Moliya vazirligining 32-son, Oʻzbekiston avtomobil va daryo transporti agentligining 3-son "Avtomobil transportida yoʻlovchilar tashish bilan shugʻullanishga litsenziya olishda yakka tartibdagi tadbirkorlar tomonidan toʻlangan davlat bojini qaytarish yoki hisobga qoʻshish tartibi toʻgʻrisidagi nizomni tasdiqlash haqida"gi 16.03.2006 y. Qarori (AV tomonidan 28.03.2006 y. 1555-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
28.03.2006 y.
N 1555
OʻZBEKISTON RESPUBLIKASI MOLIYa VAZIRLIGINING 16.03.2006 y. N 32 |
OʻZBEKISTON AVTOMOBIL VA DARYo TRANSPORTI AGENTLIGINING 16.03.2006 y. N 3 |
QARORI
Avtomobil transportida yoʻlovchilar tashish
bilan shugʻullanishga litsenziya olishda yakka
tartibdagi tadbirkorlar tomonidan toʻlangan
davlat bojini qaytarish yoki hisobga qoʻshish
tartibi toʻgʻrisidagi nizomni tasdiqlash haqida
(2006 yil 7 apreldan kuchga kiradi)
Oʻzbekiston Respublikasi Prezidentining "Avtomobil transportida yoʻlovchilar tashish sohasidagi tadbirkorlik faoliyatining alohida turlarini amalga oshirishni tartibga solish toʻgʻrisida" 2006 yil 9 martdagi PQ-303-son qarorining 3-bandini bajarish maqsadida Oʻzbekiston Respublikasi Moliya vazirligi va Oʻzbekiston avtomobil va daryo transporti agentligi QAROR QILADILAR:
1. Ilova qilinayotgan "Avtomobil transportida yoʻlovchilarni tashish bilan shugʻullanishga litsenziya olishda yakka tartibdagi tadbirkorlar tomonidan toʻlangan davlat bojini qaytarish yoki hisobga qoʻshish tartibi toʻgʻrisidagi nizom" tasdiqlangan.
2. Mazkur qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgach kuchga kiritilsin.
Moliya vazirligi R. Azimov
Oʻzbekiston avtomobil va daryo
transporti agentligi boshligʻi A. Abduvaliyev
"Oʻzbekiston Respublikasi qonun hujjatlari toʻplami", 2006 yil, 12-13-son, 108-modda.