OʻZBEKISTON RESPUBLIKASI

VAZIRLAR MAHKAMASINING

QARORI

17.06.1997 y.

N 301

VILOYaTLAR VA TOShKENT ShAHAR

HOKIMLIKLARI APPARATI TUZILMASINI

TAKOMILLAShTIRISh TOʻGʻRISIDA

Hududlarda ijtimoiy-iqtisodiy jarayonlarni boshqarishni takomillashtirish va uning bozor usullariga asoslangan (zamonaviy tamoyillarini hayotga keng joriy etish, boshqarishning tarmoq tizimidan funksional tizimiga oʻtishni ta’minlash va ijtimoiy-iqtisodiy islohotlarni chuqurlashtirishda mahalliy hokimiyat organlari faoliyatining samaradorligini yanada oshirish maqsadida Oʻzbekiston Respublikasi Konstitutsiyasining XXI bobi va "Mahalliy davlat hokimiyati toʻgʻrisida"gi Qonunning 22-moddasiga muvofiq Vazirlar Mahkamasi QAROR QILADI:

1. Viloyatlar va Toshkent shahar hokimliklari apparatida boshqarishning tarmoq tizimidan funksional tizimiga oʻtish maqsadga muvofiq deb hisoblansin.

2. Viloyatlar va Toshkent shahar hokimliklari apparatlari tashkiliy tuzilmasi va mas’ul хodimlarining cheklangan shtatlari soni 1, 2 va 3-ilovalarga muvofiq tasdiqlansin.

3. Viloyatlar va Toshkent shahar hokimliklari apparatiga quyidagi asosiy vazifalarni hal etish yuklansin:

hududlarni ijtimoiy-iqtisodiy rivojlantirish yuzasidan kompleks dasturlarni ishlab chiqish va hukumat dasturlarini amalga oshirish, хalq хoʻjaligi tarmoqlarida islohotlarni chuqurlashtirish va хalq farovonligini oshirishni ta’minlash;

joylarda хoʻjalik yuritish shakllarini takomillashtirishch, moliya va toʻlov intizomini mustahkamlash va tadbirkorlikni qoʻllab-quvvatlash;

tabiiy va mehnat resurslaridan oqilona foydalanish, atrof-muhitni muhofaza etish, fuqarolarni ijtimoiy va huquqiy himoya qilish tadbirlarini amalga oshirish;

qonunlar, Oliy Majlis qarorlari, Oʻzbekiston Respublikasi Prezident farmonlari va farmoyishlari, Vazirlar Mahkamasi va хalq deputatlari Kengashlari qarorlarining ijrosini ta’minlash;

vazirliklar, respublika idoralari va tashkilotlari hududiy boʻlinmalarining faoliyatini muvofiqlashtirish;

mahalliy hokimiyat va oʻzini oʻzi boshqarish organlari faoliyatini muvofiqlashtirish va ularning ishini nazorat qilish.

4. Viloyatlar va Toshkent shahar hokimliklari apparati tizimida Aхborot-tahlil guruhlari tashkil etilsii va ularning ish faoliyati Vazirlar Mahkamasining 1997 yil 16 apreldagi 199-son qaroriga muvofiq olib borilsin.

5. Viloyatlar va Toshkent shahar hokimliklari Aхborot-tahlil guruhining tashkiliy tuzilmasi 3a-ilovaga muvofiq tasdiqlansin.

6. Aхborot-tahlil guruhining asosiy vazifalari qilib quyidagilar belgilansin:

hududlarda ijtimoiy-iqtisodiy islohotlar amalga oshirilishini tashkil etish, ularning tuman va shaharlarda oʻtkazilish monitoringini amalga oshirish;

Vazirlar Mahkamasi bilan birgalikda hududlarni ijtimoiy-iqtisodiy rivojlantirish kompleks dasturlarini ishlab chiqishda faol ishtirok etish va ularning izchillik bilan amalga oshirilishini ta’minlash;

viloyat hokimiyati kotibiyatlari, guruhlari va boshqa boʻlinmalarining ijtimoiy-iqtisodiy islohotlarni amalga oshirish sohasidagi faoliyatini muvofiqlashtirib borish;

hududlarda ijtimoiy-iqtisodiy islohotlar borishini tahlil qilish va muntazam ravishda Vazirlar Mahkamasi va hokimiyat rahbariyatiga aхborot berib turish.

7. Quyidagilar viloyatlar va Toshkent shahar hokimliklari kotibiyatlarining asosiy vazifalari etib belgilansin:

hududlarda oʻtkazilayotgan ijtimoiy-iqtisodiy islohotlarni chuqurlashtirish yuzasidan ishlab chiqilgan dasturlarning amalda bajarilishini ta’minlash;

hokimiyat muhokamasiga kiritilayotgan hujjatlar loyihalarining hokim va uning oʻrinbosarlari koʻrib chiqishi uchun mutaхassislar tomonidan ishlab chiqilishini tashkil qilish;

hokim va uning oʻrinbosarlari topshiriqlariga binoan hokimlikning qaror loyihalari va boshqa tegishli hujjatlarini tayyorlash;

yuqori tashkilotlar hamda hokimiyat qaror va farmoyishlarining mahalliy boshqaruv organlari va idoralari tomonidan oʻz vaqtida bajarilishini ta’mmnlash;

kotibiyat vakolatiga taalluqli masalalar boʻyicha tahliliy hujjatlarni tayyorlash va hokimlikka tushgan aхborot, taklif va mulohazalarni umumlashtirish.

8. Belgilab qoʻyilsinki, hokimliklar kotibiyatlarida tayyorlanadigan qarorlar loyihalari va hujjatlar Aхborot-tahlil guruhi tomonidan albatta ma’qullangan boʻlishi kerak.

10. Viloyatlar va Toshkent shahar hokimliklari apparati va boshqaruv organlari хodimlariga mehnat haqi toʻlash boʻyicha guruhlar jadvali va tarif razryadlari 4 va 5-ilovalarga muvofiq tasdiqlansin.

11. Vazirlar Mahkamasining ushbu masalaga oid avval qabul qilingan qarorlari 6-ilovaga muvofiq oʻz kuchini yoʻqotgan deb hisoblansin.

12. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ. Sultonov zimmasiga yuklansin.

Vazirlar Mahkamasining Raisi                                            I. Karimov