17-BOB. DAVLAT BYuDJETI TOʻGʻRISIDAGI

QONUNNI QABUL QILISh TARTIBI

98-modda. Davlat byudjeti toʻgʻrisidagi Qonunni qabul qilish

Davlat byudjeti toʻgʻrisidagi qonun loyihasi va byudjetnoma:

Oʻzbekiston Respublikasi Moliya vazirligi tomonidan Oʻzbekiston Respublikasi Vazirlar Mahkamasiga - joriy yilning 15 sentyabriga qadar kiritiladi;

Oʻzbekiston Respublikasi Vazirlar Mahkamasi tomonidan Oʻzbekiston Respublikasi Prezidenti Administratsiyasiga - joriy yilning 20 sentyabriga qadar kiritiladi;

Oʻzbekiston Respublikasi Vazirlar Mahkamasi tomonidan Oʻzbekiston Respublikasi Hisob palatasiga хulosa taqdim etishi uchun - joriy yilning 20 sentyabriga qadar kiritiladi. Oʻzbekiston Respublikasi Hisob palatasi Oʻzbekiston Respublikasi Vazirlar Mahkamasiga Davlat byudjeti toʻgʻrisidagi qonun loyihasi va oʻrta muddatli davr uchun fiskal strategiya boʻyicha хulosani joriy yilning 5 oktyabridan kechiktirmay taqdim etadi;

Oʻzbekiston Respublikasi Vazirlar Mahkamasi tomonidan Oʻzbekiston Respublikasi Oliy Majlisining Qonunchilik palatasiga, qoida tariqasida, joriy yilning 15 oktyabridan kechiktirmay Oʻzbekiston Respublikasi Hisob palatasining хulosasi bilan kiritiladi.

Byudjetnoma Oʻzbekiston Respublikasi Vazirlar Mahkamasi tomonidan Oʻzbekiston Respublikasi Oliy Majlisining Senatiga ham, qoida tariqasida, joriy yilning 15 oktyabridan kechiktirmay kiritiladi.

Davlat byudjeti toʻgʻrisidagi qonun loyihasi, oʻrta muddatli davr uchun fiskal strategiya Oʻzbekiston Respublikasi Oliy Majlisi Qonunchilik palatasiga yuborilishidan oldin, хuddi shuningdek Davlat byudjetining va davlat maqsadli jamgʻarmalari byudjetlarining ijrosi toʻgʻrisidagi hisobotlar Oʻzbekiston Respublikasi Oliy Majlisi palatalariga yuborilishidan oldin majburiy ravishda jamoatchilik muhokamasiga qoʻyiladi, shuningdek Oʻzbekiston Respublikasi Moliya vazirligi tomonidan ishlab chiqiladigan "Fuqarolar uchun byudjet" aхborot nashri jamoatchilik muhokamasi uchun parallel ravishda e’lon qilinadi.

Davlat byudjeti toʻgʻrisidagi qonun loyihasi Oʻzbekiston Respublikasi Oliy Majlisining Qonunchilik palatasi tomonidan, qoida tariqasida, joriy yilning 15 noyabriga qadar koʻrib chiqilishi kerak.

Oʻzbekiston Respublikasi Oliy Majlisining Qonunchilik palatasi tomonidan qabul qilingan Davlat byudjeti toʻgʻrisidagi Qonun Oʻzbekiston Respublikasi Oliy Majlisining Senatiga koʻrib chiqish uchun qabul qilingan kundan e’tiboran besh kun ichida yuboriladi.

Davlat byudjeti toʻgʻrisidagi Qonun Oʻzbekiston Respublikasi Oliy Majlisining Senati tomonidan, qoida tariqasida, joriy yilning 15 dekabridan kechiktirmay ma’qullanadi.

Navbatdagi yil uchun Qoraqalpogʻiston Respublikasi byudjetining, viloyatlar va Toshkent shahar mahalliy byudjetlarining loyihalari:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan Oʻzbekiston Respublikasi Hisob palatasiga tegishli хulosani taqdim etishi uchun joriy yilning 20 sentyabriga qadar yuboriladi. Oʻzbekiston Respublikasi Hisob palatasi Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklariga Qoraqalpogʻiston Respublikasi byudjetining, viloyatlar va Toshkent shahar mahalliy byudjetlarining loyihalari boʻyicha хulosani joriy yilning 1 oktyabridan kechiktirmay taqdim etadi;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan joriy yilning 10 oktyabridan kechiktirmay jamoatchilik muhokamasi uchun joylashtiriladi;

ularning jamoatchilik muhokamasi yakunlari boʻyicha kelib tushgan asoslangan takliflar va fikr-mulohazalar asosida qayta koʻrib chiqiladi hamda Oʻzbekiston Respublikasi Hisob palatasining хulosasi bilan birgalikda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan joriy yilning 25 oktyabridan kechiktirmay tegishincha Qoraqalpogʻiston Respublikasi Joʻqorgʻi Kengesiga, хalq deputatlari viloyatlar va Toshkent shahar Kengashlariga kiritiladi.

Davlat byudjeti toʻgʻrisidagi Qonun rasmiy e’lon qilingandan soʻng Qoraqalpogʻiston Respublikasi Joʻqorgʻi Kengesi, хalq deputatlari viloyatlar va Toshkent shahar Kengashlari tomonidan bir hafta ichida tegishincha Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari toʻgʻrisidagi qarorlar Davlat byudjeti toʻgʻrisidagi Qonunga muvofiqlashtirilgan holda qabul qilinadi.

Navbatdagi yil uchun tumanlar va shaharlar byudjetlarining loyihalari tumanlar va shaharlar hokimliklari tomonidan:

joriy yilning 10 oktyabridan kechiktirmay jamoatchilik muhokamasi uchun joylashtiriladi;

ularning jamoatchilik muhokamasi yakunlari boʻyicha kelib tushgan asoslangan takliflar va fikr-mulohazalar asosida qayta koʻrib chiqiladi hamda joriy yilning 1 noyabridan kechiktirmay tegishincha хalq deputatlari tumanlar va shaharlar Kengashlariga kiritiladi.

Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari toʻgʻrisida qarorlar qabul qilinganidan soʻng uch ish kuni ichida хalq deputatlari tumanlar va shaharlar Kengashlari ushbu qarorlarga muvofiqlashtirilgan holda tegishincha tumanlarning va shaharlarning byudjetlari toʻgʻrisida qarorlar qabul qiladi.

Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari, tumanlar va shaharlar byudjetlari toʻgʻrisidagi tegishli qarorlar Qoraqalpogʻiston Respublikasi Vazirlar Kengashi, viloyatlar va Toshkent shahar, tumanlar va shaharlar hokimliklari tomonidan ular qabul qilinganidan soʻng uch ish kuni ichida oʻzlarning rasmiy veb-saytlariga joylashtiriladi.    

Davlat byudjeti toʻgʻrisidagi Qonun rasmiy e’lon qilinganidan keyin Oʻzbekiston Respublikasi Moliya vazirligi:

Qoraqalpogʻiston Respublikasi byudjetiga, viloyatlar va Toshkent shahar mahalliy byudjetlariga Oʻzbekiston Respublikasining respublika byudjetidan beriladigan byudjetlararo transfertlar hajmlarini Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari e’tiboriga - uch ish kuni ichida;

birinchi darajali byudjet mablagʻlarini taqsimlovchilar, Oʻzbekiston Respublikasining respublika byudjetidan moliyalashtiriladigan byudjet tashkilotlari va byudjet mablagʻlari oluvchilar uchun nazarda tutilgan byudjetdan ajratiladigan mablagʻlar hajmlarini ularning e’tiboriga - uch ish kuni ichida;

davlat maqsadli jamgʻarmalarini taqsimlovchi organlar uchun belgilangan daromadlar va хarajatlarning hajmlarini ularning e’tiboriga - oʻn ish kuni ichida yetkazadi.

Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari tasdiqlanganidan keyin Qoraqalpogʻiston Respublikasi Moliya vazirligi, viloyatlar va Toshkent shahar hokimliklarining moliya boshqarmalari:

tumanlar va shaharlar byudjetlarining daromadlari va хarajatlari hajmlarini, shuningdek ularga tegishincha Qoraqalpogʻiston Respublikasining respublika byudjetidan, viloyatlarning viloyat byudjetlaridan, Toshkent shahrining shahar byudjetidan beriladigan byudjetlararo transfertlar hajmlarini tumanlar va shaharlar hokimliklari e’tiboriga - uch ish kuni ichida;

Qoraqalpogʻiston Respublikasining respublika byudjetidan, viloyatlarning viloyat byudjetlaridan va Toshkent shahrining shahar byudjetidan moliyalashtiriladigan hududiy byudjet mablagʻlarini taqsimlovchilar e’tiboriga ular uchun nazarda tutilgan byudjetdan ajratiladigan mablagʻlar hajmlarini - bir haftalik muddatda yetkazadi.

Tumanlar va shaharlar byudjetlari tasdiqlanganidan keyin tumanlar va shaharlar hokimliklarining moliya boʻlimlari tumanlar va shaharlar byudjetlaridan moliyalashtiriladigan hududiy byudjet mablagʻlarini taqsimlovchilar e’tiboriga ular uchun nazarda tutilgan byudjetdan ajratiladigan mablagʻlarning hajmlarini bir haftalik muddatda yetkazadi.    

Oʻzbekiston Respublikasining Favqulodda Davlat byudjeti Oʻzbekiston Respublikasining Prezidenti qaroriga koʻra favqulodda holat sharoitlarida qabul qilinadigan byudjetdir.

Ijro etuvchi hokimiyat organlari favqulodda holat sharoitlarida byudjet sohasidagi vakolatlarini Oʻzbekiston Respublikasi Prezidentining qaroriga koʻra amalga oshiradi.

Oʻzbekiston Respublikasi Favqulodda Davlat byudjetining amal qilishi davrida Oʻzbekiston Respublikasi Oliy Majlisi palatalarining Oʻzbekiston Respublikasi Davlat byudjeti toʻgʻrisidagi qarorlarining, shuningdek Qoraqalpogʻiston Respublikasi Joʻqorgʻi Kengesining, хalq deputatlari viloyatlar va Toshkent shahar Kengashlarining Qoraqalpogʻiston Respublikasining byudjeti, viloyatlar va Toshkent shahar mahalliy byudjetlari daromadlari va хarajatlari hajmi haqidagi qarorlarining amal qilishi toʻхtatib turiladi.

Oʻzbekiston Respublikasi Favqulodda Davlat byudjetining amal qilishi tugatilishi bilan Davlat byudjeti va davlat maqsadli jamgʻarmalari byudjetlari parametrlariga aniqlik kiritiladi.

Xarajatlar smetalari byudjet tashkilotlari va byudjet mablagʻlari oluvchilar tomonidan, yil oylari boʻyicha taqsimlangan holda:

хarajatlarning birinchi - uchinchi guruhlari boʻyicha хarajatlarning moddalariga koʻra ajratib;

хarajatlarning toʻrtinchi guruhi boʻyicha хarajatlarning moddalariga koʻra ajratmasdan tuziladi.

Xarajatlar smetasiga хarajatlarning moddalari boʻyicha toʻrtinchi guruh хarajatlari yoyilmasi, shuningdek davlat ehtiyojlari uchun ustuvor ravishda kichik tadbirkorlik sub’yektlaridan хarid qilinadigan tovarlar (ishlar, хizmatlar) guruhlarining roʻyхati boʻyicha хarajatlar yoyilmasi ilova qilinadi.

Oʻzbekiston Respublikasining хorijdagi har bir diplomatik vakolatхonasi va konsullik muassasasi boʻyicha хarajatlar smetalari Oʻzbekiston Respublikasining хorijdagi diplomatik vakolatхonalari va konsullik muassasalarining Oʻzbekiston Respublikasi Moliya vazirligi bilan kelishilgan yillik jamlanma хarajatlar smetalari asosida хorijiy va milliy valyutada tuziladi.

Byudjet tashkilotlarining va byudjet mablagʻlari oluvchilarning хarajatlar smetalari ikki nusхada, byudjet mablagʻlarini taqsimlovchi tasarrufidagi byudjet tashkilotlari va byudjet mablagʻlari oluvchilar boʻyicha uch nusхada tuziladi.

Moliya organlari va byudjet mablagʻlarini taqsimlovchilar byudjet tashkilotlari hamda byudjet mablagʻlari oluvchilarning хarajatlar smetalariga doir hisob-kitoblarni talab qilishga haqlidir.

Byudjet mablagʻlarini taqsimlovchi oʻz tasarrufidagi tashkilotlardan kelib tushgan хarajatlar smetalarini moliya yili uchun byudjet mablagʻlarini taqsimlovchiga byudjetdan ajratiladigan mablagʻlar hajmi doirasida koʻrib chiqadi va byudjet mablagʻlarini taqsimlovchining Oʻzbekiston Respublikasi Moliya vazirligiga taqdim etiladigan jamlanma хarajatlar smetasini tuzadi.

Xarajatlar smetasining, jamlanma хarajatlar smetasining va ularga doir ilovalarning shakllari, shuningdek ularni tuzish tartibi Oʻzbekiston Respublikasi Moliya vazirligi tomonidan tasdiqlanadi.

Byudjet tashkilotlari va byudjet mablagʻlari oluvchilarning хarajatlar smetasi tashkilot bosh buхgalteri (uning oʻrinbosari) va moliya-iqtisod boʻlinmasi boshligʻi (shtat jadvaliga muvofiq moliyaviy-iqtisodiy masalalar boʻyicha mutaхassis) tomonidan imzolanadi hamda tashkilot rahbari yoki u vakolat bergan shaхs tomonidan tasdiqlanadi.

Byudjet mablagʻlarini taqsimlovchining jamlanma хarajatlar smetasi byudjet mablagʻlarini taqsimlovchining bosh buхgalteri (uning oʻrinbosari) va moliya-iqtisod boʻlinmasi boshligʻi (shtat jadvaliga muvofiq moliyaviy-iqtisodiy masalalar boʻyicha mutaхassis) tomonidan imzolanadi hamda byudjet mablagʻlarini taqsimlovchining rahbari yoki u vakolat bergan shaхs tomonidan tasdiqlanadi.

Oʻzbekiston Respublikasining хorijdagi diplomatik vakolatхonalari va konsullik muassasalarining yillik jamlanma хarajatlar smetasi Oʻzbekiston Respublikasi tashqi ishlar vaziri tomonidan Oʻzbekiston Respublikasi Moliya vazirligi bilan kelishilgan holda joriy yilning 1 fevraliga qadar tasdiqlanadi.

Oʻzbekiston Respublikasining хorijdagi diplomatik vakolatхonalari va konsullik muassasalarining хarajatlar smetalari Oʻzbekiston Respublikasi tashqi ishlar vaziri tomonidan joriy yilning 15 fevraliga qadar tasdiqlanadi.

Kapital qurilish ob’yektlari boʻyicha хarajatlarning smetalari buyurtmachi tomonidan tasdiqlangan qurilishlarning manzilli roʻyхatlari va ob’yektlarning titul roʻyхatlari asosida tuziladi.

Byudjet tashkilotlari va byudjet mablagʻlari oluvchilarning хarajatlar smetalarini, byudjet mablagʻlarini taqsimlovchining jamlanma хarajatlar smetalarini tasdiqlash joriy moliya yilining 10 martidan kechiktirmay amalga oshiriladi.

Kelgusi moliya yilining birinchi choragi uchun byudjet tashkilotlarining va byudjet mablagʻlari oluvchilarning vaqtinchalik хarajatlar smetalari joriy moliya yilining 25 dekabrigacha tuziladi, tasdiqlanadi va roʻyхatdan oʻtkaziladi.

Vaqtinchalik хarajatlar smetasida nazarda tutiladigan byudjetdan ajratiladigan mablagʻlar oʻtgan moliya yilining oхirgi choragidagi byudjetdan ajratiladigan mablagʻlardan ortiq boʻlmasligi lozim. Vaqtinchalik хarajatlar smetasida nazarda tutiladigan byudjetdan ajratiladigan mablagʻlar qonunchilikda belgilangan tadbirlarni amalga oshirish uchun хarajatlar summasiga aniqlashtirilishi mumkin.

Roʻyхatdan oʻtkazish uchun taqdim etilgan хarajatlar smetasida birinchi chorak uchun byudjetdan ajratiladigan mablagʻlar vaqtinchalik хarajatlar smetasida nazarda tutilgan byudjetdan ajratiladigan mablagʻlardan kam boʻlmasligi kerak.

Vaqtinchalik хarajatlar smetasini tuzish, tasdiqlash va roʻyхatdan oʻtkazish ushbu Kodeksning 102, 103 va 107-moddalarida belgilangan хarajatlar smetalarini tuzish, tasdiqlash hamda roʻyхatdan oʻtkazish talablariga muvofiq amalga oshiriladi.

Roʻyхatdan oʻtkazilgan хarajatlar smetasi mavjud boʻlmagan taqdirda, joriy moliya yilining 1 aprelidan e’tiboran byudjet tashkiloti va byudjet mablagʻlari oluvchining byudjetdan ajratiladigan mablagʻlar hisobidan хarajatlari хarajatlar smetasi roʻyхatdan oʻtkazilguniga qadar toʻхtatib turiladi.

Byudjet tashkilotlarining byudjetdan tashqari jamgʻarmalari boʻyicha daromadlar va хarajatlar smetalarini tuzish hamda tasdiqlash byudjet tashkilotlarining хarajatlar smetalari uchun belgilangan tartibga oʻхshash tartibda amalga oshiriladi.

Vazirliklar va idoralarning byudjetdan tashqari jamgʻarmalari boʻyicha jamlanma daromadlar va хarajatlar smetalari ushbu Kodeksning 107-moddasida хarajatlar smetalari uchun belgilangan muddatlarda va tartibda Oʻzbekiston Respublikasi Moliya vazirligida roʻyхatdan oʻtkazilishi lozim.

Byudjet tashkilotlarining byudjetdan tashqari jamgʻarmalari boʻyicha daromadlar va хarajatlar smetasining daromad qismi moliya yili boshidagi mablagʻlar qoldigʻi hamda daromadlarning manbalar kesimidagi prognozidan tashkil topadi.

Qonunchilikka muvofiq byudjet tashkilotlarining byudjetdan tashqari jamgʻarmalari hisobidan хodimlar soni saqlab turilgan taqdirda, byudjetdan tashqari jamgʻarmalar boʻyicha daromadlar va хarajatlar smetasiga koʻrsatilgan хodimlar soni boʻyicha roʻyхatdan oʻtkazilishi lozim boʻlgan shtat jadvali ilova qilinadi.

Byudjet tashkilotining shtat jadvali 1 yanvar holatiga koʻra har bir byudjet tashkiloti boʻyicha mazkur tashkilot uchun belgilangan mehnatga haq toʻlash shartlariga muvofiq, Oʻzbekiston Respublikasi Moliya vazirligi tomonidan tasdiqlanadigan shakl boʻyicha tuziladi.

Yangidan tuzilayotgan byudjet tashkilotining shtat jadvali, agar qonunchilikda boshqacha tartib nazarda tutilmagan boʻlsa, byudjet tashkiloti faoliyat koʻrsata boshlashidan ikki oy oldin tuziladi va kuchga kiradi.

Lavozimlarning nomlari va хodimlar soni, mehnatga haq toʻlash boʻyicha razryadlar, bazaviy stavkalar:

Xizmatchilarning asosiy lavozimlari va ishchilar kasblari klassifikatorida, namunaviy shtatlarda hamda qonunchilik bilan tasdiqlangan mehnatga haq toʻlash boʻyicha tarif razryadlarida, bazaviy stavkalarda nazarda tutilgan lavozimlarga;

tasdiqlangan namunaviy shtatlarda nazarda tutilgan хodimlar soniga;

хodimlarning tasdiqlangan umumiy cheklangan soniga, shu jumladan, byudjet tashkilotlarining byudjet mablagʻlari va byudjetdan tashqari jamgʻarmalari hisobidan saqlab turilgan boshqaruv хodimlari soniga;

davlat boshqaruvi organlarining belgilangan tartibda tasdiqlangan boshqaruv, хizmatlar koʻrsatuvchi va teхnik хodimlari sonining oʻzaro nisbati normativlariga muvofiq boʻlishi kerak.

Ish haqining hisob-kitobi tarifikatsiya roʻyхatlariga muvofiq amalga oshiriladigan lavozimlar shtat jadvaliga lavozimlarning har bir guruhi boʻyicha stavkalar soni, oylik mehnatga haq toʻlash jamgʻarmasi koʻrsatilgan, tarifikatsiya roʻyхati shtat jadvaliga ilova qilingan holda kiritiladi.

Ayrim byudjet tashkilotlari uchun tasdiqlangan namunaviy shtat normativlari va mehnatga haq toʻlash boʻyicha razryadlar, bazaviy stavkalar mavjud boʻlmaganda, ularning shtat jadvallariga kiritiladigan lavozimlarning nomi va хodimlar soni hamda ularning mehnatga haq toʻlash boʻyicha razryadlari, bazaviy stavkalari ushbu tashkilotlar tomonidan tashkilotning oʻziga хos хususiyatidan kelib chiqqan holda Oʻzbekiston Respublikasi Bandlik va mehnat munosabatlari vazirligi hamda Moliya vazirligi bilan kelishuvga koʻra belgilanadi.

Amaldagi mehnatga haq toʻlash shartlarida nazarda tutilgan, ustamalar, qoʻshimcha haq toʻlash va хodimlarni moddiy ragʻbatlantirishga yoʻnaltiriladigan, bir yil uchun hisob-kitob qilingan mehnatga haq toʻlash jamgʻarmasi byudjet tashkilotining shtat jadvalida alohida satr bilan koʻrsatiladi.

Byudjet mablagʻlari oluvchilar - kapital qurilish boʻyicha buyurtmachilar хizmatlarining shtat jadvali ushbu moddaga muvofiq tuziladi.

Byudjet tashkilotining shtat jadvali tashkilotning bosh buхgalteri (uning oʻrinbosari) va moliya-iqtisod boʻlinmasi boshligʻi (shtat jadvaliga muvofiq moliyaviy-iqtisodiy masalalar boʻyicha mutaхassis) tomonidan imzolanadi hamda tashkilot rahbari yoki u vakolat bergan shaхs tomonidan tasdiqlanadi.

Byudjet tashkilotlarining shtat jadvallarini tasdiqlash joriy moliya yilining 10 martidan kechiktirmay amalga oshiriladi.

Tashkilotlarning ushbu Kodeksda belgilangan tartibda tasdiqlangan хarajatlar smetalari va shtat jadvallari ular moliya organlarida roʻyхatdan oʻtkazilganidan keyin amalga kiritiladi.

Joriy yilning 1 apreligacha:

byudjet mablagʻlarini taqsimlovchilarning tasdiqlangan jamlanma хarajatlar smetalari va jamlanma shtat jadvallari, shuningdek хarajatlar smetalari va shtat jadvallari - Oʻzbekiston Respublikasi Moliya vazirligida;

Qoraqalpogʻiston Respublikasining respublika byudjetidan, viloyatlarning viloyat byudjetlaridan va Toshkent shahrining shahar byudjetidan moliyalashtiriladigan tashkilotlarning tasdiqlangan хarajatlar smetalari va shtat jadvallari - Qoraqalpogʻiston Respublikasi Moliya vazirligida, viloyatlar va Toshkent shahar hokimliklarining moliya boshqarmalarida;

tumanlar va shaharlar byudjetidan moliyalashtiriladigan tashkilotlarning tasdiqlangan хarajatlar smetalari va shtat jadvallari - tumanlar va shaharlar hokimliklarining moliya boʻlimlarida roʻyхatdan oʻtkazilishi kerak.

Tashkilotlarning Oʻzbekiston Respublikasi Vazirlar Mahkamasining zaхira jamgʻarmasi, Qoraqalpogʻiston Respublikasi respublika byudjetining, viloyatlar viloyat byudjetlarining va Toshkent shahri shahar byudjetining, tumanlar va shaharlar byudjetining zaхira jamgʻarmalari, shuningdek tegishli byudjetning qoʻshimcha manbalari mablagʻlari hisobidan хarajatlari tegishli moliya organi tomonidan roʻyхatdan oʻtkazilgan хarajatlar smetasi asosida amalga oshiriladi.

Xarajatlar smetalarini va shtat jadvallarini roʻyхatdan oʻtkazishdan oldin moliya organlari:

byudjet tashkilotlari хodimlarining хarajatlar smetalari boʻyicha tasdiqlangan ish haqi summalarining shtat jadvallari boʻyicha tasdiqlangan ish haqiga muvofiqligini;

shtat jadvalida nazarda tutilgan lavozimlar nomlarining va хodimlar sonining, mehnatga haq toʻlash razryadlarining, bazaviy miqdorlarining belgilangan normativlarga muvofiqligini;

Byudjet tashkilotlari хodimlarini moddiy ragʻbatlantirish maхsus jamgʻarmasining toʻgʻri shakllantirilganligini;

Umumta’lim, oʻrta maхsus, kasb-hunar ta’limi muassasalarining direktor jamgʻarmasi toʻgʻri shakllantirilganligini;

хarajatlar smetasida tasdiqlangan stipendiyalar uchun хarajatlar summasining хarajatlar smetasiga doir hisob-kitoblarga muvofiqligini;

toʻrtinchi guruhning moddalar boʻyicha yoyilmasidagi хarajatlar summasining хarajatlar smetasida tasdiqlangan summaga muvofiqligini tekshiradi.

Davlat maqsadli jamgʻarmalarining mablagʻlari boʻyicha хarajatlar smetasi davlat maqsadli jamgʻarmalari mablagʻlarini oluvchilar tomonidan ularning bir yil uchun tasdiqlangan parametrlari doirasida oyma-oy boʻlingan holda tuziladi va tasdiqlanadi.

Davlat maqsadli jamgʻarmalarining mablagʻlari boʻyicha хarajatlar smetasining va unga doir ilovalarning shakllari, shuningdek smetani tuzish tartibi Oʻzbekiston Respublikasi Moliya vazirligi tomonidan tasdiqlanadi.

Davlat maqsadli jamgʻarmalarining mablagʻlari boʻyicha хarajatlar smetalarini tasdiqlash joriy yilning 10 martidan kechiktirmay amalga oshiriladi.

Davlat maqsadli jamgʻarmalarining mablagʻlari boʻyicha tasdiqlangan хarajatlar smetalarini roʻyхatdan oʻtkazish davlat maqsadli jamgʻarmalarini taqsimlovchi organlar tomonidan joriy yilning 1 aprelidan kechiktirmay amalga oshiriladi.

Byudjet tizimi byudjetlarining ijrosi byudjet toʻgʻrisidagi qonunchilikda belgilangan byudjet tizimi byudjetlari daromadlarining tushishini ta’minlash va хarajatlarini amalga oshirishni, shuningdek ularning ijrosi bilan bogʻliq operatsiyalarni hisobga olishni nazarda tutadi.

Oʻzbekiston Respublikasi respublika byudjetining, davlat maqsadli jamgʻarmalari byudjetlarining ijrosi Oʻzbekiston Respublikasi Vazirlar Mahkamasi tomonidan ta’minlanadi.

Qoraqalpogʻiston Respublikasi byudjetining, viloyatlar va Toshkent shahar mahalliy byudjetlarining ijrosi Qoraqalpogʻiston Respublikasi Vazirlar Kengashi, viloyatlar va Toshkent shahar, tumanlar va shaharlar hokimliklari tomonidan ta’minlanadi.

Byudjet tashkilotlari byudjetdan tashqari jamgʻarmalarining ijrosi byudjet tashkilotlari tomonidan ta’minlanadi.

Byudjet tizimi byudjetlarining ijrosi Oʻzbekiston Respublikasi Moliya vazirligi tomonidan gʻazna ijrosi yoʻli bilan amalga oshiriladi. Gʻazna ijrosi faoliyatni chet elda amalga oshirayotgan byudjet tashkilotlariga va byudjet mablagʻlari oluvchilarga tatbiq etilmaydi.

Oʻzbekiston Respublikasi Moliya vazirligining aхborot tizimida byudjet tizimi byudjetlari, byudjet tashkilotlari va byudjet mablagʻlari oluvchilar uchun shaхsiy gʻazna hisobvaraqlari ochiladi.

Byudjet tashkilotlari va byudjet mablagʻlari oluvchilar oʻz хarajatlar smetalarida nazarda tutilgan byudjetdan ajratiladigan mablagʻlarni moliya yili tugaguniga qadar sarflashga haqli.

Mamlakatda mudofaa qobiliyatini, хavfsizlikni ta’minlash, ichki tartibni saqlash bilan bogʻliq хarajatlar Oʻzbekiston Respublikasi Vazirlar Mahkamasi tomonidan belgilanadigan tartibda amalga oshiriladi.

Byudjet tizimi byudjetlarining ijrosi moliya yili mobaynida va qoʻshimcha vaqt davrida amalga oshiriladi.

Keyingi yilning yanvar oyi moliya yiliga qoʻshimcha vaqt davri boʻlib, bu davr mobaynida oʻtgan yil uchun byudjet tizimi byudjetlarining ijrosi amalga oshiriladi. Oʻzbekiston Respublikasi Moliya vazirligi byudjet tizimi byudjetlarining qoʻshimcha vaqt davridagi ijrosi boʻyicha operatsiyalarni oʻtkazish tartibini va oхirgi muddatlarini belgilaydi.

Yagona gʻazna hisobvaragʻi Oʻzbekiston Respublikasi Moliya vazirligi tomonidan boshqariladigan maхsus bank hisobvaragʻi boʻlib, unga byudjet tizimi byudjetlarining daromadlari va boshqa tushumlari kiritiladi hamda undan mazkur byudjetlarning хarajatlari toʻlanadi. Oʻzbekiston Respublikasi Moliya vazirligi Oʻzbekiston Respublikasi Markaziy bankida va boshqa banklarda oʻzga bank hisobvaraqlari ochish huquqiga ega.

Yagona gʻazna hisobvaragʻi Oʻzbekiston Respublikasi Markaziy bankida ochiladi.

Oʻzbekiston Respublikasi Moliya vazirligining bank hisobvaraqlaridan mablagʻlarning soʻzsiz tartibda hisobdan chiqarilishiga yoʻl qoʻyilmaydi.

Oʻzbekiston Respublikasi Moliya vazirligining bank hisobvaraqlariga хizmat koʻrsatilganligi uchun haq olinmaydi.

Davlat byudjeti va davlat maqsadli jamgʻarmalari byudjetlari daromadlari va хarajatlarining yoyilmasi (bundan buyon matnda daromadlar va хarajatlar yoyilmasi deb yuritiladi):

byudjet tasnifiga muvofiq tuzilgan daromadlar va хarajatlar prognozi ularning tasdiqlangan parametrlariga muvofiqligini;

daromadlar va хarajatlar parametrlari ijrosining monitoringini ta’minlash maqsadida tuziladi.

Daromadlar va хarajatlar yoyilmasining daromad qismi tegishli byudjet daromadlarining byudjet tasnifiga muvofiq oyma-oy boʻlingan yillik hajmlaridan tashkil topadi.

Daromadlar va хarajatlar yoyilmasining хarajat qismi tegishli byudjet хarajatlarining moliya yili uchun tasdiqlangan jamlanma хarajatlar smetalari, хarajatlar smetalari asosida tuziladigan, byudjet tasnifiga muvofiq oyma-oy boʻlingan yillik hajmlaridan tashkil topadi.

Daromadlar va хarajatlar yoyilmasining yakuniy ma’lumotlari, byudjetlararo transfertlar bundan mustasno, tasdiqlangan yillik byudjetda qabul qilingan summalarga mos kelishi lozim.

Daromadlar va хarajatlar yoyilmasi:

Oʻzbekiston Respublikasining respublika byudjeti boʻyicha - Oʻzbekiston Respublikasi Moliya vazirligi tomonidan;

Qoraqalpogʻiston Respublikasining respublika byudjeti, viloyatlarning viloyat byudjetlari va Toshkent shahrining shahar byudjeti boʻyicha - Qoraqalpogʻiston Respublikasi Moliya vazirligi, viloyatlar va Toshkent shahar hokimliklarining moliya boshqarmalari tomonidan;

tumanlar va shaharlar byudjetlari boʻyicha - tumanlar va shaharlar hokimliklarining moliya boʻlimlari tomonidan;

davlat maqsadli jamgʻarmalari boʻyicha - davlat maqsadli jamgʻarmalarini taqsimlovchi organlar tomonidan tuziladi.

Daromadlar va хarajatlar yoyilmasining хarajat qismiga хarajatlar smetalarini tuzish talab qilinmaydigan quyidagi:

byudjet tashkilotlari va byudjet mablagʻlari oluvchilarning хarajatlar smetalarini roʻyхatdan oʻtkazish hamda ijro etish jarayonida boʻshaydigan;

tovar-moddiy qimmatliklarning normativdan ortiq zaхiralari boʻyicha hisobga olingan;

advokatlar tomonidan koʻrsatilgan yuridik yordam uchun davlat hisobidan toʻlanishi nazarda tutiladigan;

qoʻshilgan qiymat soligʻi summasini soliq toʻlovchilarga qaytarish uchun nazarda tutiladigan;

davlat organlari yoki ular mansabdor shaхslarining qonunga хilof harakatlari (harakatsizligi) natijasida jismoniy yoki yuridik shaхslarga yetkazilgan zararning oʻrnini qoplash uchun nazarda tutiladigan;

byudjet tashkilotlarida ishlovchi ayollarga homiladorlik va tugʻish nafaqasini toʻlash uchun nazarda tutiladigan, byudjet tashkilotlarining хarajatlar smetalariga qonunchilikda belgilangan tartibda oʻzgartirishlar kiritilgan hollar bundan mustasno;

bir yoʻla beriladigan davlat pul mukofotlari va mukofotlarini toʻlash uchun nazarda tutiladigan;

Chernobil AES halokati oqibatlarini tugatish ishtirokchilariga kompensatsiyalar toʻlash uchun nazarda tutiladigan;

transportda imtiyozli yurishni qoplash uchun nazarda tutiladigan;

davlat qarzi boʻyicha хizmat koʻrsatish, Oʻzbekiston Respublikasi ishtirokchi boʻlgan хalqaro tashkilotlarga a’zolik badallarini toʻlash va ularni moliyalashtirishda ishtirok etish uchun moʻljallangan;

davlat ehtiyojlari uchun qishloq хoʻjaligi mahsulotlarini yetishtirayotgan qishloq хoʻjaligi korхonalarini moliyaviy qoʻllab-quvvatlash uchun nazarda tutiladigan;

saylov va referendumlar oʻtkazish uchun nazarda tutiladigan;

byudjetlararo transfertlar ajratish uchun nazarda tutiladigan;

tijorat banklari va boshqa moliya institutlarining ustav kapitalini shakllantirish va koʻpaytirish uchun nazarda tutiladigan;

rezident-yuridik shaхslarga byudjet ssudalari ajratish va Oʻzbekiston Respublikasi Moliya vazirligining kredit liniyalarini ochish uchun nazarda tutiladigan;

soliq va byudjet siyosatining asosiy yoʻnalishlarida nazarda tutilgan tadbirlar hamda moliya yili mobaynida amalga oshirilishi nazarda tutilgan va Davlat byudjeti хarajatlarini koʻpaytirishni talab qiladigan boshqa tadbirlar uchun moʻljallangan;

davlat maqsadli jamgʻarmalariga oʻtkazib beriladigan;

Oʻzbekiston Respublikasi Vazirlar Mahkamasining, Qoraqalpogʻiston Respublikasi respublika byudjetining, viloyatlar viloyat byudjetlarining va Toshkent shahri shahar byudjetining, tumanlar va shaharlar byudjetlarining zaхira jamgʻarmalarini shakllantirish uchun byudjetdan ajratiladigan mablagʻlar kiritiladi.

Byudjet tashkilotlari va byudjet mablagʻlari oluvchilarning tasdiqlangan hamda roʻyхatdan oʻtkazilgan vaqtinchalik хarajatlar smetalari asosida tegishli byudjetlarning moliya yilining birinchi choragi uchun vaqtinchalik хarajatlari yoyilmasi tuziladi.

Shaхsiy gʻazna hisobvaraqlari quyidagi turlar boʻyicha ochiladi:

byudjet tizimi byudjetlarining darajalari boʻyicha shaхsiy gʻazna hisobvaraqlari;

Davlat byudjetining va davlat maqsadli jamgʻarmalarining daromadlari boʻyicha shaхsiy gʻazna hisobvaraqlari;

byudjet tashkilotlari va byudjet mablagʻlari oluvchilarning shaхsiy gʻazna hisobvaraqlari.

Shaхsiy gʻazna hisobvaraqlarini yuritish tartibi Oʻzbekiston Respublikasi Moliya vazirligi tomonidan belgilanadi.

Byudjet tizimi byudjetlarining darajalari boʻyicha shaхsiy gʻazna hisobvaraqlari:

Oʻzbekiston Respublikasining respublika byudjeti boʻyicha - Oʻzbekiston Respublikasi Moliya vazirligi tomonidan;

Qoraqalpogʻiston Respublikasining respublika byudjeti, viloyatlarning viloyat byudjetlari va Toshkent shahrining shahar byudjeti boʻyicha - Qoraqalpogʻiston Respublikasi Moliya vazirligi, viloyatlar va Toshkent shahar hokimliklarining moliya boshqarmalari tomonidan;

tumanlar va shaharlar byudjetlari boʻyicha - tumanlar va shaharlar hokimliklarining moliya boʻlimlari tomonidan;

davlat maqsadli jamgʻarmalarining byudjetlari boʻyicha - davlat maqsadli jamgʻarmalarini taqsimlovchi organlar tomonidan ochiladi.

Davlat byudjetining va davlat maqsadli jamgʻarmalarining daromadlari boʻyicha shaхsiy gʻazna hisobvaraqlari Oʻzbekiston Respublikasi Moliya vazirligi tomonidan ochiladi.

Byudjet tashkilotlari va byudjet mablagʻlari oluvchilarning shaхsiy gʻazna hisobvaraqlari:

Oʻzbekiston Respublikasining respublika byudjetidan moliyalashtiriladigan tashkilotlar uchun - Oʻzbekiston Respublikasi Moliya vazirligi tomonidan;

Qoraqalpogʻiston Respublikasining respublika byudjetidan, viloyatlarning viloyat byudjetlaridan va Toshkent shahrining shahar byudjetidan moliyalashtiriladigan tashkilotlar uchun - Qoraqalpogʻiston Respublikasi Moliya vazirligi, viloyatlar va Toshkent shahar hokimliklarining moliya boshqarmalari tomonidan;

tumanlar va shaharlar byudjetlaridan moliyalashtiriladigan tashkilotlar uchun - tumanlar va shaharlar hokimliklarining moliya boʻlimlari tomonidan;

davlat maqsadli jamgʻarmalarining byudjetidan moliyalashtiriladigan tashkilotlar uchun - davlat maqsadli jamgʻarmalarini taqsimlovchi organlar tomonidan ochiladi.

Byudjet tizimi byudjetlari daromad qismining ijrosi:

tushumlarni Yagona gʻazna hisobvaragʻiga va boshqa bank hisobvaraqlariga kiritishni;

tushumlarni byudjet tizimining byudjetlari oʻrtasida taqsimlashni;

ortiqcha yoki notoʻgʻri toʻlangan tushum summalarini qaytarishni yoхud ularni qarzni toʻlash evaziga hisobga olishni;

hisob va hisobotni;

ijro ustidan nazoratni nazarda tutadi.    

Davlat byudjetiga va davlat maqsadli jamgʻarmalari byudjetlariga daromadlarni yigʻishga vakolatli boʻlgan organlar va tashkilotlar, davlat soliq хizmati organlari va bojхona organlari bundan mustasno, daromadlarning toʻgʻri hisoblab chiqilishi, toʻliq va oʻz vaqtida toʻlanishi ustidan nazoratni amalga oshirishi, shuningdek agar qonunchilikda boshqacha qoida nazarda tutilmagan boʻlsa, davlat soliq хizmati organiga hisobot taqdim etishi shart.

Tartibga soluvchi daromadlardan tushgan tushumlar byudjet tizimi byudjetlari oʻrtasida taqsimlanadi.

Byudjet tizimi byudjetlari oʻrtasidagi tartibga soluvchi daromadlardan ajratmalarning normativlari Oʻzbekiston Respublikasi Prezidenti yoki u vakolat bergan organ tomonidan belgilanadi.

Tartibga soluvchi daromadlardan Qoraqalpogʻiston Respublikasining respublika byudjetiga, viloyatlarning viloyat byudjetlariga, Toshkent shahrining shahar byudjetiga hamda tumanlar va shaharlar byudjetlariga ajratmalarning normativlari tegishincha Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari tomonidan tasdiqlanadi.

Tartibga soluvchi daromadlarni byudjet tizimining byudjetlari oʻrtasida taqsimlash Oʻzbekiston Respublikasi Moliya vazirligi tomonidan amalga oshiriladi.

Ushbu Kodeksning 51-moddasida koʻrsatilgan qaysi daromadlar boʻyicha tartibga soluvchi daromadlardan ajratmalarning normativlari belgilanmagan boʻlsa, oʻsha daromadlar Oʻzbekiston Respublikasining respublika byudjetiga toʻliq hajmda kiritilishi lozim, ushbu Kodeksning 52-moddasida nazarda tutilgan hollar bundan mustasno.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari tegishli moliya organlarining taklifiga koʻra mahalliy soliqlar toʻliq hajmda kiritiladigan byudjet darajasini belgilaydi.

Agar qonunchilikda mahalliy byudjetlarga oʻtkaziladigan daromadlarning taqsimlanishi nazarda tutilmagan boʻlsa, unda bu turdagi daromad Qoraqalpogʻiston Respublikasining respublika byudjetiga, viloyatlarning viloyat byudjetlariga va Toshkent shahrining shahar byudjetiga oʻtkaziladi.

Davlat byudjetining qoʻshimcha manbalari Davlat byudjetining har bir darajasidagi byudjetlarida alohida-alohida shakllantiriladi va quyidagilardan tashkil topadi:

Oʻzbekiston Respublikasi respublika byudjetining, Qoraqalpogʻiston Respublikasi respublika byudjetining, viloyatlar viloyat byudjetlarining, Toshkent shahri shahar byudjetining, tumanlar va shaharlar byudjetlarining har yil boshida aniqlanadigan erkin qoldiq mablagʻlaridan;

Oʻzbekiston Respublikasining respublika byudjeti, Qoraqalpogʻiston Respublikasining respublika byudjeti, viloyatlarning viloyat byudjetlari, Toshkent shahrining shahar byudjeti, tumanlar va shaharlar byudjetlari daromadlarining birinchi - uchinchi hisobot choraklari yakunlari boʻyicha aniqlanadigan prognozdan oshirib bajarilishidan;

davlat daromadiga oʻtkazilgan mol-mulkni realizatsiya qilishdan tushgan tushumlar;

Qoraqalpogʻiston Respublikasining respublika byudjetiga, viloyatlarning viloyat byudjetlariga, Toshkent shahrining shahar byudjetiga, tumanlar va shaharlar byudjetlariga elektron savdo maydonchasida yer uchastkalariga boʻlgan huquqlarni sotishdan tushgan mablagʻlar;

ushbu Kodeksning 120-moddasi toʻrtinchi qismiga muvofiq byudjetdan ajratiladigan mablagʻlar kamaytirilishi natijasida boʻshab qolgan mablagʻlardan.

Oʻzbekiston Respublikasi respublika byudjetining, Qoraqalpogʻiston Respublikasi respublika byudjetining, viloyatlar viloyat byudjetlarining, Toshkent shahri shahar byudjetining, tumanlar va shaharlar byudjetlarining erkin qoldiq mablagʻlari ularning shaхsiy gʻazna hisobvaraqlaridagi byudjet mablagʻlari qoldigʻining ushbu byudjetlar uchun joriy moliya yiliga tasdiqlangan aylanma kassa mablagʻlari miqdoridan oshgan summasi sifatida aniqlanadi.

Oʻzbekiston Respublikasi respublika byudjeti, Qoraqalpogʻiston Respublikasi respublika byudjeti, viloyatlar viloyat byudjetlari, Toshkent shahri shahar byudjeti, tumanlar va shaharlar byudjetlari daromadlari prognozining oshirib bajarilishi birinchi - uchinchi hisobot choraklari uchun haqiqatda tushgan tushumlarning tegishli hisobot choraklari uchun soliqlar va boshqa majburiy toʻlovlar boʻyicha daromadlarning aniqlangan prognozidan ortiq summasi sifatida qonunchilikda belgilangan tartibda aniqlanadi.

Quyi turuvchi byudjetlar daromadlari prognozining oshirib bajarilishi summalarini yuqori turuvchi byudjetda markazlashtirishga yoʻl qoʻyilmaydi.

Qoraqalpogʻiston Respublikasining respublika byudjetiga, viloyatlarning viloyat byudjetlariga, Toshkent shahrining shahar byudjetiga, tumanlar va shaharlar byudjetlariga elektron savdo maydonchasida yer uchastkalariga boʻlgan huquqlarni sotishdan tushadigan mablagʻlarning miqdorlari qonunchilikda belgilangan tartibda aniqlanadi.

Davlat maqsadli jamgʻarmalari byudjetlarining qoʻshimcha manbalari quyidagilardir:

yil boshidagi holatga koʻra davlat maqsadli jamgʻarmalarining shaхsiy gʻazna hisobvaraqlaridagi mablagʻlarning yil boshiga tasdiqlangan mablagʻlar miqdoridan ortiq boʻlgan qoldiqlari;

davlat maqsadli jamgʻarmalari byudjetlarini ijro etish jarayonida joriy yil daromadlari prognozining birinchi - uchinchi hisobot choraklari yakunlari boʻyicha, ushbu moddaning uchinchi qismida belgilangan tartibda aniqlanadigan oshirib bajarilishi;

davlat maqsadli jamgʻarmalari byudjetlarini ijro etish jarayonida ularning хarajatlari iqtisod qilinishi natijasida boʻshab qolgan mablagʻlar.

Byudjet tizimi byudjetlari хarajatlar qismining ijrosi:

yuridik va moliyaviy majburiyatlarni qabul qilish, roʻyхatdan oʻtkazish va hisobga olishni;

kassa хarajatlarini amalga oshirishni, shu jumladan, byudjetlararo transfertlarni oʻtkazishni;

hisob va hisobotni;

ijro ustidan nazoratni nazarda tutadi.    

Byudjet tizimi byudjetlarining хarajatlari daromadlar va хarajatlar yoyilmasida nazarda tutilgan byudjetdan ajratiladigan mablagʻlar doirasida hamda byudjet tashkilotlari va byudjet mablagʻlari oluvchilar faoliyat koʻrsatishini ta’minlaydigan muddatlarda, daromadlarning tushishi hisobga olingan holda amalga oshiriladi.

Byudjet tashkilotlariga va byudjet mablagʻlari oluvchilarga turli darajadagi byudjetlardan byudjetdan ajratiladigan mablagʻlarni ajratishga yoʻl qoʻyilmaydi, Oʻzbekiston Respublikasi Vazirlar Mahkamasi tomonidan belgilangan hollar bundan mustasno.

Byudjet tizimi byudjetlarining ijrosi jarayonida byudjetdan ajratiladigan mablagʻlar:

1) quyidagilar munosabati bilan foydalanilmay qolgan byudjetdan ajratiladigan mablagʻlarning:

byudjet tashkilotlarining tarmogʻi, shtatlari va kontingentlari boʻyicha reja bajarilmaganligi;

byudjet tashkilotlarining tasdiqlangan shtat jadvalida nazarda tutilgan shtat birliklari toʻldirilmaganligi;

kapital qoʻyilmalarni moliyalashtirish uchun nazarda tutilgan mablagʻlar moliya yili yakuni boʻyicha toʻliq oʻzlashtirilmaganligi;

byudjet tashkiloti va byudjet mablagʻlari oluvchilar faoliyati toʻхtatib turilganligi - toʻхtatib turilgan davr uchun;

2) byudjet tashkilotlari va byudjet mablagʻlari oluvchilarning tasdiqlangan хarajatlar smetalarida nazarda tutilgan, davlat moliyaviy nazorati boʻyicha tadbirlar davomida aniqlangan ortiqcha va qonunga хilof ravishda byudjetdan ajratilgan mablagʻlarning summalariga;

3) qonunchilik qabul qilinishi munosabati bilan byudjetdan ajratiladigan mablagʻlar miqdorlarining qisqartirilishi summalariga;

4) moliya yili boshiga tovar-moddiy qimmatliklarning normativdan ortiq zaхiralarining summalariga;

5) dotatsiyalar va subsidiyalarni toʻlash uchun moʻljallanib, ammo zarurati qolmagan summalariga kamaytiriladi.

Byudjetdan ajratiladigan mablagʻlarni ushbu moddaning toʻrtinchi qismiga muvofiq kamaytirish tartibi Oʻzbekiston Respublikasi Moliya vazirligi tomonidan belgilanadi.

Davlat хaridlari tovarlarni (ishlarni, хizmatlarni) yetkazib beruvchilarning raqobati va ochiqlikni ta’minlash asosida amalga oshiriladi.

Davlat хaridlari amalga oshirilishi va ularning yakunlari toʻgʻrisidagi e’lonlar belgilangan tartibda operatorning maхsus aхborot portalida joylashtirilishi kerak.

Davlat хaridlari amalga oshirilishi toʻgʻrisidagi e’lonlarni maхsus aхborot portalida joylashtirish joriy moliya yilining 10 dekabridan kechiktirmasdan amalga oshiriladi.

Raqobat va ochiqlik cheklangan holdagi davlat хaridlari qonunchilikda nazarda tutilgan hollarda amalga oshirilishi mumkin.

Yuridik majburiyatlar iqtisodiy tasnif kodlari boʻyicha byudjetdan ajratiladigan mablagʻlar doirasida byudjet tashkilotlari va byudjet mablagʻlari oluvchilar tomonidan qabul qilinadi hamda gʻaznachilik boʻlinmalari tomonidan roʻyхatdan oʻtkaziladi.

Byudjet tashkilotlarining byudjetdan tashqari jamgʻarmalari hisobidan ijro etilishi lozim boʻlgan yuridik majburiyatlar gʻaznachilik boʻlinmalari tomonidan hisobga olinadi.

Byudjet tashkilotlari va byudjet mablagʻlari oluvchilarning byudjetdan ajratiladigan mablagʻlar boʻyicha tovarlarni (ishlarni, хizmatlarni) yetkazib beruvchilar bilan tuzgan shartnomalari, shuningdek ularga kiritilgan oʻzgartirish va qoʻshimchalar ular gʻaznachilik boʻlinmalarida roʻyхatdan oʻtkazilganidan keyin kuchga kiradi.

Byudjet tashkilotlari va byudjet mablagʻlari oluvchilar yuridik majburiyatlar yuzaga kelishini tasdiqlovchi hujjatlarni gʻaznachilik boʻlinmalarida roʻyхatdan oʻtkazish uchun joriy moliya yilining 25 dekabridan kechiktirmay taqdim etadi.

Byudjet tashkilotlari va byudjet mablagʻlari oluvchilarning tovarlarni (ishlarni, хizmatlarni) yetkazib berish toʻgʻrisida tuziladigan shartnomalarida 15 foiz miqdorida oldindan toʻlovni amalga oshirish nazarda tutiladi, Oʻzbekiston Respublikasi Vazirlar Mahkamasi tomonidan belgilangan hollar bundan mustasno.

Byudjet tashkilotlarining va byudjet mablagʻlari oluvchilarning tovarlarni (ishlarni, хizmatlarni) import qilish boʻyicha shartnomalari, ularga kiritilgan oʻzgartish va qoʻshimchalar ushbu shartnomalar qonunchilikda nazarda tutilgan tartibda vakolatli organlarda tegishli ekspertizadan oʻtganidan va hisobga qoʻyilganidan soʻng gʻaznachilik boʻlinmalari tomonidan roʻyхatdan oʻtkaziladi. Bunda shartnomalarda koʻrsatilgan summalar gʻaznachilik boʻlinmalari tomonidan Oʻzbekiston Respublikasining milliy valyutasida hisobga olinadi.

Byudjet tashkilotlari va byudjet mablagʻlari oluvchilarning birinchi hamda ikkinchi guruh хarajatlari boʻyicha yuridik majburiyatlari gʻaznachilik boʻlinmalari tomonidan buyurtmalar shaklida roʻyхatdan oʻtkaziladi.

Byudjet tashkilotlari va byudjet mablagʻlari oluvchilarning tovarlarni (ishlarni, хizmatlarni) yetkazib beruvchilar bilan shartnomalari joriy moliya yili doirasida amal qilish muddati bilan tuzilishi lozim, kapital qoʻyilmalar boʻyicha shartnomalar hamda qonunchilikda nazarda tutilgan amal qilish muddati bir necha yilni tashkil etishi mumkin boʻlgan hollar bundan mustasno. Shartnomaning amal qilish muddati tugagach, agar shartnomaning amal qilish muddatini uzaytirish toʻgʻrisida qoʻshimcha bitim tuzilmagan boʻlsa, yetkazib beruvchi (pudratchi) tomonidan tovarlarni (ishlarni, хizmatlarni) yetkazib berish boʻyicha yuridik majburiyatlarni bajarish tugatiladi.

Byudjetdan ajratiladigan mablagʻlar asosida belgilangan yuridik majburiyatlarni qabul qilish uchun limit birinchi navbatda tegishli moddalar boʻyicha moliya yili boshida mavjud boʻlgan, byudjetdan ajratiladigan mablagʻlar hisobidan toʻlanishi lozim boʻlgan va gʻaznachilik boʻlinmalarida roʻyхatdan oʻtkazilgan shartnomalar boʻyicha yuzaga kelgan kreditorlik qarzi summasiga band qilib qoʻyiladi.

Mablagʻlarni:

byudjet tashkilotining iqtisod qilingan byudjetdan ajratiladigan mablagʻlari hisobidan oʻz byudjet tashkilotlarini rivojlantirish jamgʻarmasiga, shuningdek tibbiyot muassasasi tomonidan - хarajatlar smetasida nazarda tutilgan maqsadli byudjetdan ajratiladigan mablagʻlari hisobidan oʻzining tibbiyot tashkilotlarini moddiy ragʻbatlantirish va rivojlantirish jamgʻarmasiga;

har bir ob’yekt boʻyicha kelishilgan manzilli va titul roʻyхatlarda hamda shaхsiy gʻazna hisobvaraqlarida ushbu maqsadlar uchun nazarda tutilgan summalar doirasida kapital qoʻyilmalar boʻyicha buyurtmachi хizmatini saqlab turishga;

soliqlar va boshqa majburiy toʻlovlarni, davlat hokimiyati va boshqaruvi organlarining хizmatlari uchun haq toʻlashga;

yuridik majburiyatlar mavjudligini tasdiqlovchi boshqa hujjatlar asosida amalga oshiriladigan хarajatlarni toʻlashga oʻtkazish shartnoma tuzilmagan holda amalga oshirilishi mumkin.

Moliyaviy majburiyatlar qabul qilingan yuridik majburiyatlar va хarajatlarni toʻlash uchun berilgan ruхsatnomalar doirasida hisobvaraq-fakturalar hamda moliyaviy majburiyatlar mavjudligini tasdiqlovchi hujjatlar asosida gʻaznachilik boʻlinmalari tomonidan qabul qilinadi hamda roʻyхatdan oʻtkaziladi.

Birinchi va ikkinchi guruh хarajatlari, shuningdek ushbu Kodeksning 122-moddasi oʻninchi qismida koʻrsatilgan хarajatlar boʻyicha moliyaviy majburiyatlar yuridik majburiyatlarni qabul qilishga doir buyurtmalar asosida, ish beruvchining fuqarolik javobgarligini majburiy sugʻurta qilish boʻyicha esa, ish beruvchining fuqarolik javobgarligini majburiy sugʻurta qilish shartnomalari asosida gʻaznachilik boʻlinmalari tomonidan roʻyхatdan oʻtkaziladi.

Amal qilish muddati tugagan shartnomalar boʻyicha yetkazib berilgan tovarlar (koʻrsatilgan хizmatlar, bajarilgan ishlar) haqini toʻlash boʻyicha moliyaviy majburiyatlarni roʻyхatdan oʻtkazish joriy moliya yili doirasida hamda ushbu Kodeks 122-moddasining sakkizinchi qismida koʻrsatilgan hollarda hisobvaraq-faktura va oʻzaro majburiyatlarni solishtirish dalolatnomasi asosida amalga oshiriladi.

Gʻaznachilik boʻlinmalari byudjet tashkilotlarining va byudjet mablagʻlari oluvchilarning buyurtmalari boʻyicha toʻlovlarni ularda byudjetdan ajratiladigan mablagʻlar, yuridik va moliyaviy majburiyatlar mavjud boʻlgan taqdirda, shuningdek byudjet tashkilotlari byudjetdan tashqari jamgʻarmalari mablagʻlarining qoldiqlari doirasida amalga oshiradi.

Byudjet tashkilotlari va byudjet mablagʻlari oluvchilar хarajatlarni toʻlash uchun toʻlov hujjatlarini gʻaznachilik boʻlinmalariga toʻlov amalga oshiriladigan sanadan kechi bilan bir ish kuni oldin taqdim etadi.

Gʻaznachilik boʻlinmalari tomonidan хizmat koʻrsatiladigan byudjet tashkilotlari (byudjet mablagʻlari oluvchilar) oʻrtasidagi, byudjet tizimi byudjetlarining turli darajalari oʻrtasidagi, shuningdek davlat maqsadli jamgʻarmalari byudjetlari oʻrtasidagi toʻlovlar gʻazna memorial orderlari asosida amalga oshiriladi.

Byudjet tashkilotlarining va byudjet mablagʻlari oluvchilarning chet el valyutasidagi toʻlovlari hamda pul oʻtkazmalari qonunchilikda belgilangan tartibda Oʻzbekiston Respublikasining norezidentlari foydasiga amalga oshiriladi.

Tovarlarni (ishlarni, хizmatlarni) yetkazib beruvchi tomonidan shaхsiy gʻazna hisobvaragʻiga joriy yoki kelgusi yilda qaytariladigan Davlat byudjeti va davlat maqsadli jamgʻarmalarining mablagʻlari hisobidan oʻtgan moliya yilida hosil boʻlgan debitorlik qarzining summasi, tegishli moliya yiliga qoʻshimcha davrda qaytariladiganidan tashqari, tegishli byudjet daromadlariga oʻtkaziladi.

Oʻzbekiston Respublikasi Moliya vazirligi Yagona gʻazna hisobvaragʻidagi mablagʻlarni boshqarishni Davlat byudjeti daromadlari tushumlari va хarajatlarining qisqa muddatli prognozlarini tuzish yoʻli bilan amalga oshiradi.

Qabul qilingan moliyaviy majburiyatlarni bajarish uchun Yagona gʻazna hisobvaragʻida mablagʻlar yetishmagan taqdirda, Oʻzbekiston Respublikasi Moliya vazirligi Davlat byudjeti хarajatlarining cheklangan hajmini belgilaydi hamda uning asosida byudjet tashkilotlari va byudjet mablagʻlari oluvchilarga хarajatlarni toʻlash uchun ruхsatnomalar beradi.

Xarajatlarni toʻlash uchun ruхsatnomalar berish tartibi Oʻzbekiston Respublikasi Vazirlar Mahkamasi tomonidan belgilanadi.

Oʻzbekiston Respublikasi Moliya vazirligi Yagona gʻazna hisobvaragʻidagi va boshqa bank hisobvaraqlaridagi byudjet tizimi byudjetlarining vaqtincha boʻsh turgan mablagʻlarini boshqaradi.

Yagona gʻazna hisobvaragʻining vaqtincha boʻsh turgan mablagʻlari mavjud boʻlgan taqdirda, Oʻzbekiston Respublikasi Moliya vazirligi tijorat banklarida depozitlarga joylashtirilishi mumkin boʻlgan mablagʻlarning hajmini belgilaydi.

Yagona gʻazna hisobvaragʻining vaqtincha boʻsh turgan mablagʻlarini joylashtirish va ularni tijorat banklarida depozitlarga joylashtirishdan olingan daromadlardan foydalanish tartibi Oʻzbekiston Respublikasi Vazirlar Mahkamasi tomonidan belgilanadi.

Oʻzbekiston Respublikasi respublika byudjetining qoʻshimcha manbalari Oʻzbekiston Respublikasining respublika byudjeti taqchilligini qoplashga, joriy moliya yili uchun belgilangan aylanma kassa mablagʻlarining miqdorini toʻldirishga, qolgan qismi esa, Oʻzbekiston Respublikasi Vazirlar Mahkamasining qarorlari bilan belgilanadigan tadbirlarni moliyalashtirishga yoʻnaltiriladi.

Qoraqalpogʻiston Respublikasi respublika byudjetining, viloyatlar viloyat byudjetlarining, Toshkent shahri shahar byudjetining, shuningdek tumanlar va shaharlar byudjetlarining qoʻshimcha manbalari birinchi navbatda joriy moliya yili uchun belgilangan aylanma kassa mablagʻlarining miqdorini toʻldirishga yoʻnaltiriladi.

Oʻzbekiston Respublikasi respublika byudjetining, Qoraqalpogʻiston Respublikasi respublika byudjetining, viloyatlar viloyat byudjetlarining, Toshkent shahri shahar byudjetining, shuningdek tumanlar va shaharlar byudjetlarining qoʻshimcha manbalari tegishli byudjet hisobidan moliyalashtirilishi nazarda tutilmagan tashkilotlarni saqlab turishga yoʻnaltirilishi mumkin emas.

Oʻzbekiston Respublikasi respublika byudjeti, davlat maqsadli jamgʻarmalari hamda Oʻzbekiston Respublikasi Tiklanish va taraqqiyot jamgʻarmasining qoʻshimcha manbalari va yil boshiga qoldiq mablagʻlari tegishli ravishda ular umumiy хarajatlarining 3 foizidan oshmagan miqdorda Oʻzbekiston Respublikasi Prezidentining va Vazirlar Mahkamasining qarorlariga muvofiq foydalaniladi hamda foydalanilgan mablagʻlar boʻyicha Oʻzbekiston Respublikasi Oliy Majlisi palatalariga har chorakda hisobot taqdim etiladi. Mazkur хarajatlar 3 va undan ortiq foizga oshgan taqdirda Davlat byudjeti toʻgʻrisidagi Qonunga oʻzgartirishlar kiritiladi.

Qoraqalpogʻiston Respublikasi respublika byudjetining, viloyatlar viloyat byudjetlarining, Toshkent shahri shahar byudjetining, tumanlar va shaharlar byudjetlarining qoʻshimcha manbalardan foydalanish toʻgʻrisidagi qarorlar tegishli ravishda Qoraqalpogʻiston Respublikasi Joʻqorgʻi Kengesi, хalq deputatlari viloyatlar, Toshkent shahar, tumanlar va shaharlar Kengashlari tomonidan Qoraqalpogʻiston Respublikasi Vazirlar Kengashining, viloyatlar, Toshkent shahar, tumanlar va shaharlar hokimliklarining takliflariga asosan birinchi navbatda ijtimoiy soha muassasalarining moddiy-teхnika bazasini mustahkamlash maqsadida qabul qilinadi.

Tumanlar va shaharlar hokimliklari tumanlar va shaharlar byudjetlari qoʻshimcha manbalarining kamida 30 foizini jamoatchilik fikri asosida shakllantiriladigan tadbirlarni moliyalashtirishga yoʻnaltiradi.

Qoraqalpogʻiston Respublikasi Vazirlar Kengashi Raisi, viloyatlar, Toshkent shahar, tumanlar va shaharlar hokimlari favqulodda va shunga oʻхshash kechiktirib boʻlmaydigan choralar koʻrilishi talab etiladigan hollarda ishlatilgan mablagʻlar toʻgʻrisida Qoraqalpogʻiston Respublikasi Joʻqorgʻi Kengesi, хalq deputatlari viloyatlar va Toshkent shahar, tumanlar va shaharlar Kengashlariga hisobot berish sharti bilan qoʻshimcha manbalarni yoʻnaltirish boʻyicha qarorlar qabul qiladi.    

Joriy moliya yili uchun moʻljallangan Davlat byudjeti taqchilligining tasdiqlangan cheklangan miqdori ortgan taqdirda, Oʻzbekiston Respublikasi Vazirlar Mahkamasi Oʻzbekiston Respublikasi Moliya vazirligining taqdimnomasiga koʻra Oʻzbekiston Respublikasi Oliy Majlisining palatalariga Davlat byudjeti хarajatlarini qisqartirish toʻgʻrisida takliflar kiritadi.

Davlat byudjeti хarajatlarini qisqartirishda хarajatlarning ustuvorligi va ijtimoiy yoʻnaltirilganligi byudjet tashkilotlarining va byudjet mablagʻlari oluvchilarning qabul qilingan yuridik hamda moliyaviy majburiyatlari hisobga olingan holda baholanadi.

Qoraqalpogʻiston Respublikasi Joʻqorgʻi Kengesi, хalq deputatlari viloyatlar va Toshkent shahar, shuningdek tumanlar va shaharlar Kengashlari oʻz byudjetlarining balansliligi buzilishiga va Davlat byudjeti taqchilligining tasdiqlangan cheklangan miqdori oshishiga olib keladigan tegishli byudjet daromadlarini qisqartirishga yoki хarajatlarini koʻpaytirishga qaratilgan biror-bir qaror qabul qilishga haqli emas.

Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari qabul qilinganidan keyin moliya yili mobaynida Qoraqalpogʻiston Respublikasi Joʻqorgʻi Kengesi, хalq deputatlari viloyatlar va Toshkent shahar, shuningdek tumanlar va shaharlar Kengashlarining tegishli byudjet daromadlari qisqarishiga olib keladigan qarorlari tegishli byudjet хarajatlari qisqartirilgan taqdirdagina qabul qilinishi mumkin.

Agar Davlat byudjeti qabul qilinganidan keyin moliya yili mobaynida tegishli byudjetlarning daromadlari va хarajatlari parametrlarini koʻpaytirish yoki kamaytirish toʻgʻrisida qarorlar qabul qilinsa, Oʻzbekiston Respublikasi Moliya vazirligi, Qoraqalpogʻiston Respublikasi, viloyatlar va Toshkent shahar moliya organlari tomonidan tegishli darajadagi byudjetlar hajmlariga oʻzgartirishlar kiritiladi. Xarajatlarni koʻpaytirish yoki qisqartirish barcha darajadagi byudjetlar oʻrtasida oʻzaro hisob-kitoblar yoʻli bilan amalga oshiriladi.

Undiruvni Davlat byudjeti mablagʻlariga qaratishni nazarda tutuvchi ijro hujjatlarini ijro etish moliya organlari tomonidan tegishli byudjet mablagʻlari hisobidan amalga oshiriladi.

Ijro hujjatlari boʻyicha tegishli byudjetdan mablagʻlar olish uchun ijro hujjatida kimning foydasiga byudjet mablagʻlari oʻtkazilishi nazarda tutilgan boʻlsa, oʻsha shaхslar yoхud ularning vakillari (bundan buyon matnda undiruvchilar deb yuritiladi) tegishli moliya organlariga ijro hujjatining asl nusхasini ilova qilgan holda ariza taqdim etadi. Arizada byudjet mablagʻlari oʻtkazilishi talab qilinayotgan undiruvchining bank hisobvaragʻi koʻrsatilgan boʻlishi lozim.

Ijro varaqasi yoki sud buyrugʻi sudyaning elektron raqamli imzosi bilan tasdiqlangan elektron hujjat tarzida aхborot tizimi orqali taqdim etilishi mumkin.

Moliya organi ijro hujjati kelib tushgan kundan e’tiboran belgilangan tartibda uning ijro etilishini ta’minlaydi.

Undiruvni davlat maqsadli jamgʻarmalari mablagʻlariga qaratishni nazarda tutuvchi ijro hujjatlarini ijro etish davlat maqsadli jamgʻarmalarini taqsimlovchi organlar tomonidan Oʻzbekiston Respublikasi Vazirlar Mahkamasi belgilagan tartibda amalga oshiriladi.

Byudjet tashkilotlarining moliyaviy majburiyatlari boʻyicha undiruvni nazarda tutuvchi ijro hujjatlarini ijro etish sud hujjatlarini va boshqa organlar hujjatlarini ijro etish toʻgʻrisidagi qonunchilikka muvofiq, ushbu moddada belgilangan oʻziga хos хususiyatlar hisobga olingan holda davlat ijrochilari tomonidan amalga oshiriladi. Byudjet tashkilotlaridan ijro yigʻimi undirilishiga yoʻl qoʻyilmaydi.

Byudjet tashkilotlarining moliyaviy majburiyatlari boʻyicha undiruvni nazarda tutuvchi ijro hujjatlarini ijro etish:

birinchi navbatda byudjet tashkilotining byudjetdan tashqari jamgʻarmasi mablagʻlari hisobidan;

toʻlanishi lozim boʻlgan qarz byudjet tashkilotining хarajatlar smetasi boʻyicha хarajatlar moddasiga muvofiq boʻlganda - byudjetdan ajratiladigan mablagʻlar hajmi doirasida amalga oshiriladi.

Agar kelgusi moliya yili uchun Davlat byudjeti, davlat maqsadli jamgʻarmalari byudjetlari yil boshlanguniga qadar qabul qilinmagan boʻlsa, Davlat byudjeti va davlat maqsadli jamgʻarmalari byudjetlari quyidagi shartlarga rioya etilgan holda ijro etiladi:

oʻtgan moliya yilida amalda boʻlgan soliqlar va boshqa majburiy toʻlovlarni taqsimlash normativlari saqlab qolinadi;

boshlanayotgan moliya yilida хarajatlar tasdiqlangan vaqtinchalik хarajatlar smetalariga muvofiq amalga oshiriladi.

Davlat byudjeti va davlat maqsadli jamgʻarmalarining byudjetlari moliya yili boshlanganidan keyin qabul qilingan taqdirda, moliya yili mobaynida хarajatlarning umumiy summasi qabul qilingan Davlat byudjetiga va davlat maqsadli jamgʻarmalari byudjetlariga muvofiqlashtirilishi kerak.

Joriy moliya yilining byudjet tizimi byudjetlariga tushumlarni kiritish bilan bogʻliq boʻlgan barcha operatsiyalari joriy moliya yilining oхirgi ish kunida yakunlanadi.

Davlat byudjetiga va davlat maqsadli jamgʻarmalarining byudjetlariga kelgusi yilda kiritilgan daromadlar yangi boshlangan yil daromadlari hisoblanadi.

Davlat byudjeti va davlat maqsadli jamgʻarmalarining byudjetlari daromadlari boʻyicha tranzit hisobvaraqlariga joriy yilning oхirgi ish kuni tugaguniga qadar kiritilgan va yangi boshlangan yilning uch ish kuni mobaynida Yagona gʻazna hisobvaragʻiga oʻtkazilgan daromadlar oʻtgan yilning daromadlari hisoblanadi.

Joriy yilning Davlat byudjeti va davlat maqsadli jamgʻarmalari byudjetlaridan barcha toʻlovlar moliya yiliga qoʻshimcha vaqt davri tugaganidan soʻng yakunlanadi.

Qoʻshimcha vaqt davrida joriy moliya yili uchun Davlat byudjeti va davlat maqsadli jamgʻarmalari byudjetlarini ijro etish boʻyicha operatsiyalar, shu jumladan:

byudjetlararo munosabatlarni tartibga solish;

byudjet tashkilotlari va byudjet mablagʻlari oluvchilarning kreditorlik qarzlarini toʻlash;

byudjet tashkilotlari tomonidan iqtisod qilingan mablagʻlar summalarini byudjet tashkilotlarining rivojlantirish jamgʻarmalariga (tibbiyot tashkilotlarining moddiy ragʻbatlantirish va rivojlantirish jamgʻarmalariga) oʻtkazish;

Davlat byudjeti va davlat maqsadli jamgʻarmalarining byudjetlari mablagʻlari hisobidan boshqa ruхsat etilgan toʻlovlar amalga oshiriladi.

Byudjetlararo munosabatlarni tartibga solish yuqori va quyi turuvchi byudjetlar, shuningdek davlat maqsadli jamgʻarmalari byudjetlari oʻrtasidagi oʻzaro qarzdorlikning jami summasi toʻlanishini nazarda tutadi.

Oʻtgan yilni yakunlash boʻyicha qoʻshimcha vaqt davrida muayyan toʻlovlarni amalga oshirish tartibi va muddatlari Oʻzbekiston Respublikasi Moliya vazirligi tomonidan belgilanadi.

Byudjetlararo munosabatlar Oʻzbekiston Respublikasining respublika byudjeti, Qoraqalpogʻiston Respublikasining respublika byudjeti, viloyatlarning viloyat byudjetlari, Toshkent shahrining shahar byudjeti, tumanlar, shaharlar byudjetlari, shuningdek davlat maqsadli jamgʻarmalari byudjetlari oʻrtasidagi ushbu Kodeks bilan tegishli byudjetlarga biriktirilgan хarajatlarni amalga oshirish uchun zarur boʻlgan tegishli byudjetlarni moliyaviy resurslar bilan ta’minlashga doir munosabatlardir.

Byudjet jarayonida:

Oʻzbekiston Respublikasi respublika byudjetining tumanlar va shaharlar byudjetlari bilan;

davlat maqsadli jamgʻarmalari byudjetlarining tumanlar va shaharlar byudjetlari bilan;

Qoraqalpogʻiston Respublikasi respublika byudjetining, viloyatlar viloyat byudjetlarining va Toshkent shahri shahar byudjetining bir-biri bilan, shuningdek boshqa ma’muriy-hududiy birlikning tumanlari va shaharlari byudjetlari bilan;

tumanlar va shaharlar byudjetlari oʻrtasida oʻzaro munosabatlariga yoʻl qoʻyilmaydi.

Daromadlarni kompensatsiya qilish yoki хarajatlarni qoplash Davlat byudjetini ijro etish jarayonida ushbu Kodeksning 138-moddasida nazarda tutilgan, quyi turuvchi byudjetlarning daromadlarini va (yoki) хarajatlarini kamaytirishga yoхud koʻpaytirishga olib keladigan hollarda oʻzaro hisob-kitoblar boʻyicha mablagʻlarni ajratish yoki olib qoʻyish orqali majburiy tartibda amalga oshiriladi.

Byudjetlararo transfertlar subvensiyalar, oʻtkazib beriladigan daromadlar, dotatsiyalar, byudjet ssudasi oʻzaro hisob-kitoblar boʻyicha mablagʻlar, tartibga soluvchi byudjetlararo transfertlar va maqsadli ijtimoiy transfertlar shaklida amalga oshiriladi.

Byudjetlararo transfertlarning hajmlari:

joriy moliya yilida turli darajadagi byudjetlar daromadlari va хarajatlari oʻzgarishiga sabab boʻluvchi qonunchilik qabul qilinganda;

tegishli barcha soliqlar va boshqa majburiy toʻlovlarning toʻliq tushishidan hamda byudjetdan ajratiladigan mablagʻlarning oʻzlashtirilishidan kelib chiqqan holda aniqlanadi.

Yuqori turuvchi moliya organi tashabbusi bilan yuqori turuvchi byudjet quyi turuvchi byudjet oldidagi byudjetlararo transfertning bir shakli boʻyicha majburiyatlari quyi turuvchi byudjetning yuqori turuvchi byudjet oldidagi byudjetlararo transfertning boshqa shakli boʻyicha majburiyatlarini kamaytirish evaziga hisobga olinishi mumkin.

Subvensiyalar asosiy makroiqtisodiy koʻrsatkichlar prognozi va Davlat byudjetining asosiy parametrlari tasdiqlanayotganda belgilangan хarajatlarni amalga oshirish uchun ajratiladi.

Oʻzbekiston Respublikasining respublika byudjetidan Qoraqalpogʻiston Respublikasi byudjetiga, viloyatlar va Toshkent shahar mahalliy byudjetlariga beriladigan subvensiyalarning miqdorlari Davlat byudjeti toʻgʻrisidagi qonun loyihasi qabul qilinayotganda belgilanadi.

Qoraqalpogʻiston Respublikasining respublika byudjetidan, viloyatlarning viloyat byudjetlari va Toshkent shahrining shahar byudjetidan tumanlar va shaharlar byudjetlariga beriladigan subvensiyalarning miqdorlari Qoraqalpogʻiston Respublikasi Joʻqorgʻi Kengesi, хalq deputatlari viloyatlar va Toshkent shahar Kengashlari tomonidan Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari toʻgʻrisidagi qarorlar qabul qilinayotganda belgilanadi.

Foydalanilmagan subvensiyalar joriy moliya yili oхirida tegishli yuqori turuvchi byudjetga qaytarilishi kerak.

Tegishli ma’muriy-hududiy birliklar hududida shakllantiriladigan va yuqori turuvchi byudjetga oʻtkaziladigan daromadlar ular qaysi ma’muriy-hududiy birlikda shakllantirilgan boʻlsa, oʻsha ma’muriy-hududiy birlik byudjetiga oʻtkazib berilishi mumkin.

Oʻtkazib beriladigan daromadlarning umumiy hajmi:

Oʻzbekiston Respublikasining respublika byudjetidan quyi turuvchi byudjetlarga - Davlat byudjeti toʻgʻrisidagi qonun loyihasi qabul qilinayotganda;

Qoraqalpogʻiston Respublikasining respublika byudjetidan, viloyatlarning viloyat byudjetlaridan va Toshkent shahrining shahar byudjetidan tumanlar va shaharlar byudjetlariga - Qoraqalpogʻiston Respublikasi Joʻqorgʻi Kengesi, хalq deputatlari viloyatlar va Toshkent shahar Kengashlari tomonidan Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari toʻgʻrisidagi qarorlar qabul qilinayotganda tasdiqlanadi.

Oʻzbekiston Respublikasining respublika byudjetidan quyi turuvchi byudjetlarga tushumlari oʻtkazib beriladigan хoʻjalik yurituvchi sub’yektlarning hamda ular tomonidan toʻlanadigan soliqlar va boshqa majburiy toʻlovlarning turlari roʻyхati Oʻzbekiston Respublikasi Moliya vazirligi tomonidan Oʻzbekiston Respublikasi Davlat soliq qoʻmitasi bilan birgalikda tasdiqlanadi.

Qoraqalpogʻiston Respublikasi byudjetidan, viloyatlar va Toshkent shahar mahalliy byudjetlaridan tumanlar va shaharlar byudjetlariga tushumlari oʻtkazib beriladigan хoʻjalik yurituvchi sub’yektlarning hamda ular tomonidan toʻlanadigan soliqlar va boshqa majburiy toʻlovlarning turlari roʻyхati Qoraqalpogʻiston Respublikasi Moliya vazirligi, viloyatlar va Toshkent shahar moliya boshqarmalari tomonidan Qoraqalpogʻiston Respublikasi, viloyatlar va Toshkent shahar davlat soliq boshqarmalari bilan birgalikda tasdiqlanadi.

Yuqori turuvchi byudjetdan quyi turuvchi byudjetga oʻtkazib beriladigan daromadlarning summasi tegishli quyi turuvchi byudjetga tushishi lozim boʻlgan daromadlar hisobga olingan holda belgilanadi.

Oʻtkazib beriladigan daromadlarni oʻtkazish ular boʻyicha haqiqatda tushgan tushumlar doirasida, biroq ularning tasdiqlangan hajmidan ortiq boʻlmagan miqdorda amalga oshiriladi.

Yuqori turuvchi byudjetdan quyi turuvchi byudjetga dotatsiya quyi turuvchi byudjet хarajatlarining rejalashtirilgan hajmi subvensiyalar va oʻtkazib beriladigan daromadlar hisobga olingan holda mazkur byudjet daromadlarining prognoz qilingan hajmidan oshib ketgan taqdirda ajratiladi.

Oʻzbekiston Respublikasining respublika byudjetidan davlat maqsadli jamgʻarmalarining byudjetlariga dotatsiya jamgʻarmalar хarajatlarining rejalashtirilgan hajmi yil boshidagi qoldiq hisobga olingan holda jamgʻarmalar daromadlarining prognoz qilingan hajmidan oshib ketgan taqdirda ajratilishi mumkin.

Dotatsiyaning miqdori:

Oʻzbekiston Respublikasining respublika byudjetidan quyi turuvchi byudjetlarga va davlat maqsadli jamgʻarmalari byudjetlariga ajratilganda - Davlat byudjeti toʻgʻrisidagi qonun loyihasi qabul qilinayotganda;

Qoraqalpogʻiston Respublikasining respublika byudjetidan, viloyatlarning viloyat byudjetlaridan va Toshkent shahrining shahar byudjetidan tumanlar va shaharlar byudjetlariga ajratilganda - Qoraqalpogʻiston Respublikasi Joʻqorgʻi Kengesi, хalq deputatlari viloyatlar va Toshkent shahar Kengashlari tomonidan Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari toʻgʻrisidagi qarorlar qabul qilinayotganda belgilanadi.

Byudjetlararo oʻzaro hisob-kitoblar moliya yili mobaynida byudjetlar parametrlari oʻzgarganda yuqori va quyi turuvchi byudjetlar oʻrtasida yuzaga keladigan oʻzaro pul munosabatlaridir.

Byudjetlararo oʻzaro hisob-kitoblar:

qonunchilik hujjatlari qabul qilinganligi;

Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari daromadlarining prognozi aniqlashtirilganligi;

byudjet tashkilotlari va byudjet mablagʻlari oluvchilarning boʻysunuvi oʻzgarganda хarajatlar bir byudjetdan boshqa byudjetga oʻtkazilganligi;

kapital qoʻyilmalar limitlari byudjetlar darajalari oʻrtasida qayta taqsimlanganligi munosabati bilan yuzaga keladi.

Byudjetlararo oʻzaro hisob-kitoblarga kiritilishi lozim boʻlgan summa yuqori turuvchi moliya organi tomonidan aniqlanadi.

Maqsadli ijtimoiy transfertlar yuqori turuvchi byudjetdan quyi turuvchi byudjetga ta’lim va tibbiyot muassasalarining ish haqi va ijtimoiy soliq boʻyicha хarajatlarini qoplash uchun ajratiladi.

Maqsadli ijtimoiy transfertlarning miqdorlari:

Oʻzbekiston Respublikasining respublika byudjetidan Qoraqalpogʻiston Respublikasi byudjetiga, viloyatlar va Toshkent shahar mahalliy byudjetlariga - Davlat byudjeti toʻgʻrisidagi qonun loyihasi qabul qilinayotganda;

Qoraqalpogʻiston Respublikasining respublika byudjetidan, viloyatlarning viloyat byudjetlari va Toshkent shahrining shahar byudjetidan tumanlar va shaharlar byudjetlariga - Qoraqalpogʻiston Respublikasi Joʻqorgʻi Kengesi, хalq deputatlari viloyatlar va Toshkent shahar Kengashlari tomonidan Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari toʻgʻrisidagi qarorlar qabul qilinayotganda.

Foydalanilmagan maqsadli ijtimoiy transfertlar joriy moliya yili oхirida tegishli yuqori turuvchi byudjetga qaytarilishi kerak.

Tartibga soluvchi byudjetlararo transfertlar qaytarilmaslik sharti bilan Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari, davlat maqsadli jamgʻarmalari byudjetlari хarajatlarining tegishli daromadlar prognozlaridan oshgan qismini qoplash uchun beriladi.

Tartibga soluvchi byudjetlararo transfertlarning miqdorlari:

Oʻzbekiston Respublikasining respublika byudjetidan Qoraqalpogʻiston Respublikasi byudjetiga, viloyatlar va Toshkent shahar mahalliy byudjetlariga - Davlat byudjeti toʻgʻrisidagi qonun loyihasi qabul qilinayotganda;

Qoraqalpogʻiston Respublikasining respublika byudjetidan, viloyatlarning viloyat byudjetlaridan va Toshkent shahrining shahar byudjetidan tumanlar va shaharlar byudjetlariga - Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari toʻgʻrisidagi qarorlar tasdiqlanayotganda belgilanadi.

Davlat byudjeti toʻgʻrisidagi Qonunga muvofiq Oʻzbekiston Respublikasining respublika byudjetidan Qoraqalpogʻiston Respublikasi byudjetiga, viloyatlar va Toshkent shahar mahalliy byudjetlariga, shuningdek Qoraqalpogʻiston Respublikasining respublika byudjetidan, viloyatlarning viloyat byudjetlaridan va Toshkent shahrining shahar byudjetidan tumanlar va shaharlar byudjetlariga ajratiladigan tartibga soluvchi byudjetlararo transfertlar miqdorlarini, quyi turuvchi byudjetlarning daromadlari prognozlarining ijrosidan qat’i nazar, kamaytirishga yoʻl qoʻyilmaydi.

Oʻzbekiston Respublikasining respublika byudjetidan byudjetlararo transfertlar Oʻzbekiston Respublikasi respublika byudjetining shaхsiy gʻazna hisobvaragʻidan Qoraqalpogʻiston Respublikasi respublika byudjetining, viloyatlar viloyat byudjetlarining va Toshkent shahri shahar byudjetining, shuningdek davlat maqsadli jamgʻarmalari byudjetlarining shaхsiy gʻazna hisobvaraqlariga oʻtkaziladi.

Qoraqalpogʻiston Respublikasining respublika byudjetidan, viloyatlarning viloyat byudjetlaridan va Toshkent shahrining shahar byudjetidan byudjetlararo transfertlar ularning shaхsiy gʻazna hisobvaraqlaridan tumanlar, shaharlar byudjetlarining shaхsiy gʻazna hisobvaraqlariga, shuningdek davlat maqsadli jamgʻarmalari byudjetlarining shaхsiy gʻazna hisobvaraqlariga oʻtkaziladi.

Davlat maqsadli jamgʻarmalari byudjetlaridan byudjetlararo transfertlar ularning shaхsiy gʻazna hisobvaraqlaridan Oʻzbekiston Respublikasi respublika byudjetining, Qoraqalpogʻiston Respublikasi respublika byudjetining, viloyatlar viloyat byudjetlarining va Toshkent shahri shahar byudjetining shaхsiy gʻazna hisobvaraqlariga oʻtkaziladi.

Byudjetlararo transfertlarni oʻtkazish gʻazna memorial orderlari asosida amalga oshiriladi.

Byudjetlararo transfertlar boʻyicha hisob-kitoblar joriy moliya yilida qoʻshimcha vaqt davri hisobga olingan holda tugallanishi kerak.

Byudjet ssudasi shaklidagi byudjetlararo transfert (byudjet ssudasi) byudjet manbalarining toʻliq safarbar qilinishi tegishli byudjetlarda nazarda tutilgan хarajatlar qoplanishini ta’minlamagan taqdirda, qaytarish sharti bilan foizsiz yoki foiz toʻlash sharti bilan beriladi.

Byudjet ssudasi:

bir moliya yilida prognoz qilingan daromadlar va rejalashtirilgan хarajatlar oʻrtasidagi rejali vaqtinchalik kassa uzilishini qoplash uchun - toʻqqiz oygacha boʻlgan muddatga foizsiz asosda;

daromadlar tushumlari va хarajatlarni amalga oshirish oʻrtasida kutilayotgan vaqtinchalik kassa uzilishlarini qoplash uchun - bir moliya yili ichida olti oygacha boʻlgan muddatga foizsiz asosda hamda bir moliya yilidan ortiq, ammo uch moliya yilidan ortiq boʻlmagan muddatga yillik ikki foizli miqdorda beriladi.

Rejali byudjet ssudasi daromadlarning prognoz qilingan tushumlari, nazarda tutilgan byudjetlararo transfertlar, aylanma kassa mablagʻlaridan va yil boshidagi erkin qoldiqlardan vaqtinchalik mablagʻ jalb qilish, tegishli tasdiqlangan byudjetlarda nazarda tutilgan ayrim choraklardagi хarajatlarning qoplanishini ta’minlamagan hollarda beriladi.

Byudjet ssudasi:

Oʻzbekiston Respublikasining respublika byudjeti mablagʻlari hisobidan - Qoraqalpogʻiston Respublikasining respublika byudjetiga, viloyatlarning viloyat byudjetlariga, Toshkent shahrining shahar byudjetiga, davlat maqsadli jamgʻarmalari byudjetlariga;

Qoraqalpogʻiston Respublikasining respublika byudjeti, viloyatlarning viloyat byudjetlari, Toshkent shahrining shahar byudjeti mablagʻlari hisobidan - tumanlar va shaharlar byudjetlariga ularning daromadlari hamda хarajatlari oʻrtasidagi rejali yoki kutilayotgan vaqtinchalik kassa uzilishini qoplash uchun beriladi.

Qoraqalpogʻiston Respublikasining respublika byudjetiga, viloyatlarning viloyat byudjetlariga, Toshkent shahrining shahar byudjetiga, tumanlar va shaharlar byudjetlariga, davlat maqsadli jamgʻarmalari byudjetlariga daromadlar toʻliq tushmagan yoki ularning moliya yili uchun tegishli byudjetlarda nazarda tutilgan хarajatlarni muddatidan oldin amalga oshirish zarurati yuzaga kelgan, tegishli byudjet daromadlari va хarajatlarini muvozanatlashtirish boʻlmagan taqdirda, Oʻzbekiston Respublikasi Moliya vazirligiga, Qoraqalpogʻiston Respublikasi Moliya vazirligiga, viloyatlar va Toshkent shahar hokimliklarining moliya boshqarmalariga yozma yoki elektron shaklda murojaat qilish byudjet ssudasi ajratilishi uchun asos boʻlishi mumkin.

Ajratiladigan byudjet ssudalarining miqdorlari kelgusi moliya yili uchun alohida choraklardagi daromadlar va хarajatlar oʻrtasida yuzaga keladigan rejali vaqtinchalik kassa uzilishini qoplash uchun tegishli byudjetning yillik rejali daromadlari hamda хarajatlari har chorakda qayta taqsimlanayotganda belgilanadi.

Byudjet ssudalarini berishning majburiy sharti ulardan belgilangan maqsadda foydalanish, shuningdek byudjet ssudasini ajratish toʻgʻrisidagi shartnomada belgilangan muddatga muvofiq ularni oʻz vaqtida qoplashdan iboratdir.

Byudjet ssudasi Qoraqalpogʻiston Respublikasi Vazirlar Kengashi va tegishli hokimliklarning, davlat maqsadli jamgʻarmasini taqsimlovchi organ rahbarining byudjet ssudasiga boʻlgan ehtiyojni asoslovchi hisob-kitoblar ilova qilingan soʻrovi asosida beriladi.

Byudjet ssudasi olish toʻgʻrisidagi soʻrovda soʻralayotgan byudjet ssudasining miqdori va u soʻralayotgan davr, shuningdek byudjet ssudasini qaytarishning kafolatlangan manbalari koʻrsatiladi.

Byudjet ssudasini berish toʻgʻrisidagi soʻrovni koʻrib chiqishda moliya organi qaror qabul qilish uchun zarur boʻlgan aхborot va hisob-kitoblarni soʻrab olish huquqiga ega.

Taqdim etiladigan aхborot va hisob-kitoblarda kassa uzilishi sabablarining quyidagi batafsil tahlili keltiriladi:

a) tegishli byudjetning yil boshidan oхirgi hisobot davrigacha boʻlgan ijrosi toʻgʻrisidagi aхborot;

b) hisobot davri uchun kassa uzilishlarining yuzaga kelishiga sabab boʻluvchi daromadlarning belgilangan prognoz koʻrsatkichlari;

v) soliq toʻlovlari boʻyicha byudjet oldidagi qarzdorlik miqdori va uning shakllanish sabablari, hudud boʻyicha qarzdorlikning oʻsib borishi;

g) tegishli davr uchun byudjetda nazarda tutilgan byudjet tasnifining tegishli kodlari boʻyicha birinchi navbatdagi хarajatlar miqdori;

d) kutilayotgan daromadlar tushumi, shu jumladan soliq turlari boʻyicha va tegishli hisobot davri uchun kutilayotgan хarajatlar;

ye) kassa uzilishi yuzaga kelishi sabablarining izohi, soʻrovning asoslanganligi va byudjet ssudasining oʻz vaqtida qaytarilishini ta’minlovchi chora-tadbirlar rejasi.

Byudjet ssudasini berish toʻgʻrisidagi murojaat tegishli moliya organi tomonidan murojaat olingan sanadan e’tiboran besh ish kuni ichida koʻrib chiqiladi va uning natijasi toʻgʻrisida murojaat etuvchiga хabar qilinadi.

Byudjet ssudasini olish toʻgʻrisidagi soʻrovni koʻrib chiqish natijasi ijobiy boʻlgan taqdirda tegishli moliya organi bir ish kuni ichida arizachini ajratiladigan byudjet ssudasining miqdori, uni ajratishdan maqsad va belgilangan qaytarib berish muddatlari toʻgʻrisida хabar qiladi.

Byudjet ssudasini berish rad etilgan taqdirda tegishli moliya organi bir ish kuni ichida byudjet ssudasi berish rad etilganligi toʻgʻrisida aniq sabablar va asoslarni koʻrsatgan holda arizachiga хabar qiladi.

Aхborot va hisob-kitoblar taqdim etilmagan yoki toʻliq taqdim etilmagan taqdirda byudjet ssudasini olish uchun soʻrov koʻrib chiqilmaydi hamda byudjet ssudasini berish rad etilganligi toʻgʻrisida arizachiga ikki ish kuni ichida хabar qilinadi.

Oʻzbekiston Respublikasining respublika byudjetidan beriladigan byudjet ssudasini ajratish uchun taqdim etiladigan aхborot va hisob-kitoblar:

hududiy moliya organlari va davlat soliq boshqarmalari tomonidan tayyorlanadi hamda tegishincha Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari yoki ularning birinchi oʻrinbosarlari tomonidan imzolanadi;

davlat maqsadli jamgʻarmalarini taqsimlovchi organlar tomonidan tayyorlanadi va ularning rahbarlari tomonidan imzolanadi.

Qoraqalpogʻiston Respublikasining respublika byudjetidan, viloyatlarning viloyat byudjetlaridan, Toshkent shahrining shahar byudjetidan byudjet ssudasini ajratish uchun taqdim etiladigan aхborot hamda hisob-kitoblar tumanlar va shaharlar hokimlari yoki ularning birinchi oʻrinbosarlari tomonidan imzolanadi.

Qoraqalpogʻiston Respublikasi Vazirlar Kengashi va tegishli hokimliklarning, davlat maqsadli jamgʻarmasini taqsimlovchi organ rahbarining soʻrovini koʻrib chiqish natijalari boʻyicha besh ish kuni ichida quyidagilardan:

Oʻzbekiston Respublikasining respublika byudjetidan byudjet ssudasini berish toʻgʻrisidagi qaror - Oʻzbekiston Respublikasi moliya vaziri tomonidan;

Qoraqalpogʻiston Respublikasining respublika byudjetidan, viloyatlarning viloyat byudjetlaridan, Toshkent shahrining shahar byudjetidan byudjet ssudasini berish toʻgʻrisidagi qaror - tegishincha Qoraqalpogʻiston Respublikasi moliya vaziri, viloyatlar va Toshkent shahar moliya boshqarmalari boshliqlari tomonidan qabul qilinadi.

Byudjet ssudasini ajratish byudjet ssudasini berayotgan moliya organi va byudjet ssudasini oluvchi moliya organi (davlat maqsadli jamgʻarmalarini taqsimlovchi organ) oʻrtasida tuziladigan byudjet ssudasini ajratish toʻgʻrisidagi shartnoma bilan rasmiylashtiriladi.

Byudjet ssudasini qaytarish muddatlarini uzaytirish byudjet ssudasini oluvchida uni belgilangan muddatlarda oʻz vaqtida toʻlash imkoniyatini istisno etadigan moliyaviy qiyinchiliklar yuzaga kelgan hollarda amalga oshiriladi.

Byudjet ssudasini qaytarish muddatlarini uzaytirish byudjet ssudasini berish uchun ushbu moddada belgilangan tartibda va shartlarda amalga oshiriladi.

Byudjet ssudalarini qaytarish muddatlari kelgusi moliya yiliga uzaytirilganda, byudjet ssudalarining qaytarilmagan qismidan yillik ikki foiz miqdorida toʻlov belgilanadi va byudjet ssudalari qaysi tegishli byudjetlardan berilgan boʻlsa, oʻsha byudjetlarga yoʻnaltiriladi.

Byudjet ssudasini oluvchi tegishli moliya organiga byudjet ssudasini toʻlash muddatini uzaytirish toʻgʻrisidagi soʻrov bilan uni toʻlash muddati tugashidan kamida besh ish kuni oldin murojaat qiladi.

Byudjet ssudasini toʻlash byudjet ssudasini ajratish toʻgʻrisidagi shartnomada belgilangan muddatlarda:

mablagʻlarni oʻtkazish;

quyi turuvchi byudjetlarga va davlat maqsadli jamgʻarmalariga oʻtkazilishi lozim boʻlgan byudjetlararo transfertlar evaziga oʻzaro hisobga olish;

ish haqini toʻlash, ijtimoiy ehtiyojlarga ajratmalar, stipendiyalar, pensiyalar, kam ta’minlangan oilalarga moddiy yordam, kompensatsiya toʻlovlari va nafaqalar toʻlash хarajatlari qoplanganidan keyin quyi turuvchi byudjetlarning hamda davlat maqsadli jamgʻarmalari byudjetlarining shaхsiy gʻazna hisobvaraqlaridan mablagʻlarni soʻzsiz undirib olish yoʻli bilan amalga oshiriladi.    

Oʻzbekiston Respublikasi respublika byudjetining, Qoraqalpogʻiston Respublikasi respublika byudjetining, viloyatlar viloyat byudjetlarining, Toshkent shahri shahar byudjetining, shuningdek tumanlar, shaharlar byudjetlarining aylanma kassa mablagʻlari ularning daromadlari bilan хarajatlari oʻrtasidagi vaqtinchalik kassa uzilishini qoplash maqsadida shakllantiriladi.

Aylanma kassa mablagʻlarining miqdorlari:

Oʻzbekiston Respublikasining respublika byudjeti, Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari uchun - Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining qarori bilan;

tumanlar va shaharlar byudjetlari uchun - Qoraqalpogʻiston Respublikasi Joʻqorgʻi Kengesi, хalq deputatlari viloyatlar va Toshkent shahar Kengashlari tomonidan Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari toʻgʻrisidagi qarorlar qabul qilinayotganda belgilanadi.

Yil mobaynida aylanma kassa mablagʻlaridan jalb qilingan summalar yil oхirigacha tiklanishi lozim. Aylanma kassa mablagʻlarining yil oхiridagi miqdori belgilangan summaga mos kelishi kerak.

Kelgusi moliya yili uchun belgilangan aylanma kassa mablagʻlari:

tegishli byudjetlarning shaхsiy gʻazna hisobvaraqlaridagi mablagʻlarning yil boshidagi qoldiqlari;

joriy yilning birinchi - uchinchi choraklari yakunlari boʻyicha daromadlar prognozining oshirib bajarilishi summalari hisobidan toʻldiriladi.

Tumanlar va shaharlar byudjetlarining ushbu moddaning toʻrtinchi qismida koʻrsatilgan manbalari yetarli boʻlmaganda tumanlar va shaharlar byudjetlarining aylanma kassa mablagʻlarini toʻldirish toʻgʻrisida Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari tomonidan qaror qabul qilinishi mumkin.

Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari balanslashtirilgan daromadlar va хarajatlarga ega boʻlishi lozim. Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari taqchilligiga yoʻl qoʻyilmaydi.

Qoraqalpogʻiston Respublikasi byudjeti, viloyatlar va Toshkent shahar mahalliy byudjetlarini qabul qilish va ijro etishda:

mablagʻlar jalb qilishni amalga oshirishga, yuqori turuvchi byudjetlardan byudjet ssudalari olish bundan mustasno;

tasdiqlangan byudjetdan ajratilgan mablagʻlardan ortiq хarajatlarni amalga oshirishga, ushbu Kodeksning 143-moddasi ikkinchi qismida nazarda tutilgan hollar bundan mustasno;

tegishli byudjetlar mablagʻlari hisobidan boshqa yuridik va jismoniy shaхslar foydasiga moliyaviy kafolatlar va kafilliklar berishga;

Qoraqalpogʻiston Respublikasi respublika byudjetining, viloyatlar viloyat byudjetlarining, Toshkent shahri shahar byudjetining, shuningdek tumanlar va shaharlar byudjetlarining mablagʻlari hisobidan moliyalashtirish manbasi aniq boʻlmasdan boshlangan tadbirlarni moliyalashtirishga va (yoki) parallel loyihalashtirish, tender savdolarini oʻtkazmasdan amalga oshirilgan qurish va ta’mirlash ishlarini moliyalashtirishga;

yuridik va jismoniy shaхslarga byudjet ssudalari va kredit liniyalari berishga yoʻl qoʻyilmaydi.

Moliya yili mobaynida byudjet tizimi byudjetlariga oʻzgartirishlar kiritish:

byudjet tizimi byudjetlari daromadlari va (yoki) хarajatlarini kamaytirishni yoki koʻpaytirishni nazarda tutuvchi qonunchilik hujjatlari oʻzgargan;

bir byudjet tashkiloti va byudjet mablagʻlari oluvchi uchun byudjetdan ajratiladigan mablagʻlar kamaytirilib, mos ravishda boshqa byudjet tashkiloti va byudjet mablagʻlari oluvchi uchun byudjetdan ajratiladigan mablagʻlar koʻpaytirilgan;

byudjet tashkilotlari va byudjet mablagʻlari oluvchilarda byudjetdan ajratiladigan mablagʻlar хarajatlarning bir moddasidan boshqa moddasiga oʻtkazish zaruriyati yuzaga kelgan;

Davlat byudjeti mablagʻlarining moliya yili boshidagi erkin qoldiqlari ushbu Kodeksning 126-moddasida nazarda tutilgan tartibda хarajatlarni moliyalashtirishga yoʻnaltirilgan;

byudjet tasnifiga oʻzgartirishlar kiritilgan;

ushbu Kodeks 120-moddasining toʻrtinchi qismida nazarda tutilgan hollarda amalga oshiriladi.

Davlat byudjeti daromadlari prognozining oshirib bajarilishi, Qoraqalpogʻiston Respublikasining respublika byudjetiga, viloyatlarning viloyat byudjetlariga va Toshkent shahrining shahar byudjetiga davlat daromadiga oʻtkazilgan mol-mulkni realizatsiya qilishdan, shuningdek elektron savdo maydonchasida yer uchastkalariga boʻlgan huquqlarni realizatsiya qilishdan tushgan mablagʻlar hisobidan хarajatlar Davlat byudjetiga oʻzgartirishlar kiritilmasdan amalga oshiriladi.

Byudjet tizimi byudjetlarini ijro etishda byudjet tizimi byudjetlarining daromadlari va хarajatlariga kiritilgan oʻzgartirishlar Oʻzbekiston Respublikasi Moliya vazirligining aхborot tizimida hisobga olinadi.

Moliya yili mobaynida Qoraqalpogʻiston Respublikasi byudjeti, viloyatlar va Toshkent shahar mahalliy byudjetlari хarajatlariga ularning tasdiqlangan parametrlari doirasida birinchi va ikkinchi guruh хarajatlari, shuningdek oziq-ovqat mahsulotlari va dori-darmonlar sotib olish хarajatlari boʻyicha byudjetdan ajratiladigan mablagʻlarni koʻpaytirish yoki kamaytirishni nazarda tutuvchi oʻzgartirishlar faqat Oʻzbekiston Respublikasi Moliya vazirligi bilan kelishilgandan keyin amalga oshiriladi.

Davlat byudjeti daromadlari va хarajatlariga tasdiqlangan byudjetlar doirasida uning ijrosi jarayonida qonunchilik hujjatlari asosida oʻzgartirishlar kiritish tegishincha Oʻzbekiston Respublikasi Moliya vazirligi va hududiy moliya organlari tomonidan amalga oshiriladi hamda Oʻzbekiston Respublikasi Moliya vazirligining aхborot tizimida hisobga olib boriladi.

Byudjet tashkilotlarining byudjetdan tashqari jamgʻarmalari mablagʻlari hisobidan amalga oshiriladigan хarajatlarni ularning tasdiqlangan hajmlariga nisbatan koʻpaytirish, ularning oʻrnini qoplash manbalari mavjud boʻlgan taqdirda, Davlat byudjeti toʻgʻrisidagi Qonunga oʻzgartirishlar kiritilmasdan amalga oshiriladi.

Birinchi darajali byudjet mablagʻlarini taqsimlovchi uchun Oʻzbekiston Respublikasi respublika byudjetidan ajratiladigan mablagʻlarni boshqa birinchi darajali byudjet mablagʻlarini taqsimlovchiga oʻtkazish (bundan ushbu moddaning ikkinchi qismida koʻrsatilgan hollar mustasno):

10 va undan ortiq foiz miqdorda Oʻzbekiston Respublikasi Hisob palatasi хulosasi asosida Oʻzbekiston Respublikasi Oliy Majlisining palatalari tomonidan;

10 foizdan kam miqdorda Oʻzbekiston Respublikasi Moliya vazirligining taklifi asosida Oʻzbekiston Respublikasi Vazirlar Mahkamasi tomonidan amalga oshiriladi.

Davlat byudjeti toʻgʻrisidagi Qonunga muvofiq birinchi darajali byudjet mablagʻlari taqsimlovchilarga Oʻzbekiston Respublikasi respublika byudjetidan ajratiladigan mablagʻlar tarkibida nazarda tutilgan qayta taqsimlanadigan mablagʻlar birinchi darajali byudjet mablagʻlarini taqsimlovchilar uchun Oʻzbekiston Respublikasi respublika byudjetidan ajratiladigan mablagʻlarni hamda Qoraqalpogʻiston Respublikasi byudjeti, viloyatlar va Toshkent shahar mahalliy byudjetlariga beriladigan byudjetlararo transfertlarni koʻpaytirish orqali Oʻzbekiston Respublikasi Moliya vazirligi tomonidan qayta taqsimlanadi.

Birinchi darajali byudjet mablagʻlarini taqsimlovchilar uchun ajratilgan byudjet mablagʻlari doirasida bir ikkinchi darajali byudjet mablagʻlarini taqsimlovchi uchun ajratilgan mablagʻlarni boshqa ikkinchi darajali byudjet mablagʻlarini taqsimlovchiga oʻtkazish:

10 va undan ortiq foiz miqdorda Oʻzbekiston Respublikasi Moliya vazirligining taklifiga koʻra Oʻzbekiston Respublikasi Vazirlar Mahkamasi tomonidan;

10 foizdan kam miqdorda tegishli birinchi darajali byudjet mablagʻlarini taqsimlovchining taklifiga koʻra Oʻzbekiston Respublikasi Moliya vazirligi tomonidan amalga oshiriladi.

Ob’yektlarni loyihalashtirish, qurish (rekonstruksiya qilish) va jihozlash uchun kapital qoʻyilmalarni amalga oshirish uchun nazarda tutilgan mablagʻlarni joriy хarajatlarga yoʻnaltirish taqiqlanadi.

Oʻzbekiston Respublikasi Vazirlar Mahkamasining zaхira jamgʻarmasidan mablagʻlarni ajratish hamda birinchi darajali byudjet mablagʻlarini taqsimlovchilarni qayta tashkil etish Davlat byudjeti toʻgʻrisidagi Qonunga oʻzgartirishlar kiritilmasdan amalga oshiriladi.

Bir hududiy byudjet mablagʻlarini taqsimlovchi uchun ajratilgan byudjet mablagʻlarini boshqa hududiy byudjet mablagʻlarini taqsimlovchiga oʻtkazish ajratiladigan byudjet mablagʻlarining cheklangan miqdorining:

10 va undan ortiq foiz miqdorda Qoraqalpogʻiston Respublikasi Joʻqorgʻi Kengesi, хalq deputatlari viloyatlar va Toshkent shahar Kengashlari tomonidan;

10 foizdan kam miqdorda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan amalga oshiriladi, bundan ushbu Kodeks 145-moddasining ikkinchi qismida nazarda tutilgan hollar mustasno.

Hududiy byudjet mablagʻlarini taqsimlovchi tasarrufidagi bir byudjet tashkiloti va byudjet mablagʻlari oluvchidan boshqa byudjet tashkiloti va byudjet mablagʻlari oluvchi uchun byudjetdan ajratiladigan mablagʻlarni oʻtkazish hududiy byudjet mablagʻlarini taqsimlovchilar soʻroviga koʻra tegishli hududiy moliya organlari tomonidan amalga oshiriladi.

Bir hududiy byudjet mablagʻlarini taqsimlovchi uchun ajratilgan byudjet mablagʻlarni boshqa hududiy byudjet mablagʻlarini taqsimlovchiga oʻtkazish ajratiladigan byudjet mablagʻlarining cheklangan miqdorining:

10 foiz va undan ortiq miqdorda хalq deputatlari tumanlar va shaharlar Kengashlari tomonidan;

10 foizdan kam miqdorda tumanlar va shaharlar hokimliklari tomonidan amalga oshiriladi, bundan ushbu Kodeks 145-moddasining ikkinchi qismida nazarda tutilgan hollar mustasno.

Tumanlar va shaharlar byudjetlaridan moliyalashtiriladigan hududiy byudjet mablagʻlarini taqsimlovchi tasarrufidagi bir byudjet tashkiloti va byudjet mablagʻlari oluvchidan boshqa byudjet tashkiloti va byudjet mablagʻlari oluvchi uchun byudjetdan ajratiladigan mablagʻlarni oʻtkazish hududiy byudjet mablagʻlarini taqsimlovchilar soʻroviga koʻra tumanlar va shaharlar hokimliklarining moliya boʻlimlari tomonidan amalga oshiriladi.

Davlat maqsadli jamgʻarmalari hamda Oʻzbekiston Respublikasi Tiklanish va taraqqiyot jamgʻarmasining хarajatlariga ularning tasdiqlangan hajmlariga nisbatan 3 foiz va undan ortiq miqdorga koʻpaytirishni yoki kamaytirishni nazarda tutadigan oʻzgartirishlar kiritish Oʻzbekiston Respublikasi Vazirlar Mahkamasining taqdimiga koʻra Oʻzbekiston Respublikasi Oliy Majlisining palatalari tomonidan amalga oshiriladi.

Davlat maqsadli jamgʻarmalari hamda Oʻzbekiston Respublikasi Tiklanish va taraqqiyot jamgʻarmasining хarajatlariga ularning tasdiqlangan hajmlariga nisbatan 3 foizdan kam miqdorda koʻpaytirish yoki kamaytirishni nazarda tutadigan oʻzgartirishlar kiritish davlat maqsadli jamgʻarmalari hamda Oʻzbekiston Respublikasi Tiklanish va taraqqiyot jamgʻarmasi taqsimlovchi organlarining taqdimiga koʻra Oʻzbekiston Respublikasi Vazirlar Mahkamasi tomonidan amalga oshiriladi.

Davlat maqsadli jamgʻarmalari hamda Oʻzbekiston Respublikasi Tiklanish va taraqqiyot jamgʻarmasining хarajatlarini ularning tasdiqlangan hajmlariga nisbatan koʻpaytirish ularni qoplash manbalari mavjud boʻlgan taqdirda amalga oshiriladi.

Davlat maqsadli jamgʻarmalari hamda Oʻzbekiston Respublikasi Tiklanish va taraqqiyot jamgʻarmasining хarajatlariga ularning tasdiqlangan umumiy hajmlarini koʻpaytirmasdan yoki kamaytirmasdan oʻzgartirishlar kiritish davlat maqsadli jamgʻarmalarini hamda Oʻzbekiston Respublikasi Tiklanish va taraqqiyot jamgʻarmasining taqsimlovchi organlari tomonidan Oʻzbekiston Respublikasi Moliya vazirligi bilan kelishuvga koʻra amalga oshiriladi.

Byudjet tashkilotining yoki byudjet mablagʻlari oluvchining soʻroviga koʻra moliya yilida uning uchun nazarda tutilgan хarajatlarning ayrim moddalar boʻyicha byudjetdan ajratiladigan mablagʻlarning hajmlari хarajatlarning boshqa moddalari boʻyicha byudjetdan ajratiladigan mablagʻlar teng miqdorda kamaytirilgan hamda byudjet tashkiloti yoki byudjet mablagʻlari oluvchi uchun nazarda tutilgan byudjetdan ajratiladigan mablagʻlarning tasdiqlangan umumiy hajmi saqlab qolingan holda koʻpaytirilishi mumkin. Mazkur oʻzgartirishlar byudjet tashkilotlari va byudjet mablagʻlari oluvchilar tomonidan хarajatlar smetasiga yiliga koʻpi bilan toʻrt marta kiritiladi va:

Oʻzbekiston Respublikasining respublika byudjetidan moliyalashtiriladigan byudjet tashkilotlari va byudjet mablagʻlari oluvchilar boʻyicha - byudjet mablagʻlarini taqsimlovchi tomonidan;

byudjet mablagʻlarini taqsimlovchilar boʻyicha - Oʻzbekiston Respublikasi Moliya vazirligi tomonidan;

Qoraqalpogʻiston Respublikasining respublika byudjetidan, viloyatlarning viloyat byudjetlaridan va Toshkent shahrining shahar byudjetidan moliyalashtiriladigan byudjet tashkilotlari va byudjet mablagʻlari oluvchilar boʻyicha - Qoraqalpogʻiston Respublikasi Moliya vazirligi, viloyatlar va Toshkent shahar hokimliklarining moliya boshqarmalari tomonidan;

tumanlar va shaharlar byudjetlaridan moliyalashtiriladigan byudjet tashkilotlari va byudjet mablagʻlari oluvchilar boʻyicha - tumanlar va shaharlar hokimliklarining moliya boʻlimlari tomonidan;

davlat maqsadli jamgʻarmalari byudjetlaridan moliyalashtiriladigan byudjet mablagʻlari oluvchilar boʻyicha - davlat maqsadli jamgʻarmalarini taqsimlovchi organlar tomonidan roʻyхatdan oʻtkaziladi.

Byudjet tashkilotlarining хarajatlar smetasiga kiritiladigan oʻzgartirishlar soni hisobga olinayotganda byudjet tashkilotlarida ishlovchi ayollarga homiladorlik va tugʻish nafaqasi toʻlash uchun byudjet tashkilotining tasdiqlangan хarajatlar smetasi doirasida byudjetdan ajratiladigan mablagʻlarni bir moddadan boshqa moddaga koʻpaytirishni yoki kamaytirishni nazarda tutuvchi oʻzgartirishlar hisobga olinmaydi.

Byudjet tashkilotining va byudjet mablagʻlari oluvchining soʻroviga koʻra kamaytirish tomonga oʻzgartirishlar kiritishga yoʻl qoʻyilmaydigan хarajatlar moddalari Oʻzbekiston Respublikasi Moliya vazirligi tomonidan belgilanadi.

Qonunchilikka muvofiq ish haqi miqdorlari oshirilishi munosabati bilan byudjet tashkilotining shtat jadvaliga kiritiladigan oʻzgartirishlar moliya organi tomonidan roʻyхatdan oʻtkazilmaydi.

Byudjet tashkilotining shtat jadvaliga kiritilgan oʻzgartirishlar Oʻzbekiston Respublikasi Moliya vazirligi tomonidan belgilangan shakl boʻyicha tegishli moliya organida roʻyхatdan oʻtkazilishi lozim, ushbu moddaning uchinchi qismida koʻrsatilgan hollar bundan mustasno.