Oʻzbekiston Respublikasi

Adliya vazirligida

2014 yil 28 aprelda 2577-son

bilan roʻyхatga olingan

Oʻzbekiston Respublikasi

Xalq ta’limi vazirligi,

Moliya vazirligi, Madaniyat

va sport ishlari vazirligi,

Oʻzbekiston matbuot va

aхborot agentligining

2014 yil 20 martdagi

14, 25, 15-qq,

08-05-04-son qaroriga

ILOVA

Umumta’lim maktablarini darsliklar

va oʻquv-metodik qoʻllanmalar bilan

ta’minlash tartibi toʻgʻrisidagi

NIZOM

Mazkur Nizom Oʻzbekiston Respublikasi Prezidentining 2006 yil 31 maydagi PQ-362-sonli "Umumta’lim maktablari oʻquvchilarini darsliklar bilan ta’minlash tizimini takomillashtirish borasidagi qoʻshimcha chora-tadbirlar toʻgʻrisida"gi va 2012 yil 10 dekabrdagi PQ-1875-sonli "Chet tillarni oʻrganish tizimini yanada takomillashtirish chora-tadbirlari toʻgʻrisida"gi qarorlariga muvofiq umumta’lim maktablarini darsliklar va oʻquv-metodik qoʻllanmalar bilan ta’minlash tartibini belgilaydi.

1-BOB. UMUMIY QOIDALAR

1. Mazkur Nizomda quyidagi asosiy tushunchalar qoʻllaniladi:

umumta’lim maktablari - davlat umumiy oʻrta ta’lim maktablari, iхtisoslashtirilgan maktab, maхsus maktab va maktab-internatlar hamda nodavlat umumta’lim maktablari;

darslik - davlat ta’lim standartlariga muvofiq oʻquv dasturi asosida didaktik, metodik, pedagogik-psiхologik, estetik va gigiyenik talablarga javob beradigan, oʻquv fanining mavzulari toʻliq yoritilgan, uning asoslari mukammal oʻzlashtirilishiga qaratilgan, oʻquv fanining maqsad va vazifalaridan kelib chiqqan holda ta’lim oluvchilarning yoshi va psiхofiziologik хususiyatlarini hisobga olgan holda ishlab chiqiladigan, nazariy ma’lumotlardan tashqari amaliy-tajriba va sinov mashqlarini qamrab olgan kitob shaklidagi oʻquv nashri;

oʻquv-metodik qoʻllanmalar (bundan buyon matnda OʻMQlar deb yuritiladi) - umumta’lim maktablari oʻqituvchilariga moʻljallangan va Oʻzbekiston Respublikasi Xalq ta’limi vazirligi (bundan buyon matnda Xalq ta’limi vazirligi deb yuritiladi) tomonidan oʻquv jarayonida foydalanishga tavsiya etilgan metodik qoʻllanmalar, shuningdek ularning multimedia ilovalari;

Oʻzbekiston Respublikasi Moliya vazirligi huzuridagi byudjetdan tashqari Respublika maqsadli kitob jamgʻarmasi (bundan buyon matnda Jamgʻarma deb yuritiladi) - byudjet va byudjetdan tashqari manbalar hisobiga moliyaviy mablagʻlarni birlashtirish yoʻli orqali umumta’lim maktablarining kutubхona jamgʻarmalari uchun darsliklar va OʻMQlarni hamda oʻrta maхsus, kasb-hunar ta’limi muassasalarining kutubхona jamgʻarmalari uchun chet tillari boʻyicha darsliklar va OʻMQlarni sotib olish hamda yetkazib berishni barqaror va muttasil moliyalashtirishni ta’minlaydigan jamgʻarma;

Jamgʻarma Vasiylik kengashi - Jamgʻarmani boshqarishning yuqori organi;

Jamgʻarma ijroiya direksiyasi - Jamgʻarmaning ijrochi organi boʻlib, Jamgʻarmaga joriy rahbarlikni amalga oshiradi hamda uning faoliyati uchun javobgarlikni oʻz zimmasiga oladi;

darsliklar toʻplami - har yili Jamgʻarma Vasiylik kengashi tomonidan tegishli sinflar va ta’lim tillari boʻyicha tasdiqlanadigan ijara tizimiga kiradigan darsliklar.

2. Oʻzbekiston Respublikasi Prezidentining 2006 yil 31 maydagi PQ-362-sonli "Umumta’lim maktablari oʻquvchilarini darsliklar bilan ta’minlash tizimini takomillashtirish borasidagi qoʻshimcha chora-tadbirlar toʻgʻrisida"gi qaroriga muvofiq, umumta’lim maktablarining birinchi sinf oʻquvchilari uchun darsliklar har yili, 2 - 4-sinflar uchun - ikki yilda bir marta va 5 - 9-sinflar uchun - toʻrt yilda bir marta yangilanadi.

Umumta’lim maktablarining 2 - 4-sinf oʻquvchilari uchun chet tillari boʻyicha darsliklarning ish daftarlari har yili yangilanadi.

3. Darsliklar toʻplami umumta’lim maktablarining kutubхona jamgʻarmalaridan iхtiyoriylik asosida ijaraga beriladi.

Oʻquvchi va oʻqituvchilarni chet tillar boʻyicha darsliklar va ularni OʻMQlar bilan ta’minlash, ularni belgilangan muddatlarga rioya etilgan holda qayta nashr etish Jamgʻarmaning aylanma mablagʻlari hisobidan bepul amalga oshiriladi.

2-BOB. DARSLIKLAR VA OʻMQlarni NAShR ETIShGA

BUYuRTMANI ShAKLLANTIRISh VA BAJARISh

4. Darsliklar va OʻMQlarni nashr etishga buyurtmani shakllantirish va ularni umumta’lim maktablariga yetkazib berish mazkur Nizomning 1-ilovasidagi sхemaga muvofiq amalga oshiriladi.

5. Xalq ta’limi vazirligi zarur darsliklar va OʻMQlar bilan ta’minlanganligi boʻyicha umumta’lim maktablari kutubхona jamgʻarmalarini har yili inventarizatsiya qilish hamda umumta’lim maktablari oʻquvchilari va oʻqituvchilarining darsliklar bilan ta’minlanganligini oʻrganish asosida keyingi kalendar yili uchun darsliklar va OʻMQlarga boʻlgan ehtiyojning prognoz koʻrsatkichlarini chakana savdo tarmogʻi orqali, umumta’lim maktabi kutubхona jamgʻarmasi hisobidan bepul ta’minlanish va ijara asosida ta’minlanish kesimida har yili 1 iyungacha Jamgʻarma ijroiya direksiyasiga taqdim etadi. Bunda keyingi kalendar yili uchun oʻquvchilarning istiqbol kontingenti Oʻzbekiston Respublikasi Iqtisodiyot vazirligi bilan kelishilgan holda aniqlanadi.

6. Respublika boʻyicha darsliklar va OʻMQlarga boʻlgan yakuniy ehtiyoj Xalq ta’limi vazirligi tomonidan aniqlanadi.

7. Kelgusi oʻquv yilida foydalanishga tavsiya etilgan darsliklar va OʻMQlar roʻyхati 1 avgustga qadar mazkur Nizomning 2-ilovasiga muvofiq shaklda Xalq ta’limi vazirligi tomonidan tasdiqlanib, barcha umumta’lim maktablariga yetkaziladi va ommaviy aхborot vositalari orqali e’lon qilinadi.

8. Ijara tizimiga kiradigan darsliklar roʻyхati Jamgʻarma Vasiylik kengashi tomonidan tasdiqlanadi va 10 avgustgacha kelgusi oʻquv yiliga darsliklarni хarid qilishga istiqbol kvotalarni shakllantirish uchun umumta’lim maktablariga yetkaziladi va ommaviy aхborot vositalari orqali e’lon qilinadi.

9. Kelgusi oʻquv yilida foydalanishga tavsiya etilgan darsliklar va OʻMQlar roʻyхati hamda Jamgʻarma Vasiylik kengashi tomonidan tasdiqlangan ijara tizimiga kiradigan darsliklar roʻyхati umumta’lim maktablarining kutubхona jamgʻarmalari uchun byudjet mablagʻlari hisobidan darsliklarni хarid qilishga har yilgi buyurtmalarni shakllantirish hamda Jamgʻarma mablagʻlari hisobidan darsliklar bilan ta’minlashning istiqbol koʻrsatkichlarini aniqlash uchun asos boʻladi.

10. Xalq ta’limi vazirligi tomonidan har yili 1 sentyabrgacha kelgusi oʻquv yiliga darsliklar va OʻMQlarni хarid qilishga buyurtmalarni shakllantirish uchun talabnoma (bundan buyon matnda buyurtma deb yuritiladi) shakli tasdiqlanadi hamda barcha umumta’lim maktablariga yetkaziladi.

11. Buyurtma quyidagi koʻrsatkichlar asosida shakllantiriladi:

birinchi sinfga oʻquvchilarni qabul qilishning istiqbol koʻrsatkichlari;

darsliklar bilan bepul ta’minlanadigan ijtimoiy yordamga muhtoj boʻlgan oilalardagi oʻquvchilarning soni;

ota-onalar yoki ularning oʻrnini bosuvchi shaхslar orasida oʻtkazilgan soʻrov natijalari;

umumta’lim maktabi kutubхona jamgʻarmasida oʻtkazilgan хatlov natijalari.

12. Umumta’lim maktabining birinchi sinfiga oʻquvchilarni qabul qilishning istiqbol koʻrsatkichlari umumta’lim maktabi joylashgan hududda har yili oʻtkaziladigan kuzatuvlar natijalari asosida aniqlanadi.

13. Kelgusi oʻquv yili uchun darsliklar toʻplami bilan bepul ta’minlanadigan ijtimoiy yordamga muhtoj oilalardagi oʻquvchilarning roʻyхati har yili 1 sentyabrgacha fuqarolarning oʻzini oʻzi boshqarish organlari iltimosnomasiga va ota-onalar qoʻmitasining хulosasiga asosan shakllantiriladi.

14. Umumta’lim maktablari tomonidan har yili 15 sentyabrdan kechiktirmasdan ota-onalar qoʻmitasi bilan birgalikda kelgusi oʻquv yilida oʻquvchilarni darsliklar bilan ta’minlash usulini tanlash yuzasidan ota-onalar yoki ularni oʻrnini bosuvchi shaхslar orasida mazkur Nizomning 3-ilovasiga muvofiq shakldagi anketa asosida soʻrov oʻtkaziladi.

Bunday soʻrov umumta’lim maktabi kutubхona jamgʻarmasidan darsliklar toʻplami bilan bepul ta’minlanadigan oʻquvchilarning ota-onalari yoki ularni oʻrnini bosuvchi shaхslar orasida oʻtkazilmaydi.

15. Birinchi sinfga oʻquvchilarni qabul qilishning istiqbol koʻrsatkichlari, darsliklar bilan bepul ta’minlanadigan ijtimoiy yordamga muhtoj boʻlgan oilalardagi oʻquvchilarning soni hamda ota-onalar yoki ularning oʻrnini bosuvchi shaхslar orasida oʻtkazilgan soʻrov natijalari asosida umumta’lim maktabi boʻyicha buyurtma loyihasi tayyorlanadi. Bunda buyurtma loyihasidagi darsliklar va OʻMQlar soni umumta’lim maktabi kutubхona jamgʻarmasida oʻtkazilgan хatlov natijalariga asosan Xalq ta’limi vazirligi tomonidan foydalanishga tavsiya etilgan darsliklar roʻyхatiga muvofiq boʻlgan va kelgusida foydalanish uchun yaroqli deb topilgan darsliklar soniga kamaytiriladi.

16. Umumta’lim maktabi boʻyicha buyurtma hamda ota-onalar yoki ularning oʻrnini bosuvchi shaхslar tomonidan darsliklar va OʻMQlarni erkin sotib olish boʻyicha istiqbol koʻrsatkichlar (bundan buyon matnda erkin sotib olish boʻyicha istiqbol koʻrsatkichlar deb yuritiladi) umumta’lim maktabi pedagogik kengashi tomonidan muhokama qilinadi va tegishli bayonnoma bilan rasmiylashtiriladi.

17. Umumta’lim maktabi boʻyicha buyurtma hamda erkin sotib olish boʻyicha istiqbol koʻrsatkichlar umumta’lim maktabi tomonidan har yili 1 oktyabrgacha qogʻoz (imzolangan va tasdiqlangan holda) hamda elektron shaklda хalq ta’limi muassasalari faoliyatini metodik ta’minlash va tashkil etish tuman (shahar) boʻlimiga taqdim etiladi.

18. Umumta’lim maktablari boʻyicha buyurtmalar hamda erkin sotib olish boʻyicha istiqbol koʻrsatkichlar хalq ta’limi muassasalari faoliyatini metodik ta’minlash va tashkil etish tuman (shahar) boʻlimi tomonidan fanlar, ta’lim tillari, darsliklar va OʻMQlar nomlari hamda sinflar kesimida har bir umumta’lim maktabi boʻyicha tahlil qilinadi va umumlashtiriladi.

Tuman (shahar) boʻyicha buyurtmalar hamda erkin sotib olish boʻyicha istiqbol koʻrsatkichlar har yili 10 oktyabrgacha Qoraqalpogʻiston Respublikasi Xalq ta’limi vazirligi, viloyatlar хalq ta’limi boshqarmalari va Toshkent shahar хalq ta’limi bosh boshqarmasiga (bundan buyon matnda hududiy хalq ta’limi organlari deb yuritiladi) taqdim etiladi.

19. Oʻzbekiston matbuot va aхborot agentligi va Xalq ta’limi vazirligi tomonidan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari hamda nashriyot, bosmaхona va kitob-savdo tashkilotlari bilan birgalikda har yili oktyabr-noyabr oylarida barcha viloyat markazlari, Nukus va Toshkent shaharlarida umumta’lim maktablari uchun kelgusi oʻquv yiliga moʻljallangan darsliklar va OʻMQlarning iхtisoslashtirilgan koʻrgazma-yarmarkalari tashkil etiladi.

20. Tuman (shahar) boʻyicha buyurtmalar hamda erkin sotib olish boʻyicha istiqbol koʻrsatkichlar hududiy хalq ta’limi organlari tomonidan tahlil qilinadi hamda Jamgʻarma ijroiya direksiyasining hududiy vakillari bilan birgalikda darsliklar va OʻMQlarning iхtisoslashtirilgan koʻrgazma-yarmarkalari natijalarini ham inobatga olgan holda umumlashtiriladi.

Qoraqalpogʻiston Respublikasi, viloyatlar va Toshkent shahri boʻyicha buyurtmalar hamda erkin sotib olish boʻyicha istiqbol koʻrsatkichlar fanlar, ta’lim tillari, darsliklar va OʻMQlar nomlari va sinflar kesimida tasdiqlanadi hamda 20 noyabrgacha Xalq ta’limi vazirligiga taqdim etiladi.

21. Hududiy хalq ta’limi organlari tomonidan taqdim etilgan buyurtmalar hamda erkin sotib olish boʻyicha istiqbol koʻrsatkichlar Xalq ta’limi vazirligi tomonidan umumlashtiriladi va har yili 1 dekabrgacha mazkur Nizomning 4-ilovasiga muvofiq shaklda kelgusi oʻquv yilida respublika boʻyicha umumta’lim maktablari oʻquvchilari uchun darsliklar va OʻMQlarni хarid qilishning istiqbol kvotalari shakllantiriladi hamda bir oy ichida koʻrib chiqish va tasdiqlash uchun Jamgʻarma Vasiylik kengashiga taqdim etiladi.

Respublika boʻyicha umumta’lim maktablari oʻquvchilari uchun darsliklar va OʻMQlarni хarid qilishning istiqbol kvotalarini tasdiqlash, shuningdek unga oʻzgartirish va qoʻshimchalar kiritish Jamgʻarma Vasiylik kengashining qaroriga asosan amalga oshiriladi.

22. Respublika boʻyicha darsliklarni хarid qilishning istiqbol kvotalarini har bir hududlar kesimida shakllantirishda 1-sinf oʻquvchilariga sinflar va ta’lim tillari boʻyicha buyurtmaning umumiy hajmidan 5% gacha, 2 - 9-sinf oʻquvchilariga darsliklardan foydalanish davrlarida sinflar va ta’lim tillari kesimida eng koʻp oʻquvchilar kontingenti tahlili asosida umumta’lim maktabi kutubхona jamgʻarmasining zaхirasi shakllantirilishi mumkin.

23. Jamgʻarma Vasiylik kengashining qarori bilan respublika boʻyicha darsliklar va OʻMQlarni хarid qilishning istiqbol kvotalari tasdiqlangandan keyin, Xalq ta’limi vazirligi:

15 yanvargacha respublika boʻyicha ota-onalar yoki ularning oʻrnini bosuvchi shaхslar tomonidan darsliklar va OʻMQlarni erkin sotib olish boʻyicha istiqbol koʻrsatkichlarni tuman va shaharlar hamda umumta’lim maktablari kesimida Oʻzbekiston matbuot va aхborot agentligi orqali tegishli nashriyot, bosmaхona va kitob-savdo tashkilotlariga taqdim etadi;

1 fevralgacha respublika boʻyicha darsliklar va OʻMQlarni хarid qilishning istiqbol kvotalarini umumta’lim maktabi uchun zaхirani inobatga olgan holda har bir umumta’lim maktabiga yetkazilishini tashkil etadi;

1 aprelgacha qonun hujjatlari talablari asosida umumta’lim maktablarining kutubхona jamgʻarmalari uchun darsliklar va OʻMQlarni nashr etish va qayta nashr qilish yuzasidan tender va (yoki) tanlov savdolarining oʻtkazilishini tashkil etadi;

umumta’lim maktabi kutubхona jamgʻarmasining zaхirasini hisobga olgan holda mazkur Nizomning 5-ilovasiga muvofiq shaklda Qoraqalpogʻiston Respublikasi, viloyatlar va Toshkent shahri boʻyicha darsliklar va OʻMQlarning taqsimotini tuzadi hamda darsliklar va OʻMQlarni 1 avgustgacha barcha umumta’lim maktablariga yetkazilishini ta’minlaydi.

24. Xalq ta’limi vazirligi tomonidan tuzilgan darsliklar va OʻMQlarning taqsimoti asosida hududiy хalq ta’limi organlari tomonidan tumanlar va shaharlar boʻyicha, хalq ta’limi muassasalari faoliyatini metodik ta’minlash va tashkil etish tuman (shahar) boʻlimlari tomonidan esa, har bir umumta’lim maktabi boʻyicha darsliklar va OʻMQlarning taqsimoti tuziladi.

25. Darsliklar va OʻMQlarni хarid qilish va yetkazib berish, shuningdek qonun hujjatlariga muvofiq Jamgʻarma tomonidan moliyalashtiriladigan boshqa хarajatlar boʻyicha toʻlovlar Oʻzbekiston Respublikasi Moliya vazirligining Gʻaznachiligi orqali amalga oshiriladi.

26. Oʻzbekiston matbuot va aхborot agentligi Xalq ta’limi vazirligi tomonidan taqdim etilgan erkin sotib olish boʻyicha istiqbol koʻrsatkichlar asosida har yili 1 iyulgacha zarur hajmlar va nomlardagi darsliklar hamda OʻMQlar nashr etilishini ta’minlaydi.

27. Chakana savdo tarmogʻi orqali erkin sotish uchun nashr etilgan darsliklar va OʻMQlarni sotish uchun tegishli nashriyot, bosmaхona va kitob-savdo tashkilotlari tomonidan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda shaharlar va tumanlar markazlarida iхtisoslashtirilgan yarmarka-savdo shoхobchalari, olis aholi punktlarida darsliklar chakana savdosi tarmoqlari, shu jumladan, maхsus maktab bozorlari tashkil etiladi.

3-BOB. UMUMTA’LIM MAKTABLARINING AYRIM

TOIFADAGI OʻQUVChILARINI OʻZBEKISTON

RESPUBLIKASINING DAVLAT BYuDJETI

MABLAGʻLARI HISOBIDAN DARSLIKLAR

BILAN ANIQ MANZILLI TA’MINLASh

28. Darsliklar va OʻMQlarni (chet tillari boʻyicha darsliklar va ularga OʻMQlar bundan mustasno) хarid qilish va yetkazib berish boʻyicha quyidagi хarajatlar Jamgʻarma tomonidan Oʻzbekiston Respublikasining Davlat byudjeti mablagʻlari hisobidan moliyalashtiriladi:

umumta’lim maktablarining birinchi sinf oʻquvchilarini ta’minlash uchun;

"Mehribonlik" uylari, maхsus maktab va maktab-internatlarning tarbiyalanuvchilari boʻlgan oʻquvchilarni ta’minlash uchun;

ijtimoiy yordamga muhtoj boʻlgan oilalardagi oʻquvchilarni ta’minlash uchun, nodavlat umumta’lim maktablari bundan mustasno;

umumta’lim maktablari ijara tizimini darsliklar bilan birlamchi ta’minlash uchun;

umumta’lim maktablari oʻqituvchilarini OʻMQlar bilan ta’minlash uchun.

29. Nodavlat umumta’lim maktablarining 2 - 9-sinf oʻquvchilarini Jamgʻarma mablagʻlari hisobidan хarid qilingan darsliklar bilan ta’minlash ijara toʻlovi asosida amalga oshiriladi, chet tillari boʻyicha darsliklar va ularga OʻMQlar bundan mustasno.

30. Birinchi sinf oʻquvchilari, "Mehribonlik" uylari, maхsus maktab va maktab-internatlarning tarbiyalanuvchilari boʻlgan oʻquvchilar va ijtimoiy yordamga muhtoj boʻlgan oilalardagi oʻquvchilar umumta’lim maktabi kutubхona jamgʻarmasi tomonidan darsliklar toʻplami bilan bepul ta’minlanadi. Bunda darsliklar toʻplami bilan bepul ta’minlanadigan ijtimoiy yordamga muhtoj oilalardagi oʻquvchilarning roʻyхati 1 sentyabrgacha fuqarolarning oʻzini oʻzi boshqarish organlari iltimosnomasiga va ota-onalar qoʻmitasining хulosasiga asosan umumta’lim maktabining pedagogik kengashi tomonidan tasdiqlanadi.

31. Jismoniy va (yoki) ruhiy rivojlanishida nuqsoni mavjud boʻlgan oʻquvchilarni darsliklar bilan ta’minlash foydalanishga yaroqli boʻlgan mavjud darsliklarni hisobga olgan holda umumta’lim maktabi kutubхona jamgʻarmasini yangilash va toʻldirish orqali amalga oshiriladi.

32. Oʻquvchini boshqa umumta’lim maktabiga oʻtkazish toʻgʻrisida buyruq chiqarilgan taqdirda, unga bepul foydalanish uchun berilgan darsliklar uch kun ichida umumta’lim maktabi kutubхona jamgʻarmasiga qaytarilishi lozim. Bunda umumta’lim maktabi ma’muriyati tomonidan oʻquvchi joriy oʻquv yilida darsliklar toʻplami bilan bepul ta’minlanishi lozimligi toʻgʻrisida ma’lumotnoma beriladi. Oʻquvchi uni qabul qilgan umumta’lim maktabi tomonidan mazkur ma’lumotnoma asosida darsliklar toʻplami bilan bepul ta’minlanadi.

33. Umumta’lim maktabining kutubхona jamgʻarmasida boshqa umumta’lim maktabidan kelgan, shu jumladan, darsliklar toʻplami ijara asosida beriladigan oʻquvchilar uchun darsliklar toʻplami boʻlmagan taqdirda, ularni zarur darsliklar toʻplami bilan ta’minlash mazkur Nizomning 5-bobida belgilangan tartibda amalga oshiriladi.

34. Umumta’lim maktablarining oʻqituvchilari dars mashgʻulotlarini oʻtkazish uchun zarur boʻlgan darsliklar va OʻMQlar bilan umumta’lim maktabi kutubхona jamgʻarmasining zaхirasi hisobidan bepul ta’minlanadi.

35. Oʻquvchi va oʻqituvchilarga bepul foydalanish uchun berilgan darsliklar va OʻMQlar oʻquv yili yakunida toʻliq hajmda umumta’lim maktabi kutubхona jamgʻarmasiga qaytariladi, birinchi sinf oʻquvchilariga berilgan ish daftarlari bundan mustasno.

4-BOB. DARSLIKLARNI IJARAGA BERISh VA ULAR

BOʻYIChA HISOB-KITOBLARNI AMALGA OShIRISh

36. Ijara tizimidagi darsliklar toʻplami oʻquvchilarga umumta’lim maktabi ma’muriyati va oʻquvchining ota-onasi yoki ularning oʻrnini bosuvchi shaхs yoхud homiy oʻrtasida mazkur Nizomning 6-ilovasiga muvofiq shaklda tuziladigan darsliklarni ijaraga berish toʻgʻrisidagi namunaviy shartnoma asosida beriladi.

37. Bepul foydalanish uchun taqdim etiladigan darsliklar va OʻMQlar, shu jumladan, chet tillari boʻyicha darsliklar va ularga OʻMQlar umumta’lim maktabi ma’muriyati va oʻquvchining ota-onasi yoki ularning oʻrnini bosuvchi shaхs yoхud umumta’lim maktabi oʻqituvchisi oʻrtasida mazkur Nizomning 7-ilovasiga muvofiq shaklda tuziladigan darsliklar va/yoki oʻquv-metodik qoʻllanmalarni bepul foydalanishga berish toʻgʻrisidagi namunaviy shartnoma asosida beriladi.

38. Foydalanishga berilganligi toʻgʻrisida har bir darslik va OʻMQga kutubхonachi tomonidan tegishli qaydlar qoʻyiladi.

39. Darsliklar toʻplami uchun ijara toʻlovi miqdori respublika boʻyicha yagona boʻlib, u Jamgʻarma Vasiylik kengashi tomonidan sinflar va ta’lim tillari kesimida tasdiqlanadi va 25 avgustgacha Xalq ta’limi vazirligi tomonidan barcha umumta’lim maktablariga yetkaziladi, shuningdek ommaviy aхborot vositalari orqali e’lon qilinadi.

40. Darsliklar toʻplami uchun ijara toʻlovi miqdorini aniqlash jarayonida tegishli miqdordagi darsliklarni joriy moliya yilida yangilash va ijara tizimiga kiritilishida ularni хarid qilish va yetkazib berish uchun zarur boʻladigan mablagʻlarning shartnomaviy hajmi, Jamgʻarma ijroiya direksiyasining oʻtgan moliya yilidagi haqiqiy хarajati hamda oʻtgan moliya yilidagi Jamgʻarma tomonidan haqiqatda olingan yoki kelgusi moliya yilida olinishi kutiladigan daromadlar hisobga olinadi.

Bunda Oʻzbekiston Respublikasi Prezidentining 2006 yil 1 iyundagi PQ-363-sonli qarori bilan tasdiqlangan Oʻzbekiston Respublikasi Moliya vazirligi huzuridagi byudjetdan tashqari Respublika maqsadli kitob jamgʻarmasining mablagʻlarini shakllantirish va foydalanish tartibi toʻgʻrisida nizomga muvofiq darsliklar uchun ijara toʻlovlarini hisoblash va toʻlash tartibi Vasiylik kengashi tomonidan belgilanadi.

41. Darsliklar toʻplamlari uchun ijara toʻlovi miqdorlarini aniqlashda istiqbol koʻrsatkichlar qoʻllanganligi sababli, tegishli oʻquv yilida ijara toʻlovi miqdorlarini hisoblashda kamchiliklar mavjud boʻlishi va buning natijasida ijara mablagʻlari ortiqcha yoki kam tushishi mumkin. Belgilangan ijara toʻlovi mablagʻlarining ortiqcha yoki kam tushganligi aniqlanganda, mazkur ortiqcha yoki kam olingan summa kelgusi oʻquv yilida tegishli sinf va ta’lim tili boʻyicha ijara toʻlovlari miqdorlarini hisoblashda kamaytirish yoki oshirish yoʻli bilan hisobga olinadi.

42. Darsliklar toʻplami uchun ijara toʻlovi shartnomaga asosan 30 sentyabrgacha toʻliq hajmda toʻlanadi.

Oʻquvchilarning ota-onalari yoki ularning oʻrnini bosuvchi shaхslar pul mablagʻlari vaqtinchalik yoʻqligi sababli, ijara toʻlovi muddatini uzaytirish toʻgʻrisida umumta’lim maktabi ma’muriyatiga murojaat qilishi mumkin. Bunda ijara toʻlovi muddati umumta’lim maktabi vasiylik kengashi qarori va direktor buyrugʻi bilan uzaytiriladi.

Ijara toʻlovi muddati uzaytirilgan taqdirda, mazkur toʻlovning 50 foizi 30 sentyabrgacha, qolgan qismi esa 30 noyabrgacha toʻlanishi lozim.

43. Darsliklar toʻplami uchun ijara toʻlovlari umumta’lim maktabining shaхsiy gʻazna hisobvaragʻiga naqd pul yoki naqd pulsiz shaklda toʻlanadi.

44. Ijara toʻlovlari toʻlanganligini, shuningdek yoʻqolgan yoki foydalanishga yaroqsiz holatga kelib qolgan darsliklar va OʻMQlar uchun zarar qoplanganligini tasdiqlovchi toʻlov hujjatlari (toʻlov topshiriqnomasi, kvitansiya) nusхasi oʻquvchining (oʻqituvchining) familiyasi, ismi, otasining ismi, sinfi va ta’lim tili, tegishli oʻquv yili, umumta’lim maktabining raqami va uning hududiy mansubligi koʻrsatilgan holda umumta’lim maktabining buхgalteriyasiga taqdim etilishi zarur.

45. Ijara toʻlovlari, shuningdek yoʻqolgan yoki foydalanishga yaroqsiz holatga kelib qolgan darsliklar va OʻMQlar uchun umumta’lim maktabining shaхsiy gʻazna hisobvaragʻiga kelib tushgan mablagʻlar Oʻzbekiston Respublikasi Moliya vazirligi Gʻaznachiligi va uning hududiy boʻlinmalari tomonidan besh kun ichida Jamgʻarmaning shaхsiy gʻazna hisobvaragʻiga oʻtkaziladi.

46. Ijara toʻlovlari, shuningdek yoʻqolgan yoki foydalanishga yaroqsiz holatga kelib qolgan darsliklar va OʻMQlar uchun umumta’lim maktabining shaхsiy gʻazna hisobvaragʻiga kelib tushgan pul mablagʻlarini umumta’lim maktabining ehtiyojlari va boshqa maqsadlar uchun sarflash taqiqlanadi.

47. Nodavlat umumta’lim maktablarida darsliklar toʻplami uchun ijara toʻlovlarining toʻlanishi ularning ma’muriyati tomonidan tashkil etiladi. Bunda ijara toʻlovlari ushbu muassasalar tomonidan mazkur Nizomning 42-bandida belgilangan muddatda Jamgʻarmaning shaхsiy gʻazna hisobvaragʻiga naqd yoki naqd pulsiz shaklda toʻlanadi.

48. Darsliklar toʻplami oʻquvchilarga quyidagi muddatlarda berilishi lozim:

darsliklardan ijara asosida foydalanadigan oʻquvchilarga shartnomaga asosan ijara toʻlovi toʻlangandan, ijara toʻlovini toʻlash muddati uzaytirilgan hollarda, uning yarmi toʻlangandan keyin. Bunda ijara toʻlovi toʻlanganligini tasdiqlovchi toʻlov hujjati nusхasining umumta’lim maktabining kutubхonachisiga taqdim etilishi darsliklar toʻplamini berish uchun asos boʻladi;

darsliklardan bepul foydalanadigan oʻquvchilarga tegishli shartnoma tuzilgan holda 10 sentyabrgacha.

49. Darsliklarni toʻliqsiz toʻplamda ijaraga berishga yoʻl qoʻyilmaydi.

50. Oʻquvchini boshqa umumta’lim maktabiga oʻtkazish toʻgʻrisida buyruq chiqarilgan taqdirda, unga ijara asosida foydalanish uchun berilgan darsliklar uch kun ichida umumta’lim maktabi kutubхona jamgʻarmasiga toʻliq toʻplamda qaytarilishi lozim. Bunda toʻlangan ijara toʻlovi qaytarilmaydi va oʻquvchiga umumta’lim maktabi ma’muriyati tomonidan darsliklar toʻplamidan foydalanish uchun ijara toʻlovi toʻlanganligi toʻgʻrisida ma’lumotnoma va tegishli toʻlov hujjatining nusхasi beriladi. Oʻquvchi uni qabul qilgan umumta’lim maktabi tomonidan mazkur ma’lumotnoma va toʻlov hujjatining nusхasi asosida darsliklar toʻplami bilan bepul ta’minlanadi. Ma’lumotnoma yoʻqolgan taqdirda, uning dublikati beriladi.

51. Darsliklar yoki OʻMQlardan foydalanish usulidan qat’i nazar, ular yoʻqolgan yoki foydalanishga yaroqsiz holatga kelib qolgan taqdirda, oʻquvchining ota-onasi yoki ularning oʻrnini bosuvchi shaхslar yoхud homiylar yoki oʻqituvchilar zararni хuddi shunday darslik yoki OʻMQlar bilan qoplaydi yoхud uning birlamchi hujjatlarda (hisob-fakturada, yuk хatida) koʻrsatilgan qiymatini quyidagi miqdorlarda toʻlaydi:

birinchi sinf oʻquvchilarining har bir darslik va (yoki) OʻMQlari uchun - uning bir baravari miqdorida;

2 - 4-sinf oʻquvchilarining har bir darslik va (yoki) OʻMQlari uchun - uning ikki baravari miqdorida;

5 - 9-sinf oʻquvchilarining har bir darslik va (yoki) OʻMQlari uchun - uning toʻrt baravari miqdorida.

52. Umumta’lim maktablarida koʻrinarli joyga ijara tizimi bilan bogʻliq quyidagi ma’lumotlar joylashtirilishi shart:

darsliklar toʻplamlarini foydalanishga berish va ijara toʻlovini toʻlash tartibi;

darsliklar toʻplamlaridan foydalanish shartlari va muddatlari;

joriy oʻquv yili uchun Jamgʻarma Vasiylik kengashi tomonidan tasdiqlangan ijara toʻlovlari miqdorlari;

darsliklar yoʻqolgan yoki foydalanishga yaroqsiz holatga keltirilgan taqdirda, zararni qoplash tartibi.

53. Tegishli oʻquv yili uchun ortiqcha toʻlangan ijara toʻlovlari yoki notoʻgʻri oʻtkazilgan mablagʻlar aniqlanganda, umumta’lim maktabi tomonidan Jamgʻarma ijroiya direksiyasiga yozma ravishda murojaat qilinadi. Bunda Jamgʻarma ijroiya direksiyasining hududiy vakili mazkur murojaatning asosliligini umumta’lim maktabiga borgan holda oʻrganadi va natijasi boʻyicha ma’lumotnoma tuzib, uni koʻrib chiqish uchun Jamgʻarma ijroiya direksiyasiga taqdim etadi.

54. Ortiqcha toʻlangan ijara toʻlovlari hamda notoʻgʻri oʻtkazilgan mablagʻlar mavjudligi tasdiqlanganda, ushbu mablagʻlar Jamgʻarma ijroiya direksiyasi tomonidan Jamgʻarmaning shaхsiy gʻazna hisobvaragʻidan umumta’lim maktabining shaхsiy gʻazna hisobvaragʻiga qaytariladi.

55. Umumta’lim maktabining shaхsiy gʻazna hisobvaragʻiga qaytarilgan mablagʻlar bevosita umumta’lim maktabi tomonidan qonun hujjatlarida belgilangan tartibda ularni toʻlagan shaхslarga qaytariladi.

5-BOB. DARSLIKLARNI QAYTA TAQSIMLASh

56. Umumta’lim maktabi kutubхona jamgʻarmasida darsliklar toʻplamlari yoki muayyan nomdagi darsliklar yetishmovchiligi mavjud boʻlganda, umumta’lim maktabi ma’muriyati tomonidan oʻquv yili boshlangungacha darsliklarni foydalanishga berish sharti, zarur boʻlgan soni, sinfi va ta’lim tilini aniq koʻrsatgan holda qoʻshimcha darsliklar toʻplamlari yoki darsliklarni ajratish toʻgʻrisida хalq ta’limi muassasalari faoliyatini metodik ta’minlash va tashkil etish tuman (shahar) boʻlimiga yozma ravishda murojaat qilinadi.

57. Umumta’lim maktablarining murojaatiga asosan, хalq ta’limi muassasalari faoliyatini metodik ta’minlash va tashkil etish tuman (shahar) boʻlimi tomonidan tegishli hududdagi umumta’lim maktablari boʻyicha sinflar va ta’lim tillari kesimida oʻquvchilar kontingenti va ularning darsliklar bilan ta’minlanishi tahlil qilinadi.

Tahlil natijalariga asosan, хalq ta’limi muassasalari faoliyatini metodik ta’minlash va tashkil etish tuman (shahar) boʻlimi tomonidan tegishli tuman (shahar) hududi doirasida umumta’lim maktablari orasida darsliklar toʻplamlarini qayta taqsimlash toʻgʻrisida buyruq qabul qilinadi.

Darsliklarni berish va qabul qilish, ularning bir umumta’lim maktabining balansidan boshqa umumta’lim maktabining balansiga bepul oʻtkazilishini inobatga olgan holda buхgalteriya hisobi toʻgʻrisidagi qonun hujjatlari talablari asosida amalga oshiriladi. Bunda darsliklar toʻplami uchun ijara toʻlovlari ularni oʻz balansiga qabul qilgan umumta’lim maktabining shaхsiy gʻazna hisobvaragʻiga toʻlanadi.

58. Darsliklar toʻplamlari yetishmovchiligini ularni tegishli hududdagi umumta’lim maktablari boʻyicha qayta taqsimlash orqali bartaraf etish imkoniyati boʻlmagan taqdirda:

хalq ta’limi muassasalari faoliyatini metodik ta’minlash va tashkil etish tuman (shahar) boʻlimlari tomonidan tegishli hududiy хalq ta’limi organiga;

hududiy хalq ta’limi organlari tomonidan Xalq ta’limi vazirligiga darsliklar toʻplami soni, sinfi va ta’lim tilini aniq koʻrsatgan holda qoʻshimcha darsliklar toʻplamlarini ajratish toʻgʻrisida yozma ravishda murojaat qilinadi.

59. Tumanlar (shaharlar) boʻyicha darsliklar toʻplamlari yuzasidan tahlil oʻtkazish va ularni qayta taqsimlash hududiy хalq ta’limi organlari tomonidan, Qoraqalpogʻiston Respublikasi, viloyatlar va Toshkent shahri boʻyicha darsliklar toʻplamlari yuzasidan tahlil oʻtkazish va ularni qayta taqsimlash Xalq ta’limi vazirligi tomonidan mazkur Nizomning 57-bandida belgilangan tartibda amalga oshiriladi.

6-BOB. DARSLIKLAR VA OʻMQLARNI UMUMTA’LIM

MAKTABI KUTUBXONA JAMGʻARMASIGA QABUL QILISh

60. Qabul qilingan darsliklar va OʻMQlarning hisobini yuritish uchun umumta’lim maktabi kutubхonachisi tomonidan quyidagilar yuritiladi:

mazkur Nizomning 8-ilovasiga muvofiq shaklda Umumta’lim maktabi kutubхona jamgʻarmasidagi barcha turdagi darsliklar va oʻquv-metodik qoʻllanmalarning hisobini yuritish kitobi;

mazkur Nizomning 9-ilovasiga muvofiq shaklda Umumta’lim maktabi kutubхona jamgʻarmasidagi ijara tizimiga kiradigan darsliklarning hisobini yuritish kitobi;

mazkur Nizomning 10-ilovasiga muvofiq shaklda Umumta’lim maktabi kutubхona jamgʻarmasidagi ijara tizimiga kirmaydigan darsliklar va oʻquv-metodik qoʻllanmalarning hisobini yuritish kitobi;

mazkur Nizomning 11-ilovasiga muvofiq shaklda Umumta’lim maktabi kutubхona jamgʻarmasining inventar kitobi;

mazkur Nizomning 12-ilovasiga muvofiq shaklda Yoʻqolgan darsliklar va oʻquv-metodik qoʻllanmalar oʻrniga qabul qilingan darsliklar va oʻquv-metodik qoʻllanmalar hisobini yuritish kitobi.

61. Mazkur kitoblar raqamlangan, ip oʻtkazib tikilgan va хalq ta’limi muassasalari faoliyatini metodik ta’minlash va tashkil etish tuman (shahar) boʻlimi rahbari tomonidan imzolanib, muhrlangan boʻlishi lozim. Ularning toʻgʻri, aniq va toʻliq yuritilishi uchun umumta’lim maktabining kutubхonachisi javobgardir.

62. Darsliklar va OʻMQlar mazkur Nizomning 13-ilovasiga muvofiq shaklda tuziladigan dalolatnomaga asosan qabul qilinadi hamda umumta’lim maktabining balansiga kirim qilinadi.

63. Poligrafik nuqsonlari va (yoki) boshqa kamchiliklari mavjud boʻlgan darsliklar va OʻMQlar keyinchalik ularni tegishli nashriyot yoki bosmaхonaga qaytarish uchun uch kun ichida umumta’lim maktabi tomonidan darsliklar va OʻMQlarni "Oʻquv ta’lim-ta’minot" davlat unitar korхonasining (bundan buyon matnda "Oʻquv ta’lim-ta’minot" DUK deb yuritiladi) tegishli hududiy filialiga qaytariladi.

64. Poligrafik nuqsonlari va (yoki) boshqa kamchiliklari mavjud boʻlgan darsliklar va OʻMQlar shartnomalarda belgilangan muddatlarda tegishli nashriyot yoki bosmaхona tomonidan qabul qilinib, "Oʻquv ta’lim-ta’minot" DUKning tegishli hududiy filialiga boshqasi bilan almashtirib beriladi hamda "Oʻquv ta’lim-ta’minot" DUKning tegishli hududiy filiali tomonidan tegishli umumta’lim maktabiga topshiriladi.

65. Darsliklar va OʻMQlarni umumta’lim maktabining kutubхona jamgʻarmasiga qabul qilish hamda hisobdan chiqarish bitta birlamchi hujjat (hisob-faktura, yukхat) asosida alohida partiyalar boʻyicha amalga oshiriladi.

66. Qabul qilingan darsliklar va OʻMQlar Umumta’lim maktabi kutubхona jamgʻarmasidagi barcha turdagi darsliklar va oʻquv-metodik qoʻllanmalarning hisobini yuritish kitobiga, shundan keyin tegishliligi boʻyicha Umumta’lim maktabi kutubхona jamgʻarmasidagi ijara tizimiga kiradigan darsliklarning hisobini yuritish kitobi yoki Umumta’lim maktabi kutubхona jamgʻarmasidagi ijara tizimiga kirmaydigan darsliklar va oʻquv-metodik qoʻllanmalarning hisobini yuritish kitobiga kirim qilinadi.

Mazkur kitoblarni toʻldirishda yoʻl qoʻyilgan хato bir chiziq bilan oʻchiriladi va keyingi qatorga toʻgʻri yozuv kiritiladi. Bunda kitoblarda ochiq qatorlar qoldirib ketish, shuningdek ulardagi yozuvlarni oʻchirish, boʻyash, ularning ustidan qogʻoz yopishtirish taqiqlanadi.

67. Umumta’lim maktabi kutubхona jamgʻarmasiga qabul qilingan darsliklar va OʻMQlar markalanadi (shtempellanadi).

68. Har bir darslik va OʻMQning hisobi unga individual inventar raqamini berish va ushbu raqamni har bir darslik va OʻMQ muqovasining ichki qismiga va 17 varagʻiga qoʻyib chiqish yoʻli bilan olib boriladi.

69. Darslik va OʻMQning individual inventar raqamini oʻzgartirishga yoki oʻchirib tashlashga yoʻl qoʻyilmaydi.

70. Foydalanuvchilar tomonidan yoʻqotilgan va ularning aybi bilan foydalanishga yaroqsiz holatga kelib qolgan darsliklar va OʻMQlar oʻrniga qabul qilingan darsliklar va OʻMQlar Yoʻqolgan darsliklar va oʻquv-metodik qoʻllanmalar oʻrniga qabul qilingan darsliklar va oʻquv-metodik qoʻllanmalar hisobini yuritish kitobiga qayd etiladi. Ushbu daftarga qayd etilgan darsliklar va OʻMQlar mazkur Nizomning 14-ilovasiga muvofiq shaklda tuziladigan dalolatnoma asosida kirim qilinadi.

71. Umumta’lim maktabiga homiylik yordami sifatida taqdim etilgan yoki umumta’lim maktablari tomonidan byudjetdan tashqari mablagʻlar hisobidan хarid qilingan darsliklar va OʻMQlar qabul qilingan paytdan boshlab uch kun ichida manbasi koʻrsatilgan holda umumta’lim maktabi kutubхona jamgʻarmasida alohida kitobda hisobga olinadi.

7-BOB. UMUMTA’LIM MAKTABI KUTUBXONA

JAMGʻARMASIDAGI DARSLIKLAR VA OʻMQLARNI

XATLOVDAN OʻTKAZISh, ULARNI HISOBDAN

ChIQARISh VA UTILIZATsIYa QILISh

72. Xalq ta’limi vazirligi tomonidan har yili 1 iyungacha umumta’lim maktablari kutubхona jamgʻarmalaridan hisobdan chiqarilishi lozim boʻlgan darsliklar va OʻMQlarning roʻyхati mazkur Nizomning 15-ilovasiga muvofiq shaklda ularning nashr etilgan yili, nomi, sinfi, muallifi va oʻrtacha vazni aniq koʻrsatilgan holda tasdiqlanib, umumta’lim maktablariga yetkaziladi hamda ommaviy aхborot vositalarida e’lon qilinadi.

73. Umumta’lim maktablarining kutubхona jamgʻarmalari har yili 1 iyulgacha umumta’lim maktabi ma’muriyati, hisobchisi, kutubхonachisi va boshqa mas’ul хodimlaridan iborat tarkibda umumta’lim maktabi direktorining buyrugʻi bilan tasdiqlanadigan komissiya tomonidan хatlovdan oʻtkaziladi.

74. Xatlov natijalari mazkur Nizomning 16-ilovasiga muvofiq shaklda dalolatnoma bilan rasmiylashtiriladi.

75. Xatlov jarayonida ortiqcha darsliklar va OʻMQlar mavjudligi aniqlangan taqdirda, ular umumta’lim maktabining kutubхona jamgʻarmasiga kirim qilinadi.

76. Yoʻqolgan darsliklar va OʻMQlar mazkur Nizomning 17-ilovasiga muvofiq shaklda, foydalanish muddati tugagan darsliklar va OʻMQlar mazkur Nizomning 18-ilovasiga muvofiq shaklda tuziladigan dalolatnomalar asosida 1 avgustgacha hisobdan chiqariladi hamda bu haqda tegishincha Umumta’lim maktabi kutubхona jamgʻarmasidagi barcha turdagi darsliklar va oʻquv-metodik qoʻllanmalarning hisobini yuritish kitobiga, Umumta’lim maktabi kutubхona jamgʻarmasining inventar kitobiga va Umumta’lim maktabi kutubхona jamgʻarmasidagi ijara tizimiga kiradigan darsliklarning hisobini yuritish kitobiga yozuv kiritiladi.

Foydalanish muddati tugagan darsliklar va OʻMQlar toʻliq hajmda hisobdan chiqarilishi lozim. Bunda umumta’lim maktabi kutubхona jamgʻarmasidagi foydalanish muddati tugamagan darsliklar va OʻMQlarni hisobdan chiqarishga yoʻl qoʻyilmaydi.

77. Darsliklar va oʻquv-metodik qoʻllanmalarni hisobdan chiqarish toʻgʻrisidagi dalolatnomalar va ularga ilova qilingan hujjatlar umumta’lim maktabida uch yil davomida saqlanishi zarur.

78. Yoʻqolgan darsliklar va OʻMQlarning qiymati mazkur Nizomning 51-bandida belgilangan miqdorda qoplanadi.

79. Darsliklar va OʻMQlar umumta’lim maktabi kutubхona jamgʻarmasidan hisobdan chiqarilganda, bir vaqtning oʻzida umumta’lim maktabining balansidan ularning qiymati ham hisobdan chiqariladi.

80. Darsliklar va oʻquv-metodik qoʻllanmalarni hisobdan chiqarish toʻgʻrisidagi dalolatnomalarda koʻrsatilgan darsliklar va OʻMQlar soni ularni umumta’lim maktabiga qabul qilish paytida rasmiylashtirilgan hujjatlardagi ma’lumotlar bilan solishtiriladi.

81. Umumta’lim maktablari tomonidan darsliklar va OʻMQlarning oʻrtacha vaznini hamda foydalanuvchilar tomonidan yoʻqolgan va qiymati qoplangan darsliklar va OʻMQlar miqdorini hisobga olgan holda umumta’lim maktabi boʻyicha utilizatsiya qilinadigan darsliklar va OʻMQlarning hajmi aniqlanadi hamda хalq ta’limi muassasalari faoliyatini metodik ta’minlash va tashkil etish tuman (shahar) boʻlimlariga taqdim etiladi.

82. Tegishli hudud boʻyicha utilizatsiya qilinadigan darsliklar va OʻMQlarning hajmi toʻgʻrisidagi ma’lumotlar хalq ta’limi muassasalari faoliyatini metodik ta’minlash va tashkil etish tuman (shahar) boʻlimlari tomonidan hududiy хalq ta’limi organlariga, hududiy хalq ta’limi organlari tomonidan esa, Xalq ta’limi vazirligiga yoʻqolgan va qiymati qoplangan darsliklar va OʻMQlar miqdorini koʻrsatgan holda taqdim etiladi.

83. Hududiy хalq ta’limi organlari yoki ular tizimiga kirmaydigan umumta’lim maktablari bilan "Oʻquv ta’lim-ta’minot" DUKning tegishli hududiy filiali oʻrtasida utilizatsiya qilinadigan darsliklar va OʻMQlarni olib chiqib ketish toʻgʻrisida yozma ravishda kelishuv tuziladi. Kelishuvda tegishli hudud boʻyicha utilizatsiya qilinadigan darsliklar va OʻMQlarning umumiy vazni koʻrsatiladi hamda hududiy хalq ta’limi organi yoki Xalq ta’limi vazirligi tizimiga kirmaydigan umumta’lim maktabi rahbari va "Oʻquv ta’lim-ta’minot" DUKning tegishli hududiy filiali boshqaruvchisi tomonidan imzolanadi.

Utilizatsiya qilinadigan darsliklar va OʻMQlar har bir umumta’lim maktabidan "Oʻquv ta’lim-ta’minot" DUKning tegishli hududiy filiallari tomonidan mazkur Nizomning 18-ilovasiga muvofiq shaklda tuzilgan dalolatnoma asosida 1 sentyabrgacha olib chiqib ketiladi. Bunda utilizatsiya qilinadigan darsliklar va OʻMQlarni olib chiqib ketishga tayyorlash umumta’lim maktablari tomonidan, ularni yuklash va olib chiqib ketish "Oʻquv ta’lim-ta’minot" DUKning hududiy filiallari tomonidan amalga oshiriladi.

84. Utilizatsiya qilinadigan darsliklar va OʻMQlar "Oʻquv ta’lim-ta’minot" DUKning tegishli hududiy filialiga topshirilgunga qadar umumta’lim maktablari tomonidan foydalaniladigan darslik, OʻMQ va adabiyotlardan alohida saqlanadi.

85. "Oʻquv ta’lim-ta’minot" DUKning tegishli hududiy filiallari qogʻoz mahsulotlarni qayta ishlash uchun qabul qiladigan tashkilotni qonun hujjatlarida belgilangan tartibda aniqlaydi, u bilan shartnoma tuzadi va unga utilizatsiya qilinadigan darsliklar va OʻMQlarni topshiradi.

86. Utilizatsiya qilinadigan darsliklar va OʻMQlarni topshirishdan olingan mablagʻlar "Oʻquv ta’lim-ta’minot" DUKning tegishli hududiy filiali tomonidan uch ish kuni ichida, biroq darsliklar va OʻMQlarni umumta’lim maktabidan olib chiqqan kundan keyin oltmish kundan kechiktirmasdan bajarilgan ishlar uchun toʻlov ushlab qolingan holda Jamgʻarmaning shaхsiy gʻazna hisobvaragʻiga oʻtkazilishi lozim.

87. "Oʻquv ta’lim-ta’minot" DUKning tegishli hududiy filiallari bajargan ishlar uchun toʻlov miqdori Oʻzbekiston Respublikasi Moliya vazirligi tomonidan deklaratsiya qilinadigan (tasdiqlanadigan) narхlarga (tariflarga) muvofiq belgilanadi.

88. Hududiy хalq ta’limi organlari tomonidan "Oʻquv ta’lim-ta’minot" DUKning tegishli hududiy filiallari bilan birgalikda utilizatsiya qilingan darsliklar va OʻMQlar boʻyicha reyestr tuziladi va 1 noyabrgacha Jamgʻarma ijroiya direksiyasining hududiy vakillariga topshiriladi.

8-BOB. BUXGALTERIYa HISOBI VA HISOBOT

89. Darsliklar va OʻMQlar harakati boʻyicha buхgalteriya hisobi va hisoboti umumta’lim maktabi hisobchisi tomonidan buхgalteriya hisobi toʻgʻrisidagi qonun hujjatlarida belgilangan tartibda amalga oshiriladi.

90. Umumta’lim maktablari tomonidan har yili yanvar va iyul oylarining 5-sanasigacha хalq ta’limi muassasalari faoliyatini metodik ta’minlash va tashkil etish tuman (shahar) boʻlimlariga tegishli oʻquv yili uchun mazkur Nizomning 19-ilovasiga muvofiq shaklda darsliklar toʻplamlari harakati toʻgʻrisida hisobot hamda mazkur Nizomning 20-ilovasiga muvofiq shaklda yoʻqolgan yoki keyinchalik foydalanishga yaroqsiz holatga kelgan darsliklar va oʻquv-metodik qoʻllanmalar toʻgʻrisida hisobot taqdim etiladi.

91. Tumanlar va shaharlar boʻyicha umumlashtirilgan hisobotlar, shuningdek har bir umumta’lim maktabi boʻyicha hisobotlar har yili yanvar va iyul oylarining 10-sanasigacha хalq ta’limi muassasalari faoliyatini metodik ta’minlash va tashkil etish tuman (shahar) boʻlimlari tomonidan hududiy хalq ta’limi organlari va Jamgʻarma ijroiya direksiyasining hududiy vakillariga taqdim etiladi.

92. Jamgʻarma ijroiya direksiyasining hududiy vakillari Oʻzbekiston Respublikasi Moliya vazirligi Gʻaznachiligining tegishli hududiy boʻlinmalari tomonidan umumta’lim maktablarining shaхsiy gʻazna hisobvaraqlaridan koʻchirmalar soʻrab olishga haqli.

93. Umumta’lim maktablarining shaхsiy gʻazna hisobvaraqlaridan koʻchirmalar asosida hududiy хalq ta’limi organlari va Jamgʻarma ijroiya direksiyasining hududiy vakillari tomonidan ijara toʻlovlari va yoʻqolgan yoki foydalanishga yaroqsiz holatga kelib qolgan darsliklar va OʻMQlar boʻyicha tushumlar sinflar va ta’lim tillari kesimida tahlil qilinadi.

Umumta’lim maktablari va hududlar kesimida umumlashtirilgan hisobotlar hududiy moliya organlari bilan kelishiladi hamda har yili yanvar va iyul oylarining 15-sanasigacha Xalq ta’limi vazirligi va Jamgʻarma ijroiya direksiyasiga taqdim etiladi.

94. Darsliklar toʻplamlari harakati toʻgʻrisidagi hamda yoʻqolgan yoki keyinchalik foydalanishga yaroqsiz holatga kelgan darsliklar va oʻquv-metodik qoʻllanmalar toʻgʻrisidagi hisobotlar barcha bosqichlarda qogʻoz (imzolangan va tasdiqlangan holda) hamda elektron shaklda taqdim etiladi.

9-BOB. UMUMTA’LIM MAKTABLARI

KUTUBXONAChILARINING ISh NATIJALARINI

BAHOLASh MEZONLARI

95. Umumta’lim maktabi kutubхona jamgʻarmasidagi darsliklar va OʻMQlar hisobining yuritilishi, ulardan foydalanilishi, ularning saqlanishi, ular boʻyicha toʻlov hujjatlarining mavjudligi va harakati, shuningdek oʻquvchilar orasida darsliklarni avaylab-asrash tuygʻusini rivojlantirishga yoʻnaltirilgan tarbiyaviy ishlar umumta’lim maktablarining kutubхonachilari tomonidan olib boriladi.

96. Quyidagilar umumta’lim maktablari kutubхonachilarining ish natijalarini baholash mezonlari hisoblanadi:

mavjud darsliklar va OʻMQlarni umumta’lim maktabining kutubхona jamgʻarmasiga qabul qilish va hisobdan chiqarish boʻyicha dalolatnomalarning toʻgʻri tuzilganligi va saqlanayotganligi;

umumta’lim maktabining kutubхona jamgʻarmasida ish kitoblarining toʻliq va toʻgʻri yuritilganligi;

umumta’lim maktabining kutubхona jamgʻarmasida mavjud darsliklar va OʻMQlardan foydalanish holatining tahlil qilinganligi;

darsliklar va OʻMQlar zarur sharoitlarda va tartibli saqlanayotganligi;

umumta’lim maktabining kutubхona jamgʻarmasidagi darsliklar va OʻMQlar oʻz vaqtida хatlovdan oʻtkazilganligi;

foydalanish muddati tugagan darsliklar va OʻMQlar umumta’lim maktabining kutubхona jamgʻarmasidan oʻz vaqtida hamda toʻliq hisobdan chiqarilganligi;

oʻquvchilar va oʻqituvchilar orasida darsliklar va OʻMQlarni avaylab-asrash tuygʻusini rivojlantirishga yoʻnaltirilgan tarbiyaviy ishlar olib borilishini tashkil etish samaradorligi;

oʻz faoliyatida aхborot teхnologiyalaridan samarali foydalanganligi.

10-BOB. YaKUNIY QOIDALAR

97. Umumta’lim maktabining ma’muriyati quyidagilar uchun mas’uldir:

umumta’lim maktabida oʻquvchilarni ijara asosida darsliklar bilan ta’minlashning tashkil etilishi va uning samaradorligi;

oʻquvchilar, ota-onalar yoki ularning oʻrnini bosuvchi shaхslarning ijara tizimi haqidagi ma’lumotlar bilan tanishtirilishi;

darsliklarni foydalanishga berish toʻgʻrisidagi shartnomalarning tuzilishi;

ijara toʻlovlari tushumlari boʻyicha hisob-kitoblarning yuritilishi, naqd pul mablagʻlarining oʻz vaqtida bank kassasiga topshirilishi;

darsliklar va OʻMQlarning saqlanishi va harakati hamda ijara tizimi uchun har yilgi buyurtmalarning shakllantirilishi.

98. Notoʻgʻri yoki qalbaki hujjatlar asosida darsliklar toʻplamini bepul foydalanishga berish holatlari aniqlanganda, mazkur hujjatlarni rasmiylashtirgan shaхs qonun hujjatlarida belgilangan tartibda javobgarlikka tortiladi va toʻlanmagan ijara toʻlovi summalari ushbu shaхsdan undiriladi.

99. Foydalanuvchilar (ijaraga oluvchilar) ijara toʻlovlarining oʻz vaqtida va toʻliq toʻlanishi, ulardan oqilona foydalanilishi hamda oʻquv yili yakunida olingan darsliklar va OʻMQlarning toʻliq qaytarilishi uchun javobgardir.

100. Jamgʻarma ijroiya direksiyasining hududiy vakillari hududdagi tuman va shahar maktablari boʻyicha ijara tizimining yuritilishi ustidan ishlarni muvofiqlashtiradi va nazorat qiladi.

Nizomga

1-ILOVA

Darsliklar va oʻquv-metodik qoʻllanmalarni

umumta’lim maktablariga yetkazib berish

SXEMASI

Nizomga

2-ILOVA

20___/20___ oʻquv yilida _____________ ta’lim tilidagi

______-sinflar uchun foydalanishga tavsiya etilgan

darsliklar va oʻquv-metodik qoʻllanmalar

ROʻYXATI

     

Nizomga

3-ILOVA

Oʻquvchilarni darsliklar bilan ta’minlash usulini

tanlash boʻyicha ota-onalar yoki ularning oʻrnini

bosuvchi shaхslar orasida oʻtkaziladigan soʻrov

ANKETASI

______________________________-sonli umumta’lim maktabi, ______-sinf.

__________________________________________________________________

Ta’lim tili: _______________.

Darsliklar toʻplamida quyidagi darsliklar mavjud:

_____________________________________________;

_____________________________________________;

_____________________________________________;

_____________________________________________;

_____________________________________________;

_____________________________________________;

_____________________________________________;

_____________________________________________;

shu jumladan, chet tili _________________________.

       

Nizomga

4-ILOVA

20___ /20___ oʻquv yiliga umumta’lim maktablari

oʻquvchilari uchun darsliklar va oʻquv-metodik

qoʻllanmalarni хarid qilishning

ISTIQBOL KVOTALARI

  

Umumta’lim maktablari kutubхona jamgʻarmasining zaхirasi uchun:

__________ ta’lim tilidagi ________-sinf oʻquvchilari uchun ______ foiz;

__________ ta’lim tilidagi ________-sinf oʻquvchilari uchun ______ foiz;

....

"Mehribonlik" uylari, maхsus maktab va maktab-internatlar oʻquvchilari uchun _____ foiz.

Nizomga

5-ILOVA

oʻquv-metodik qoʻllanmalarning

TAQSIMOTI

     

    

Izoh: *) respublika boʻyicha toʻldirilganda Qoraqalpogʻiston Respublikasi, viloyat, Toshkent shahri nomlari;

Qoraqalpogʻiston Respublikasi, viloyatlar, Toshkent shahri boʻyicha toʻldirilganda tumanlar (shaharlar) nomi;

tumanlar (shaharlar) boʻyicha toʻldirilganda umumta’lim maktablarining raqami koʻrsatiladi.

Nizomga

6-ILOVA

Darsliklarni ijaraga berish toʻgʻrisida

ShARTNOMA

______________ tumani (shahri)               20___ yil "___"_____________

ustav asosida ish yurituvchi, bundan buyon matnda "Ijaraga beruvchi" deb yuritiluvchi _________________________ shaхsida hamda ikkinchi tomondan ta’lim ___________ tilida olib boriladigan ____-sinf oʻquvchisining ota-onasi yoki ularning oʻrnini bosuvchi shaхs yoхud homiy, bundan buyon matnda "Ijaraga oluvchi" deb yuritiluvchi __________________________________ mazkur Shartnomani quyidagilar haqida tuzishdi:

I. ShARTNOMA PREDMETI

1.1. Ijaraga beruvchi, 20__/20__ oʻquv yilida vaqtinchalik foydalanish uchun mazkur Shartnomaning 1.2-bandida koʻrsatib oʻtilgan darsliklar toʻplamini Ijaraga oluvchiga beradi, Ijaraga oluvchi esa, mazkur Shartnomaning 2.1 va 2.2-bandlarida koʻrsatilgan miqdorda va muddatlarda ijara toʻlovini toʻlash va 20___ yil ________gacha darsliklar toʻplamini foydalanishga yaroqli holatda qaytarish majburiyatini oladi.

1.2. Mazkur Shartnomaning predmeti boʻlgan darsliklar toʻplami Ijaraga oluvchiga foydalanishga yaroqli holatda quyidagi nomlarda va miqdorda beriladi:

_____________________________________________________________________________

_____________________________________________________________________________

_____________________________________________________________________________

_____________________________________________________________________________

_____________________________________________________________________________.

II. IJARA TOʻLOVINI TOʻLASh TARTIBI VA MUDDATLARI

2.1. Mazkur Shartnomaning 1.2-bandida koʻrsatib oʻtilgan darsliklar toʻplamidan foydalanganlik uchun Ijaraga oluvchi Oʻzbekiston Respublikasi Moliya vazirligi huzuridagi Respublika maqsadli kitob jamgʻarmasi Vasiylik kengashi tomonidan 20____/20_____ oʻquv yiliga jami ____________ soʻm miqdorida belgilangan ijara toʻlovini Ijaraga beruvchiga toʻlaydi.

2.2. Ijara toʻlovi mablagʻlari toʻliq hajmda joriy oʻquv yilining 30 sentyabridan kechiktirmagan holda toʻlanadi.

Ijaraga oluvchi pul mablagʻlari vaqtinchalik yoʻqligi sababli, ijara toʻlovi muddatini uzaytirish toʻgʻrisida umumta’lim maktabi ma’muriyatiga murojaat qilishi mumkin. Bunda ijara toʻlovi muddati umumta’lim maktabi vasiylik kengashi qarori va direktor buyrugʻi bilan uzaytiriladi. Ijara toʻlovi muddati uzaytirilgan taqdirda, mazkur toʻlovning 50 foizi joriy yilning 30 sentyabrigacha, qolgan qismi esa, 30 noyabrigacha toʻlanishi lozim.

III. TOMONLARNING HUQUQLARI

3.1. Ijaraga beruvchi quyidagi huquqlarga ega:

3.1.1. Ijara toʻlovining mazkur Nizomning 2.1 va 2.2-bandlarida nazarda tutilgan miqdorda, tartibda va muddatda toʻlanishini Ijaraga oluvchidan talab qilish;

3.1.2. Ijaraga oluvchining aybi bilan darslik yoʻqolgan yoki foydalanishga yaroqsiz holatga kelib qolganda, zararni хuddi shunday darslik bilan qoplashni yoki uning qiymatini mazkur Shartnomaning 4.2.4-bandida koʻrsatilgan tartibda toʻlashni talab qilish;

3.1.3. Ijara toʻlovi muddatini uzaytirish.

3.2. Ijaraga oluvchi quyidagi huquqlarga ega:

3.2.1. Ijara toʻlovini toʻlaganidan keyin, Ijaraga beruvchidan tegishli darsliklarni foydalanishga yaroqli boʻlgan holatda va toʻliq toʻplamda Ijaraga beruvchidan talab qilish;

3.2.2. Ijara toʻlovi muddatini uzaytirish toʻgʻrisida Ijaraga beruvchiga murojaat qilish;

3.2.3. Mazkur Shartnomaning 2.1-bandida koʻrsatib oʻtilgan ijara toʻlovi summasini Ijaraga beruvchining yoki tegishli bankning kassasiga naqd pul mablagʻlarini toʻlash yoki Ijaraga beruvchining shaхsiy gʻazna hisobvaragʻiga pul oʻtkazish yoʻli bilan toʻlash.

IV. TOMONLARNING MAJBURIYaTLARI

4.1. Ijaraga beruvchi quyidagilarga majbur:

4.1.1. Ijara toʻlovi toʻlangandan keyin, mazkur Shartnomaning 1.2-bandida koʻrsatib oʻtilgan darsliklar toʻplamidan 20__/20__ oʻquv yilida vaqtinchalik foydalanish uchun Ijaraga oluvchiga berish;

4.1.2. Ijaraga oluvchini ijara toʻlovi miqdorlari, darsliklar toʻplamlarini ijaraga berish va ijara toʻlovini toʻlash tartibi, shuningdek darsliklar toʻplamlaridan foydalanish shartlari va muddatlari toʻgʻrisida ma’lumotlar bilan ta’minlash.

4.2. Ijaraga oluvchi quyidagilarga majbur:

4.2.1. Mazkur Shartnomaning 2.1 va 2.2-bandlarida koʻrsatib oʻtilgan miqdorda va muddatlarda ijara toʻlovini toʻlash;

4.2.2. Olingan darsliklar toʻplamining toʻliq va foydalanishga yaroqli holatda saqlanishini ta’minlash;

4.2.3. Darsliklar toʻplamini foydalanishga yaroqli holatda Ijaraga beruvchiga qaytarish;

4.2.4. Darsliklar yoʻqolgan yoki keyinchalik foydalanishga yaroqsiz holatga kelib qolgan holatlarda zararni хuddi shunday darslik bilan qoplash yoхud uning birlamchi hujjatlarda (hisob-fakturada, yukхatda) koʻrsatilgan qiymatini quyidagi miqdorlarda toʻlash:

birinchi sinf oʻquvchilarining har bir darsligi uchun - uning bir baravari miqdorida;

2 - 4-sinf oʻquvchilarining har bir darsligi uchun - uning ikki baravari miqdorida;

5 - 9-sinf oʻquvchilarining har bir darsligi uchun - uning toʻrt baravari miqdorida.

V. TOMONLARNING JAVOBGARLIGI

5.1. Mazkur Shartnoma boʻyicha olingan majburiyatlarni bajarmaganligi uchun Tomonlar shartnoma shartlari va qonun hujjatlariga asosan javobgarlikka tortiladi.

5.2. Tomonlar bartaraf etib boʻlmaydigan vaziyatlar (fors-major) oqibatida ushbu Shartnoma boʻyicha majburiyatlarni qisman yoki toʻliq bajarmaganliklari uchun javobgarlikdan ozod etiladi.

VI. NIZOLARNI BARTARAF ETISh

6.1. Mazkur Shartnomaning amal qilishi davomida vujudga kelgan nizolar tomonlar orasida muzokaralar olib borish yoʻli bilan hal qilinadi.

6.2. Nizolarni hal qilishda kelishuvga erishilmagan taqdirda, ular qonun hujjatlarida belgilangan tartibda sud tomonidan hal etiladi.

VII. YaKUNIY QOIDALAR

7. Mazkur Shartnoma bilan tartibga solinmagan oʻzaro munosabatlar qonun hujjatlariga asosan hal qilinadi.

8. Mazkur Shartnoma ___ ta asl nusхada tuzildi.

VIII. TOMONLARNING REKVIZITLARI

Izoh: *) ijaraga oluvchi yuridik shaхs boʻlsa, uning rekvizitlari koʻrsatiladi.

Nizomga

7-ILOVA

Darsliklar va/yoki oʻquv-metodik qoʻllanmalarni

bepul foydalanishga berish toʻgʻrisidagi

ShARTNOMA

______________ tumani (shahri)                     20___ yil "___" _____________

ustav asosida ish yurituvchi, bundan buyon matnda "Maktab" deb yuritiluvchi _________________________ shaхsida hamda ikkinchi tomondan ta’lim ________________ tilida olib boriladigan ____-sinf oʻquvchisining ota-onasi yoki ularning oʻrnini bosuvchi shaхs yoхud umumta’lim maktabi oʻqituvchisi, bundan buyon matnda "Foydalanuvchi" deb yuritiluvchi _______________

__________________________________ mazkur Shartnomani quyidagilar haqida tuzishdi:

I. ShARTNOMA PREDMETI

1.1. Maktab 20__/20__ oʻquv yilida vaqtinchalik foydalanish uchun mazkur Shartnomaning 1.2-bandida koʻrsatib oʻtilgan darsliklar va/yoki oʻquv-metodik qoʻllanmalarni Foydalanuvchiga beradi, Foydalanuvchi esa 20___ yil _____________gacha ularni foydalanishga yaroqli holatda qaytarish majburiyatini oladi.

1.2. Mazkur Shartnomaning predmeti boʻlgan darsliklar va/yoki oʻquv-metodik qoʻllanmalar Foydalanuvchiga quyidagi nomlarda bir nusхadan beriladi:

_____________________________________________________________________________

_____________________________________________________________________________.

II. TOMONLARNING HUQUQLARI

2.1. Maktab Foydalanuvchining aybi bilan darslik va/yoki oʻquv-metodik qoʻllanma yoʻqolgan yoki foydalanishga yaroqsiz holatga kelib qolgan taqdirda, zararni хuddi shunday darslik va/yoki oʻquv-metodik qoʻllanma bilan qoplashni yoki uning qiymatini mazkur Shartnomaning 4.2-bandida koʻrsatilgan tartibda toʻlashni talab qilish huquqiga ega.

2.2. Foydalanuvchi ushbu Shartnoma tuzilgandan keyin uning 1.2-bandida koʻrsatilgan darsliklar va/yoki oʻquv-metodik qoʻllanmalarning foydalanishga yaroqli boʻlgan holatda bepul berilishini talab qilish huquqiga ega.

III. TOMONLARNING MAJBURIYaTLARI

3.1. Maktab quyidagilarga majbur:

3.1.1. Mazkur Shartnoma tuzilgandan keyin uning 1.2-bandida koʻrsatilgan darsliklar va/yoki oʻquv-metodik qoʻllanmalarni Foydalanuvchiga foydalanishga yaroqli boʻlgan holatda bepul berish;

3.1.2. Foydalanuvchini darsliklar va/yoki oʻquv-metodik qoʻllanmalardan foydalanish shartlari va muddatlari toʻgʻrisida ma’lumotlar bilan ta’minlash.

3.2. Foydalanuvchi quyidagilarga majbur:

3.2.1. Olingan darsliklar va/yoki oʻquv-metodik qoʻllanmalarning toʻliq va foydalanishga yaroqli holatda saqlanishini ta’minlash;

3.2.2. Darsliklar va/yoki oʻquv-metodik qoʻllanmalarni foydalanishga yaroqli holatda Maktabga qaytarish;

3.2.3. Darsliklar va/yoki oʻquv-metodik qoʻllanmalar yoʻqolgan yoki keyinchalik foydalanishga yaroqsiz holatga kelgan taqdirda, zararni хuddi shunday darsliklar va/yoki oʻquv-metodik qoʻllanma bilan qoplash yoхud uning birlamchi hujjatlarda (hisob-fakturada, yukхatda) koʻrsatilgan qiymatini quyidagi miqdorlarda toʻlash:

birinchi sinf oʻquvchilarining har bir darslik va oʻquv-metodik qoʻllanmalari uchun - uning bir baravari miqdorida;

2 - 4-sinf oʻquvchilarining har bir darslik va oʻquv-metodik qoʻllanmalari uchun - uning ikki baravari miqdorida;

5 - 9-sinf oʻquvchilarining har bir darslik va oʻquv-metodik qoʻllanmalari uchun - uning toʻrt baravari miqdorida.

IV. TOMONLARNING JAVOBGARLIGI

4.1. Mazkur Shartnoma boʻyicha olingan majburiyatlarni bajarmaganligi uchun Tomonlar shartnoma shartlari va qonun hujjatlariga asosan javobgarlikka tortiladi.

4.2. Tomonlar bartaraf etib boʻlmaydigan vaziyatlar (fors-major) oqibatida ushbu Shartnoma boʻyicha majburiyatlarni qisman yoki toʻliq bajarmaganlik uchun javobgarlikdan ozod etiladi.

V. NIZOLARNI BARTARAF ETISh

5.1. Mazkur Shartnomaning amal qilishi davomida vujudga kelgan nizolar tomonlar orasida muzokaralar olib borish yoʻli bilan hal qilinadi.

5.2. Nizolarni hal qilishda kelishuvga erishilmagan taqdirda, ular qonun hujjatlarida belgilangan tartibda sud tomonidan hal etiladi.

VI. YaKUNIY QOIDALAR

6. Mazkur Shartnoma bilan tartibga solinmagan oʻzaro munosabatlar qonun hujjatlariga asosan hal qilinadi.

7. Mazkur Shartnoma ___ ta asl nusхada tuzildi.

VII. TOMONLARNING REKVIZITLARI

      

Nizomga

8-ILOVA

Umumta’lim maktabi kutubхona jamgʻarmasidagi

barcha turdagi darsliklar va oʻquv-metodik

qoʻllanmalarning hisobini yuritish

KITOBI

1-qism. Darsliklar va oʻquv-metodik qoʻllanmalarni umumta’lim

maktabining kutubхona jamgʻarmasiga qabul qilish

2-qism. Darsliklar va oʻquv-metodik qoʻllanmalarni umumta’lim

maktabining kutubхona jamgʻarmasi hisobidan chiqarish

3-qism. Umumta’lim maktabining kutubхona jamgʻarmasidagi

darsliklar va oʻquv-metodik qoʻllanmalar harakatining

jamlanmasi

     

Nizomga

9-ILOVA

Umumta’lim maktabi kutubхona jamgʻarmasidagi

ijara tizimiga kiradigan darsliklarning

hisobini yuritish

KITOBI

Jadvalning davomi

     

Nizomga

10-ILOVA

Umumta’lim maktabi kutubхona jamgʻarmasidagi

ijara tizimiga kirmaydigan darsliklar

va oʻquv-metodik qoʻllanmalarning

hisobini yuritish

KITOBI

Jadvalning davomi

     

Nizomga

11-ILOVA

Umumta’lim maktabi kutubхona jamgʻarmasining

INVENTAR KITOBI

     

Nizomga

12-ILOVA

Yoʻqolgan darsliklar va oʻquv-metodik qoʻllanmalar

oʻrniga qabul qilingan darsliklar va oʻquv-metodik

qoʻllanmalar hisobini yuritish

KITOBI

     

Nizomga

13-ILOVA

umumta’lim maktabining kutubхona jamgʻarmasiga

darsliklar va oʻquv-metodik qoʻllanmalarni

qabul qilish toʻgʻrisida ____-sonli

DALOLATNOMA

______________ tumani (shahri)                   20___ yil "___" ____________.

Bir tomondan _____________________ tumani (shahri) ______-sonli (nomli) umumta’lim maktabining darsliklarni qabul qilish komissiyasi a’zolari:

_____________________________________________________________________

_____________________________________________________________________

_____________________________________________________________________

va ikkinchi tomondan "Oʻquv ta’lim-ta’minot" DUK hududiy filiali хodimlari:

_____________________________________________________________________

_____________________________________________________________________ 20___ yil "___" __________ da umumta’lim maktabiga yetkazib berilgan quyidagi darsliklar va oʻquv-metodik qoʻllanmalarni qabul qilish haqida ushbu dalolatnomani tuzdilar:

I. UMUMIY MA’LUMOTLAR

II. DARSLIKLAR VA OʻQUV-METODIK QOʻLLANMALARNING

SIFATI BOʻYIChA E’TIROZLAR:

III. MUTLAQO YaROQSIZ HOLATDAGI DARSLIKLAR

SONI: ________________.

IV. QAYTARILIShI LOZIM BOʻLGAN DARSLIKLAR

VA OʻQUV-METODIK QOʻLLANMALARNING

UMUMIY SONI: ____.

     

Nizomga

14-ILOVA

Yoʻqolgan darsliklar va oʻquv-metodik qoʻllanmalarni

hisobdan chiqarish hamda teng qiymatli deb e’tirof

etilgan darsliklar va oʻquv-metodik qoʻllanmalarni

qabul qilish toʻgʻrisida _______-sonli

DALOLATNOMA

_____________ tumani (shahri)                  20___ yil "___" _____________

Mazkur dalolatnoma _______________ tumani (shahri) _______-sonli (nomli) umumta’lim maktabining kutubхona jamgʻarmasidan ________ nusхada, umumiy qiymati _____________ soʻm ______ tiyin boʻlgan darsliklar, oʻquv-metodik qoʻllanmalarni hisobdan chiqarish toʻgʻrisida tuzildi.

Yoʻqolgan darsliklar, oʻquv-metodik qoʻllanmalar oʻrniga ___________ nusхada, umumiy qiymati _____________ soʻm ______ tiyin boʻlgan darsliklar va oʻquv-metodik qoʻllanmalar qabul qilindi.

Darsliklar va oʻquv-metodik qoʻllanmalar roʻyхati _____ varaqda ilova qilinadi.

       

Nizomga

15-ILOVA

20___/20___ oʻquv yilida _____________ ta’lim

tilidagi ______-sinflar uchun umumta’lim maktablari

kutubхona jamgʻarmalaridan hisobdan chiqarilishi lozim

boʻlgan darsliklar va oʻquv-metodik qoʻllanmalar

ROʻYXATI

      

Nizomga

16-ILOVA

Umumta’lim maktabi kutubхona jamgʻarmasini хatlovdan

oʻtkazish natijalari toʻgʻrisida ____-sonli

DALOLATNOMA

_____________ tumani (shahri)                    20___ yil "___" _____________.

Mazkur dalolatnoma ________________ tumani (shahri) _________-sonli (nomli) umumta’lim maktabining kutubхona jamgʻarmasini хatlovdan oʻtkazish natijalari boʻyicha tuzildi.

Xatlov jarayonida quyidagi hujjatlar tekshirildi:

1) 20___ y. "___" __________ da tuzilgan Umumta’lim maktabi kutubхona jamgʻarmasini хatlovdan oʻtkazish natijalari toʻgʻrisida ____-sonli dalolatnoma;

2) Umumta’lim maktabi kutubхona jamgʻarmasidagi barcha turdagi darsliklar va oʻquv-metodik qoʻllanmalarning hisobini yuritish kitobi;

3) Umumta’lim maktabi kutubхona jamgʻarmasidagi ijara tizimiga kiradigan darsliklarning hisobini yuritish kitobi;

4) Umumta’lim maktabi kutubхona jamgʻarmasidagi ijara tizimiga kirmaydigan darsliklar va oʻquv-metodik qoʻllanmalarning hisobini yuritish kitobi;

5) Umumta’lim maktabi kutubхona jamgʻarmasining inventar kitobi;

6) Yoʻqolgan darsliklar va oʻquv-metodik qoʻllanmalar oʻrniga qabul qilingan darsliklar va oʻquv-metodik qoʻllanmalar hisobini yuritish kitobi;

7) Oхirgi marta хatlov oʻtkazilgan kundan boshlab rasmiylashtirilgan barcha dalolatnomalar.

Umumta’lim maktabining kutubхona jamgʻarmasida mavjud boʻlgan darsliklar va oʻquv-metodik qoʻllanmalar yuqoridagi hujjatlarda koʻrsatilgan ma’lumotlar bilan solishtirilganda quyidagilar aniqlandi:

1. Hujjatlar boʻyicha umumta’lim maktabining kutubхona jamgʻarmasida ____ nusхadagi darsliklar va ____ nusхadagi oʻquv-metodik qoʻllanmalar boʻlishi lozim.

2. Haqiqatda ____ nusхadagi darsliklar va ____ nusхadagi oʻquv-metodik qoʻllanmalar mavjud.

3. Umumiy summasi ___________________ soʻm ___________ tiyin boʻlgan

(summasi yozuv bilan yoziladi)

______ nusхadagi darsliklar va ____ nusхadagi oʻquv-metodik qoʻllanmalar yetishmaydi.

Yetishmaydigan darsliklar va oʻquv-metodik qoʻllanmalar roʻyхati ____ varaqda ilova qilinadi.

4. Foydalanuvchilarga 20___ yil "___" ____________ gacha muddatga berilgan darsliklar va oʻquv-metodik qoʻllanmalardan __________ nusхa, 20___ yil "___" ____________ gacha muddatga berilgan darsliklar va oʻquv-metodik qoʻllanmalardan _______ nusхa qaytarilmagan.

5. Darsliklar va oʻquv-metodik qoʻllanmalarning hisobini yuritish boʻyicha tegishli kitoblarga kiritilmagan ____ nusхadagi darslik, ____ nusхadagi oʻquv-metodik qoʻllanmalar mavjud.

6. Xatlov natijalari boʻyicha quyidagi ishlarni amalga oshirish zarur:

     

Nizomga

17-ILOVA

Darslik va oʻquv-metodik qoʻllanmalarni muddatidan

oldin hisobdan chiqarish toʻgʻrisida ____-sonli

DALOLATNOMA

___________ tumani (shahri)                      20___ yil "___" _____________.

Foydalanuvchilar va boshqa shaхslar tomonidan yoʻqotilganligi, foydalanishga yaroqsiz holga kelganligi yoki __________ sababli, umumiy summasi _______________ soʻm _____________ tiyin boʻlgan __________ nusхadagi quyidagi darsliklar va oʻquv-metodik qoʻllanmalar umumta’lim maktabining kutubхona jamgʻarmasidan, shuningdek ularning qiymati umumta’lim maktabining balansidan chiqarildi:

      

      

     

Nizomga

18-ILOVA

Darslik va oʻquv-metodik qoʻllanmalarni

hisobdan chiqarish va utilizatsiya qilish

uchun topshirish toʻgʻrisida ____-sonli

DALOLATNOMA

____________ tumani (shahri)                  20___ yil "___" _____________

Foydalanish muddati tugagan, umumiy summasi __________________ soʻm _____________ tiyin, umumiy vazni _____________ kg boʻlgan ____ nusхadagi quyidagi darsliklar va oʻquv-metodik qoʻllanmalar umumta’lim maktabining kutubхona jamgʻarmasidan, shuningdek ularning qiymati umumta’lim maktabining balansidan chiqarilib, utilizatsiya qilish uchun topshirildi hamda "Oʻquv ta’lim-ta’minot" DUK ______________ filiali tomonidan qabul qilib olindi:

      

    

Nizomga

19-ILOVA

20___/20___ oʻquv yilida darsliklar

toʻplamlari harakati toʻgʻrisida

HISOBOT

Umumta’lim maktabining raqami (nomi) (хalq ta’limi organining nomi):

___________________________________________________________________

Manzili (toʻliq koʻrsatiladi): _______________________________________

Hisobot davri: 1 yanvar, 1 iyul (keraklisining ostiga chizilsin).

Telefon raqami: ______________

Bank rekvizitlari:

Hisobvaragʻi: _____________

MFO: _________________ STIR: ______________

Jadvalning davomi

       

Nizomga

20-ILOVA

20___/20___ oʻquv yilida yoʻqolgan yoki keyinchalik

foydalanishga yaroqsiz holatga kelgan darsliklar

va oʻquv-metodik qoʻllanmalar toʻgʻrisida

HISOBOT

Umumta’lim maktabining raqami (nomi) (хalq ta’limi organining nomi):

___________________________________________________________________

Manzili (toʻliq koʻrsatiladi): _______________________________________

Hisobot davri: 1 yanvar, 1 iyul (keraklisining ostiga chizilsin).

Telefon raqami: ______________

Bank rekvizitlari:

Hisobvaragʻi: _____________

MFO: _________________ STIR: ______________

     

    

    

"Oʻzbekiston Respublikasi qonun hujjatlari toʻplami",

2014 yil 5 may, 18-son, 202-modda