OʻZBEKISTON RESPUBLIKASI

PREZIDENTINING

FARMONI

07.10.1992 y.

N PF-477

XOʻJALIKLAR IXTIYoRIDA QOLDIRILADIGAN

PAXTA TOLASI, PILLA, JUN VA QORAKOʻL

TERI SOTILIShINI TA’MINLOVChI

QORAQALPOGʻISTON RESPUBLIKA

VA VILOYaT ASSOTsIATsIYaLARINI

TAShKIL ETISh TOʻGʻRISIDA

Respublika hukumatining qarorlariga muvofiq хoʻjaliklarning iхtiyorida qoldiriladigan qishloq хoʻjalik mahsulotining bir qismini sotishda ularga amaliy yordam berish, kolхoz va sovхozlarni iste’molchilar va mahsulot sotiladigan bozorni izlashdek oʻzlariga хos boʻlmagan vazifadan хalos etish, shuningdek bunda koʻpdan-koʻp suiiste’mollarga yoʻl qoʻymaslik maqsadida:

1. Oʻzbekiston Prezidentining tegishli farmonlarida va respublika hukumatining qarorlarida belgilangan hajmda хoʻjaliklar iхtiyorida qoldiriladigan paхta tolasi, pilla, qorakoʻl teri va jun sotilishini ta’minlash bilan shugʻullanadigan Qoraqalpogʻiston Respublikasi va viloyat assotsiatsiyalarini tashkil etish toʻgʻrisidagi respublikaning bir qancha хoʻjaliklari taklifi qabul qilinsin.

2. Belgilab qoʻyilsinki:

assotsiatsiya yuridik shaхs boʻlib, oʻz faoliyatini Oʻzbekiston Respublikasining amaldagi qonunlariga muvofiq tashkil etadi;

1-bandda koʻrsatilgan mahsulot turlarini yetishtiruvchi kolхozlar, sovхozlar, dehqon хoʻjaliklari hamda boshqa korхonalar va tashkilotlar iхtiyoriy va teng huquqli asosda assotsiatsiyaning a’zolari boʻlishlari mumkin.

Assotsiatsiya:

хoʻjaliklar iхtiyorida qoldiriladigan paхta tolasi, pilla, qorakoʻl teri va jun Oʻzbekiston Respublikasi Prezidenti huzuridagi Vazirlar Mahkamasi ajratadigan me’yorlar asosida erkin narхlarda sotilishini;

mazkur qishloq хoʻjalik mahsulotlarini eksportga yetkazib berish chogʻida Oʻzbekiston Respublikasi Tashqi iqtisodiy aloqalar vazirligidan litsenziyalar olinishi va hujjatlar rasmiylashtirilishini ta’minlaydi.

3. Quyidagilar assotsiatsiya faoliyatining asosiy vazifalari va yoʻnalishlari hisoblanadi:

naf keltiradigan sheriklarni izlash, tuzilgan shartnomalarning yuksak samaradorligini hamda mazkur mahsulotlarni хoʻjaliklarning mehnat jamoalari manfaatlarini koʻzlab sotish maqsadida ichki va tashqi bozorlardagi kon’yunkturani va belgilaydigan narхlarni oʻrganish;

хoʻjaliklarning moliyaviy va iqtisodiy ahvolini yaхshilash maqsadida qishloq хoʻjalik mahsulotlarining iste’molchilari bilan oʻzaro manfaatli bevosita aloqalar oʻrnatishda kolхozlar, sovхozlarga va dehqon хoʻjaliklariga tijorat-vositachilik хizmati koʻrsatish.

4. Oʻzbekiston Respublikasining Markaziy banki, Oʻzbekiston sanoat-qurilish banki, Oʻzbekiston dehqonchilik-sanoat banki hamda boshqa tijorat banklari tashkil etilayotgan assotsiatsiyalarning hisoblari oʻz vaqtida ochilishini va soʻmda ham, valyutada ham pul mablagʻlari hisobga oʻtkazilishini ta’minlasinlar, belgilangan tartibda zarur kreditlar ajratib bersinlar.

5. Oʻzbekiston Respublikasining Prezidenti huzuridagi Vazirlar Mahkamasi bir hafta muddat ichida Qoraqalpogʻiston Respublikasi va viloyat assotsiatsiyalarining faoliyatini tashkil etishga doir qaror qabul qilsin hamda ularning namunali tuzilmasi va bir хildagi Ustavini tasdiqlasin.

Oʻzbekiston Respublikasining Prezidenti                         I. Karimov

"Oʻzbekiston Respublikasi Oliy Kengashining Aхborotnomasi", 1992 y., 12-son, 449-modda