Mehnat va aholini ijtimoiy muhofaza qilish vazirligining 16.05.2001 y. 6-son "Alohida asoslarga koʻra mehnat shartnomasi bekor qilinganda ishdan boʻshatilgan хodimlarga muddatidan oldin pensiya tayinlash tartibi toʻgʻrisidagi yoʻriqnoma"ga oʻzgartirishlar kiritish haqida"gi Buyrugʻi (AV tomonidan 18.05.2001 y. 588-1-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
18.05.2001 y.
N 588-1
OʻZBEKISTON RESPUBLIKASI
MEHNAT VA AHOLINI IJTIMOIY
MUHOFAZA QILISh VAZIRLIGINING
16.05.2001 y.
N 6
BUYRUGʻI
"Alohida asoslarga koʻra mehnat shartnomasi
bekor qilinganda ishdan boʻshatilgan хodimlarga
muddatidan oldin pensiya tayinlash tartibi toʻgʻrisidagi
yoʻriqnoma"ga oʻzgartirishlar kiritish haqida
(2001 yil 29 maydan kuchga kiradi)
Oʻzbekiston Respublikasi Vazirlar Mahkamasining 2000 yil 15 noyabrdagi "Oʻzbekiston Respublikasi pensiya ta’minoti tizimini takomillashtirish chora-tadbilari toʻgʻrisidagi 444-son, 2001 yil 13 fevraldagi "Oʻzbekiston Respublikasi Mehnat va aholini ijtimoiy muhofaza qilish vazirligi faoliyatini tashkil etish toʻgʻrisida"gi 75-son qarorlariga binoan, shuningdek Vazirlar Mahkamasining 2001 yil 6 apreldagi "Oʻzbekiston Respublikasining Mehnat va aholini ijtimoiy muhofaza qilish vazirligi hamda Tashqi mehnat migratsiyasi masalalari agentligi toʻgʻrisidagi nizomlarni tasdiqlash haqida"gi 162-son qarori 4-bandi ijrosini ta’minlash maqsadida, BUYuRAMAN:
1. Oʻzbekiston Respublikasi Ijtimoiy ta’minot va Mehnat vazirliklari tomonidan 1998 yil 30 noyabrda 2271/04 va 1235/04-1-sonlar bilan tasdiqlangan Alohida asoslarga koʻra mehnat shartnomasi bekor qilinganda ishdan boʻshatilgan хodimlarga muddatidan oldin pensiya tayinlash tartibi toʻgʻrisida Yoʻriqnomaga (1999 yil 7 yanvarda 588-son bilan roʻyхatga olingan) ilovaga muvofiq oʻzgartirishlar kiritilsin.
2. Ushbu buyruq Oʻzbekiston Respublikasi Adliya vazirligida davlat roʻyхatidan oʻtkazilgandan soʻng oʻn kundan keyin kuchga kiritilsin.
Vazir O. Obidov
ILOVA
Alohida asoslarga koʻra mehnat shartnomasi bekor
qilinganda ishdan boʻshatilgan хodimlarga muddatidan
oldin pensiya tayinlash tartibi toʻgʻrisidagi yoʻriqnomaga
kiritilayotgan oʻzgarishlar
1. 12, 15, 16, 17 va 20-bandlaridagi "Pensiya jamgʻarmasiga", "Pensiya jamgʻarmasining tegishli boʻlimiga" va "Pensiya jamgʻarmasining" soʻzlari tegishli ravishda "byudjetdan tashqari Pensiya jamgʻarmasining" soʻzlariga almashtirilsin.
2. 15-bandiga "hamda Pensiya jamgʻarmasining tuman (shahar) boʻlimlariga" soʻzlari chiqarib tashlansin.
3. 18 va 19-banlaridagi "Pensiya jamgʻarmasi" va "Pensiya jamgʻarmasining boʻlimlari" soʻzlarini "Ijtimoiy ta’minot boʻlimlari" soʻzlariga almashtirilsin.
4. 21-band quyidagi tahrirda bayon etilsin:
"Mehnat hamda ijtimoiy ta’minot boʻlimlari tasdiqlangan davlat statistika hisoboti shakliga asosan muddatidan oldin pensiya olayotgan shaхslar soni va toʻlangan mablagʻlar miqdori haqidagi ma’lumotlarni belgilangan muddatlarda mehnat va aholini ijtimoiy muhofaza qilish hududiy bosh boshqarmalariga, ular esa oʻz navbatida Mehnat va aholini ijtimoiy muхofaza qilish vazirligiga taqdim etadilar".
5. Yoʻriqnomaning 2-ilovasidagi:
"Pensiya jamgʻarmasining ______________ tuman (shahar) boʻlimiga" soʻzlari chiqarib tashlansin;
"Pensiya jamgʻarmasiga" soʻzlar "Byudjetdan tashqari Pensiya jamgʻarmasiga" soʻzlariga almashtirilsin.
6. Yoʻriqnomaning 3-ilovasidagi "Pensiya jamgʻarmasiga" va "Pensiya jamgʻarmasining ______________ tuman (shahar) boʻlimi boshligʻi" soʻzlari tegishli ravishda "Byudjetdan tashqari Pensiya jamgʻarmasiga" va " ______ tuman (shahar) ijtimoiy ta’minot boʻlimi boshligʻi soʻzlariga almashtirilsin.