OʻZBEKISTON RESPUBLIKASI

VAZIRLAR MAHKAMASINING

QARORI

20.03.1997 y.

N 153

IJTIMOIY AHAMIYaTLI

KASALLIKLAR ROʻYXATINI TASDIQLASh

VA BUNDAY KASALLIKLARGA DUChOR

BOʻLGAN ShAXSLARGA IMTIYoZLAR

BELGILASh TOʻGʻRISIDA

"Fuqarolar sogʻligʻini saqlash toʻgʻrisida"gi Oʻzbekiston Respublikasi Qonunining 32-moddasiga muvofiq Vazirlar Mahkamasi QAROR QILADI:

1. Quyidagilar tasdiqlansin:

ijtimoiy ahamiyatli kasalliklar roʻyхati 1-ilovaga muvofiq;

ijtimoiy ahamiyatli kasalliklarga duchor boʻlgan bemorlar uchun imtiyozlar 2-ilovaga muvofiq.

2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar va idoralar, mussasalar va tashkilotlar ijtimoiy ahamiyatli kasalliklarga duchor boʻlgan shaхslar uchun nazarda tutilgan barcha imtiyozlar berilishini ta’minlasinlar.

3. Oʻzbekiston Respublikasi sogʻliqni saqlash vazirligi ijtimoiy ahamiyatli kasalliklarga duchor boʻlgan shaхslar uchun tibbiy yordam hajmi va turlarini bir oy muddatda belgilasin, Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Ijtimoiy masalalar madaniyat boʻlimiga yuklansin.

Oʻzbekiston Respublikasining Bosh vaziri                               Oʻ. Sultonov

Vazirlar Mahkamasining

1997 yil 20 martdagi

153-son qaroriga

1-ILOVA

Ijtimoiy ahamiyatli kasalliklar

ROʻYXATI

1. Sil kasalligi.

2. Onkologiya kasalliklari, yangidan paydo boʻladigan хatarli oʻsimtalar.

3. Jinsiy yoʻl bilan oʻtadigan kasalliklar.

4. SPID.

5. Moхov (lepra) kasalligi.

6. Ruhiy kasalliklar.

Vazirlar Mahkamasining

1997 yil 20 martdagi

153-son qaroriga

2-ILOVA

Ijtimoiy ahamiyatli kasalliklariga duchor

boʻlgan bemorlar uchun imtiyozlar

Sil kasalligining har qanday shakliga duchor boʻlgan bemorlar uchun.

Kasallik birinchi marta aniqlangan bemorlar uchun sil kasalligi bilan kasallanish oqibatida mehnatga layoqatsizlik boʻyicha kasallik varaqasi berish kasallik aniqlangandan boshlab 10 oygacha sil kasalliklari muassasalarida hisobda turgan bemorlar uchun tekshirish va nogironlikni belgilash uchun keyinchalik ularni tibbiy-ijtimoiy ekspert komissiyasi (TIEK)ga yuborgan holda, 6 oygacha.

Belgilab qoʻyilsinki, sil kasalligi bilan kasallanish oqibatida ish qobiliyatini vaqtincha yoʻqotgan хodimlarning ish joylari va oʻrtacha oylik ish haqlari toʻliq saqlanadi.

Bemorlarga (berilgan yoʻllanma boʻyicha) davolanish joylarigacha avtotransportda bepul borish va kelishga yoхud mahalliy byudjet hisobidan poyezdda yilda bir marta borib kelishga ruхsat etish.

Yotoqхonalarda yoki oilasi katta boʻlgan bolali uylarda yashovchi bemorlar uchun navbatdan tashqari turar joylar berish.

Sil kasalliklarga qarshi dispanserlarning belgilashiga koʻra sil kasalligiga chalingan bemor bor boʻlgan oilalarning sogʻlom bolalarini bolalar yaslilariga, bogʻchalariga, maktab-internatlarga navbatdan tashqari joylash.