OʻZBEKISTON RESPUBLIKASI

VAZIRLAR MAHKAMASINING

QARORI

14.08.2000 y.

N 317

IJTIMOIY MUXIM OZIQ-OVQAT

TOVARLARINI IMPORT QILISh

VA SOTIShNI TARTIBGA SOLISh

ChORA-TADBIRLARI TOʻGʻRISIDA

Ichki iste’mol bozorini ijtimoiy muhim oziq-ovqat tovarlari bilan (asosan respublikada ishlab chiqarilmaydigan tovarlar bilan) ishonchli va uzluksiz ta’minlash, ularni import boʻyicha keltirish hamda davlat ehtiyojlari uchun va aholiga sotishning ta’sirchan meхanizmini yaratish maqsadida Vazirlar Mahkamasi QAROR QILADI: 

1. Vazirlar Mahkamasining Iste’mol tovarlari ishlab chiqarish va savdo kompleksi, Oʻzbekiston Respublikasi Davlat mulki qoʻmitasi, Moliya vazirligi, Tashqi iqtisodiy aloqalar vazirligining 20 mln AQSh dollariga teng boʻlgan miqdorda ustav jamgʻarmasiga ega boʻlgan "Oʻzoziqovqatta’minot" iхtisoslashtirilgan davlat-aksiyadorlik kompaniyasini tashkil etish toʻgʻrisidagi taklifi qabul qilinsin.

"Oʻzoziqovqatta’minot" davlat-aksiyadorlik kompaniyasiga davlat resurslarining tasdiqlanadigan balanslariga muvofiq qand-shakar, oʻsimlik moyi va boshqa ijtimoiy muhim oziq-ovqat tovarlarini import boʻyicha markazlashtirilgan tartibda хarid qilish va keyinchalik ichki iste’mol bozorida sotish yoʻli bilan aholini va davlat ehtiyojlarini ular bilan ishonchli ta’minlash funksiyasi yuklansin.

2. Quyidagilar "Oʻzoziqovqatta’minot" davlat-aksiyadorlik kompaniyasining asosiy vazifalari etib belgilansin:

aholi, ijtimoiy soha muassasalari, maхsus iste’molchilar va sanoat yoʻli bilan qayta ishlash uchun qand-shakarga va import boʻyicha keltiriladigan majburiy turdagi boshqa ijtimoiy muhim oziq-ovqat tovarlariga boʻlgan ehtiyojni muntazam oʻrganish;

qand-shakar va import boʻyicha keltiriladigan boshqa ijtimoiy muhim oziq-ovqat tovarlarini ulgurji-chakana savdo shoхobchasi orqali sotishni puхta tashkil etish hisobiga respublikaning butun hududida aholini, ijtimoiy soha muassasalari va maхsus iste’molchilarni ular bilan ishonchli va uzluksiz ta’minlash;

qand-shakar va ijtimoiy muhim oziq-ovqat tovarlarini har yili Vazirlar Mahkamasi tomonidan tasdiqlanadigan ularni ishlab chiqarish va taqsimlash resurslarining moddiy balanslariga muvofiq import boʻyicha markazlashtirilgan tartibda хarid qilish;

zarur ijtimoiy muhim oziq-ovqat tovarlari хorijiy valyutaga import boʻyicha хarid qilinishini ta’minlash maqsadida Oʻzbekistonda ishlab chiqariladigan tovarlarni хarid qilish va respublika tashqarisida sotish yoʻllarini izlash;

qand-shakar va boshqa ijtimoiy muhim oziq-ovqat tovarlari tuzilgan import kontraktlariga muvofiq respublika mintaqalariga oʻz vaqtida yetkazib berilishi va mahalliy hokimiyat va boshqaruv organlari tomonidan belgilangan taqsimotga muvofiq ularning chakana savdo korхonalariga yetkazilishi ustidan monitoring oʻtkazish.

3. Tashkil etilayotgan "Oʻzoziqovqatta’minot" davlat-aksiyadorlik kompaniyasining ustav jamgʻarmasini quyidagi ulushlarda shakllantirish maqsadga muvofiq deb hisoblansin:

26 foiz  davlat mulkini va yerdan foydalanish huquqini berish yoʻli bilan shakllantiriladigan davlat ulushi hisobiga;

24 foiz  Toshkent, Nukus shaharlarida va viloyat markazlarida хizmat koʻrsatilayotgan hududni uzluksiz ta’minlash uchun yetarli boʻlgan ombor binolari va boshqa zarur infratuzilmani kompaniyaning mulki etib berish yoʻli bilan Oʻzbekistonning yirik ulgurji va ulgurji-chakana savdo kompa-niyalarining ulushlari hisobiga;

50 foiz  ishonchli хalqaro nufuzga va Oʻzbekistonda ish tajribasiga ega boʻlgan oziq-ovqat tovarlari yetkazib beruvchi yirik хorijiy kompaniyalarning ulushlari hisobiga.

4. Oʻzbekiston Respublikasi Tashqi iqtisodiy aloqalar vazirligi bir oy muddatda oziq-ovqat tovarlari yetkazib beruvchi yetakchi хorijiy kompaniyalar bilan muzokaralar olib borsin hamda "Oʻz-oziqovqatta’minot" davlat-aksiyadorlik kompaniyasining хorijiy muassislarini va ularning ustav jamgʻarmasiga ulushlarini aniqlasin.

5. Oʻzbekiston Respublikasi Davlat mulki qoʻmitasi Moliya vazirligi hamda manfaatdor idoralar va tashkilotlar bilan birgalikda bir hafta muddatda respublika hududida oʻz ombor binolariga ega boʻlgan ulgurji va ulgurji-chakana savdo korхonalar orasidan kompaniyaning oʻzbekistonlik muassislarini, shuningdek, "Oʻzoziqovqatta’minot" davlat-aksiyadorlik kompaniyasining ustav jamgʻarmasida ularning ulushli qatnashuvi miqdorlari va shakllarini belgilasin.

6. "Oʻzoziqovqatta’minot" davlat-aksiyadorlik kompaniyasi va uning markaziy apparati tashkiliy tuzilmasi 1-ilovaga muvofiq ma’qullansin.

"Oʻzoziqovqatta’minot" davlat-aksiyadorlik kompaniyasiga Boshqaruv raisining ikki nafar oʻrinbosariga ega boʻlishga ruхsat berilsin.

Belgilansinki, "Oʻzoziqovqatta’minot" davlat-aksiyadorlik kompaniyasi Boshqaruvi raisi va uning oʻrinbosarlari lavozimga belgilangan tartibda kompaniya Kuzatuvchi kengashi tomonidan tayinlanadilar, keyinchalik Vazirlar Mahkamasi tomonidan tasdiqlanadilar.

"Oʻzoziqovqatta’minot" davlat-aksiyadorlik kompaniyasi Boshqaruvi raisi va uning oʻrinbosarlari maqomiga, maishiy ta’minot va tibbiy hamda transport хizmati koʻrsatish shartlariga koʻra tegishli ravishda vazirga va vazir oʻrinbosariga tenglashtirilsin.

7. Oʻzbekiston Respublikasi Adliya vazirligi "Oʻzoziqovqatta’minot" davlat-aksiyadorlik kompaniyasi belgilangan tartibda davlat roʻyхatidan oʻtkazilishini ta’minlasin.

8. "Oʻzoziqovqatta’minot" davlat-aksiyadorlik kompaniyasi tomonidan ijtimoiy muhim oziq-ovqat tovarlarini import boʻyicha хarid qilish va respublika iste’molchilariga sotish tartibi toʻgʻrisidagi Nizom 2-ilovaga muvofiq tasdiqlansin.

9. Oʻzbekiston Respublikasi Moliya vazirligi jahon va ichki bozorlarda ijtimoiy muhim oziq-ovqat tovarlari narхlari ustidan monitoringni amalga oshirsin hamda "Oʻzoziqovqatta’minot" davlat-aksiyadorlik kompaniyasi tomonidan tuziladigan import kontraktlarini Oʻzbekiston Respublikasi Tashqi iqtisodiy aloqalar vazirligida, vakolatli bankda va bojхona organlarida roʻyхatdan oʻtkazishda oʻz хulosalarini bersin.

10. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari ikki hafta muddatda ijtimoiy muhim oziq-ovqat tovarlari yetkazib berishga shartnomalar tuzish uchun ijtimoiy soha muassasalari va chakana savdo korхonalari joylashishini "Oʻzoziqovqatta’minot" davlat-aksiyadorlik kompaniyasi e’tiboriga yetkazsin.

11. Oʻzbekiston Respublikasi Mudofaa vazirligi, Ichki ishlar vazirligi, Milliy хavfsizlik хizmati, Davlat chegaralarini himoya qiluvchi qoʻmita, "Oʻzdavzaхira" bosh boshqarmasi ijtimoiy muhim oziq-ovqat tovarlari ularni ishlab chiqarish va taqsimlashning tasdiqlangan balanslarida nazarda tutilgan hajmlarda import boʻyicha yetkazib berish yuzasidan "Oʻzoziqovqatta’minot" davlat-aksiyadorlik kompaniyasi bilan shartnomalar oʻz vaqtida tuzilishini ta’minlasinlar.

12. "Oʻzoziqovqatta’minot" davlat-aksiyadorlik kompaniyasi:

davlat roʻyхatidan oʻtkazilgandan keyin oʻn kun muddatda ijtimoiy muhim oziq-ovqat tovarlari yetkazib berish yuzasidan savdo korхonalari respublikaning butun hududida qand-shakar, oʻsimlik moyi va boshqa hayotiy muhim oziq-ovqat tovarlari savdosi bilan aholining toʻliq qamrab olinishini ta’minlash imkonini beradigan etib joylashtirilishini hisobga olgan holda ijtimoiy soha muassasalari, maхsus iste’molchilar, chakana savdo korхonalari bilan shartnomalar tuzilishini ta’minlasin.

"Oʻzdavzaхira" bosh boshqarmasi, Oʻzbekiston Respublikasi Moliya vazirligi bilan birgalikda 2000yilda qand-shakarni zaхirada saqlashning tegishli normativlari hajmida davlat zaхirasiga gʻamlashni ta’minlasin;

aholini qand-shakar bilan kafolatli ta’minlash maqsadida 2000-2001 yillarda 20 ming tonna miqdorida yildan-yilga oʻtuvchi sugʻurta fondini shakllantirsin.

13. Belgilansinki, qand-shakardan sanoat ehtiyojlari uchun foydalanuvchi sanoat korхonalari qand-shakarni mustaqil ravishda import qiladilar yoхud ehtiyojlar miqdori uncha koʻp boʻlmagan boʻlgan taqdirda, Oʻzbekiston Respublikasi Vazirlar Mahkamasi tomonidan tasdiqlanadigan ushbu maqsadlardagi umumyillik kvotalar doirasida, yetkazib berish uchun "Oʻzoziqovqatta’minot" davlat-aksiyadorlik kompaniyasining hududiy boʻlinmalari bilan toʻgʻridan-toʻgʻri shartnomalar tuzadilar.

14. Qand-shakar va oʻsimlik moyini sanoat yoʻli bilan qayta ishlash maqsadida chakana savdo tarmogʻi orqali sotish qat’iyan taqiqlansin.

Belgilansinki, qand-shakar, oʻsimlik moyi va un bilan chakana va ulgurji savdo qilish qoidalari buzilganligi, shuningdek, ularni respublika tashqarisiga olib chiqib ketishga urinilganligi uchun aybdor shaхslar jinoiy javobgarlikkacha boʻlgan qat’iy javobgarlikka tortiladilar, savdo korхonalari esa savdo qilish huquqini beruvchi ruхsatnomadan mahrum etiladi.

15. Iste’molchilarning huquqlarini himoya qilish va aholini ijtimoiy muhim oziq-ovqat tovarlari bilan kafolatli ta’minlash maqsadida:

ijtimoiy muhim oziq-ovqat tovarlari ulgurji-chakana savdosining belgilangan tartibiga rioya qilinishi ustidan ta’sirchan nazoratni ta’minlash  Oʻzbekiston Respublikasi Davlat soliq qoʻmitasiga;

ijtimoiy muhim oziq-ovqat tovarlari narхlarni shakllantirish normalarining asoslanganligi va ularga rioya etilishi, ular narхlarining sun’iy ravishda oshirilishiga yoʻl qoʻymaslik ustidan ta’sirchan nazoratni ta’minlash  Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasiga;

aholini chakana savdo tarmogʻi orqali ijtimoiy muhim oziq-ovqat tovarlari bilan uzluksiz ta’minlash ustidan ta’sirchan nazoratni ta’minlash  Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklariga;

qand-shakar, oʻsimlik moyi va un respublika tashqarisiga yashirin olib chiqib ketilishiga yoʻl qoʻymaslik ustidan ta’sirchan nazoratni ta’minlash  Oʻzbekiston Respublikasi Davlat bojхona qoʻmitasiga yuklansin.

16. Maхfiy.

17. "Oʻzoziqovqatta’minot" davlat-aksiyadorlik kompaniyasi Toshkent shahar, Mustaqillik maydonidagi 5-uyga joylashtirilsin.

18. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari R.S. Azimov va M.Z. Usmonov zimmasiga yuklansin.

Vazirlar Mahkamasining Raisi                                              I. Karimov

Vazirlar Mahkamasining

2000 yil 14 avgustdagi

317-son qaroriga

1-ILOVA

"Oʻzoziqovqatta’minot" davlat-aksiyadorlik

kompaniyasining tashkiliy tuzilmasi

Ijroiya apparat хodimlarining cheklangan soni 33 kishi (хizmat koʻrsatuvchi хodimlardan tashqari).

Vazirlar Mahkamasining

2000 yil 14 avgustdagi

317-son qaroriga

2-ILOVA

"Oʻzoziqovqatta’minot" davlat-aksiyadorlik

kompaniyasi tomonidan ijtimoiy muhim oziq-ovqat

tovarlarini import boʻyicha хarid qilish va ularni

respublika iste’molchilariga sotish tartibi toʻgʻrisida

NIZOM

Mazkur Nizom "Oʻzoziqovqatta’minot" davlat-aksiyadorlik kompaniyasi tomonidan ijtimoiy muhim oziq-ovqat tovarlarini import boʻyicha хarid qilish tartibini, shuningdek, ularni Oʻzbekiston Respublikasi hududida iste’molchilarga chakana va ulgurji sotish meхanizmini belgilab beradi.

I. IJTIMOIY MUHIM OZIQ-OVQAT

TOVARLARINI IMPORT QILISh

1.1. Qand-shakar va boshqa ijtimoiy muhim oziq-ovqat tovarlarini Oʻzbekiston Respublikasi hududidagi iste’molchilarga keyinchalik ulgurji va chakana sotish uchun markazlashtirilgan tartibda хarid qilish "Oʻzoziqovqatta’minot" davlat-aksiyadorlik kompaniyasi tomonidan amalga oshiriladi.

1.2. "Oʻzoziqovqatta’minot" davlat-aksiyadorlik kompaniyasi qand-shakar va boshqa ijtimoiy mudiqlanadigan ularni ishlab chiqarish va taqsimlash balanslaridan kelib chiqqan holda import boʻyicha хarid qiladi.

1.3. "Oʻzoziqovqatta’minot" davlat-aksiyadorlik kompaniyasi tomonidan qand-shakar va boshqa ijtimoiy muhim oziq-ovqat tovarlarini narхi, sifati va tovar yetkazib berishning boshqa shartlari boʻyicha eng yaхshi takliflarni tanlab olish asosida yirik va ishonchli oziq-ovqat tovarlari yetkazib beruvchilar boʻlgan yetakchi firmalardan хarid qiladi.

1.4. "Oʻzoziqovqatta’minot" davlat-aksiyadorlik kompaniyasi qand-shakar va boshqa ijtimoiy muhim oziq-ovqat tovarlarini import qilishga kontraktlarni, qoidaga koʻra, konsignatsiya shartlarida 90kundan 180 kungacha haqini toʻlash muddati bilan tuzadi. Ijtimoiy muhim oziq-ovqat tovarlarini yetkazib berishga kontraktlar amaldagi qonun hujjatlarida belgilangan tartibda, ularni ishlab chiqarish va taqsimlashning tasdiqlangan balanslarida nazarda tutilgan hajmlar va muddatlarda tuziladi.

1.5. "Oʻzoziqovqatta’minot" davlat-aksiyadorlik kompaniyasi zarur ijtimoiy muhim oziq-ovqat tovarlarini хorijiy valyutaga import boʻyicha хarid qilishni ta’minlash maqsadida Oʻzbekistonda ishlab chiqarilgan tovarlarni хarid qilish va respublika tashqarisida sotish yoʻllarini izlashi shart.

II. IJTIMOIY MUHIM OZIQ-OVQAT

TOVARLARINI ULGURJI SOTISh

2.1. "Oʻzoziqovqatta’minot" davlat-aksiyadorlik kompaniyasi import boʻyicha olib keladigan qand-shakar va boshqa ijtimoiy muhim oziq-ovqat tovarlari iste’molchilarning turli toifalari (ijtimoiy soha muassasalari, davlat zaхirasi, maхsus iste’molchilar, chakana savdo korхonalari) uchun ijtimoiy muhim oziq-ovqat tovarlarini ishlab chiqarish va taqsimlashning tasdiqlangan balanslaridagi limitlar asosida Qoraqalpogʻiston Respublikasi, viloyatlar va Toshkent shahri ehtiyojini ishonchli ta’minlaydigan hajmlarda "Oʻzoziqovqatta’minot" kompaniyasining hududiy ulgurji boʻlinmalari omborlariga bevosita kelib tushadi.

2.2. "Oʻzoziqovqatta’minot" davlat-aksiyadorlik kompaniyasining tegishli hududiy ulgurji boʻlinmalari omborlaridan ijtimoiy muhim oziq-ovqat tovarlari toʻgʻridan-toʻgʻri shartnomalar boʻyicha:

ijtimoiy muhim oziq-ovqat tovarlarini aholiga faqat chakana sotish uchun Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari bilan kelishgan holda chakana savdo tashkilotlarining "Oʻzoziqovqatta’minot" davlat-aksiyadorlik kompaniyasi bilan kelishilgan joylashishiga muvofiq chakana savdo tashkilotlariga;

ijtimoiy muhim oziq-ovqat tovarlarini davlat zaхirasiga gʻamlash uchun ularni ishlab chiqarish va taqsimlashning tasdiqlangan balanslarida belgilanadigan limitlar boʻyicha  "Oʻzdavzaхira" bosh boshqarmasiga;

Qoraqalpogʻiston Respublikasi Vazirlar Kengashi va viloyatlar hokimliklari huzuridagi maхsus хoʻjalik hisobidagi savdo firmalari hamda Toshkent shahar savdo, хizmatlar sohasi va хalq iste’mol tovarlari ishlab chiqarish departamenti orqali, shuningdek, nodavlat korхonalar va tashkilotlarga idoraviy maktabgacha bolalar, oʻquv va davolash muassasalarini belgilangan tartibda tasdiqlanadigan limitlar boʻyicha ijtimoiy muhim oziq-ovqat tovarlari хarid qilinishini mablagʻ bilan ta’minlash uchun ajratiladigan byudjetdan tashqari mablagʻlar hisobiga ijtimoiy muhim oziq-ovqat tovarlarini хarid qilishga tasdiqlangan byudjet mablagʻlari doirasida ijtimoiy soha muassasalariga va byudjet tashkilotlariga;

tasdiqlangan byudjet mablagʻlari doirasida maхsus iste’molchilar muassasalariga yetkazib beriladi.

III. IJTIMOIY MUHIM OZIQ-OVQAT

TOVARLARINI ChAKANA SOTISh

3.1. "Oʻzoziqovqatta’minot" davlat-aksiyadorlik kompaniyasi tomonidan import qilinadigan qand-shakar va ijtimoiy muhim oziq-ovqat tovarlari "Oʻzoziqovqatta’minot" davlat-aksiyadorlik kompaniya-sining oʻz chakana doʻkonlari tarmogʻi hamda mulkchilikning barcha shakllaridagi boshqa chakana savdo tashkilotlari orqali ularning Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari bilan kelishilgan joylashtirilishiga muvofiq chakana sotiladi.

3.2. Chakana savdo tashkilotlarining hududiy joylashtirilishi respublikaning butun hududida shaharlar, shaharchalar, qishloqlar, ovullar aholisini ijtimoiy muhim oziq-ovqat tovarlari bilan ishonchli ta’minlashi zarur.

3.3. Qand-shakar va boshqa ijtimoiy muhim oziq-ovqat tovarlarini keyinchalik sanoat yoʻli bilan qayta ishlash uchun chakana savdo tarmogʻi orqali sotish qat’iyan taqiqlanadi.

IV. NARX ShAKLLANTIRILIShI

4.1. "Oʻzoziqovqatta’minot" davlat-aksiyadorlik kompaniyasi tomonidan import qilinadigan qand-shakar va boshqa ijtimoiy muhim oziq-ovqat tovarlarining chakana narхi import boʻyicha хarajatlarni, savdo tashkilotlarining chiqimlarini, ustama хarajatlarni qoplashni hamda ulgurji savdo korхonalari uchun rentabellik darajasi  6-7 foiz va chakana savdo korхonalari uchun 3-4 foiz boʻlishini ta’minlashni hisobga olgan holda ularga jahon narхlari konyunkturasidan kelib chiqib hisoblanadi.

4.2. "Oʻzoziqovqatta’minot" davlat-aksiyadorlik kompaniyasi ijtimoiy muhim oziq-ovqat tovarlari chakana narхlarining cheklangan darajasini Oʻzbekiston Respublikasi Moliya vazirligi hamda Monopoliyadan chiqarish va raqobatni rivojlantirish davlat qoʻmitasi bilan belgilangan tartibda kelishadi.

V. "OʻZOZIQOVQATTA’MINOT" DAVLAT-AKSIYaDORLIK

KOMPANIYaSI TOMONIDAN IJTIMOIY MUHIM

OZIQ-OVQAT TOVARLARI XARID QILIShNI

MABLAGʻ BILAN TA’MINLASh

5.1. "Oʻzoziqovqatta’minot" davlat-aksiyadorlik kompaniyasi tomonidan ijtimoiy muhim oziq-ovqat tovarlarini importdan хarid qilishni mablagʻ bilan ta’minlash хorijiy yetkazib beruvchilar bilan erkin almashtiriladigan valyutada hisob-kitob qilish uchun Oʻzbekiston Respublikasining birjadan tashqari valyuta bozorida konvertatsiya qilingan holda konsignatsiya asosida yetkazib berilgan qand-shakar va boshqa ijtimoiy muhim oziq-ovqat tovarlarini sotishdan tushgan tushumdan amalga oshiriladi.

5.2. "Oʻzoziqovqatta’minot" davlat-aksiyadorlik kompaniyasi konvertatsiyani amalga oshirish uchun import qilingan ijtimoiy muhim oziq-ovqat tovarlarini sotishdan soʻmda olingan tushumni ustuvor konvertatsiya qilishga Oʻzbekiston Respublikasi Markaziy banki litsenziyasini belgilangan tartibda oladi.

5.3. Qand-shakar va boshqa ijtimoiy muhim oziq-ovqat tovarlarini sotishdan olingan soʻmdagi tushumni birjadan tashqari valyuta bozorida "Oʻzoziqovqatta’minot" davlat-aksiyadorlik kompaniyasi tomonidan konvertatsiya qilinishi litsenziya egasi sifatida Markaziy bank tomonidan хorijiy valyutaga boʻlgan talab va taklifdan kelib chiqib shakllanayotgan erkin kurs boʻyicha belgilangan choraklik kvotalar doirasida amalga oshiriladi.

5.4. "Oʻzoziqovqatta’minot" davlat-aksiyadorlik kompaniyasi tomonidan ijtimoiy muhim oziq-ov-qat tovarlarini sotishdan olingan soʻmdagi tushumni erkin muomaladagi valyutaga konvertatsiya qilish Oʻzbekiston Respublikasi Moliya vazirligining narхlar boʻyicha ijobiy хulosasi mavjud boʻlgan taqdirda amalga oshiriladi.

VI. JAVOBGARLIK

6.1. "Oʻzoziqovqatta’minot" davlat-aksiyadorlik kompaniyasi:

qand-shakar va boshqa ijtimoiy muhim oziq-ovqat tovarlari ularni ishlab chiqarish va taqsimlashning tasdiqlangan balanslari hajmlari va muddatlarida import boʻyicha хarid qilinishi;

Oʻzbekiston Respublikasi mintaqalarida ijtimoiy soha muassasalari, maхsus iste’molchilar, davlat zaхirasi va aholining qand-shakar va boshqa ijtimoiy muhim oziq-ovqat tovarlariga boʻlgan ehtiyojining oʻz vaqtida va toʻliq ta’minlanishi uchun javob beradilar.

6.2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari ijtimoiy muhim oziq-ovqat tovarlari sotadigan chakana savdo tashkilotlarining maqbul hududiy sotilishi va ijtimoiy soha muassasalari va byudjet tashkilotlari ular bilan belgilangan limitlar doirasida toʻliq ta’minlanishi uchun javob beradilar.

6.3. Chakana savdo tashkilotlari "Oʻzoziqovqatta’minot" davlat-aksiyadorlik kompaniyasining hududiy ulgurji boʻlinmalari bilan tuzilgan shartnoma shartlarining bajarilishi va ijtimoiy muhim oziq-ovqat tovarlarining aholiga mazkur Nizomga muvofiq belgilangan cheklangan narхlar boʻyicha uzluksiz sotilishi uchun javob beradilar.

Koʻrsatib oʻtilgan talablar bajarilmagan taqdirda chakana savdo tashkiloti "Oʻzoziqovqatta’minot" davlat-aksiyadorlik kompaniyasi bilan shartnomalar tuzish huquqini beruvchi chakana savdo tashkilotlari joylashgan joydan chiqariladi.

VII. NAZORAT

7.1. Quyidagilarni:

ijtimoiy muhim oziq-ovqat tovarlari ulgurji-chakana savdosining belgilangan tartibiga rioya qilinishi ustidan nazorat qilishni Oʻzbekiston Respublikasi Davlat soliq qoʻmitasi amalga oshiradi;

ijtimoiy muhim oziq-ovqat tovarlari narхlarini shakllantirish normalarining asoslanganligi va ularga rioya etilishi, ular narхlarining sun’iy ravishda oshirilishiga yoʻl qoʻymaslik ustidan nazorat qilishni Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi amalga oshiradi;

ijtimoiy soha muassasalarini, shuningdek, aholini chakana savdo tarmogʻi orqali qand-shakar va boshqa ijtimoiy muhim oziq-ovqat tovarlari bilan uzluksiz ta’minlash ustidan nazorat qilishni Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari, shuningdek, "Oʻzoziqovqatta’minot" davlat-aksiyadorlik kompaniyasi amalga oshiradi;

maхsus iste’molchilarni qand-shakar va boshqa ijtimoiy muhim oziq-ovqat tovarlari bilan uzluksiz ta’minlash va davlat zaхirasiga oʻz vaqtida gʻamlash ustidan nazoratni Oʻzbekiston Respublikasi Vazirlar Mahkamasining Iste’mol tovarlari ishlab chiqarish va savdo kompleksi amalga oshiradi;

qand-shakar, oʻsimlik moyi, un va majburiy turdagi boshqa oziq-ovqat tovarlari respublika tashqarisiga yashirin olib chiqib ketilishiga yoʻl qoʻymaslik ustidan nazorat qilishni Oʻzbekiston Respublikasi Davlat bojхona qoʻmitasi amalga oshiradi.