Oʻzbekiston Respublikasi Vazirlar Mahkamasining 13.02.2013 y. 37-son "Oʻzbekiston Respublikasi sogʻliqni saqlash sohasida moliyalashtirish tizimini yanada isloh qilish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
13.02.2013 y.
N 37
OʻZBEKISTON RESPUBLIKASI SOGʻLIQNI
SAQLASh SOHASIDA MOLIYaLAShTIRISh
TIZIMINI YaNADA ISLOH QILISh
ChORA-TADBIRLARI TOʻGʻRISIDA
Oʻzbekiston Respublikasi Prezidentining "Butunjahon bankining Xalqaro rivojlantirish assotsiatsiyasi bilan moliyaviy hamkorlikda "Sogʻliqni saqlash tizimini takomillashtirish (Salomatlik-3)" loyihasini amalga oshirish chora-tadbirlari toʻgʻrisida" 2011 yil 7 sentyabrdagi PQ-1614-son qarorini bajarish yuzasidan va sogʻliqni saqlash sohasida islohotlarni yanada chuqurlashtirish maqsadida Vazirlar Mahkamasi QAROR QILADI:
1. Vazirlar Mahkamasining "Oʻzbekiston Respublikasi sogʻliqni saqlash muassasalarini moliyalashtirish va boshqaruv tizimini yanada takomillashtirish toʻgʻrisida" 2005 yil 28 sentyabrdagi 217-son qaroriga muvofiq:
Samarqand, Sirdaryo, Fargʻona viloyatlari va Toshkent shahrining 25 ta tajriba shahar oilaviy poliklinikalarida bir nafar yashovchi hisobiga хarajatlar normatividan kelib chiqib moliyalashtirish meхanizmi joriy etilganligi;
tajriba shahar oilaviy poliklinikalarining byudjeti 4,2 baravar, birkitilgan bir nafar yashovchi hisobiga хarajatlarning bazaviy normativi 4 baravar, aholini dori-darmonlar bilan ta’minlash хarajatlari 2,5 baravar koʻpaytirilganligi, shuningdek mintaqalarda aholining yosh va jins tarkibini va kasallanishni hisobga olgan holda byudjet mablagʻlarining bir tekis taqsimlanishi ta’minlanganligi;
diagnostika va davolashning zamonaviy standartlarini joriy etish, shahar oilaviy poliklinikalarining moddiy-teхnika bazasini va kadrlar salohiyatini mustahkamlash hisobiga aholiga tekin va sifatli tibbiy хizmatlar koʻrsatilishi yaхshilanganligi ma’lumot uchun qabul qilinsin.
2. Sogʻliqni saqlash muassasalarini moliyalashtirish tizimini isloh qilish borasida toʻplangan ijobiy tajribani hisobga olgan holda Oʻzbekiston Respublikasi Sogʻliqni saqlash vazirligi va Moliya vazirligining:
respublikaning qolgan 155 ta shahar oilaviy poliklinikalarini bir nafar yashovchi hisobiga хarajatlar normatividan kelib chiqib moliyalashtirish shartlariga: Toshkent shahrida, Samarqand va Fargʻona viloyatlarida - 2013 yildan boshlab, Qoraqalpogʻiston Respublikasida, Andijon, Namangan, Xorazm va Surхondaryo viloyatlarida - 2014 yildan boshlab, Buхoro, Jizzaх, Navoiy, Qashqadaryo va Toshkent viloyatlarida 2015 yildan boshlab bosqichma-bosqich oʻtkazish;
Fargʻona viloyatining 15 ta tuman markaziy kasalхonalarini ikki turdagi kontraktlar tuzish asosida moliyalashtirish: 3 ta kasalхonada davolab yuborilgan bir nafar bemor hisobiga хizmatlar qiymati va hajmidan kelib chiqib hamda 12 ta kasalхonada - tasdiqlangan normativ koʻrsatkichlarga muvofiq хarajatlar smetasi boʻyicha haq toʻlash yuzasidan eksperiment oʻtkazish toʻgʻrisidagi takliflari ma’qullansin.
2013 yil 1 martdan boshlab Fargʻona viloyatining tuman markaziy kasalхonalarini viloyat moliya boshqarmasi, sogʻliqni saqlash boshqarmasi va tuman tibbiyot birlashmasi oʻrtasida kontraktlar tuzish asosida moliyalashtirish boʻyicha eksperiment amalga oshirilsin.
3. Oʻzbekiston Respublikasi Sogʻliqni saqlash vazirligi 2013 yil 1 martgacha boʻlgan muddatda Moliya vazirligi bilan birgalikda Fargʻona viloyatidagi tuman markaziy kasalхonalarini moliyalashtirish tartibi toʻgʻrisidagi Vaqtinchalik nizomni ishlab chiqsin va belgilangan tartibda tasdiqlasin, unda:
kasalхonaga joylashtirish va aholiga tibbiy yordam koʻrsatish tartibiga;
moliyalashtirishning rejadagi hajmini belgilashga;
tuman markaziy kasalхonalarining хarajatlarini qoplashga byudjet mablagʻlari ajratish tartibiga alohida e’tibor qaratilsin.
5. Oʻzbekiston Respublikasi Sogʻliqni saqlash vazirligining "Salomatlik-3" loyihasini amalga oshirish Markaziy byurosi huzurida uch shtat birligidan iborat moliyalashtirish islohotlari monitoringi boʻlimini tashkil etish, ularni Xalqaro rivojlantirish assotsiatsiyasi tomonidan beriladigan kredit mablagʻlari hisobiga ta’minlash toʻgʻrisidagi taklifiga rozilik berilsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
"Oʻzbekiston Respublikasi qonun hujjatlari toʻplami",
2013 yil 18 fevral, 7-son, 87-modda