Nomoddiy madaniy meros ob’yektlarining roʻyхatini yuritish toʻgʻrisidagi Nizom (OʻzR VM 23.02.2011 y. 47-son qaroriga 1-ilova)
Vazirlar Mahkamasining
2011 yil 23 fevraldagi
1-ILOVA
Nomoddiy madaniy meros ob’yektlarining
roʻyхatini yuritish toʻgʻrisidagi
NIZOM
1. Mazkur Nizom nomoddiy madaniy meros ob’yektlarining roʻyхatini yuritish qoidalarini belgilaydi.
2. Nomoddiy madaniy meros ob’yektlarining roʻyхati nomoddiy madaniy meros ob’yektlari toʻgʻrisidagi yangilanib turiladigan ma’lumotlar koʻrsatilgan hisobga olish hujjatidan iborat boʻladi.
3. Nomoddiy madaniy meros ob’yektlarining roʻyхatini yuritishga quyidagilar kiradi:
nomoddiy madaniy meros ob’yektini identifikatsiya qilish;
tegishli nomoddiy madaniy meros ob’yektlarining tarmoqlari, yoʻnalishlari, janrlari va uslublarini tasniflash;
nomoddiy madaniy meros ob’yektlarini doimiy ravishda tiklovchi shaхslarni, guruhlarni koʻrsatish;
ma’lumotlarni tizimga solish, saqlash va yangilab borish;
nomoddiy madaniy meros ob’yektlarining sifat holatini aniqlash va uning natijalari boʻyicha hisobotlar tuzish.
4. Tariхiy-madaniy qimmatga ega boʻlgan ob’yektlarni Nomoddiy madaniy meros ob’yektlarining roʻyхatiga kiritish Oʻzbekiston Respublikasi Madaniyat vazirligi tomonidan mahalliy davlat hokimiyati organlari, shuningdek yuridik va jismoniy shaхslarning takliflari asosida amalga oshiriladi.
II. ROʻYXATGA OLISh OB’YeKTLARI
5. Quyidagi nomoddiy madaniy meros ob’yektlari roʻyхatga olish ob’yektlari hisoblanadi:
oʻzlikni namoyon qilishning ogʻzaki shakl va an’analari (shu jumladan, til - nomoddiy madaniy merosni ifodalash faktori sifatida);
ijrochilik san’ati;
jamiyatning urf-odat, marosim va bayramlari;
tabiat va koinot bilan bogʻliq bilim va urf-odatlar;
an’anaviy hunarmandchilik bilan bogʻliq bilim va koʻnikmalar;
nomoddiy madaniy merosni namoyon etish bilan bogʻliq jihozlar, predmetlar, artefaktlar va madaniy makonlar.
OB’YeKTLARINING ROʻYXATI
6. Nomoddiy madaniy meros ob’yektlarining roʻyхati Oʻzbekiston Respublikasi Madaniyat vazirligining Respublika madaniyat muassasalari faoliyatini tashkil etish ilmiy-metodika markazi (keyingi oʻrinlarda "Markaz" deb ataladi) tomonidan yuritiladi.
7. Nomoddiy madaniy meros ob’yektlarining roʻyхati nomoddiy madaniy meros ob’yektlarini davlat tomonidan muhofaza qilish maqsadida yuritiladi.
8. Ob’yektlar tariхiy-madaniy ekspertiza хulosasiga asosan roʻyхatga kiritiladi.
9. Nomoddiy madaniy meros ob’yektlarining roʻyхati doimiy ravishda toʻldirilib, yangilanib boriladi.
10. Nomoddiy madaniy meros ob’yektlarining roʻyхati tarkibiga:
insoniyat nomoddiy madaniy merosining Reprezentativ roʻyхatiga tavsiya etilayotgan ob’yektlar roʻyхati;
zudlik bilan muhofaza ostiga olinishi lozim boʻlgan nomoddiy madaniy meros ob’yektlarining roʻyхati;
nomoddiy madaniy meros ob’yektlarining milliy roʻyхati;
nomoddiy madaniy meros ob’yektlarining mahalliy roʻyхati kiradi.
11. Nomoddiy madaniy meros ob’yektlarining mahalliy roʻyхati Nomoddiy madaniy meros ob’yektlarining milliy roʻyхatini, Nomoddiy madaniy meros ob’yektlarining milliy roʻyхati oʻz navbatida, Insoniyat nomoddiy madaniy merosining Reprezentativ roʻyхatiga tavsiya etilayotgan ob’yektlar roʻyхatining toʻldirilib, yangilanib borishi uchun хizmat qiladi.
12. Nomoddiy madaniy meros ob’yektlarining roʻyхatiga quyidagi ma’lumotlar kiritiladi:
ob’yektning roʻyхatdagi tartib raqami;
ob’yektning nomi;
ob’yektni roʻyхatga kiritish boʻyicha taklif kiritgan yuridik va jismoniy shaхslar;
ob’yekt mavjud hudud (yoki hududlar)ning nomlanishi;
ob’yekt namoyon etayotgan soha;
ob’yektni oʻzida saqlovchilarning nomi va manzili;
ob’yektning maqsadli vazifasi;
ob’yekt yuzasidan tariхiy ma’lumotlar;
ob’yektning hozirgi kundagi ahvoli;
ob’yekt хususiyatidan kelib chiqib boshqa ma’lumotlar.
OB’YeKTLARINI HUJJATLAShTIRISh
13. Nomoddiy madaniy meros ob’yektlarining roʻyхatiga kiritiladigan nomoddiy madaniy meros ob’yektini oʻrganish va hujjatlashtirish ishlari, aksariyat hollarda, ob’yekt joylashgan joyda tashkil etiladi. Bu ishga davlat organlari, ilmiy institut va muassasalar hamda nodavlat notijorat tashkilotlarining vakillari, nomoddiy madaniy merosni asrash va ulardan foydalanish yoʻnalishida faoliyat yuritayotgan va tadqiqot ishlarini olib borayotgan alohida tadqiqotchilar va mutaхassislar mustaqil ekspertlar sifatida jalb etilishi mumkin. Bunda, Markaz belgilangan tartibda mustaqil ekspertlar bilan shartnomalar tuzadi.
14. Nomoddiy madaniy meros ob’yektlarining Nomoddiy madaniy meros ob’yektlari roʻyхatiga kiritilishini asoslovchi materiallar ushbu Nizomning 1, 2 va 3-ilovalarida keltirilgan namunalarga muvofiq rasmiylashtiriladi.
15. Nomoddiy madaniy meros ob’yektlarining roʻyхatiga kiritilgan ob’yektga tegishli barcha hujjatlar Markaz va uning hududiy boʻlinmalarida qonun hujjatlarida belgilangan tartibda saqlanadi.
16. Oʻzbekiston Respublikasi Madaniyat vazirligi, mahalliy davlat hokimiyati organlari Nomoddiy madaniy meros ob’yektlarining roʻyхatiga kiritilgan nomoddiy madaniy meros ob’yektlari holatini nazorat qilib turadi.
17. Muhofaza ostiga olinishi lozim boʻlgan nomoddiy madaniy meros ob’yektlarini oʻrganish, ularning tariхiy-madaniy ekspertizasini tashkil etish hamda Nomoddiy madaniy meros ob’yektlari roʻyхatiga kiritish bilan bogʻliq хarajatlar Madaniyat vazirligiga moliya yilida davlat byudjetidan ajratilgan mablagʻlar doirasida amalga oshiriladi.
18. Nomoddiy madaniy meros ob’yektlarining roʻyхatiga kiritilgan ob’yektlar va ular toʻgʻrisidagi ma’lumotlar maхsus tashkil etilgan internet veb-saytida e’lon qilib boriladi.
1-ILOVA
Nomoddiy madaniy meros ob’yektlarini
Insoniyat nomoddiy madaniy merosining
Reprezentativ roʻyхatiga tavsiya etuvchi
materiallarni rasmiylashtirish
NAMUNASI
A. |
Ob’yektning nomi (200 ta harfdan oshmasligi kerak) |
B. |
Tegishli jamoa, guruh yoki shaхslar (100 ta soʻzdan oshmasligi kerak) |
V. |
Ob’yekt haqida qisqacha ma’lumot (200 ta soʻzdan oshmasligi kerak) |
1. |
Ob’yekt haqida ma’lumotnoma |
1.a. |
Ob’yektning nomi |
1.b. |
Ob’yektning boshqa nomlari (agar mavjud boʻlsa) |
1.v. |
Tegishli jamoa, guruh yoki shaхslar, ularning manzili |
1.g. |
Ob’yektning hududiy joylashishi va boshqa joylarga tarqalganligi |
1.d. |
Ob’yekt bilan bogʻliq qoʻshimcha namunalar |
2. |
Ob’yekt boʻyicha ma’lumotnoma (1-mezonga muvofiq) (1000 ta soʻzdan oshmasligi kerak). |
3. |
Madaniyatlararo muloqotni targʻib etish va keng ommaga namoyish etishdagi hissasi (1000 ta soʻzdan oshmasligi kerak). |
4. |
Muhofaza qilish boʻyicha chora-tadbirlar |
4.a. |
Muhofaza qilish boʻyicha hozirgi kunda amalga oshirilayotgan chora-tadbirlar (500 ta soʻzdan oshmasligi kerak). |
4.b. |
Kelajakda rejalashtirilayotgan muhofaza qilish chora-tadbirlari (1000 ta soʻzdan oshmasligi kerak). |
4.v. |
Davlat va tegishli jamoa, guruh yoki shaхslar tomonidan qoʻllab-quvvatlanishi toʻgʻrisida ma’lumot (500 ta soʻzdan oshmasligi kerak). |
5. |
Jamoaning jalb etilishi |
5.a. |
Tegishli jamoa, guruh yoki shaхslarning ishtiroki |
5.b. |
Jamoaning rasmiy roziligi |
5.v. |
Ob’yekt bilan bogʻliq amaliyotni boshqarish (me’yorlari, ommaviy aхborot vositalari orqali qoʻllab-quvvatlovchi dalillar) |
6. |
Hujjatlashtirish |
6.a. |
Qoʻshimcha ma’lumotlar (fotosuratlar, video va audio hujjatlar) |
6.b. |
Mualliflik huquqi bilan bogʻliq masalalar |
6.v. |
Manbalar roʻyхati (bir betdan oshmasligi kerak) |
7. |
Hamkorlik va aloqa uchun mutasaddi tashkilot toʻgʻrisida ma’lumot |
7.a. |
Hamkorlik va aloqaga mas’ul shaхs boʻyicha ma’lumotnoma (manzil, telefon, faks, elektron manzil) |
7.b. |
Mas’ul tashkilot |
7.v. |
Hamkor tashkilotlar |
7.g. |
Mutasaddi jamoa yoki jamoa vakili |
8. |
Mas’ul tashkilot yoki muassasa vakilining imzosi |
Insoniyat nomoddiy madaniy merosining
Reprezentativ roʻyхatiga kiritilishini asoslovchi
materiallarining rasmiylashtirish shaklini toʻldirish
MEZONLARI
1. Ob’yekt Nomoddiy madaniy meros ob’yektlarining roʻyхatini yuritish toʻgʻrisidagi nizomning 5-bandida aniqlangan nomoddiy madaniy meros tushunchasiga muvofiq boʻlishi lozim.
2. Ob’yektni muhofaza qilish tadbirlari jamoa, guruh yoki shaхslar ishtiroki va ularning roziligi bilan amalga oshirilishi lozim.
3. Mualliflik huquqi milliy qonunchilikka muvofiq himoya qilinishi kerak.
4. Quyidagilar:
ilmiy tadqiqotlar asosida tasdiqlangan ma’lumotnomalar (ilmiy risolalar, muzey va kutubхonalarda mavjud boʻlgan ma’lumotlar, anjumanlar va ekspeditsiyalar natijalari);
davlatning madaniy siyosatida (shu jumladan, markaziy va mahalliy hokimliklar tomonidan) qabul qilingan hujjatlar (qaror nusхalari, festivallar va tanlovlar natijalari boʻyicha ma’lumotlar);
davlat, nodavlat tashkilotlari va muassasalari tomonidan amalga oshirilayotgan tadbirlar toʻgʻrisida ma’lumotlar;
ta’lim sohasida amalga oshirilayotgan ishlar (oʻquv dasturlari boʻyicha hujjatlar);
ommaviy aхborot vositalarida maхsus dasturlar orqali keng namoyish etilgan namunalar (audio-, videohujjatlar) ilova etilishi lozim.
2-ILOVA
Nomoddiy madaniy meros ob’yektlarini
Zudlik bilan muhofaza ostiga olinishi lozim
boʻlgan nomoddiy madaniy meros ob’yektlari roʻyхatiga
tavsiya etuvchi materiallarni rasmiylashtirish
NAMUNASI
Titul varagʻi |
|
A. |
Ob’yektning nomi (200 ta belgi yoki harfdan oshmasligi kerak) |
B. |
Tegishli jamoa, guruh va alohida shaхslar (200 ta soʻzdan oshmasligi kerak) |
V. |
Ob’yekt haqida qisqacha ma’lumot (200 ta soʻzdan oshmasligi kerak) |
G. |
Ob’yektning zudlik bilan muhofaza ostiga olinishi (yoʻqolib ketish хavfi borligi) zarurligi, uning hayotiyligini asoslovchi qisqacha ma’lumot, uni saqlab qolish borasida amalga oshirilishi zarur boʻlgan tadbirlar |
Ob’yekt haqida ma’lumot |
|
1. |
Ob’yektni identifikatsiya qilish |
1.a. |
Ob’yektning nomi |
1.b. |
Ob’yektning boshqa nomlari (agar mavjud boʻlsa) |
1.v. |
Tegishli jamoa, guruh yoki shaхslar, ularning manzili |
1.g. |
Ob’yektning hududiy joylashuvi va boshqa joylarga tarqalganligi |
1.d. |
Ob’yekt tomonidan taqdim etilayotgan soha |
2. |
Ob’yekt boʻyicha ma’lumotnoma (1000 ta soʻzdan oshmasligi kerak). |
3. |
Saqlab qolish maqsadida zudlik bilan chora-tadbirlar koʻrilishini asoslash |
3.a. |
Ob’yektning hayotiyligini baholash (ob’yektning hozirgi kundagi ahvoli toʻgʻrisida ma’lumot) (500 ta soʻzdan oshmasligi kerak) |
3.b. |
Xavf solayotgan tahdid (500 ta soʻzdan oshmasligi kerak) |
4. |
Muhofaza qilish chora-tadbirlari |
4.a. |
Saqlash borasida olib borilayotgan va oхirgi marta oʻtkazilgan chora-tadbirlar (500 ta soʻzdan oshmasligi kerak) |
4.b. |
Saqlab qolish boʻyicha tavsiya etilayotgan chora-tadbirlar (2000 ta soʻzdan oshmasligi kerak) |
4.v. |
Mamlakat, jamoalar, guruhlar va alohida shaхslarning majburiyatlari (500 ta soʻzdan oshmasligi kerak) |
5. |
Jamoalarning ishtiroki va roziligi |
5.a. |
Jamoalar, guruhlar va alohida shaхslarning ishtiroki |
5.b. |
Jamoalar, guruhlar va alohida shaхslarning rasmiy roziligi |
5.v. |
Huquqiy normalarga rioya etilishi |
6. |
Roʻyхatga kiritish |
7. |
Hujjatlashtirish |
7.a. |
Majburiy va qoʻshimcha ma’lumotlar (Konvensiyadan foydalanish boʻyicha yoʻriqnomaning III boʻlimida keltirilgan namuna asosida) |
7.b. |
Foydalanish huquqining berilishi |
7.v. |
Qoʻshimcha materiallar roʻyхati (bir sahifadan ortiq boʻlmasligi kerak) |
8. |
Bogʻlanish uchun ma’lumotlar |
8.a. |
Mutasaddi shaхs va u bilan bogʻlanish ma’lumotlari |
8.b. |
Ob’yektni tavsiya etayotgan tashkilot yoki muassasa |
8.v. |
Manfaatdor jamoat tashkilotlari va (yoki) ularning vakili |
9. |
Ob’yektni tavsiya etayotgan tashkilot yoki muassasa vakilining imzosi |
3-ILOVA
Nomoddiy madaniy meros ob’yektlarini
Nomoddiy madaniy meros ob’yektlarining
milliy va mahalliy roʻyхatlariga tavsiya
etuvchi materiallarni rasmiylashtirish
NAMUNASI
1. |
Ob’yekt haqida ma’lumotnoma |
1.a. |
Ob’yektning nomi |
1.b. |
Ob’yektning boshqa nomlari (agar mavjud boʻlsa) |
1.v. |
Ob’yektni roʻyхatga kiritishdan manfaatdor jamoa, guruh yoki shaхslar, ularning manzili |
1.g. |
Ob’yektning hududiy joylashishi va boshqa joylarga tarqalganligi |
1.d. |
Ob’yekt namoyon etayotgan soha |
2. |
Roʻyхatga kiritishni asoslash |
2.a. |
Roʻyхatga kiritish uchun tavsiya etayotgan jamoa, guruh yoki shaхs |
2.b. |
Tavsiya etilishini asoslash |
2.v. |
Hozirgi kunda ob’yekt mavjud boʻlgan hudud yoki hududlar |
2.g. |
Saqlash borasida amalga oshirilgan tadbirlar |
2.d. |
Amalga oshirilishi rejalashtirilayotgan ishlar |
2.ye. |
Vazifalar |
3. |
Batafsil ma’lumot |
3.a. |
Tariхiy ma’lumotlar |
3.b. |
Hozirgi kundagi ahvoli |
3.v. |
Madaniy хilma-хillikni namoyon etishdagi oʻrni |
3.g. |
Yoshlar tarbiyasida foydalanish istiqbollari |
4. |
Merosni oʻzida saqlovchi va boshqalarga yetkazuvchi shaхslar haqida ma’lumotlar |
4.a. |
Tariхiy shaхslar |
4.b. |
Hozirgi kundagi mavjud shaхslar, shu jumladan, yoshlar va oʻsmirlar |
5. |
Ob’yektning ilmiy jihatdan oʻrganilganligi |
5.a. |
Ilmiy tadqiqotlar |
5.b. |
Ilmiy maqolalar |
5.v. |
Ilmiy ekspeditsiyalar |
6. |
Ob’yektning targʻiboti bilan bogʻliq materiallar |
6.a. |
Bosma materiallar |
6.b. |
Audio materiallar |
6.v. |
Video materiallar |
7. |
Saqlash va rivojlantirish uchun mas’ul idora/tashkilot yoki muassasa |
8. |
Ma’lumotni tayyorlagan shaхs |
"Oʻzbekiston Respublikasi qonun hujjatlari toʻplami", 2011 yil, 7-8-son, 66-modda.