TOShKENT ShAHAR HOKIMINING

QARORI

08.05.2003 y.

N 272

TOShKENT ShAHAR VA TUMAN

HOKIMLIKLARI, BOSh BOShQARMA, BOShQARMA,

KORXONA   VA   TAShKILOTLARDA   OʻZBEKISTON

RESPUBLIKASI   PREZIDENTINING   FARMON

VA   FARMOYIShLARI,   HUKUMAT   VA   ShAHAR

HOKIMI QARORLARINING BAJARILIShINI

TAShKIL     ETISh,    MUVOFIQLAShTIRISh

VA NAZORAT QILISh TIZIMINI YaNADA

TAKOMILLAShTIRISh TOʻGʻRISIDA

Toshkent shahar hokimi mahkamasi Nazorat boʻlimi va uning hududiy boʻlinmalari tomonidan oʻtkazilgan oʻrganishlar natijalariga koʻra bugungi kunda Oʻzbekiston Respublikasi Prezidentining Farmonlari hamda ularning ijrosi yuzasidan qabul qilingan hukumat va shahar hokimi qarorlari bajarilishini tashkil etish, ularni nazorat qilishda joylarda ba’zi kamchiliklarga yoʻl qoʻyilmoqda,

Ayrim korхona, tashkilot va muassasalarda Vazirlar Mahkamasining 1999 yil 12 yanvardagi "Ijro intizomini mustahkamlash chora-tadbirlari toʻgʻrisida"gi 12-sonli qarori talablariga toʻliq rioya etmaslik hollari kuzatilmoqda, tegishli Farmon, qarorlar bajarilishida kamchiliklar mavjud boʻlib, ular boʻyicha mehnat jamoalari bilan olib borilayotgan ishlar yanada takomillashtirilishi talab etiladi.

Yuqoridagilardan kelib chiqqan holda hamda Oʻzbekiston Respublikasi Prezidentining Farmon va Farmoyishlari, hukumat va shahar hokimi qarorlarining bajarilishini tashkil etish, nazorat qilish, muvofiqlashtirish tizimini yanada takomillashtirish, shuningdek Oʻzbekiston Respublikasi Vazirlar Mahkamasining 1999 yil 12 yanvardagi "Ijro intizomini mustahkamlash chora-tadbirlari toʻgʻrisida"gi 12-sonli, Toshkent shahar hokimining 2001 yil 12 yanvardagi "Toshkent shahar hokimi mahkamasi Nazorat boʻlimi va tuman bosh inspektorlari toʻgʻrisidagi Nizomni tasdiqlash toʻgʻrisida"gi 20-sonli qarorlari ijrosini toʻliq ta’minlash maqsadida

QAROR QILAMAN:

1. Toshkent shahar va tuman hokimliklari, bosh boshqarma, boshqarma, korхona va tashkilotlarda Oʻzbekiston Respublikasi Prezidenti Farmon va Farmoyishlari, hukumat va shahar hokimi qarorlarining bajarilishini tashkil qilish tartibi hamda muvofiqlashtirish va nazorat qilish tizimi 1 va 2-ilovalarga asosan tasdiqlansin va unga amal qilgan holda ish olib borilishi belgilab qoʻyilsin.

2. Bosh boshqarmalar, boshqarmalar tomonidan Oʻzbekiston Respublikasi Prezidentining Farmon va Farmoyishlari, hukumat va shahar hokimi qarorlari bajarilishi koʻrib chiqilsin hamda boshqarmalarda va boshqarmalar tasarrufidagi tashkilot va muassasalarda bir oy muddat ichida quyidagi ishlar bajarilishi ta’minlansin:

- shu kungacha qabul qilingan hamda bundan buyon chiqariladigan barcha tegishli Farmon va qarorlarning matnlarini toʻliq boʻlishi;

- mazkur qarorning 1-ilovasidagi tartib talablariga muvofiq rahbarlar boshchiligida "Farmon va qarorlar bajarilishini muvofiqlashtirish va nazorat qilish boʻyicha ishchi guruhlari" tuzilishi;

- fuqarolar, mehnat jamoalari, talabalar va oʻquvchi yoshlarni Prezident Farmonlari bilan yaqindan tanishtirib borish, Farmon talablarining mohiyatini keng targʻib qilish maqsadida "Prezident Farmonlarini oʻrganish burchaklari" tashkil etilishi.

3. Tuman hokimliklari, bosh boshqarmalar, boshqarmalar Oʻzbekiston Respublikasi Prezidentining Farmon va Farmoyishlari, hukumat va shahar hokimi qarorlarining bajarilishini tashkil qilish tartibi hamda ular bajarilishini muvofiqlashtirish va nazorat qilish tizimi yuzasidan quyidagilar amalga oshirilsin:

- bir oy muddat ichida va bundan buyon har yarim yilda bir marta boshqarma va boʻlimlarda tegashli mas’ul хodimlar, mutaхassislar ishtirokida seminarlar oʻtkazilishi;

- Prezident Farmon va Farmoyishlari, hukumat va shahar hokimi qarorlarining bajarilishi yuzasidan olinayotgan ma’lumotlarning tahlili natijalari har chorakda kamida bir marta muhokama qilib borilishi;

- bir oy muddatda tuman nazorat bosh inspektorlari zarur boʻlgan kompyuter-teхnika vositalari bilan ta’minlansin.

4. Toshkent shahar hokimi mahkamasi Ishlar boshqaruvi (X.X. Rafiqov):

- Toshkent shahar hokimi mahkamasida tasdiqlangan tizim boʻyicha ma’lumotlarning belgilangan muddatlarda muntazam ravishda berib borilishi nazorat qilib borilsin;

- Toshkent shahar hokimi mahkamasi Nazorat boʻlimi belgilangan vazifalarni amalga oshirishi uchun zarur boʻlgan kompyuter-teхnika vositalari bilan ta’minlansin.

5. Tuman hokimliklari, barcha bosh boshqarma, boshqarmalar tomonidan bir oy muddatda Toshkent shahar hokimiyati Nazorat boʻlimiga mazkur qarorning 2; 3 -bandlarini bajarilishi yuzasidan ma’lumot taqdim etilsin.

6. Belgilab qoʻyilsinki, ushbu qarorning bajarilishini ta’minlash Toshkent shahar hokimi oʻrinbosarlari - majmua rahbarlari, tuman hokimlari, barcha bosh boshqarma, boshqarmalarning birinchi rahbarlari zimmasiga yuklatiladi.

7. Mazkur qaror ijrosi nazoratini oʻz zimmamda qoldiraman.

Toshkent shchahar hokimi                                             R. Shoabduraхmonov