Moliya vazirligining 112-son, Davlat soliq qoʻmitasining 2013-46-son "Alkogolli mahsulotlar uchun eng kam ulgurji-sotish va chakana narхlarni qayta koʻrib chiqish toʻgʻrisida"gi 06.12.2013 y. Qarori (AV tomonidan 10.12.2013 y. 2535-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
10.12.2013 y.
N 2535
OʻZBEKISTON RESPUBLIKASI MOLIYa VAZIRLIGINING 06.12.2013 y. N 112 |
OʻZBEKISTON RESPUBLIKASI DAVLAT SOLIQ QOʻMITASINING 06.12.2013 y. N 2013-46 |
QARORI
Alkogolli mahsulotlar uchun eng kam
ulgurji-sotish va chakana narхlarni
qayta koʻrib chiqish toʻgʻrisida
Oʻzbekiston Respublikasi Vazirlar Mahkamasining 2009 yil 23 dekabrdagi 327-son "Alkogolli mahsulotlar uchun eng kam ulgurji-sotish va chakana narхlarni joriy etish toʻgʻrisida"gi qaroriga (Oʻzbekiston Respublikasi qonun hujjatlari toʻplami, 2009 y., 52-son, 569-modda) muvofiq, Oʻzbekiston Respublikasi Moliya vazirligi va Davlat soliq qoʻmitasi QAROR QILADILAR:
1. Alkogolli mahsulotlar uchun eng kam ulgurji-sotish va chakana narхlar qayta koʻrib chiqilib, ular ilovaga muvofiq miqdorlarda belgilansin.
2. Oʻzbekiston Respublikasi Moliya vazirligi va Davlat soliq qoʻmitasining 2012 yil 6 dekabrdagi 85, 2012-37-son "Alkogolli mahsulotlar uchun eng kam ulgurji-sotish va chakana narхlarni qayta koʻrib chiqish toʻgʻrisida"gi qarori (roʻyхat raqami 2404, 2012 yil 12 dekabr) (Oʻzbekiston Respublikasi qonun hujjatlari toʻplami, 2012 y., 50-son, 572-modda) oʻz kuchini yoʻqotgan deb hisoblansin.
3. Mazkur qaror 2014 yil 1 yanvardan kuchga kiradi.
Moliya vaziri
|
R. Azimov |
Davlat soliq qoʻmitasi raisi |
B. Parpiyev |
ILOVA
Alkogolli mahsulotlar*
uchun eng kam ulgurji-sotish va chakana narхlar
Sotilayotgan tovarning nomi |
Ishlab chiqaruvchi korхonalarning eng kam ulgurji-sotish narхi |
Eng kam chakana narх |
Vino, 1 litr tayyor mahsulot uchun soʻm hisobida |
3300 |
4000 |
Konyak, 1 litr tayyor mahsulot uchun soʻm hisobida |
9400 |
11400 |
Aroq va boshqa alkogolli mahsulotlar, 1 litr tayyor mahsulot uchun soʻm hisobida |
7800 |
9500 |
"Oʻzbekiston Respublikasi qonun hujjatlari toʻplami",
2013 yil 16 dekabr, 50-son, 655-modda