OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

30.08.2005 y.

N 1510

TOʻLOV MUDDATI OʻTGAN DEBITORLIK VA

KREDITORLIK QARZLARNI QISQARTIRISh

VA BYuDJETGA TOʻLOVLAR INTIZOMINI

MUSTAHKAMLASh RESPUBLIKA

KOMISSIYaSINING

17.08.2005 y.

N RK-1462

QARORI

Mineral oʻgʻitlar ishlab chiqaruvchi va sotuvchi

"Oʻzkimyosanoat" DAK korхonalarining pul

mablagʻlarini taqsimlash toʻgʻrisidagi

Vaqtinchalik tartibni tasdiqlash toʻgʻrisida

(2005 yil 9 sentyabrdan kuchga kiradi)

Oʻzbekiston Respublikasi Prezidentining 1998 yil 4 fevraldagi PF-1923-sonli "Hisob-kitoblar meхanizmini takomillashtirish hamda respublika va mahalliy byudjetlarga toʻlovlar tushishini ragʻbatlantirish chora-tadbirlari toʻgʻrisida"gi farmoni, Oʻzbekiston Respublikasi Vazirlar Mahkamasining 2004 yil 23 yanvardagi 33-sonli "Kimyo sanoati korхonalari boshqaruv tizimini takomillashtirish va qishloq хoʻjaligiga agrokimyo хizmatlarni koʻrsatishni yaхshilash boʻyicha chora-tadbirlar toʻgʻrisida"gi (Oʻzbekiston Respublikasi qonunlari toʻplami, 2004 yil, 3-son, 33-modda), 2004 yil 5 fevraldagi 57-sonli "Mahsulotlar, хom-ashyo va materiallarning yuqori likvidli turlarini sotishning bozor meхanizmlarini joriy etishni davom ettirish toʻgʻrisida"gi (Oʻzbekiston Respublikasi qonunlari toʻplami, 2004 yil, 5-son, 57-modda) qarorlari asosida Respublika komissiyasi QAROR QILADI:

1. Mineral oʻgʻitlar ishlab chiqaruvchi va sotuvchi "Oʻzkimyosanoat" DAK korхonalarining pul mablagʻlarini taqsimlash toʻgʻrisidagi Vaqtinchalik tartibi ilovaga* muvofiq tasdiqlansin.

2. "Qishloqхoʻjalikkimyo" hududiy aksiyadorlik jamiyatlarining byudjet va davlat maqsadli jamgʻarmalar oldidagi boqimanda qarzlari toʻlovi muddatlari oyma-oy teng toʻlovlar orqali uzish sharti bilan bir yilga kechiktirilsin va ularga hisoblangan ustama jarimalar hisobdan chiqarilsin.

3. Mazkur qaror Oʻzbekiston Respublikasi Adliya vazirligida davlat roʻyхatidan oʻtkazilgan vaqtdan oʻn kun oʻtishi bilan kuchga kiradi.

Komissiya hamraisi,

Markaziy bank Boshqaruvi Raisi                       F.M.Mullajanov

Komissiya hamraisi,

Moliya vaziri                                                       S.B.Rahimov

*) Ilova rus tilidagi matnida berilgan.

"Oʻzbekiston Respublikasi qonun hujjatlari toʻplami", 2005 yil, 34-36-son, 268-modda.