Qoraqalpogʻiston Respublikasining 09.04.1993 y. "Qoraqalpogʻiston Respublikasining Konstitutsiyasini amalga kiritish tartibi toʻgʻrisida"gi Qonuni
QORAQALPOGʻISTON RESPUBLIKASINING
QONUNI
09.04.1993 y.
QORAQALPOGʻISTON RESPUBLIKASINING
KONSTITUTsIYaSINI AMALGA KIRITISh
TARTIBI TOʻGʻRISIDA
Qoraqalpogʻiston Respublikasi Oliy Kengashi QAROR QILADI:
1. 1993 yil 9 aprelga qadar qabul qilingan Qoraqalpogʻiston Respublikasi qonunlarining, davlat idoralari qabul qilgan boshqa hujjatlarning Qoraqalpogʻiston Respublikasi Konstitutsiyasiga zid kelmaydigan qismi oʻz kuchini saqlab qolishi belgilab qoʻyilsin.
2. Qoraqalpogʻiston Respublikasining хalq deputatlari Qoraqalpogʻiston Respublikasi Joʻqorgʻi Kengesiga saylovlar toʻgʻrisidagi yangi Qonun asosida Joʻqorgʻi Kenges saylangunga qadar oʻz vakolatlarini saqlab qoladilar.
Qoraqalpogʻiston Respublikasining Oliy Kengashi Joʻqorgʻi Kenges saylangunga qadar Qoraqalpogʻiston Respublikasining Konstitutsiyasida Joʻqorgʻi Kengesga beriladigan barcha vakolatlarni amalga oshiradi. Qoraqalpogʻiston Respublikasining Oliy Kengashi Raisi Joʻqorgʻi Kengesning Raisi saylangunga qadar Qoraqalpogʻiston Respublikasining Konstitutsiyasida Joʻqorgʻi Kenges Raisiga beriladigan barcha vakolatlarni amalga oshiradi.
3. Qoraqalpogʻiston Respublikasining Konstitutsiyaviy nazorat qoʻmitasi Qoraqalpogʻiston Respublikasining Joʻqorgʻi Kengesi saylangunga qadar oʻz vakolatlarini saqlab qoladi.
4. Vazirlar Kengashi, davlat hokimiyatining joylardagi vakillik, ijroiya va boshqaruv organlari oʻz vakolatlarini Qoraqalpogʻiston Respublikasining Konstitutsiyasiga muvofiq, shuningdek Qoraqalpogʻiston Respublikasining Konstitutsiyasi qabul qilingunga qadar chaqirilgan qonun hujjatlarining Qoraqalpogʻiston Respublikasi Konstitutsiyasiga zid kelmaydigan qismiga asosan amalga oshiradilar.
5. Sudlar, prokuratura organlari va davlatning boshqa organlari oʻz vakolatlarini Qoraqalpogʻiston Respublikasining Konstitutsiyasi qabul qilingunga qadar chiqarilgan qonun hujjatlarining Qoraqalpogʻiston Respublikasi Konstitutsiyasiga zid kelmaydigan qismiga asosan amalga oshiradilar.
6. Qoraqalpogʻiston Respublikasi Oliy Kengashining Raisi Qoraqalpogʻiston Respublikasi qonunlarini Qoraqalpogʻiston Respublikasining Konstitutsiyasiga muvofiqlashtirishga doir ishlarni tashkil etish tartibini belgilasin. Konstitutsiyada nazarda tutilgan barcha qonunlar kelgusi ikki yildan kechiktirilmay qabul qilinishi kerak. Oliy Kengash Raisi 1993 yil mobaynida Joʻqorgʻi Kengesga saylovlar toʻgʻrisidagi Qonun loyihasini tayyorlasin va uni umumхalq muhokamasiga kiritsin.
7. 1978 yilda qabul qilingan Qoraqalpogʻiston Respublikasining Konstitutsiyasi (Asosiy Qonun) 1993 yil 9 apreldan boshlab oʻz kuchini yoʻqotgan deb hisoblansin.
Qoraqalpogʻiston Respublikasi
Oliy Kengashining Raisi U. Ashirbekov