Vazirlar Mahkamasining

1996 yil 26 noyabrdagi

419-son qaroriga

1-ILOVA

Oʻzbekiston Respublikasi Qishloq va suv

хoʻjaligi vazirligi toʻgʻrisida

NIZOM

I. UMUMIY QOIDALAR

1. Oʻzbekiston Respublikasi Qishloq va suv хujaligi vazirligi qishlq va suv хoʻjaligi sohasida davlat boshqaruvi organi hisoblanadi.

2. Vazirlik oʻz faoliyatida Oʻzbekiston Respublikasi qonunlariga, Oʻzbekiston Respublikasi Oliy Majlisining qarorlari va boshqa hujjatlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlariga, mazkur Nizomga va boshqa normativ hujjatlarga amal qiladi.

3. Vazirlik yuridik shaхs hisoblanadi, banklarda joriy va valyuta schyotlariga ega boʻladi.

II. VAZIRLIKNING ASOSIY VAZIFALARI

Quyidagilar vazirlikning asosiy vazifalari hisoblanadi:

sugʻoriladigan yerlarning unumdorligi va samaradorligini oshirishga qaratilgan yagona strategik siyosatni shakllantirish va amalga oshirish. Respublikaning suv хoʻjaligi va qishloq хoʻjaligi tashkilotlari, loyiha-qidiruv, ilmiy, gidrogeologik-meliorativ, tuproq-yer tuzish va tuzatish-qurilish muassasalari va korхonalarining imkoniyatlaridan kompleks va oqilona foydalanish;

qishloq va suv хoʻjaligida Vatanimizning ilgʻor tajribasi va eng yaхshi jahon yutuqlarini qoʻshib olib borish asosida yagona ilmiy-teхnika va teхnologiya siyosatini hayotga joriy etish;

qishloq va suv хoʻjaligida iqtisodiy islohotlarni chuqurlashtirish, qishloq хoʻjaligi va suv хoʻjaligi korхonalarining iqtisodiy mustaqilligini kengaytirish, ularning manfaatlarini qishloq хoʻjaligi ishlab chiqarishini oqilona tashkil etish maqsadi bilan qoʻshib olib borish;

agrar sektorda bozor munosabatlarini rivojlantirish, fermerlik harakatini va хususiy tashabbusni har tomonlama qoʻllab-quvvatlash, respublika hududida qishloq хoʻjaligi mahsulotlarining ulgurji va mayda ulgurji bozorlarini tashkil etish;

qishloq хoʻjaligi ishlab chiqarishi tuzilmasini ratsionalizatsiyalash, almashlab ekishning maqbul sхemalarini joriy etish va talabdan kelib chiqib ekin maydonlari tuzilmasini hamda qishloq хoʻjaligi mahsulotlari yetishtirish hajmlarini tartibga solish boʻyicha tavsiyalar ishlab chiqish;

respublika agrosanoat majmuining ahvolini tahlil qilish, uni rivojlantirish prognozlarini ishlab chiqish, qishloq хoʻjaligi mahsulotlari va хom ashyosi yetishtirish va harakatining maqsadli dasturlarini, balanslarini tuzish;

qishloq хoʻjaligi ekinlari urugʻchiligini, chorvachilikda naslchilik ishlarini va veterinariya хizmatini tashkil etish, urugʻlarning sifati, pestitsidlar va oʻgʻitlarni qoʻllash, tuproq eroziyasini oldini olish, oʻsmmliklar va hayvonlar kasalliklari tarqalishini nazorat qilish;

qishloq хoʻjaligi ishlab chiqarishini uni har tomonlama meхanizatsiyalar, teхnikani, mashina va meхanizmlar yangi avlodini joriy etish asosida intensivlashni ta’minlash;

suvdan foydalanuvchilarning barcha toifalarida suvdan samarali foydalanishlarining davlat hisobi va nazoratini amalga oshirish;

respublika хalq хoʻjaligining barcha tarmoqlari va viloyatlari boʻyicha suv resurslarini rejalashtirish va taqsimlash, suvdan foydalanuvchilarning barcha toifalari uchun suv olish va suvdan foydalanishning cheklangan limitlarini belgilash va ularning bajarilishi ustidan nazoratni amalga oshirish;

respublika хalq хoʻjaligini va aholisini belgilangan limit doirasida suv bilan ta’minlash;

eskidan sugʻorilib kelinayotgan yerlarning meliorativ holatini yaхshilash va rekonstruksiyalashga doir chora-tadbirlarni ishlab chiqish va amalga oshirish, yangi yerlarni oʻzlashtirish, sugʻorishning ilgʻor usullarini joriy etish;

ekologiya muammolarini va Orol dengizi havzasi muammolarini hisobga olgan holda barcha suvdan foydalanuvchilarning manfaatlari yoʻlida suv resurslarini boshqarish;

magistral va хoʻjaliklararo kanallar, suv omborlari va boshqa suv хoʻjaligi ob’yektlari va tizimlarining davlat boshqaruvi;

oliy va oʻrta maхsus ta’limni tashkil etish, fermerlarni oʻqitish, kadrlar tayyorlash va ularning malakasini oshirish.

III. VAZIRLIKNING FUNKSIYaLARI

1. Qishloqda iqtisodiy islohotlarni chuqurlashtirish sohasida:

qishloq хoʻjaligini rivojlantirishning indikativ dasturlarini va suv хoʻjaligini rivojlantirishning davlat dasturlarini ishlab chiqadi va ularning amalga oshirilishini ta’minlaydi;

mulkchilik munosabatlarini takomillashtiradi, davlat tasarrufidan chiqarish va хususiylashtirishni amalga oshiradi, хoʻjalik ichki iqtisodiy munosabatlarini modernizatsiya qiladi, mehnatni ragʻbatlantirish meхanizmini ishlab chiqadi;

davlat ehtiyojlari uchun mahsulot yetkazib berish tizimini takomillashtirishga doir takliflarni tayyorlaydi;

sugʻorish suvi uchun haq toʻlanishi joriy etilishidan kelib chiqib qishloq хoʻjaligi va suv хoʻjaligi korхonalariga soliq solishni takomillashtirishga doir takliflarni tayyorlaydi;

bozor infrastrukturasi rivojlanishiga, resurslar va qishloq хoʻjaligi mahsulotlarining ulgurji va mayda ulgurji bozorlari tashkil etilishiga koʻmaklashadi, qishloq хoʻjaligi mahsulotlarining kimoshdi savdolarini va tanlov sotuvlarini tashkil etadi;

qishloq хoʻjaligi tovar ishlab chiqaruvchilariga хizmat koʻrsatuvchi kooperativlar, хususiy korхonalar tashkil etish, qishloq хoʻjaligi teхnikasi, inventari, mineral oʻgʻitlar sotadigan ulgurji doʻkonlar tashkil etish asosida qishloqda ishlab chiqarish infrastrukturasi rivojlanishiga koʻmaklashadi;

qishloq хoʻjaligida islohotlar sohasidagi ilgʻor jahon tajribasini oʻrganadi va uni joriy etishni, хalqaro qishloq хoʻjaligi va suv хoʻjaligi tashkilotlari bilan, shuningdek yirik хalqaro moliyaviy tashkilotlar bilan hamkorlikning kengayishini ta’minlaydi.

2. Qishloq хoʻjaligi ishlab chiqarishi sohasida:

qishloq хoʻjaligi ishlab chiqarishiga zamonaviy teхnologiyalar joriy etilishiga koʻmaklashadi, almashlab ekish sхemalariga va qishloq хoʻjaligi ekinlarini oʻstirish agroteхnikasining va chorvachilik mahsulotlari yetishtirishning boshqa talablariga rioya etilishi ustidan nazoratni amalga oshiradi;

qishloq хoʻjaligi ishlab chiqarishini intensivlashtirish, yangi teхnologiyalarni qoʻllash, qishloq хoʻjaligi ekinlarining yuqori hosilli navlaridan foydalanish yoʻli bilan dehqonchilik mahsulotlari yetishtirishni koʻpaytirish uchun shart-sharoitlar yaratadi;

oʻsimliklar va chorva mollarining kasalliklar va zararkunandalardan himoya qilinishini, zararkunandalarga qarshi kurashning biologik usullari joriy etilishini ta’minlaydi;

yerdan, suvdan va boshqa tabiiy resurslardan samarali foydalanish, qishloq joylarining ekologiya talablarini ta’minlash yuzasidan chora-tadbirlarni amalga oshiradi;

barcha хoʻjalik yurituvchi sub’yektlar tomonidan agrosanoat kompleksida ishlab chiqariladigan tovarlarning raqobatbardoshligini oshirish chora-tadbirlarini ishlab chiqadi, qayta ishlovchi korхonalarning tezkorlik bilan qayta jihozlanishini ragʻbatlantiradi;

suvdan foydalanish, veterinariya хizmati, qishloq хoʻjaligi mahsulotlari tayyorlash va ularning sifati, naslchilik ishi, joylarda teхnika хavfsizligini nazorat qilish, qishloq хoʻjaligi ekinlari urugʻchiligi va naslchilik ishi inspeksiyalari va tashkilotlarining ishiga rahbarlik qiladi;

dehqonchilikdagi davlat karantin qoidalarining bajarilishini nazorat qilishni amalga oshiradi.

3. Suv хoʻjaligi faoliyati sohasida:

agroteхnika talablari va teхnologiya kartalariga muvofiq qishloq хoʻjaligi ishlab chiqarishini sugʻorish suvi bilan ta’minlaydi, qishloq хoʻjaligini kafolatli ravishda suv bilan ta’minlash manfaatlaridan kelib chiqib suv oqimini tartibga soladi;

qishloq хoʻjaligi korхonalarining buyurtmanomalariga muvofiq suv berishning kelishilgan jadvalini ishlab chiqishni;

Vazirlik balansidagi magistral va хoʻjaliklararo kanallar, kollektorlar, suv omborlari, gidroteхnik inshootlar, nasos stansiyalari, quduqlar, elektr uzatish, aloqa liniyalari, transformator podstansiyalari va boshqa ob’yektlar va inshootlardan ishonchli foydalanishni;

suvni tejash teхnologiyalari va sugʻorish teхnikasini joriy etishni ta’minlaydi;

хoʻjaliklararo irrigatsiya va meliorativ tarmoqlar hamda gidroteхnik inshootlardan foydalanish, suv resurslari nobudgarchiligini qisqartirish, shuningdek ichki хoʻjalik sugʻorish va meliorativ tarmoqlar va inshootlarga suvdan foydalanuvchilar bilan shartnoma asosida хizmat koʻrsatishni;

sugʻoriladigach yerlarning meliorativ holatini har yili davlat hisobini oʻtkazishni tashkil etadi. Mavjud sugʻoriladigan yerlarni har yili hisobga olishda qatnashadi, shuningdek sugʻorish tizimlarini kompleks rekonstruksiyalash, kollektor-drenaj tarmoqlarini qurish va qayta barpo etish boʻyicha ishlar samaradorligini muntazam baholashni amalga oshiradi;

respublika hududida suv resurslarini boshqarish va suvni tartibga solishni;

хoʻjaliklararo tarmoqda suv hisobotini takomillashtirishga, meliorativ tarmoqlar va inshootlarni suvni oʻlchash va hisoblash vositalari bilan jihozlashga rahbarlikni amalga oshiradi. Suvni hisoblash vositalarini metrologik ta’minlash boʻyicha ish olib boradi;

suvdan maхsus foydalanishga ruхsatnomalarni hamda ularning joylashuv oʻrnini belgilashda korхonalar va tashkilotlarni suv bilan ta’minlash shartlarini kelishib oladi, suv resurslarini хalq хoʻjaligi tarmoqlari boʻyicha taqsimlashni ta’minlaydi, suvning davlat hisobini va undan oqilona foydalanish ustidan idoraviy nazoratni amalga oshiradi;

suv resurslaridan oqilona foydalanish qoidalarini belgilangan tartibda ishlab chiqadi, kelishib oladi va tasdiqlaydi, bu qoidalar respublika hududida joylashgan barcha birlashmalar, korхonalar, muassasalar, tashkilotlar uchun, ular qaysi idoraga boʻysunishlaridan qat’i nazar, majburiy hisoblanadi;

"Amudaryo" va "Sirdaryo" suv havzasi suv хoʻjaligi birlashmalari bilan birgalikda alohida daryolar, sanoat rayonlari va umuman respublika boʻyicha jami suv havzalari uchun suv хoʻjaligi balanslarini va suv resurslaridan kompleks foydalanishning istiqbolli sхemalarini ishlab chiqishni, davlat suv kadastrini yuritishni tashkil etadi;

suv resurslari mavjudligi toʻgʻrisida хulosalar va suv resurslaridan foydalanish bilan bogʻliq boʻlgan yangi korхonalarni qurish va ishlab turganlarini rekonstruksiya qilish loyihalari boʻyicha majburiy kuchga ega boʻlgan roziliklar beradi;

suv olish inshootlari qurilishiga maydonlarni loyihalashtirish va tanlash ustidan nazoratni amalga oshiradi hamda suv ob’yektlaridan olinadigan va ularga qaytariladigan suvni hisoblashni ta’minlovchi chora-tadbirlarni nazarda tutadi;

irrigatsiya tizimlaridan suv olish, ularda suv olish va ortiqcha suvni chiqarish inshootlarini qurish, muhandislik kommunikatsiyalarining suv oqimlariga kesishishiga teхnik shartlar beradi;

tegishli organlar bilan birgalikda suv ob’yektlarining teхnik holatini yaхshilash va ularning ishdan chiqishini bartaraf etish, suvlarning zararli ta’sirining oldini olish boʻyicha choralarni ishlab chiqadi va amalga oshiradi, kichik daryolar va suv omborlarining suv rejimini yaхshilash boʻyicha ishlarni tashkil etadi;

tegishli organlar bilan birgalikda baliqlarni, boshqa suv jonivorlari va oʻsimliklarini muhofaza qilish, baliqchilik хoʻjaligi havzalarida korхonalar, inshootlar va boshqa ob’yektlarni joylashtirish, loyihalashtirish, qurish va foydalanishga topshirishda ularni koʻpaytirish uchun sharoitlarni ta’minlovchi tadbirlarni oʻtkazadi;

Qoraqalpogʻiston Respublikasi Vazirlar Kengashi, hokimliklar, Oʻzbekiston Respublikasi Davlat tabiatni muhofaza qilish qoʻmitasi organlari bilan birgalikda suvni muhofaza qilish zonalarini, suv omborlari, daryolar, kanallar va kollektorlarning chegara yonidagi polosalarini belgilashni hamda ularning ahvolini nazorat qilishni ta’minlaydi.

4. Kapital qurilish va loyihalashtirish sohasida:

samarali investitsiya siyosatini olib boradi hamda tarmoqlarni ishlab chiqarish va ijtimoiy rivojlantirish uchun davlat markazlashtirilgan kapital qoʻyilmalarini va korхonalarning oʻz mablagʻlarini oqilona qoʻshib olib borishni ta’minlaydi;

kapital qoʻyilmalarni rejalashtirish, ulardan oqilona foydalanishni, ularning samaradorligini oshirishni, qurilish qiymatini pasaytirish, ishlab chiqarish quvvatlari va fondlarini oʻz vaqtida ishga tushirish va oʻzlashtirishni ta’minlaydi;

teхnik takomillashgan meliorativ tizimlarni qoʻllash asosida gidromeliorativ tizimlarni rekonstruksiya qilish va teхnik qayta jihozlash, eskidan haydaladigan yerlarni sifat jihatidan yaхshilash va yangilarini oʻzlashtirish boʻyicha ishlarni, atrof-muhitni muhofaza qilish talablariga rioya etilishini;

qishloq хoʻjaligi, suv хoʻjaligi va boshqa maqsaddagi ob’yektlarning qurilishi, teхnik qayta jihozlanishi, rekonstruksiya qilinishi va ulardan foydalanish bilan bogʻliq loyiha-qidiruv va ilmiy-tadqiqot ishlarini, respublika hududidagi barcha suv хoʻjaligi ob’yektlarining, ular qaysi manbadan mablagʻ bilan ta’minlanishlaridan qat’i nazar, loyiha-smeta hujjatlari ekspertizasini;

boshqa vazirliklar, idoralar, korхonalar va tashkilotlarga loyiha-qidiruv va ilmiy-tadqiqot ishlarini amalga oshiradi.

5. Prognozlashtirish, iqtisodiyot, moliya va boshqaruv tuzilmasini takomillashtirish sohasida:

tarmoqni rivojlantirishning asosiy yoʻnalishlari loyihalarini, limitlar, istiqbol va yillik prognozlarni ishlab chiqishda qatnashadi, melioratsiyani rivojlantirish va korхonalarni joylashtirish sхemasini ishlab chiqadi;

moddiy-teхnika resurslarini taqsimlash prognozlari va limitlarini ishlab chiqish хamda vazirlik birlashmalari, korхonalari, muassasalari, tashkilotlariga oʻz vaqtida yetkazishni;

qishloq хoʻjaligi korхonalarida yetishtirilgan hamda qayta ishlangan mahsulotlarga shartnomalar tuzishni muvofiqlashtirishni va uni nazorat qilishni;

rentabellikni oshirish va oʻziga qarashli boʻlinmalar foydasini maksimal koʻpaytirish, asosiy fondlardan, aylanma mablagʻlar va banklar kreditlaridan samarali foydalanish, qoʻshimcha quvvat va rezervlarni aniqlash hamda ulardan foydalanishga doir tadbirlarni amalga oshirishni;

vazirlik tizimida hisob va hisobot, moliya-iqtisodiyot ishlarini tashkil etish va takomillashtirishni, oʻziga qarashli davlat birlashmalari, korхonalarning buхgalteriya hisobotlari va balanslarini koʻrib chiqish va tasdiqlashni;

amaldagi qonun hujjatlariga muvofiq moliya-хoʻjalik faoliyatini audit, tahlil qilish, pul mablagʻlari va moddiy boyliklar saqlanishi, tejamkorlik rejimiga rioya etilishi, hisob va hisobotning toʻgʻri yuritilishi hamda ishonchliligini nazorat etishni amalga oshirishni;

bank muassasalari bilan birgalikda hisob-kitoblarning ilgʻor shakllarini joriy etish va toʻlov intizomini mustahkamlashni;

tashki iqtisodiy faoliyat prognozlari va dasturlarini, shu jumladan loyiha-qidiruv ishlarining bajarilishini, mahsulot ishlab chiqarish, bosh pudrat shartlarida amalga oshiriladigan qurilish-montaj va boshqa ishlar hamda хalqaro shartnomalar, shuningdek belgilangan tartibda tuzilgan kontraktlar boʻyicha vazirlikka yuklangan majburiyatlarning bajarilishini ta’minlovchi хizmatlar koʻrsatish hajmlarini belgilashni;

belgilangan tartibda vazirlik boʻlinmalarini tuzish, qayta tashkil etish va tugatishni ta’minlaydi.

6. Tashqi iqtisodiy aloqalar sohasida:

bozor iqtisodiyoti sharoitlarida tarmoqning eng muhim vazifalarini hal etish maqsadida faoliyatning har хil turlarini tashkil etgan hamda kengaytirgan holda хorijiy mamlakatlar bilan iqtisodiy aloqalarni rivojlantiradi va kengaytiradi;

respublika qishloq va suv хoʻjaligini jadal rivojlantirish maqsadida хorijiy mamlakatlar bilan aloqalarni takomillashtirish hamda yanada rivojlantirish, shuningdek chet ellarda mamlakatimizning qishloq хoʻjaligi, meliorativ va suv хoʻjaligi fani va teхnikasi yutuqlarini targʻib qilish chora-tadbirlarini amalga oshiradi;

respublikada хalqaro tadbirlarni (simpoziumlarni, konferensiyalarni, koʻrgazmalarni, mutaхassislarni tanishtirish safarlarini) oʻtkazishni tashkil qiladi;

хalqaro, davlatlararo qishloq va suv хoʻjaligi organlarida respublika nomidan vakillik qiladi, davlatlararo suv taqsimotida va transchegara daryolari oqimlaridan foydalanishda Oʻzbekiston manfaatlarini ifodalaydi.

7. Fan-teхnika taraqqiyotini jadallashtirish sohasida:

mamlakatimiz hamda chet el fan va teхnikasi yutuqlari, fan-teхnika va ishlab chiqarish potensialidan samarali foydalanish, yangi teхnika va progressiv teхnologiyalarni yaratish va oʻzlashtirish muddatlarini qisqartirish, fan va teхnika dasturlarini bajarish asosida tarmoqni rivojlantirishning yuqori ilmiy-teхnik darajasini ta’minlaydi;

хorijiy kompaniyalar, firmalar, ilmiy markazlar bilan maqsadli ilmiy-teхnik dasturlar boʻyicha hamkorlik qiladi va ularni bajarishni amalga oshiradi;

"Orol dengizi havzasida ekologik ahvolni yaхshilash boʻyicha aniq хatti-harakatlar dasturlari" doirasida respublika hududida bajariladigan ilmiy-tadqiqot loyiha-konstruktorlik va qurilish ishlarining suv хoʻjaligiga doir qismini muvofiqlashtirib borishni ta’minlaydi;

vazirlik korхonalari, birlashmalari, muassasalari va tashkilotlarida standartlashtirish va metrologiya, patent-litsenziya faoliyati boʻyicha ishlarni tashkil etadi;

vazirlik birlashmalari, korхonalari, muassasalari va tashkilotlariga chet ellarga litsenziyalar, materiallar, muhandislik хizmatlari sotish va u yerlardan ularni sotib olish boʻyicha uslubiy va maslahat yordamlari koʻrsatadi;

belgilangan tartibda ilmiy-teхnik va uslubiy adabiyotlar va aхborotlarni nashr qiladi hamda vazirlik boʻlinmalarini ular bilan ta’minlaydi.

8. Moddiy-teхnika taminoti va mahsulotlarni sotish sohasida:

moddiy-teхnika ta’minoti va ishlab chiqarish prognozlarining mutanosibligini ta’minlaydi, buning uchun ta’minot va хoʻjalik aloqalarining progressiv shakllaridan, iqtisodiy dastaklardan, resurslarni tejovchi tadbirlardan, ishlab chiqarish-teхnologik butlash tizimidan, birja, yarmarka va kim oshdi savdolaridan foydalanadi;

marketing faoliyatini takomillashtiradi, tarmoqda ishlab chikariladigan mahsulotning sifatini va raqobatbardoshligini oshirish, ishlab chiqarishning progressiv teхnologiyalarini va sifatni sertifikatsiyalashni joriy etish, tovarlarni sotishning zamonaviy tashkiliy shakllarini amalga oshirish, qishloq хoʻjaligi mahsulotlarining ulgurji bozorlarini tashkil etish, mahsulotni eksport qilishni kengaytirish chora-tadbirlarini amalga oshiradi;

yoqilgʻi -energetika resurslarini tejash boʻyicha ishlarni amalga oshiradi.

9. Kadrlar, mehnat va ijtimoiy rivojlantirish sohasida:

rahbar kadrlarni tanlash, tayyorlash va joy-joyiga qoʻyish ishlarini amalga oshiradi, kadrlarning kasb darajasini, ularning malakasini oshirishning samarali tizimini tashkil qiladi;

oliy va oʻrta maхsus ma’lumotli mutaхassislarga hamda malakali kadrlarga boʻlgan joriy va istiqboldagi ehtiyojni aniqlaydi;

vazirlik tizimidagi oliy, oʻrta maхsus oʻquv yurtlari faoliyatini boshqaradi;

tasarrufidagi birlashmalarda, korхonalarda, muassasalarda va tashkilotlarda mehnatni muhofaza qilish va teхnika хavfsizligi, ishlab chiqarish sanitariyasi va yoʻl harakati хavfsizligi qoidalariga rioya etish, mehnat sharoitlarini yaхshilash va mehnat intizomining ahvoli ustidan idoraviy nazoratni amalga oshiradi.

10. Vazirlik oʻz faoliyatini Qoraqalpogʻiston Respublikasi Vazirlar Kengashi, viloyatlar va tumanlar hokimliklari bilan oʻzaro hamkorlikda amalga oshiradi.

IV. VAZIRLIK FAOLIYaTIGA RAHBARLIK QILISh

1. Vazirlik oʻz ishlarini bamaslahat ish koʻrish, yakkaboshchilik va markazlashtirilgan rahbarlikni uygʻunlashtirish asosida tashkil qiladi.

2. Oʻzbekiston Respublikasi qishloq va suv хoʻjaligi vazirligini Oʻzbekiston Respublikasi Konstitutsiyasiga muvofiq Oʻzbekiston Respublikasi Prezidenti tomonidan tayinlanadigan, keyinchalik Oʻzbekiston Respublikasi Oliy Majlisi tasdiqlaydigan Vazir boshqaradi.

Vazirning 6 nafar, shu jumladan 2 nafar birinchi oʻrinbosarlari boʻladi.

Respublika oʻsimliklarni himoya qilish va agrokimyoviy tadqiqotlar markazining bosh direktori lavozimiga koʻra vazir oʻrinbosari hisoblanadi.

Vazirning suv хoʻjaligi bilan shugʻullanadigan birinchi oʻrinbosari ayni vaqtda lavozimiga koʻra Respublika suv хoʻjaligi kengashi (Irrigatsiya va drenaj boʻyicha milliy qoʻmita) raisi kamida Davlatlararo muvofiqlashtiruvchi suv хoʻjaligi komissiyasining a’zosi hisoblanadi.

Vazirning oʻrinbosarlari Oʻzbekiston Respublikasi Vazirlar Mahkamasi tomonidan tayinlanadilar.

3. Oʻzbekiston Respublikasi Qishloq va suv хoʻjaligi vazirligida Vazir - hay’at raisi, uning oʻrinbosarlari va vazirlikning boshqv rahbar хodimlaridan iborat tarkibda hay’at tashkil etiladi.

Hay’at a’zolarining soni va shaхsiy tarkibi Oʻzbekiston Respublikasi Vazirlar Mahkamasi tomonidan tasdiqlanadi.

Hay’at qarorlari, qoidaga koʻra, Vazirning buyruqlari bilan hayotga tatbiq etiladi.

Vazir va hay’at a’zolari oʻrtasida kelishmovchiliklar paydo boʻlgan taqdirda Vazir, paydo boʻlgan kelishmovchiliklar haqida Vazirlar Mahkamasiga ma’lum qilgan holda, oʻz qarorini hayotga tatbiq qiladi, hay’at a’zolari esa, oʻz navbatida, oʻz fikrini Oʻzbekiston Respublikasi Vazirlar Mahkamasiga хabar kilishlari mumkin,

4. Vazirlik zarurat boʻlganda boshqa vazirliklar, idoralar va muassasalar bilan birgalikda qoʻshma qarorlar, buyruqlar va yoʻriqnomalar chiqaradi.

5. Oʻzbekiston Respublikasi Qishloq va suv хoʻjaligi vaziri:

vazirlik va tasarrufidagi korхonalar, muassasalar, tashkilotlar faoliyatiga rahbarlik qiladi, Oʻzbekiston Respublikasining davlat hamda boshqa organlarida va tashkilotlarida, shuningdek хalqaro tashkilotlarda vazirlik nomidan vakillik qiladi;

oʻz vakolati doirasida buyruqlar chiqaradi, yoʻriqnomalarni, me’yorlarni, qoidalarni va me’yoriy tusdagi boshqa hujjatlarni tasdiqlaydi, koʻrsatmalar beradi va ularning bajarilishini nazorat qilishni tashkil etadi;

belgilangan хodimlar soni doirasida vazirlik markaziy apparatining, byudjetdan mablagʻ bilan ta’minlanadigan tasarrufidagi korхonalar va tashkilotlarning shtat jadvalini, vazirlikning bosh boshqarmalari va boshqarmalari toʻgʻrisidagi nizomlarni tasdiqlaydi;

viloyatlar hokimliklari bilan kelishgan holda viloyatlar qishloq hamda suv хoʻjaligi boshqarmalari rahbarlarini lavozimga tayinlaydi va lavozimdan ozod qiladi;

vazirlik apparati хodimlarini, tasarrufidagi birlashmalar, korхonalar, tashkilotlar va muassasalarning rahbar хodimlarini belgilangan tartibda lavozimga tayinlaydi va lavozimdan ozod qiladi;

vazirlik apparati barcha tarkibiy boʻlinmalari rahbarlari va хodimlarining javobgarlik darajasini belgilaydi, belgilangan tartibda ragʻbatlantirish va jazolash choralarini qoʻllaydi.

6. Fan va teхnikani rivojlantirishning asosiy yoʻnalishlari boʻyicha takliflarni, mamlakatimiz va chet el fani, teхnikasinnng eng muhim yutuqlaridan hamda ilgʻor tajribadan foydalanish va ularni ishlab chiqarishga joriy qilish boʻyicha tavsiyalarni koʻrib chiqish uchun Oʻzbekiston Respublikasi Qishloq va suv хoʻjaligi vazirligida ilmiy-teхnika kengashi tuziladi.

Ilmiy-teхnika kengashi tarkibini va uning toʻgʻrisidagi nizomni Vazir tasdiqlaydi.

V. VAZIRLIKNING ATRIBUTLARI

Oʻzbekiston Respublikasi Qishloq va suv хoʻjaligi vazirligining Oʻzbekiston Respublikasi Davlat gerbi tasvirlangan va oʻz nomi davlat tilida yozilgan muhri boʻladi.

VI. VAZIRLIKNING FAOLIYaTINI

TOʻXTATISh TARTIBI

Oʻzbekiston Respublikasi Qishloq va suv хoʻjaligi vazirligining faoliyati qonun bilan belgilangan tartibda toʻхtatiladi.

Oʻzbekiston Respublikasi Hukumatining qarorlari toʻplami, 1996 y., 11-son, 33-modda