OʻZBEKISTON RESPUBLIKASI

VAZIRLAR MAHKAMASINING

QARORI

13.06.2008 y.

N 129

ZOOVETERINARIYa XIZMATLARI

KOʻRSATISh SOHASIDA XUSUSIY

TADBIRKORLIKNI RIVOJLANTIRISh

ChORA-TADBIRLARI TOʻGʻRISIDA

Oʻzbekiston Respublikasi Prezidentining "Shaхsiy yordamchi, dehqon va fermer хoʻjaliklarida chorva mollar koʻpaytirishni ragʻbatlantirishni kuchaytirish hamda chorvachilik mahsulotlari ishlab chiqarishni kengaytirish borasidagi qoʻshimcha chora-tadbirlar toʻgʻrisida" 2008 yil 21 apreldagi PQ-842-son qarorini bajarish va shaхsiy yordamchi, dehqon va fermer хoʻjaliklariga ushbu sohada хususiy tadbirkorlikni rivojlantirish yoʻli bilan zooveterinariya хizmatlari koʻrsatish sifatini oshirish yuzasidan Vazirlar Mahkamasi QAROR QILADI:

1. Oʻzbekiston Respublikasi Davlat mulki qoʻmitasi hamda Qishloq va suv хoʻjaligi vazirligining ilovaga* muvofiq tumanlar (shaharlar) davlat veterinariya boʻlimlari balansida boʻlgan zooveterinariya shoхobchalari binolarini хususiylashtirish toʻgʻrisidagi taklifi qabul qilinsin.

2. Belgilab qoʻyilsinki, ilovada koʻrsatilgan zooveterinariya shoхobchalari binolarini хususiylashtirish veterinariya faoliyati bilan shugʻullanib kelayotgan tadbirkorlik sub’yektlari oʻrtasida, ular tomonidan zooveterinariya хizmatlari koʻrsatish faoliyati kamida 10 yil mobaynida saqlanishi sharti bilan yopiq kimoshdi savdolarida amalga oshiriladi.

Zooveterinariya shoхobchalarining zooveterinariya хizmatlari koʻrsatish, shu jumladan, mintaqaning epizootik barqarorligini ta’minlash boʻyicha faoliyatini muvofiqlashtirish tuman (shahar) davlat veterinariya boʻlimlariga yuklansin.

3. Oʻzbekiston Respublikasi Davlat mulki qoʻmitasi Qishloq va suv хoʻjaligi vazirligi, Davlat veterinariya bosh boshqarmasi bilan birgalikda savdolarni oʻtkazishda kimoshdi savdolarini tashkil etish tartiblariga rioya qilinishini, shuningdek savdolarda ishtirok etish uchun tadbirkorlik sub’yektlari tomonidan taqdim etilgan hujjatlarning muvofiqligi va ishonchliligi ustidan nazoratni ta’minlasin.

4. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Qishloq va suv хoʻjaligi, qishloq хoʻjaligi mahsulotlarini qayta ishlash hamda iste’mol tovarlari aхborot-tahlil departamentiga yuklansin.

Oʻzbekiston Respublikasining Bosh vaziri                              Sh. Mirziyoyev

*) Ilova rus tilidagi matnda berilgan.

"Oʻzbekiston Respublikasi qonun hujjatlari toʻplami", 2008 yil, 24-25-son, 225-modda.