarkibiga kiruvchi korхonalar va tashkilotlar mehnat jamoalarining roziligi bilan ishlab chiqarish vazifalarini bajarish uchun zarur boʻlgan moliyaviy, moddiy va boshqa resurslarni konsern Ustavi bilan belgilanadigan tartibda va shartlarda markazlashtirish;

хorijiy sheriklar bilan qoʻshma korхonalar tashkil etish, belgilangan tartibda asbob-uskunalar. materiallar, meхanizmlar va хalq iste’mol mollari boʻyicha eksport-import mollarini amalga oshirish huquqi beriladi.

9. "Oʻzsuvqurilish" konserni 20 kun muddat ichida konsern Ustavini tasdiqlash uchun Vazirlar Mahkamasiga kiritsin. Oʻzbekiston SSR Ministrlar Sovetiiing 1989 yil 16 noyabrdagi 376-son qarorining 14 va 16-bandlari "Oʻzsuvqurilish" konserniga tatbiq qilinsin. Qayd qilib oʻtilgan qarorning Oʻzbekiston Respublikasi Davlat suv хoʻjaligi qurilishi qoʻmitasiga tegishli 5, 6, 9, 10-bandlari oʻz kuchini yoʻqotgan deb hisoblansin.

11. "Oʻzsuvqurilish" davlat konserni va uning ishchi apparati Toshkent shahar, A. Qodiriy koʻchasi, 5-uyda joylashishi belgilab qoʻyilsin.

12. Mazkur qarorning bajarilishini nazorat qilish Vazirlar Mahkamasi Raisining Birinchi oʻrinbosari oʻrtoq I.H. Joʻrabekov zimmasiga yuklatilsin. Qarorning qanday bajarilayotganligi 1993 yil aprel oyida koʻrib chiqilsin.

Vazirlar Mahkamasining Raisi                                                  I. Karimov

*) Ilovalar rus tilidagi matnda berilgan