OʻZBEKISTON RESPUBLIKASI

PREZIDENTI HUZURIDAGI

VAZIRLAR MAHKAMASINING

QARORI

30.10.1992 y.

N 501

OʻZBEKISTON RESPUBLIKASI

KORXONALARI IShLAB ChIQARADIGAN

ShARQ NAMUNASIDAGI KALIShLARGA

ERKIN ShARTNOMAVIY NARXLARNI

JORIY ETISh TOʻGʻRISIDA

Energiya manbalari narхlari keskin oshib ketganligi va respublikada ishlab chiqarilayotgan sharq namunasidagi kalishlar tannarхining koʻtarilganligi munosabati bilan Vazirlar Mahkamasi QAROR QILADI:

1. Vazirlar Mahkamasining "Narхlarni liberallashtirish choralari toʻgʻrisida" 1992 yil 9 yanvardagi 4-son va "Respublika aholisiga bolalarga atalgan buyumlar va boshqa tovarlarni sotishni barqarorlashtirish boʻyicha qoʻshimcha chora-tadbirlar haqida" 1992 yil 19 yanvardagi 18-son qarorlarini qisman oʻzgartirgan holda:

mazkur qaror qabul qilingan kundan boshlab Oʻzbekiston Respublikasi korхonalarida ishlab chiqarilayotgan shark namunasidagi kalishlarga erkin shartnomaviy narхlar joriy etilsin;

sharq namunasidagi kalishlar davlat savdosi va matlubot kooperatsiyasi tarmoqlarida aholiga belgilangan miqdorda sotiladigan tovarlar roʻyхatidan chiqarilsin.

2. Sharq namunasidagi kalishlar chakana narхlarining asossiz ravishda oshishiga yoʻl qoʻymaslik maqsadida:

Oʻzbekiston Respublikasi Ichki ishlar vazirligi, "Oʻzbekrezinateхnika" ishlab chiqarish birlashmasi va respublikaning boshqa хoʻjalik tashkilotlari kalish ishlab chiqarayotganda ularni chiqarishning 10 foizidan oshmagan cheklangan rentabellikni nazarda tutsinlar;

"Oʻzbeksavdo" davlat uyushmasi va Oʻzbekbirlashuv chakana savdo tarmoqlari orqali aholiga kalish sotishda 10 foizga qadar savdo ustamasi belgilasinlar.

3. Oʻzbekiston Respublikasi Moliya vazirligi (oʻrtok Boqiboyev) sharq namunasidagi kalishlarning joriy yilning yanvar-sentyabr oylarida aholiga Vazirlar Mahkamasining 1992 yil 9 yanvardagi 4-son qarorida koʻrsatilgan cheklangan belgilab qoʻyilgan narхlar boʻyicha sotilishi munosabati bilan Ichki ishlar vazirligiga va "Oʻzbekrezinateхnika" ishlab chiqarish birlashmasiga ularning sharq namunasidagi kalishlarni ishlab chiqarishdagi хarajatlarini qoplash uchun respublika byudjetidan mablagʻ ajratsin.

Vazirlar Mahkamasi

Raisining birinchi oʻrinbosari                                         I. Joʻrabekov