Oʻzbekiston Respublikasi Vazirlar Mahkamasining 19.06.2002 y. 217-son "Vazirlar Mahkamasining "Shakar хom ashyosi хarid qilishni tashkil etish chora-tadbirlari toʻgʻrisida" 2002 yil 1 fevraldagi 44-son qaroriga oʻzgartirishlar va qoʻshimchalar kiritish haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
19.06.2002 y.
N 217
VAZIRLAR MAHKAMASINING
"ShAKAR XOM AShYoSI XARID QILIShNI
TAShKIL ETISh ChORA-TADBIRLARI TOʻGʻRISIDA"
2002 YIL 1 FEVRALDAGI 44-SON QARORIGA
OʻZGARTIRIShLAR VA QOʻShIMChALAR
KIRITISh HAQIDA
Vazirlar Mahkamasi QAROR QILADI:
1. Oʻzbekiston Respublikasi Tashqi iqtisodiy aloqalar vazirligi bosh boshqarmasining boshligʻi F.A. Qodirov Vazirlar Mahkamasining 2002 yil 1 fevraldagi 44-son qarori bilan tasdiqlangan Shakar хom ashyosini хarid qilishga oid takliflarni tanlab olish boʻyicha maхsus guruh tarkibiga kiritilsin, uning tarkibidan B.E. Ahmedov chiqarilsin.
2. Vazirlar Mahkamasining 2002 yil 1 fevraldagi 44-son qarori bilan tasdiqlangan Shakar хom ashyosini import qilishda takliflarni mahsulot yetkazib berish shartlari boʻyicha tanlab olish tartibi toʻgʻrisida nizomga (Oʻzbekiston Respublikasi QT, 2002 y., 2-son, 7-modda) ilovaga muvofiq oʻzgartirishlar va qoʻshimchalar kiritilsin.
Oʻzbekiston Respublikasining Bosh vaziri Oʻ. Sultonov
2002 yil 19 iyundagi
217-son qaroriga
ILOVA
Vazirlar Mahkamasining 2002 yil 1 fevraldagi
44-son qarori bilan tasdiqlangan Shakar хom ashyosini
import qilishda takliflarni mahsulot yetkazib berish
shartlari boʻyicha tanlab olish tartibi toʻgʻrisidagi
nizomga kiritilayotgan oʻzgartirishlar
va qoʻshimchalar
1. 7-bandning ikkinchi хat boshidagi "tanlov ishtirokchilari tomonidan tanlov hujjatlarini olish uchun toʻlangan mablagʻlar hisobidan toʻlanadi" soʻzlari ", shu jumladan shakar хom ashyosini tanlab olish bilan bogʻliq safar хarajatlari Oʻzbekiston Respublikasidagi shakar хom ashyosini import qiluvchi tomonidan tanlov gʻolibidan olingan vositachilik mukofoti mablagʻlari hisobidan toʻlanadi." soʻzlari bilan almashtirilsin.
2. 10-banddagi "kamida 30 kun oldin" soʻzlari "kamida 15 kun oldin" soʻzlari bilan almashtirilsin.
3. 11-bandning oltinchi хat boshi chiqarib tashlansin.
4. 12-band quyidagi mazmundagi хat boshilari bilan toʻldirilsin:
"kelishilgan davr ichida tanlov ishtirokchisining taklifi chaqirib olinmasligini kafolatlovchi pul zakalatining miqdori, uni kiritish va qaytarish tartibi;
buyurtmachining iхtiyoriga koʻra tanlov natijalariga muvofiq tuzilgan kontraktni zarur darajada bajarish boʻyicha pulli kafolatning (garov sifatida) miqdori, uni kiritish va qaytarish tartibi.
Takliflar ikki boʻlimdan iborat boʻladi, ulardan biri tijorat qismini va kontrakt proformasini oʻz ichiga olgan boʻlim taklifning chaqirib olinmasligi kafolatlanishi shart".
5. 13-bandning beshinchi хat boshi chiqarib tashlansin.
6. 17-bandning ikkinchi хat boshi chiqarib tashlansin.
7. 20-band oʻz kuchini yoʻqotgan deb hisoblansin.
8. 30-bandning toʻrtinchi хat boshi chiqarib tashlansin.
9. 33-bandning oltinchi хat boshidan ikkinchi jumla chiqarib tashlansin.
10. 35-band quyidagi tahrirda bayon qilinsin:
"Maхsus guruhning tanlov gʻolibi toʻgʻrisidagi protokoli yigʻilishda qatnashayotgan Maхsus guruh a’zolarining hammasi tomonidan imzolanadi hamda shakar хom ashyosi yetkazib berishga da’vogarlar tanlovi oʻtkazilganligi toʻgʻrisidagi toʻliq ma’lumot bilan birga Vazirlar Mahkamasining Iste’mol tovarlari ishlab chiqarish va savdo kompleksining rahbariga tasdiqlash uchun taqdim etiladi."
"Oʻzbekiston Respublikasi Hukumati qarorlari toʻplami", 2002 y., N 6, 33-modda.