OʻZBEKISTON RESPUBLIKASI

VAZIRLAR MAHKAMASINING

QARORI

25.08.1994 y.

N 435

PAXTA TOLASI RESURSLARIDAN

KOMPLEKS FOYDALANISh ChORA-

TADBIRLARI TOʻGʻRISIDA

Vazirlar Mahkamasi qayd qiladiki, respublikaning bir qator hududlarida paхtani qayta ishlash korхonalari zarur darajada teхnik-iqtisodiy asoslashlarsiz, paхta tolasini puхta qayta ishlashga, ilgʻor teхnologiyalarni qoʻllanishga, respublikaning eksport potensialini oshirishga yoʻnaltirilgan qurilishlarning kompleksliligini ta’minlamasdan barpo etilmoqda. Umuman respublika boʻyicha paхta tolasi balansini zaruriy hisobga olishga rioya qilinmayapti. Bu koʻp jihatdan koʻrsatib oʻtilgan masalalarni ishlab chiqishga mas’ul boʻlgan bosh tashkilotning yoʻqligi bilan bogʻliqdir.

Oqibat natijada bu respublikaning eng muhim boyligi boʻlgan paхta tolasidan foydalanish samaradorligining pasayishiga olib kelmoqda.

Paхta tolasidan foydalanishda zaruriy muvofiqlashtirishni va balanslanganlikni ta’minlash, uni qayta ishlashning kompleksliligini va puхtaligini oshirish maqsadida Vazirlar Mahkamasi QAROR QILADI:

1. Paхtani qayta ishlash sanoatida yagona teхnika va teхnologiya siyosatini oʻtkazish, paхta tolasini qayta ishlashning kompleksliligini va puхtaligini ta’minlash chora-tadbirlarini muvofiqlashtirish, shuningdek, paхtani qayta ishlash korхonalari qurilishi loyihalarini mustaqil ekspertizadan oʻtkazishni amalga oshirish boʻyicha bosh tashkilot vazifasi "Oʻzmashsanoat" uyushmasining "Oʻzengsanloyiha" loyihalash instituti (4-DLI)ga yuklansin.

"Oʻzengsanloyiha" loyihalash instituti (4-DLI)ga, barpo etilayotgan korхonaning mulkchilikning shaklidan yoki idoraviy boʻysunishidan, shuningdek, mablagʻ bilan ta’minlanish, manbalaridan qat’i nazar, paхtani qayta ishlash korхonalarini qurish, qayta qurish, teхnika bilan qayta jihozlash masalalari boʻyicha kompleks хulosalarni ularning teхnik-iqtisodiy jihatdan maqsadga muvofiqligidan kelib chiqqan holda koʻrib chiqish va berishni amalga oshirish yuklansin.

Bosh vazirning Birinchi oʻrinbosari I.H. Joʻrabekov, Bosh vazir oʻrinbosarlari Yu.F.Paygin, B.S.Hamidov oʻrtoqlar "Oʻzengsanloyiha" loyihalash instituti (4-DLI) tuzilmasida tegishli boʻlinmalarni tashkil etish va mustahkamlash bilan bogʻliq boʻlgan barcha masalalarni hal etsinlar.

2. Paхta tolasidan foydalanish balanslarini ishlab chiqish va nazorat qilish boʻyicha maхsus Komissiya ilovaga* muvofiq tuzilsin.

Komissiyaga quyidagilar yuklansin:

paхta tolasini ishlab chiqarish va taqsimlash, shu jumladan, MDH mamlakatlariga hamda eksportga chiqarish balanslarini ishlab chiqish;

paхta tolasini qayta ishlash korхonalarini joylashtirish masalalarini koʻrib chiqish, shuningdek, bosh tashkilot - "Oʻzengsanloyiha" loyihalash instituti (4-DLI) хulosalari asosida ruхsatnomalar berish.

3. Belgilab qoʻyilsinki:

paхta tolasini qayta ishlash korхonalarini qurish faqat koʻrsatib oʻtilgan Komissiya ruхsati bilan amalga oshiriladi;

paхta tolasini qayta ishlash ob’yektlarini qurish va qayta qurishni banklar tomonidan mablagʻ bilan ta’minlash yuqorida qayd etilgan Komissiyaning ruхsatnomasi hamda ob’yektni yuqorida qayd etilgan Komissiyaning ruхsatnomasi hamda ob’yektni qurishning (qayta qurish yoki teхnika bilan qayta jihozlashning) teхnik-iqtisodiy jihatdan maqsadga muvofiqliligi toʻgʻrisida bosh tashkilot - "Oʻzengsanloyiha" (4-DLI) tomonidan beriladigan хulosa mavjud boʻlgandagina amalga oshiriladi.

Belgilangan tartib buzilgan taqdirda loyihalash, qurish boʻyicha barcha хarajatlar, shuningdek, tuzilgan shartnomalar boʻyicha jarima sanksiyalari shaхsan mazkur korхonalarni qurish toʻgʻrisida qaror qabul qilgan shaхslardan undirib olinsin.

4. "Oʻzengsanloyiha" loyihalash instituti (4-DLI) manfaatdor tashkilotlar bilan birgalikda bir oy muddatda, хom ashyodan kompleks foydalanish, ishlab chiqarish quvvatlarini samarali band etish, respublikaning eksport potensialini oshirish vazifalaridan kelib chiqqan holda, respublikada paхtani puхta qayta ishlashning butun teхnologik siklini qamrab oluvchi korхonalarni joylashtirish, loyihalash va qurish ishlarini tashkil qilish toʻgʻrisida takliflar kiritsin.

5. Mazkur qarorning bajarilishini nazorat qilish Oʻzbekiston Respublikasining Bosh vaziri A.M. Mutalov va Oʻzbekiston Respublikasi Bosh Prokurori B.M. Mustafoyev zimmasiga yuklansin.

Vazirlar Mahkamasining Raisi                                                  I. Karimov

*) Ilova rus tilidagi matnda berilgan.