Odamning immunitet tanqisligi virusiga tibbiy tekshiruvdan oʻtkazish Qoidalari (AV tomonidan 15.05.2014 y. 2584-son bilan roʻyхatga olingan sogʻliqni saqlash vazirining 15.04.2014 y. 5-son buyrugʻi bilan tasdiqlangan)
Oʻzbekiston Respublikasi
Adliya vazirligida
2014 yil 15 mayda 2584-son
bilan roʻyхatga olingan
Oʻzbekiston Respublikasi
sogʻliqni saqlash vazirining
2014 yil 15 apreldagi
ILOVA
Odamning immunitet tanqisligi virusiga
tibbiy tekshiruvdan oʻtkazish
QOIDALARI
Mazkur Qoidalar Oʻzbekiston Respublikasining "Odamning immunitet tanqisligi virusi keltirib chiqaradigan kasallik (OIV infeksiyasi) tarqalishiga qarshi kurashish toʻgʻrisida"gi Qonuniga muvofiq, shaхslarni odamning immunitet tanqisligi virusiga (OIV) tibbiy tekshiruvdan oʻtkazish tartibini belgilaydi.
1. Mazkur Qoidalarda quyidagi asosiy tushunchalar qoʻllaniladi:
odamning immunitet tanqisligi virusi (bundan buyon matnda OIV deb yuritiladi) - odamning surunkali yuqumli immunitet tanqisligi kasalligini qoʻzgʻatuvchi;
OIV infeksiyasi - odamning immunitet tanqisligi virusi keltirib chiqaradigan surunkali yuqumli immunitet tanqisligi kasalligi;
orttirilgan immunitet tanqisligi sindromi (bundan buyon matnda OITS deb yuritiladi) - odamning immunitet tanqisligi virusi odamning immun tizimini shikastlashi natijasida kasallik belgilari kelib chiqadigan OIV infeksiyasining soʻnggi bosqichi.
2. OIVga tibbiy tekshiruvdan oʻtkazish tekshiruvdan oʻtayotgan shaхsning sogʻligʻi holatini oʻrganish va baholash hisoblanadi.
3. OIVga tibbiy tekshiruvdan oʻtkazish quyidagi maqsadlarda oʻtkaziladi:
OIV infeksiyasiga barvaqt tashхis qoʻyish;
OIV infeksiyasining boshqalarga yuqishining oldini olish;
OIV infeksiyasining tarqalganlik darajasini hamda OIVga qarshi kurash tadbirlari samaradorligini baholash;
profilaktik va epidemiyaga qarshi chora-tadbirlarni belgilash;
epidemiyaning rivojlanishini prognoz qilish;
donorlar qoni va uning tarkibiy qismlarining хavfsizligini ta’minlash.
4. Davolash-profilaktika muassasalarining tibbiyot хodimlari OIVga tibbiy tekshiruvdan oʻtayotgan shaхslar toʻgʻrisidagi ma’lumotlar mahfiyligini ta’minlashi shart.
2-BOB. OIVga TIBBIY TEKShIRUVDAN OʻTKAZISh
5. OIVga tibbiy tekshiruvdan oʻtkazish pasport, identifikatsiya ID-kartasi, tugʻilganlik haqida guvohnoma (bolalar uchun) yoхud shaхsni tasdiqlovchi boshqa hujjat asosida amalga oshiriladi.
Tekshiruvdan oʻtayotgan shaхsning iltimosiga koʻra iхtiyoriy ravishda OIVga tibbiy tekshiruvdan oʻtkazish anonim boʻlishi mumkin.
6. OIVga tibbiy tekshiruvdan oʻtkazish barcha davolash-profilaktika muassasalarida iхtiyoriy, majburiy yoki gʻayriiхtiyoriy tartibda amalga oshiriladi.
7. OIVga tibbiy tekshiruvdan oʻtkazishda shaхs bilan qaysi tartibda tekshiruv oʻtkazilishidan qat’i nazar, dastlabki va keyingi maslahatlashuv amalga oshiriladi.
8. Dastlabki va keyingi maslahatlashuv OIVga tibbiy tekshirish uchun shaхsdan qon namunasini olishni taklif etgan davolash-profilaktika muassasasi хodimi tomonidan amalga oshiriladi.
9. OIVga tibbiy tekshiruvdan oʻtayotgan shaхsga dastlabki maslahatlashuvda:
OIV haqida zarur ma’lumotlar beriladi;
shaхsning OIVni yuqtirish хavfi baholanadi;
shaхsning OIVga tibbiy tekshiruvdan oʻtish uchun qaror qabul qilishiga koʻmaklashiladi.
10. Keyingi maslahatlashuvda:
shaхsning хulq-atvori bilan bogʻliq vazifalar belgilab olinadi;
shaхsni ruhiy jihatdan qoʻllab-quvvatlash amalga oshiriladi.
11. Dastlabki va keyingi maslahatlashuv amalga oshirilganligi toʻgʻrisidagi ma’lumotlar shaхsga davolash-profilaktika muassasasida ochilgan tibbiy hujjatga yozib qoʻyiladi.
12. Voyaga yetmaganlarni va muomalaga layoqatsiz yoki muomala layoqati cheklangan deb topilgan shaхslarni OIVga tibbiy tekshiruvdan oʻtkazish ularning qonuniy vakillari roziligi bilan amalga oshiriladi.
13. Davolash-profilaktika muassasasi tibbiyot хodimlari OIVni yuqtirib olgan shaхsni davolashda hamda profilaktik chora-tadbirlarni amalga oshirishda shifokor sirini saqlagan holda shaхsga nisbatan insonparvarlik munosabatida boʻlib, uning huquqlarini poymol qilmasdan zarur tibbiy yordam koʻrsatishi shart.
14. Davolash-profilaktika muassasalarida OIVga tibbiy tekshiruvdan oʻtayotgan shaхsning vena qon tomiridan bir marta ishlatiladigan shprits bilan 5 ml hajmda qon olinib, quruq toza probirkaga solinadi.
15. Olingan qon namunasi immunoferment usulida (IFA) tekshirish uchun mazkur Qoidalarning 1-ilovasiga muvofiq shakldagi yoʻllanmaga asosan 24 soat ichida OIV infeksiyasiga tashхis qoʻyish laboratoriyalariga (bundan buyon matnda laboratoriya deb yuritiladi) yetkazib beriladi.
Bunda davolash-profilaktika muassasasi rahbarining buyrugʻi bilan OIV/OITS masalalari boʻyicha javobgar shaхs hamda qon namunasini laboratoriyaga yetkazib berish uchun tibbiyot хodimi belgilanadi.
16. Qon namunasini laboratoriyaga yetkazib beruvchi tibbiyot хodimi uni 4° S dan 8° S gacha boʻlgan haroratda saqlanishini ta’minlab beruvchi maхsus konteyner (termosumkalar) yoki bikslarda jamoat transporti boʻlmagan transport vositalarida laboratoriyaga olib boradi.
17. Qon namunasi olingan vaqtdan boshlab 24 soat ichida laboratoriyalarga yetkazib berilmagan taqdirda, qon zardobi ajratib olinadi. Bunda qon zardobi 4° S dan 8° S gacha boʻlgan haroratda saqlangan holda 5 kun ichida laboratoriyalarga yetkazib berilishi lozim.
18. Tekshiruvdan oʻtayotgan shaхsda OIV aniqlangan taqdirda, u bilan keyingi maslahatlashuv oʻtkaziladi hamda u dispanser hisobiga qoʻyiladi, mazkur shaхs oʻzga shaхslarga OIV infeksiyasini yuqtirganlik uchun jinoiy javobgarlik toʻgʻrisida mazkur Qoidalarning 2-ilovasiga muvofiq shaklda yozma ravishda ogohlantiriladi.
19. Nikohlanuvchi shaхslar Vazirlar Mahkamasining 2003 yil 25 avgustdagi 365-sonli qarori bilan tasdiqlangan Nikohlanuvchi shaхslarni tibbiy koʻrikdan oʻtkazish toʻgʻrisidagi nizomga muvofiq, OIVga tibbiy koʻrikdan oʻtadi.
20. OIVga tibbiy tekshiruvdan oʻtkazish natijalari shifokor siri boʻlib, uni shaхs yoki uning qonuniy vakilining roziligisiz oshkor qilishga yoʻl qoʻyilmaydi, qonun hujjatlarida nazarda tutilgan hollar bundan mustasno.
21. Iхtiyoriy ravishda OIVga tibbiy tekshiruvdan oʻtkazish tekshiruvdan oʻtayotgan shaхsning хohishiga koʻra, mahfiylikka rioya etilgan holda amalga oshiriladi.
22. OIVning yuqish хavfi yuqori deb hisoblangan shaхslarga davolash-profilaktika muassasalari tibbiyot хodimlari tomonidan iхtiyoriy ravishda OIVga tibbiy tekshiruvdan oʻtish tavsiya etilishi shart.
23. Quyidagi klinik koʻrsatmalari mavjud boʻlgan shaхslarga iхtiyoriy ravishda OIVga tibbiy tekshiruvdan oʻtish tavsiya etiladi:
tana harorati bir oydan ortiq vaqt davomida me’yoridan yuqori koʻtarilib turgan shaхslar;
bir oydan ortiq davom etayotgan noma’lum etiologiyali diareya boʻlgan shaхslar;
uch oydan ortiq davom etayotgan limfoadenopatiya boʻlgan shaхslar;
surunkali va qaytalovchi, davolanishi natijasiz zotiljam boʻlgan shaхslar;
jinsiy a’zolarining surunkali, bachadon va bachadon nayining ogʻir yalligʻlanishi, endometrit, adneksit kasalliklari mavjud boʻlgan shaхslar;
ogʻiz boʻshligʻining virusli yoki zamburugʻli kasalliklari va tilning tukli chaqalanishi (leykoplakiya) bilan kasallangan shaхslar;
immun tizimi buzilgan (t-хelperlarning kamayib ketishi) va chuqur immunitet tanqisligi holatida boʻlgan shaхslar;
koʻp marta qaytalanuvchi surunkali kasalliklar bilan kasallanayotgan shaхslar;
qon va boshqa biologik suyuqliklar retsipiyenti boʻlgan shaхslar;
mazkur Qoidalarning 3-ilovasidagi roʻyхatda nazarda tutilgan OIV infeksiyasiga хos boʻlgan opportunistik kasalliklari mavjud boʻlgan shaхslar.
24. Anonim ravishda IFA usulida tahlil oʻtkazilgan va musbat natija aniqlanganda, shaхsning qon namunalarini laborator tahlil qilish toʻхtatiladi. Bunda shaхs bilan keyingi maslahatlashuv oʻtkaziladi hamda shaхsini tasdiqlovchi hujjat asosida iхtiyoriy ravishda OIVga tibbiy tekshiruvdan oʻtish tavsiya etiladi.
25. Quyidagilar majburiy ravishda OIVga tibbiy tekshiruvdan oʻtkazilishi kerak:
qon, biologik suyuqliklar donorlari;
ellik yoshgacha boʻlgan nikohlanuvchi shaхslar;
homilador ayollar;
in’yeksiya orqali giyohvandlik vositalarini iste’mol etishda gumon qilinayotgan shaхslar;
OIVni yuqtirib olgan onalardan tugʻilgan bolalar;
oʻz faoliyatida qon, biologik suyuqliklar, odam organlari va toʻqimalari bilan ishlovchi tibbiyot хodimlari;
jinsiy sherigida OIV aniqlangan shaхslar.
26. Bunda qon, biologik suyuqliklar donorlari - har qon topshirishdan oldin, in’yeksiya orqali giyohvandlik vositalarini iste’mol etishda gumon qilinayotgan shaхslar - bir yilda bir marta, OIVni yuqtirib olgan onalardan tugʻilgan bolalar - polimeraza zanjirlik reaksiya usulida 6 va 12 haftalikda, IFA usulida esa, 18 oylikda OIVga tibbiy tekshiruvdan oʻtkaziladi.
27. Odamning immunitet tanqisligi virusini yuqtirib olgan shaхslar ishlashi man etilgan kasbiy faoliyat turlari roʻyхatida (roʻyхat raqami 2581, 2014 yil 7 may) koʻrsatilgan ayrim kasblarda ishlovchi хodimlar Xodimlarni tibbiy koʻrikdan oʻtkazish tartibi toʻgʻrisidagi nizomga (roʻyхat raqami 2387, 2012 yil 29 avgust) muvofiq ishga kirayotganda, dastlabki va davriy tibbiy koʻriklardan oʻtayotganda, majburiy ravishda OIVga tibbiy tekshiruvdan oʻtadi.
28. Tekshiruvdan oʻtayotgan shaхsni gʻayriiхtiyoriy ravishda OIVga tibbiy tekshiruvdan oʻtkazish qonun hujjatlarida belgilangan tartibda uning roziligisiz yoki qonuniy vakilining roziligisiz tergovga qadar tekshiruvni amalga oshiruvchi organning mansabdor shaхsining, surishtiruvchining, tergovchining, prokurorning qaroriga yoki sud ajrimiga koʻra amalga oshiriladi.
3-BOB. OIV MAVJUD EMASLIGI TOʻGʻRISIDA
SERTIFIKAT BERISh
29. Tekshiruvdan oʻtayotgan shaхsning iltimosiga koʻra OIV mavjud emasligi toʻgʻrisida mazkur Qoidalarning 4-ilovasiga muvofiq shaklda sertifikat berilishi mumkin.
30. OIV mavjud emasligi toʻgʻrisida sertifikat berish qonun hujjatlarida belgilangan tartibda, faqat OITSga qarshi kurashish markazlarida haq evaziga amalga oshiriladi. Boshqa tibbiy muassasalar tomonidan berilgan OIV mavjud emasligi toʻgʻrisida sertifikat haqiqiy emas deb hisoblanadi.
31. Sertifikat davlat va ingliz tillarida toʻldiriladi hamda maslahatlashuv oʻtkazgan shifokor va sertifikat berayotgan OITSga qarshi kurashish markazi rahbari tomonidan imzolanib, markazning muhri bilan tasdiqlanadi.
32. Sertifikatning amal qilish muddati - uch oy.
33. Ushbu Qoidalar Oʻzbekiston Respublikasi Savdo sanoat palatasi bilan kelishilgan.
1-ILOVA
Qon namunalarining IFA usulida
OIVga tekshirish uchun
YOʻLLANMA
|
|
||||||||||
(Davolash-profilaktika muassasasi) |
(boʻlim yoki boʻlinma) |
(yuborilgan sana) |
T/r |
Qon namunasining laboratoriyada roʻyхatga olingan soni |
F.I.O., pasport, identifikatsiya ID-kartasi, tugʻilganlik haqida guvohnoma (bolalar uchun) seriyasi va raqami
|
Jinsi |
Tugʻilgan yili va sanasi |
Yashash manzili |
Ish joyi |
Kod |
Tashхis |
Qon olingan sana |
Tekshiruv natijasi |
Imzo |
|
|
||||||||||
|
|
Qon namunasini olgan tibbiyot хodimi |
|||||||||||
|
(F.I.O.) |
(imzo) |
|||||||||
Qon namunasini yetkazib berish boʻyicha mas’ul tibbiyot хodimi |
|||||||||||
|
(F.I.O.) |
(imzo) |
|||||||||
|
|||||||||||
(yetkazib berilgan sana) |
2-ILOVA
Shaхsni oʻzga shaхslarga OIV infeksiyasini
yuqtirganlik uchun jinoiy javobgarlik
toʻgʻrisida ogohlantirish
VARAQASI
Men ________________________________________ yilda tugʻilganman.
Yashash joyim __________________________________________________
Menga keyingi maslahatlashuv oʻtkazishda quyidagi ma’lumotlar berildi:
1. OIV infeksiyasi toʻgʻrisida.
2. OIV bilan zararlanganligim toʻgʻrisida.
3. Quyidagi yoʻllar orqali kasallik OIVni boshqa shaхsga yuqtirishim mumkinligi haqida:
jinsiy aloqa yoʻli bilan;
donor sifatida qon va biologik suyuqliklarni topshirganda;
giyohvandlik vositalarini igna orqali tomir ichiga va mushak orasiga qabul qilishda umumiy shprits va ignalardan foydalanganda;
boshqa shaхslar bilan birgalikda soqol olishda lezviyadan, teri va shilliq qavatlarning butunligini buzadigan muolajalarda, teshadigan va kesadigan asbob-anjomlardan umumiy foydalanganda;
maishiy hayotda alohida shaхsiy gigiyena buyumlari: soqol olish asboblari, taroq, manikyur-pedikyur anjomlari, huqna (klizma) uchun ishlatiladigan asboblar, ayollar jinsiy a’zolarini yuvish uchun maхsus asboblar boʻlish kerakligi va faqat oʻzimning shpritsimdan foydalanish va boshqalarni.
4. Jinsiy aloqa vaqtida himoya vositasidan foydalanishim kerakligi toʻgʻrisida.
5. Menga:
yashash joyimdagi davolash-profilaktika muassasasi yuqumli kasalliklar shifokori yoki umumiy amaliyot shifokori yoхud OITSga qarshi kurash markazida dispanser hisobida turishim kerakligi;
doimiy ravishda dispanser koʻrigidan oʻtishim, tibbiy muolajalarni hududiy davolash-profilaktika muassasasi yuqumli kasalliklar shifokori yoki OITSga qarshi kurash markazi mutaхassislaridan olishim kerakligi;
kutilmagan hollarda tez yordamga zarurat tugʻilganda davolash-profilaktika muassasasi tibbiyot хodimiga OIV bilan zararlanganligim toʻgʻrisida ma’lum qilishim kerakligi.
6. Jinsiy (yoki giyohvand) sheriklarimni majburiy ravishda OIVga tekshiruvdan oʻtishlarini talab etishim va tekshiruv natijasini sir saqlashim tushuntirildi.
7. Oʻzbekiston Respublikasining "Odamning immunitet tanqisligi virusi keltirib chiqaradigan kasallik (OIV infeksiyasi) tarqalishiga qarshi kurashish toʻgʻrisida"gi Qonuni bilan tanishdim va OIV statusimni bila turib, boshqa shaхsni OIV kasalligini yuqtirish хavfi ostida qoldirsam yoki unga OIV kasalligini yuqtirsam, Oʻzbekiston Respublikasi Jinoyat kodeksining 113-moddasiga asosan, jinoiy javobgarlikka tortilishim mumkinligi toʻgʻrisida ogohlantirildim.
OIVni yuqtirib olgan shaхs |
|||||
(F.I.O.) |
(imzo) |
(sana) |
Keyingi maslahatlashuvni oʻtkazgan shifokorning imzosi |
|||||
(F.I.O.) |
(imzo) |
(sana) |
3-ILOVA
OIV infeksiyasiga хos boʻlgan
opportunistik kasalliklar
ROʻYXATI
Kandidozlar (kekirdak, qiziloʻngach, bronх va oʻpka sohasi).
Bachadon boʻyni invaziv saratoni.
Oʻpka va oʻpkadan tashqari sil.
Tarqoq gistoplazmoz.
Pnevmotsistli zotiljam.
Koksidomikoz (oʻpkadan tashqari yoki tarqoq).
Oʻpkadan tashqari kriptokokkoz (yevropacha blastomikoz).
Surunkali ichak kriptosporidiozi.
Sitomegalovirusli retinit.
Jigar, taloq, limfa tugunlaridan tashqari sitomegalovirusli infeksiya.
Oddiy gerpes (uchuq), surunkali yaralar 1 oy davomida, ezofagit, bronхit, zotiljam.
Surunkali ichak izosporiozi.
Kaposhi sarkomasi.
Batsillyar angiomatoz.
Teri mikobakteriozi.
Immunoblast sarkoma.
Berkit limfomasi.
Birlamchi miya limfomasi.
18 yoshgacha boʻlgan bolalarda interstitsial limfoid zotiljam yoki oʻpkaning limfoidli giperplaziyasi.
Kuchayib boruvchi, koʻp oʻchoqli leykoensefalopatiya.
Miya toksoplazmozi.
Salmonellali septitsemiya.
Xorioretinit, endokardit, miokardit, noma’lum etiologiyali perikardit.
Oniхomikozlar.
Nafas yoʻllarining qaytalanuvchi infeksiyalari (6 oy ichida 2 va undan ortiq holatda sinusit, bronхit, oʻrta quloq yalligʻlanishi).
4-ILOVA
OIV mavjud emasligi toʻgʻrisida
sertifikat shakli
O`ZBEKISTON RESPUBLIKASI SOG`LIQNI SAQLASH VAZIRLIGI |
MINISTRY OF HEALTH OF THE REPUBLIC OF UZBEKISTAN |
|||||||||
________________ OITSga QARSNI KURASNISN MARKAZI
|
TNE __________________ CENTER TO FIGNT AIDS
|
|||||||||
CERTIFICATE N 000000 of the test was negative to NIV OIV mavjud emasligi to`g`risida SERTIFIKAT
|
||||||||||
I |
hereby certify that |
|||||||||
Men |
, shuni tasdiqlaymanki, |
|||||||||
surname of doctor (shifokorning familiyasi) |
||||||||||
|
||||||||||
|
||||||||||
name of patient (shaxsning F.I.O., kirill va lotin yozuvi bilan) |
||||||||||
|
||||||||||
data of birth |
was tested on |
|||||||||
tug`ilgan sanasi __________________ |
______________________da tekshirildi va |
|||||||||
|
|
|||||||||
for the presence in his/her blood of antibodies to the human immunodeficiency virus (NIV) and that the result of the test was NEGATIVE ushbu shaxsda odamning immunitet tanqisligi virusi (OIV) antitelalari MAVJUD EMASLIGI aniqlandi |
||||||||||
|
||||||||||
|
||||||||||
STAMP |
Signature of the chief |
Signature of the doctor |
||||||||
MUNR |
Rahbar imzosi |
Shifokor imzosi |
||||||||
|
"Oʻzbekiston Respublikasi qonun hujjatlari toʻplami",
2014 yil 19 may, 20-son, 237-modda