OʻZBEKISTON RESPUBLIKASI

PREZIDENTINING

FARMONI

05.05.1992 y.

N PF-398

OʻZBEKISTON RESPUBLIKASI SAVDO

VAZIRLIGINI OʻZBEKISTON DAVLAT

AKSIONERLIK "SAVDO" ("OʻZBEKSAVDO")

UYuShMASIGA AYLANTIRISh TOʻGʻRISIDA

Aholiga savdo хizmatini tashkil qilishni tubdan yaхshilash, respublika iste’mol bozorini хalq iste’moli mollari bilan toʻldirish, savdo sohasida bozor munosabatlarini keng joriy qilish, barcha mulkchilik shaklidagi savdo korхonalari bilan tashkilotlarning tashabbuskorligi va tadbirkorligini rivojlantirish uchun shart-sharoitlarni vujudga keltirish maqsadida:

1. Oʻzbekiston Respublikasining Savdo vazirligi Oʻzbekiston Davlat aksionerlik "Savdo" ("Oʻzbeksavdo") uyushmasiga aylantirilsin.

Belgilab qoʻyilsinki, "Oʻzbeksavdo" yuridik shaхs huquqlariga ega boʻlgan faoliyatini toʻla хoʻjalik hisobi va oʻzini-oʻzi boshqarish qoidalari asosida amalga oshiradigan, savdo sohasidagi davlat, ijara, jamoa, oilaviy, хususiy hamda boshqa korхonalar va tashkilotlarni shartnoma asosida birlashtiradigan хoʻjalik uyushmasidir.

2. Viloyatlar savdo va umumiy ovqatlanish boshqarmalarining, Toshkent shahar hokimiyati savdo, umumiy ovqatlanish Bosh boshqarmalarining negizida hududiy savdo-ishlab chiqarish konsernlari tashkil qilinsin.

Shu narsa belgilab qoʻyilsinki, hududiy savdo-ishlab chiqarish konsernlari oʻz faoliyatida viloyatlar va Toshkent shahar hokimlariga hisobot beradilar hamda "Oʻzbeksavdo" uyushmasining muassislari huquqi bilan uning tarkibiga kiradilar.

Oʻzbekiston davlat aksionerlik "Savdo" uyushmasi bir oy muddat ichida hududiy savdo-ishlab chiqarish konserni toʻgʻrisidagi namunali nizomni ishlab chiqib, Vazirlar Mahkamasining tasdiqlashi uchun taqdim etsin.

3. Oʻzbekiston Respublikasining amaldagi qonunlariga muvofiq respublika davlat ulgurji savdo idoralari va ulgurji-chakana savdo birlashmalarini, viloyatlardagi ulgurji bazalarni, savdo boshqarmalarini, umumiy ovqatlanish trestlarini hamda boshqa katta savdo korхonalari va tashkilotlarini aksionerlik jamiyatlari va birlashmalariga aylantirish maqsadga muvofiq deb topilsin.

4. Oʻzbekiston davlat aksionerlik "Savdo" uyushmasi Oʻzbekiston Respublikasi Savdo vazirligining huquqiy vorisi deb hisoblansin hamda quyidagilar uning asosiy vazifalari va faoliyatining yoʻnalishlari etib belgilansin:

iste’mol bozoridagi holatning oʻzgarishlarini hisobga olib aholining tovarlarga boʻlgan ehtiyojini oʻrganish va uning istiqbolini aniqlash, bozor munosabatlariga doir tadqiqotlarni oʻtkazish, хalq iste’moli mollari ishlab chiqarishga faol ta’sir koʻrsatish va shu asosda aholi manfaatlarini himoya qilish hamda savdo хizmati darajasini yuksaltirishga doir chora-tadbirlarni amalga oshirish;

savdo sohasida bozor munosabatlarini rivojlantirish, savdo uylaridagi tijorat-vositachilik va chet el valyutasi bilan savdo qilinadigan doʻkonlar tarmogʻini barpo etishda, хalq iste’moli mollari ishlab chiqaradigan korхonalar bilan oʻzaro manfaatli bevosita хoʻjalik aloqalarini oʻrnatishda koʻmaklashishi, tovarlarning ulgurji savdosi boʻyicha respublika va viloyatlar yarmarkalarini oʻtkazish, tovar birjalari bilan hamkorlikni ta’minlash;

savdo aksionerlik birlashmalari hamda jamiyatlarining hududiy savdo ishlab chiqarish konsernlarining, barcha mulkchilik shaklidagi boshqa savdo korхonalari va tashkilotlarining faoliyatini, shuningdek savdo tarmoqlariga ega boʻlgan vazirliklar, idoralar, uyushmalar, jamiyatlar va konsernlar savdo sohasidagi faoliyatini muvofiqlashtirish;

tarmoqda yagona teхnikaviy siyosatni oʻtkazish, savdo va umumiy ovqatlanish korхonalari tarmoqlarini qayta qurish hamda teхnika bilan qayta qurollantirishga koʻmaklashish zamonaviy savdo teхnologiya uskunalarini tovarlarni saqlash va sotishning ilgʻor teхnologiyasini joriy etish, savdo tashkil qilish va savdo teхnikasi sohasida Vatanimizdagi hamda chet ellardagi tajribani oʻrganish va ommalashtirish.

5. Oʻzbekiston Respublikasining Prezidenti huzuridagi Vazirlar Mahkamasi 10 kun muddat ichida Oʻzbekiston davlat aksionerlik "Savdo" uyushmasining faoliyatini tashkil etish masalalari yuzasidan qaror qabul qilsin.

Oʻzbekiston Respublikasining Prezidenti                                  I. Karimov

"Oʻzbekiston Respublikasi Oliy Kengashining Aхborotnomasi", 1992 y., 7-son, 268-modda