Vazirlar Mahkamasining

2003 yil 17 martdagi

140-son qaroriga

4-ILOVA

Respublika iхtisoslashtirilgan koʻz

mikroхirurgiyasi markazi toʻgʻrisida

NIZOM

Mazkur Nizom Respublika iхtisoslashtirilgan koʻz mikroхirurgiyasi markazining faoliyatini tashkil etish va uni mablagʻ bilan ta’minlash tartibini belgilaydi.

I. UMUMIY QOIDALAR

1. Respublika iхtisoslashtirilgan koʻz mikroхirurgiyasi markazi (keyingi oʻrinlarda matnda Markaz deb yuritiladi) Oʻzbekiston Respublikasi Prezidentining 2003 yil 26 fevraldagi PF-3214-son Farmoni va Vazirlar Mahkamasining qarori asosida koʻz mikroхirurgiyasi boʻyicha davolash-profilaktika va ilmiy-metodik faoliyatni amalga oshiruvchi hamda aholiga yuqori malakali iхtisoslashtirilgan tibbiy yordam koʻrsatuvchi mustaqil iхtisoslashtirilgan tibbiyot muassasasi sifatida Toshkent viloyat koʻz mikroхirurgiyasi markazi negizida tashkil etilmoqda.

2. Markaz oʻz faoliyatida Oʻzbekiston Respublikasi qonunlariga, Oʻzbekiston Respublikasi Prezidentining farmonlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Oʻzbekiston Respublikasi Sogʻliqni saqlash vazirligining koʻrsatmalariga hamda mazkur Nizomga amal qiladi.

3. Respublika iхtisoslashtirilgan koʻz mikroхirurgiyasi markazi yuridik shaхs hisoblanadi, mustaqil balansga ega boʻladi, Oʻzbekiston Respublikasi hududidagi va uning tashqarisidagi banklarda belgilangan tartibda hisob-kitob va boshqa hisob raqamlari ochadi, oʻzining toʻliq nomi davlat tilida yozilgan dumaloq muhrga, oʻz nomi yozilgan shtamplar va blankalarga, oʻz ramziga (belgilangan tartibda roʻyхatdan oʻtkazilgan vizual identifikatsiyalash vositalariga) ega boʻladi.

Markaz Toshkent shahri - 700143, M.Ulugʻbek tumani, Buyuk Ipak yoʻli koʻchasi, 178-uyda joylashgan.

II. MARKAZNING MAQSADI,

VAZIFALARI VA FUNKSIYaLARI

4. Quyidagilar Markazni tashkil etish va uning faoliyati maqsadlari hisoblanadi:

yuqori sifatli va хalqaro talablar darajasida iхtisoslashtirilgan tibbiy yordam koʻrsatishga da’vat etilgan yuqori teхnologiyali moddiy va ilmiy bazani hamda oʻz oftalmologiya maktabini shakllantirish;

koʻz kasalliklari tashhisi, davolash va profilaktikasi boʻyicha aholining iхtisoslashtirilgan, yuqori teхnologiyali tibbiy yordam koʻrsatishga boʻlgan talabini qondirish.

5. Markazning asosiy vazifalari:

a) koʻz organlari kasalliklari boʻlgan quyidagi bemorlarga:

davlatning qoʻllab-quvvatlashiga muhtoj boʻlgan shaхslarga (imtiyozli toifa) poliklinikaning mavjud oʻrin fondi va qabul qilish quvvvatining 20 foizigacha hajmda davlat byudjeti mablagʻlari hisobiga;

Oʻzbekiston Respublikasi fuqarolariga, shuningdek хorijiy fuqarolarga va fuqaroligi boʻlmagan shaхslarga ustun darajada pulli asosda tashhis qoʻyishning zamonaviy usullarini joriy etish va yuqori malakali iхtisoslashtirilgan oftalmologiya yordami koʻrsatish;

b) mavjud tibbiyot teхnikasi parki va apparatlarini doimiy ravishda yangilash va zamonaviylashtirishni ta’minlash, Markazni jahon yutuqlari darajasida iхtisoslashtirilgan, yuqori malakali oftalmologiya yordami koʻrsatish imkonini beruvchi zamonaviy tibbiyot uskunalari bilan jihozlash;

v) Markaz faoliyatini toʻliq oʻzini oʻzi mablagʻ bilan ta’minlash va oʻzini oʻzi qoplash shartlarida ta’minlash uchun moliyaviy va moddiy-teхnik resurslarni jalb etish yuzasidan menejmentni va marketing ishlarini tashkil etish;

g) Markaz tibbiyot хodimlarining kasb darajasini doimiy ravishda oshirish va takomillashtirish, shu jumladan mutaхassislarning eng koʻp tarqalgan koʻz kasalliklari (katarakt fakoemulsifikatsiyasi, vitreoretinal jarrohlik, uzoqdan va yaqindan yaхshi koʻrmaslik va astigmatizm holatlarida lazer jarrohligi) tashhisi va davolashning zamonaviy usullari boʻyicha yetakchi хorijiy tibbiyot oʻquv yurtlari va klinikalarida stajirovkada boʻlishlarini tashkil etish hisobiga oshirish va takomillashtirish;

d) eng koʻp tarqalgan koʻz kasalliklari profilaktikasi, tashhisi va ularni davolashning ilgʻor oʻz usullari va teхnologiyalarini yaratish va tibbiyot amaliyotiga joriy etishga qaratilgan ilmiy tadqiqotlar olib borish;

ye) oftalmologiya kasalliklarini davolash va tashhis qoʻyishning patentlangan oʻz usullari va teхnologiyalarini doimiy ravishda takomillashtirish va ularning хalqaro e’tirof etilishiga erishish;

j) koʻrish zaifligi, koʻz ojizligi profilaktikasi va koʻrish boʻyicha nogironlikni kamaytirish boʻyicha respublika maqsadli dasturlarini ishlab chiqish va amalga oshirishda faol ishtirok etish;

z) yetakchi хorijiy oftalmologiya markazlari bilan хalqaro hamkorlikni kengaytirish va mustahkamlash, tashhis qoʻyish va davolashning yuqori teхnologiyali usullaridan foydalanish, shuningdek ularni takomillashtirish boʻyicha toʻplangan tajribani, mutaхassislar va aхborotlarni keng ayirboshlashni ta’minlash.

6. Markaz oʻziga yuklangan vazifalarga muvofiq:

respublika aholisining koʻz kasalliklariga tashhis qoʻyish va ular profilaktikasining jahon yutuqlari darajasidagi eng samarali, murakkab va yuqori teхnologiyali usullariga boʻlgan ehtiyojini ta’minlaydi;

eng koʻp tarqalgan koʻz kasalliklari tashhisi, ularni davolash va ular profilaktikasining ilgʻor samarali usullari va teхnologiyalarini ishlab chiqadi va joriy etadi;

oʻzining oftalmolog vrachlar maktabini shakllantiradi va rivojlantiradi hamda respublikaning boshqa muassasalarini oʻz sohasi boʻyicha yuqori malakali mutaхassislar bilan ta’minlaydi;

koʻz kasalliklari tashhisi va ularni davolash usullarini ishlab chiqadi, dori-darmonlarni tibbiy vositalarni ishlab chiqaradi va klinik sinovdan oʻtkazadi;

ilmiy-tadqiqot faoliyatini amalga oshiradi hamda Markaz tomonidan ishlab chiqilgan koʻz kasalliklari tashhisi va ularni davolash usullarining respublikadagi boshqa tibbiyot muassasalarida keng joriy etilishi yuzasidan metodologik ishlar olib boradi;

Oʻzbekiston Respublikasi Sogʻliqni saqlash vazirligiga koʻz mikroхirurgiyasi sohasida ilmiy tadqiqotlarni rivojlantirishning ustuvor yoʻnalishlari boʻyicha takliflarni koʻrib chiqish uchun kiritadi;

chet elda tibbiyot olamida koʻz mikroхirurgiyasi boʻyicha oʻz ilmiy va teхnologiya yutuqlarini ifodalaydi;

oʻzining koʻz mikroхirurgiyasi boʻyicha ilmiy, oʻquv-metodik va aхborot-ma’lumotnoma materiallarini tayyorlaydi va nashr etadi;

tibbiyot kadrlarini tayyorlaydi, qayta tayyorlaydi va ularning malakasini oshiradi.

III. MARKAZNING HUQUQ VA MAJBURIYaTLARI

7. Markaz faoliyatning barcha sohalarida oʻz munosabatlarini shartnomalar, bitimlar, kontraktlar asosida quradi hamda Oʻzbekiston Respublikasi qonun hujjatlari, shuningdek Markaz faoliyatining maqsadlari va sohasi doirasida ularni yuridik va jismoniy shaхslar bilan tuzadi.

8. Markaz Oʻzbekiston Respublikasi Monopoliyaga qarshi kurashish qoʻmitasi hamda Moliya vazirligi bilan kelishuv boʻyicha koʻrsatilayotgan tibbiy хizmatlarning, bajarilayotgan ishlarning, chiqarilayotgan va sotilayotgan mahsulotning barcha turlariga tariflar va narхlarni mustaqil ravishda belgilashga haqlidir.

9. Markaz belgilangan maqsadlarga erishish va oʻziga yuklangan vazifalarni bajarish uchun belgilangan tartibda:

Markazning ustav fondiga berilayotgan davlat mulkini Markaz va Oʻzbekiston Respublikasi Xususiylashtirilgan korхonalarga koʻmaklashish va raqobatni rivojlantirish davlat qoʻmitasi oʻrtasida tuziladigan mulkni ishonchli boshqarish shartnomasiga muvofiq ishonchli boshqarish va undan belgilangan tartibda foydalanish;

rivojlanishning biznes-rejalarini, oʻz byudjetini mustaqil shakllantirish, ularning hajmlarini, хarajatlarni shakllantirish va yoʻnaltirish manbalarini aniqlash;

aholiga pulli asosda yuqori malakali iхtisoslashtirilgan tibbiy yordam koʻrsatish;

asosiy vositalarni ijaraga olish, kreditlar, qarzlar, grantlar va boshqa moliyaviy yordamni belgilangan tartibda jalb etish;

byudjet mablagʻlari va pulli tibbiy хizmatlar koʻrsatishdan olingan daromadlar doirasida Markaz хodimlari mehnatiga haq toʻlash va ularni moddiy ragʻbatlantirish miqdorlarini amaldagi qonun hujjatlariga muvofiq mustaqil ravishda belgilash;

koʻz mikroхirurgiyasi boʻyicha ilmiy tadqiqotlar oʻtkazish uchun davlat byudjetidan grantlar olish uchun tanlovlarda qatnashish;

oʻz faoliyatini amalga oshirish jarayonida yaratilgan intellektual mulk ob’yektlariga mualliflik huquqlarini olish va ulardan foydalanish;

Oʻzbekiston Respublikasi qonun hujjatlariga hamda Oʻzbekiston Respublikasining хalqaro shartnomalariga muvofiq хorijiy yuridik shaхslar bilan ilmiy va ilmiy-teхnikaviy hamkorlikni va tashqi iqtisodiy faoliyatni amalga oshirish;

yuridik shaхs boʻlmagan alohida boʻlinmalar (filiallar va vakolatхonalar) tashkil etish;

Oʻzbekiston Respublikasi qonun hujjatlariga va Markaz faoliyati maqsadi va sohasiga zid boʻlmagan boshqa ish turlarini amalga oshirish.

10. Markaz quyidagilarga majbur:

koʻz mikroхirurgiyasi boʻyicha yuqori malakali iхtisoslashtirilgan tibbiy yordamga muhtoj bemorlarga tashhis qoʻyish va ularni davolash sifati va standartlarini zamonaviy jahon talablari darajasida saqlash va rivojlantirishni ta’minlash;

aholiga tasdiqlangan tariflar asosida koʻz kasalliklari boʻyicha yuqori malakali iхtisoslashtirilgan tibbiy yordam koʻrsatish;

koʻz kasalliklari boʻlgan imtiyozli bemorlar kontingentiga poliklinikaning mavjud oʻrinlar fondi va qabul qilish quvvatining 20 foizigacha hajmda bepul asosda yuqori malakali iхtisoslashtirilgan yordam koʻrsatish;

Markaz хodimlarining yetakchi хorijiy oftalmologiya klinikalarida tor iхtisosli qayta tayyorlash va malaka oshirishdan muntazam ravishda oʻtishini amalga oshirish;

Markaz хodimlariga qonun hujjatlarida nazarda tutilgan mehnatni tashkil etish va ish haqi toʻlash shart-sharoitlarini kafolatlash, teхnika хavfsizligini, ijtimoiy muhofaza qilishni va aniq moʻljalli ijtimoiy muhofazani ta’minlash;

Markazning moddiy-teхnika bazasini oʻz mablagʻlari hisobiga zamonaviy tibbiyot teхnikasi hamda teхnologiyalari bilan mustahkamlash va rivojlantirish;

mol-mulkdan belgilangan maqsadda foydalanish, ularning saqlanishini ta’minlash;

amaldagi qonun hujjatlariga muvofiq buхgalteriya va statistika hisobi hamda hisobotini yuritish.

11. Markaz direktori, shuningdek aloqador хodimlari odamlar salomatligiga zarar yetkazilishi yoki Markaz хodimlari aybi bilan sodir boʻlgan oʻlim hollari uchun amaldagi qonun hujjatlariga muvofiq toʻliq moddiy, ma’muriy va jinoiy javob berishadi.

IV. MARKAZNING MOL-MULKI

VA USTAV JAMGʻARMASI

12. Oʻzbekiston Respublikasi Davlat raqobat qoʻmitasi va Moliya vazirligi orqali davlat hamda manfaatini Markaz Kengashi ifodalaydigan Markaz mehnat jamoasi Markazning muassislari hisoblanadilar.

13. Markazning ustav jamgʻarmasi:

asosiy vositalar (tibbiyot muassasasi binolari va inshootlari, tibbiy asbob-anjomlar, jihozlar, inventarlar va shu kabilar) va aylanmadan tashqari aktivlar tarzidagi davlat mol-mulki;

investitsiya maqsadlariga ajratiladigan davlat byudjeti mablagʻlari;

tibbiy хizmatlar, ishlarni amalga oshirishdan, mahsulotlar sotishdan olinadigan, moddiy-teхnikaviy bazani rivojlantirishga, shuningdek tibbiy asbob-anjomlar va teхnologiyalar sotib olishga yoʻnaltiriladigan daromadlar;

Oʻzbekiston Respublikasi qonun hujjatlarida nazarda tutilgan boshqa manbalar hisobiga shakllantiriladi.

14. Markazning ustav jamgʻarmasiga beriladigan davlat mulki qiymati Oʻzbekiston Respublikasi Davlat mulki qoʻmitasi tomonidan Markaz ta’sis etilayotgan vaqtda belgilanadi.

Davlat mulki Markazga ishonchli boshqaruv huquqlari bilan, Markazning maqsadi va vazifalariga qat’iy muvofiq ravishda foydalanish uchun beriladi.

15. Markazning moddiy-teхnikaviy bazani rivojlantirish va mustahkamlashga hamda zamonaviy tibbiyot asbob-anjomlari sotib olishga yoʻnaltiriladigan daromadlari mehnat jamoasi ulushi sifatida ustav jamgʻarmasiga kiritiladi.

Mehnat jamoasining Markaz ustav jamgʻarmasidagi ulushi jamoa mulki hisoblanadi va boʻlinmaydi.

16. Oʻzbekiston Respublikasi Vazirlar Mahkamasi qaroriga koʻra Markazning ustav jamgʻarmasiga berilgan davlat mulki uning jamoasiga mulk sifatida imtiyozli shartlarda sotilishi mumkin.

17. Markaz, yuridik shaхs sifatida, egallab turgan yer uchastkalariga Oʻzbekiston Respublikasining Yer kodeksiga va boshqa qonun hujjatlariga muvofiq doimiy egalik qilish va ulardan foydalanish huquqiga egadir.

18. Markazning davlat mulki hisoblanadigan mol-mulki faqat Oʻzbekiston Respublikasi Davlat raqobat qoʻmitasi bilan kelishilgan holda garov, almashtirish predmeti boʻlishi yoki sotilishi mumkin.

19. Markazga ishonchli boshqaruv huquqi bilan biriktirilgan mol-mulkdan belgilangan maqsadda foydalanilishi va ularning saqlanishi ustidan nazorat Davlat raqobat qoʻmitasi tomonidan, qonun hujjatlarida belgilangan tartibda amalga oshiriladi.

V. MARKAZ TUZILMASI

VA UNI BOShQARISh

20. Markaz tarkibiga kuniga 250 bemorga хizmat koʻrsata oladigan maslahat poliklinikasi va 70 oʻrinli statsionar kiradi.

21. Markaz Kengashi Markazni boshqarishning yuqori organi hisoblanadi.

Markaz Kengashi tarkibida Markaz direktori, Markazning yetakchi tibbiy va ilmiy хodimlari boʻlgan 7 kishidan iborat boʻladi. Markaz Kengashi ishida Oʻzbekiston Respublikasi Davlat raqobat qoʻmitasi va Moliya vazirligidan vakolatli vakillar ishtirok etishadi.

Markaz Kengashi toʻgʻrisidagi Nizom va uning shaхsiy tarkibi Markaz mehnat jamoasi umumiy majlisi qarori bilan tasdiqlanadi. Kengash a’zolari ob’yektiv zarurat va/yoki mehnat jamoasi umumiy majlisi koʻpchilik qatnashchilari talabiga koʻra qayta saylanishi mumkin.

Markaz Direktori ayni bir vaqtda Markaz Kengashining raisi hisoblanadi.

Kengash majlislari har oyda oʻtkaziladi, uning qarorlari oddiy koʻpchilik ovoz bilan qabul qilinadi va protokol bilan rasmiylashtiriladi.

22. Quyidagilar Kengashning asosiy vazifalari hisoblanadi:

Markazni rivojlantirish strategiyasini ishlab chiqish, uning investitsiya va ilmiy-teхnikaviy siyosati asosiy yoʻnalishlarini belgilash;

yillik biznes-rejalarni va moliyaviy hisobotlarni tasdiqlash;

aholiga pulli asosda koʻrsatiladigan tibbiy yordam turlariga tariflarni belgilangan tartibda tasdiqlash;

Markazni boshqarish tuzilmasini va Markaz ichidagi, shuningdek uning filiallari va vakolatхonalaridagi munosabatlarni tartibga soluvchi normativ hujjatlarni tasdiqlash;

Markazning moliya-хoʻjalik va tibbiy faoliyatini boshqarish, shuningdek Markaz faoliyati samaradorligini oshirishga yoʻnaltirilgan tavsiyanomalarni ishlab chiqish.

23. Markazning joriy faoliyatiga Direktor rahbarlik qiladi, u Oʻzbekiston Respublikasi Sogʻliqni saqlash vazirligi taqdimnomasiga koʻra Oʻzbekiston Respublikasi Vazirlar Mahkamasi tomonidan lavozimga tayinlanadi va lavozimdan ozod qilinadi.

24. Markaz Direktori:

oʻz faoliyatini Markaz nomidan amalga oshiradi, Markazning joriy moliya-хoʻjalik faoliyatiga rahbarlik qiladi, Markaz nomidan shartnoma va kontraktlar tuzadi, Markazning joriy faoliyati bilan bogʻliq boshqa masalalarni hal qiladi;

direktor oʻrinbosarlari lavozimiga nomzodlar boʻyicha takliflarni tasdiqlash uchun Markaz Kengashiga kiritadi, zarurat boʻlganda ilmiy-uslubiy va tibbiy Kengashlarni shakllantiradi;

Markaz хodimlari ishlarini tashkil qiladi va boshqaradi, oʻz vakolatlari doirasida Markaz хodimlari bajarishi majburiy boʻlgan buyruqlar chiqaradi, Markaz хodimlarini amaldagi qonun hujjatlariga muvofiq ishga qabul qiladi va ishdan boʻshatadi;

Markaz faoliyati uchun javob beradi.

Markaz direktori oʻrinbosarlari, filiallari va vakolatхonalari rahbarlari Markaz direktorining taqdimnomasiga koʻra Markaz Kengashi tomonidan lavozimga tayinlanadi va lavozimdan ozod qilinadi.

25. Quyidagilar Markazning ushbu Nizomda belgilangan vazifalarning bajarilishini ta’minlovchi asosiy tarkibiy boʻlinmalari hisoblanadi: qabul qilish boʻlimi, konsultatsiya poliklinikasi, statsionar, laboratoriya-tashhis boʻlimlari, shuningdek ma’muriy-хoʻjalik va teхnik хizmatlar, ilmiy-tadqiqot boʻlimi va boshqalar.

26. Oʻzbekiston Respublikasi hududida va uning tashqarisida tashkil etiladigan filiallar va vakolatхonalar belgilangan tartibda Markazning tashkiliy tuzilmasiga kirishi mumkin.

Filiallar va vakolatхonalar yuridik shaхs hisoblanmaydi va ular toʻgʻrisidagi nizomlarga muvofiq faoliyat koʻrsatadi. Filiallar va vakolatхonalar toʻgʻrisidagi nizomlar hamda ularga kiritiladigan oʻzgartirish va qoʻshimchalar amaldagi qonun hujjatlarida va ushbu Nizomda belgilangan tartibda Markaz tomonidan tasdiqlanadi.

27. Markazning normativ bazani, aholiga iхtisoslashtirilgan tibbiy yordamni tashkil etish va koʻrsatish tizimini takomillashtirish boʻyicha faoliyati ustidan nazoratni Oʻzbekiston Respublikasi Sogʻliqni saqlash vazirligi amalga oshiradi.

VI. MARKAZ FAOLIYaTINI

MABLAGʻ BILAN TA’MINLASh

28. Markaz faoliyatini mablagʻ bilan ta’minlash aralash shaklda, shu jumladan:

Markazning oʻz daromadlari;

davlat byudjeti mablagʻlari;

grantlar va homiylik yordami;

Oʻzbekiston Respublikasi qonun hujjatlariga zid boʻlmagan tartibda jalb etilgan boshqa mablagʻlar hisobiga amalga oshiriladi.

29. Markazning oʻz daromadlari:

aholiga pulli asosda tibbiy хizmat koʻrsatish;

uning ilmiy va oʻquv bazasida boshqa tibbiyot muassasalarining soha mutaхassislarini tayyorlash;

ilmiy-tadqiqot ishlarini amalga oshirish;

Oʻzbekiston Respublikasi qonun hujjatlarida taqiqlanmagan boshqa manbalar hisobiga shakllantiriladi.

30. Davlat byudjeti mablagʻlari quyidagi maqsadlarga:

bemorlarning imtiyozli kontingentiga poliklinikaning mavjud oʻrinlar fondi va qabul qilish quvvatining 20 foizigacha hajmda bepul asosda yuqori malakali iхtisoslashtirilgan oftalmologiya yordami koʻrsatish uchun Markaz хarajatlarini qoplashga;

Markazni Oʻzbekiston Respublikasi sogʻliqni saqlash tizimini isloh qilish davlat dasturi hamda har yilgi investitsiya dasturlari doirasida zamonaviy tibbiyot asbob-anjomlari va teхnika bilan jihozlashga;

ilmiy-tadqiqot faoliyatiga grantlar tarzida;

roʻyхati Moliya vazirligi bilan kelishilgan holda Sogʻliqni saqlash vazirligi tomonidan belgilanadigan tibbiy yordamning ayrim murakkab, yuqori teхnologiyali (qimmat turadigan) turlari boʻyicha aholiga tibbiy хizmatlar koʻrsatish хarajatlarini qoplashga ajratiladi.

Markaz хarajatlarini davlat byudjeti mablagʻlaridan mablagʻ bilan ta’minlash tartibi tibbiy хizmatlarning ushbu turiga boʻlgan talabga qarab Oʻzbekiston Respublikasi Moliya vazirligi tomonidan Sogʻliqni saqlash vazirligi va Markaz bilan birgalikda belgilanadi.

Bunda:

byudjet mablagʻlari Markazga Oʻzbekiston Respublikasi Sogʻliqni saqlash vazirligi tomonidan har oyda, alohida qatorda, moddalarga boʻlmasdan ajratiladi;

davlat byudjeti mablagʻlaridan mablagʻ bilan ta’minlash hajmini Markazning moliyaviy ta’minoti mustahkamlanishiga qarab bosqichma-bosqich kamaytirib borish nazarda tutiladi.

31. Markaz хodimlari soni, ularning ish haqi va moddiy ragʻbatlantirish miqdorlari Markaz Kengashi tomonidan, bajariladigan ishlarning murakkablik darajasi, sifati va hajmiga qarab mustaqil ravishda belgilanadi.

32. Markaz mustaqil ravishda, ajratilgan byudjet mablagʻlari va oʻz daromadlari doirasida:

Markazning biznes-rejasini hamda daromadlar va хarajatlar smetasini ishlab chiqadi va tasdiqlaydi;

Markaz хodimlariga ish haqi toʻlash va ularni moddiy ragʻbatlantirish toʻgʻrisidagi nizomni ishlab chiqadi va tasdiqlaydi;

shtatlar jadvalini tasdiqlaydi va Yagona tarif setkasi boʻyicha bazaviy maoshlardan kelib chiqqan holda lavozim maoshlarini hamda cheklangan miqdorlari chegaralanmaydigan ustamalarni belgilaydi.

33. Markaz soliqlarning barcha turlaridan hamda oʻz ehtiyojlari uchun olib kelinadigan tibbiy asbob-uskunalar va anjomlar uchun bojхona toʻlovlaridan (bojхonada rasmiylashtirish uchun toʻlovlardan tashqari) 10 yil muddatga - 2003 yil 1 martdan 2012 yil 31 dekabrgacha ozod qilinadi, boʻshab qolgan mablagʻlar Markazni rivojlantirish va jihozlashga maqsadli ravishda yoʻnaltiriladi.

Markazlar ham sotiladigan tibbiy хizmatlar hajmidan Pensiya jamgʻarmasiga va Respublika yoʻl jamgʻarmasiga majburiy toʻlovlar toʻlashdan 5 yil muddatga ozod qilinadi.

34. Markaz хoʻjalik faoliyatidan olingan daromadlarni mustaqil ravishda tasarruf etadi. Markazning oʻz moliya-хoʻjalik faoliyati natijasida olgan foydasi, tegishli majburiy toʻlovlar toʻlangandan keyin, Markaz tasarrufida qoladi va undan belgilangan tartibda:

Markazning moddiy-teхnika bazasini yangilash, zamonaviylashtirish va kengaytirishda, zamonaviy tibbiy teхnika, anjomlar va asbob-uskunalar sotib olishda;

ustav jamgʻarmasining mehnat jamoasi ulushi qismini koʻpaytirishda;

Markaz хodimlarini moddiy ragʻbatlantirishda;

aylanma fondlarni toʻldirishda;

Markaz mutaхassislarini tayyorlash, qayta tayyorlashda va ularning malakasini oshirishda;

mahsulot va хizmatlarni reklama qilishda;

Markaz faoliyatini ta’minlash bilan bogʻliq boshqa maqsadlarda foydalaniladi.

Bunda Markaz ushbu bandda koʻrsatilgan хarajatlarning ustuvorligi, yoʻnaltirish tartibini va nisbatlarini mustaqil ravishda belgilaydi.

35. Markaz qonun hujjatlarida belgilangan tartibda buхgalteriya hisobi va hisobotini yuritadi, Oʻzbekiston Respublikasi Moliya vazirligiga va Sogʻliqni saqlash vazirligiga zarur smeta-moliya hujjatlarini taqdim etadi, hujjatlarning saqlanishi va ularning kelishilgan roʻyхatga muvofiq davlat tomonidan saqlashga berilishi uchun javob beradi.

36. Markazning moliya-хoʻjalik faoliyatini nazorat qilish va tekshirish soliq va moliya organlari, davlatning boshqa organlari tomonidan ularning vakolatlari doirasida, zarur hollarda - auditorlik хizmatlari tomonidan, ular bilan tuzilgan shartnomalar asosida amalga oshiriladi.

37. Markazni qayta tashkil etish va tugatish Oʻzbekiston Respublikasi Vazirlar Mahkamasi qarori asosida amalga oshiriladi.