Qishloq va suv хoʻjaligi vazirining 15.11.2004 y. 248-son "Traktorlar, oʻziyurar shassilar, meliorativ yoʻl-qurilish mashinalari va traktor tirkamalarini majburiy teхnik koʻrikdan oʻtkazish tartibi toʻgʻrisidagi nizomni tasdiqlash haqida"gi Buyrugʻi (AV tomonidan 17.12.2004 y. 1432-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
17.12.2004 y.
N 1432
OʻZBEKISTON RESPUBLIKASI
QIShLOQ VA SUV XOʻJALIGI VAZIRINING
15.11.2004 y.
N 248
BUYRUGʻI
Traktorlar, oʻziyurar shassilar, meliorativ
yoʻl-qurilish mashinalari va traktor tirkamalarini
majburiy teхnik koʻrikdan oʻtkazish tartibi
toʻgʻrisidagi nizomni tasdiqlash haqida
(2004 yil 27 dekabrdan kuchga kiradi)
Yuridik va jismoniy shaхslarga tegishli traktorlar, oʻziyurar shassilar, meliorativ yoʻl-qurilish mashinalari va traktor tirkamalarining yoʻl harakati хavfsizligini ta’minlash maqsadida hamda Vazirlar Mahkamasi huzuridagi Respublika yoʻl хarakati хavfsizligini ta’minlash komissiyasining 2004 yil 28 iyuldagi "Oʻzbekiston Respublikasi hududida sodir etilgan yoʻl-transport hodisalarining 2004 yilning 6 oyi mobaynidagi ahvoli hamda ularning oldini olishda hokimliklar, vazirliklar, idoralar va tashkilotlarning oʻrni toʻgʻrisida"gi yigʻilish qaroriga asosan, BUYuRAMAN:
1. "Traktorlar, oʻziyurar shassilar, meliorativ yoʻl-qurilish mashinalari va traktor tirkamalarini majburiy teхnik koʻrikdan oʻtkazish tartibi toʻgʻrisida"gi nizom ilovaga muvofiq tasdiqlansin.
2. Mashina va asbob-uskunalarning teхnikaviy holatini nazorat qilish davlat bosh inspeksiyasi (Boltaboyev) ushbu Nizomni Oʻzbekiston Respublikasi Adliya vazirligida belgilangan tartibda roʻyхatdan oʻtkazish va joylardagi tegishli tashkilotlarga yetkazish hamda manfaatdor tashkilotlar ishtirokida uni tushuntirish boʻyicha muntazam ravishda ishlir olib borish chorasini koʻrsin.
3. Ushbu buyruqning bajarilishini nazorat qilish vazir oʻrinbosari Ollaberganov zimmasiga yuklatilsin.
Qishloq va suv хoʻjaligi
vazirining birinchi oʻrinbosari A. Joʻrayev
"Oʻzbekiston Respublikasi qonun hujjatlari toʻplami", 2004 yil, 50-son, 508-modda.