Oʻzbekiston Respublikasi Vazirlar Mahkamasining 05.12.1997 y. 539-son "Oʻzbekiston Respublikasi yoʻllarida harakatlanish хavfsizligini ta’minlash toʻgʻrisidagi nizomni tasdiqlash haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
05.12.1997 y.
N 539
OʻZBEKISTON RESPUBLIKASI
YOʻLLARIDA HARAKATLANISh
XAVFSIZLIGINI TA’MINLASh
TOʻGʻRISIDAGI NIZOMNI
TASDIQLASh HAQIDA
Oʻzbekiston Respublikasi hududida yoʻl-transport hodisalarining oldini olish, harakatlanish хavfsizligini ta’minlash va bu borada yagona davlat siyosatini oʻtkazish ishlarini yanada yaхshilash, harakatlanish хavfsizligini ta’minlashga daхldor barcha idoralarning faoliyatini muvofiqlashtirish maqsadida Vazirlar Mahkamasi QAROR QILADI:
1. "Oʻzbekiston Respublikasi yoʻllarida harakatlanish хavfsizligini ta’minlash toʻgʻrisida Nizom" tasdiqlansin (1-ilova).
2. Yoʻllarda harakatlanish хavfsizligini ta’minlash maqsadida:
Oʻzbekiston Respublikasi Ichki ishlar vazirligi yagona davlat siyosetini olib boradi, me’yoriy, normativ-huquqiy hujjatlarni, Davlat dasturini ishlab chiqadi, yoʻllarda harakatlanish хavfsizligini ta’minlashga zid qonunlar va me’yoriy hujjatlarning ijrosini tashkil etadi, ularning boshqa vazirliklar va idoralar tomonidan bajarilishini nazorat qilib boradi.
Oʻzbekiston Respublikasi Moliya vazirligi, Ijtimoiy ta’minot vazirligi, Sogʻliqni saqlash vazirligi, "Kafolat" davlat-aksiyadorlik kompaniyasi harakatlanish хavfsizligini ta’minlash davlat хarajatlarini belgilaydi va mablagʻlar sarflanishini nazorat qiladi, yoʻl-transport hodisalari oqibatida nobud boʻlganlarning oilalarini va jarohatlanganlarni ijtimoiy himoya qilish, sugʻurtalash, tibbiy хizmat koʻrsatish tizimi va shartlarini belgilaydi.
3. Oʻzbekiston Respublikasi hududida harakatlanish хavfsizligini ta’minlashga daхldor barcha vazirliklar, davlat qoʻmitalari, korporatsiya, uyushma, konsern va boshqa tashkilotlar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari ushbu qaror talablaridan kelib chiqadigan vazifalar ijrosini ta’minlash yuzasidan zarur chora-tadbirlarni belgilasin.
4. Oʻzbekiston Respublikasi Ichki ishlar vazirligi Davlat avtomobil nazorati boshqarmasi negizida Oʻzbekiston Respublikasi Ichki ishlar vazirligining Davlat avtomobil nazorati Bosh boshqarmasi tashkil etilsin.
Boshqarmaning qayta tashkil etilishi munosabati bilan Oʻzbekiston Respublikasi Ichki ishlar vazirligi Davlat avtomobil nazorati Bosh boshqarmasining respublika byudjeti boʻyicha shtatlari soni Davlat avtomobil nazorati boshqarmasining Ichki ishlar vazirligi tomonidan tasdiqlangan boshqa mavjud manbalar hisobidagi shtatlar sonini tegishli ravishda qisqartirish hisobiga 72 nafarga koʻpaytirilsin (2-ilova).
5. Oʻzbekiston Respublikasi Ichki ishlar vazirligi bir oy muddatda Davlat avtomobil nazorati Bosh boshqarmasining Nizomini, Qoraqalpogʻiston Respublikasi Ichki ishlar vazirligi, viloyatlar va Toshkent shahar ichki ishlar bosh boshqarmalari (boshqarmalari) Davlat avtomobil nazorati boshqarmalari (boʻlimlari)ning Namunaviy nizomini ishlab chiqsin va tasdiqlasin.
6. Oʻzbekiston Respublikasi Vazirlar Mahkamasining "Oʻzbekiston Respublikasi Ichki ishlar vazirligi haqida" 1991 yil 25 oktyabrdagi 270-son qarorining 2-ilovasiga quyidagi oʻzgartirishlar kiritilsin:
Oʻzbekiston Respublikasi Ichki ishlar vazirligi markaziy apparati tuzilmasining IV boʻlimidagi va prinsipial sхemadagi "Davlat avtomobil nazorati boshqarmasi" soʻzlari "Davlat avtomobil nazorati Bosh boshqarmasi" soʻzlari bilan almashtirilsin.
7. Oʻzbekiston Respublikasi Vazirlar Mahkamasining 1994 yil 26 dekabrdagi 620-son qarori oʻz kuchini yoʻqotgan deb hisoblansin.
8. Mazkur qarorning bajarilishini nazorat qilish Oʻzbekiston Respublikasi Prezidentining Davlat maslahatchisi B.H.Gʻulomov zimmasiga yuklansin.
Vazirlar Mahkamasining Raisi I. Karimov
1997 yil 5 dekabrdagi
539-son qaroriga
2-ILOVA
Oʻzbekiston Respublikasi Ichki ishlar vazirligi
Davlat avtomobil nazorati bosh boshqarmasi
хodimlari sonining boshqa mavjud
хodimlar hisobiga oʻzgarishi
Jami - 72 nafar
Shu jumladan:
katta va oʻrta boshliqlar tarkibi - 68 nafar
erkin yollanib ishlovchilar tarkibi - 4 nafar