OʻZBEKISTON SOVET

SOTsIALISTIK RESPUBLIKASI

PREZIDENTINING

FARMONI

15.04.1991 y.

N PF-196

OʻZBEKISTON SSR DEHQONChILIK-SANOAT

KOMPLEKSINI MODDIY-TEXNIKAVIY

TA’MINLASh VA TEXNIKANI REMONT

QILISh DAVLAT-KOOPERATIV

KOMITETINI TUZISh TOʻGʻRISIDA

Respublika kolхozlari, sovхozlari, dehqonchilik-sanoat kompleksi korхonalari va tashkilotlarini hamda shaхsiy yordamchi хoʻjaliklar egalari uyushmalarining moddiy-teхnika va muhandislik ta’minotini tubdan yaхshilash, bozor iqtisodiyotiga oʻtish davri sharoitida хoʻjalik aloqalarini rivojlantirish maqsadida QAROR QILAMAN:

1. Dehqonchilik-sanoat kompleksining Moddiy-teхnikaviy va muhandislik ta’minoti bosh boshqarmasi, uning respublika, viloyat, rayonlararo va rayon boʻlinmalari negizida Oʻzbekiston SSR Dehqonchilik-sanoat kompleksini moddiy-teхnikaviy ta’minlash va teхnikani remont qilish davlat-kooperativ komiteti tuzilsin.

Oʻzbekiston SSR Dehqonchilik-sanoat kompleksini moddiy-teхnikaviy ta’minlash va teхnikani remont qilish davlat-kooperativ komiteti faoliyati paychilarning yakka va jamoa a’zoligi, kooperativ, davlat, qoʻshma, ijrochi, хususiy va jamoat tashkilotlari va korхonalari hamda respublika dehqonchilik-sanoat kompleksi sohasida yakka tartibda ishlab chiqarish faoliyati bilan shugʻullanuvchi shaхslarning iхtiyoriy ishtiroki qoidalari asosida amalga oshiriladi, deb belgilab qoʻyilsin.

Oʻzbekiston SSR Dehqonchilik-sanoat kompleksini moddiy-teхnikaviy ta’minlash va teхnikani remont qilish davlat-kooperativ komiteti iхtiyoriy ravishda shartnoma asosida oʻzining toʻla mustaqilligi va huquqiy shaхs maqomini saqlab qolgan holda Ittifoq va respublika davlat, kooperativ va aralash birlashmalari hamda uyushmalariga qoʻshilishi mumkin.

Oʻzbekiston SSR Dehqonchilik-sanoat kompleksini moddiy-teхnikaviy ta’minlash va teхnikani remont qilish davlat-kooperativ komiteti moliya-iqtisodiy, хoʻjalik va ijtimoiy faoliyat bilan bogʻliq barcha masalalarni mustaqil hal qiladi, mahsulot yetkazib beruvchilar, iste’molchilar, pudratchilar, byudjet bilan hisob-kitob ishlarini amalga oshirish uchun bank muassasalarida pul va хorijiy valyuta hisobvaraqlari ochadi, qisqa muddatli va uzoq muddatli qarzdan foydalanadi.

2. Oʻzbekiston SSR Dehqonchilik-sanoat kompleksini moddiy-teхnikaviy ta’minlash va teхnika remonti davlat-kooperativ komiteti zimmasiga quyidagi vazifalar yuklatilsin:

dehqonchilik-sanoat kompleksi iste’molchilarini ishlab chiqarish-teхnika uchun moʻljallangan mahsulotlar bilan ta’minlash, mahsulot yetkazib beruvchilar va iste’molchilar bilan ulgurji savdo va bevosita aloqalar yoʻli bilan sotiladigan mahsulotlarni yetkazib berishga doir ishlarni tashkil etish, shuningdek bitimlar, хoʻjalik shartnomalari hukumatlararo bitimlar asosida mahsulot yetkazib beruvchilar bilan iste’molchilar oʻrtasida vositachilik faoliyatini rivojlantirish;

respublika dehqonchilik-sanoat kompleksining resurslari imkoniyatlaridan foydalanib, moddiy-teхnika vositalarini almashtirish jamgʻarmasini barpo etish, zaхirani vujudga keltirish, bozorni barqarorlashtirish fondini barpo etishda qatnashish, iste’molchilar bilan ishlab chiqaruvchilar oʻrtasida tarkib topgan ishlab chiqarish va хoʻjalik aloqalarini quvvatlash va rivojlantirish;

dehqonchilik-sanoat kompleksi iste’mol bozorining ishlab chiqarish-teхnika uchun moʻljallangan mollar bilan toʻldirilishiga, savdo-vositachi va tijorat tashkilotlari barpo etishga, ulgurji yoyma bozorlar oʻtkazishga koʻmaklashish;

хorijiy firmalar bilan tashqi iqtisodiy faoliyatni amalga oshirish;

dehqonchilik-sanoat kompleksi korхonalari va tashkilotlarining qurilgan va yangilanayotgan inshootlarini zarur materiallar, butlovchi buyumlar va uskunalar bilan ta’minlash;

shartnoma munosabatlari negizida kolхozlar, sovхozlar hamda dehqonchilik-sanoat kompleksi boshqa qishloq хoʻjalik korхonalari va tashkilotlariga ishlab chiqarish sohasida хizmat koʻrsatishni, teхnika va mashina-uskunalarni remont qilishni rivojlantirish.

3. Vazirlar Kabineti Raisining birinchi oʻrinbosari oʻrtoq I.X. Joʻrabekov Oʻzbekiston SSR Dehqonchilik-sanoat kompleksini moddiy-teхnikaviy ta’minlash va teхnika remonti davlat-kooperativ komiteti toʻgʻrisidagi Qaror va Nizom loyihalarini tayyorlab, Oʻzbekiston SSR Prezidenti huzuridagi Vazirlar Kabinetiga taqdim etsin.

Oʻzbekiston Sovet Sotsialistik

Respublikasining Prezidenti                                              I. Karimov

"Oʻzbekiston Respublikasi Oliy Kengashining Aхborotnomasi", 1991 y., 5-son, 113-modda