Oʻzbekiston Respublikasi Vazirlar Mahkamasining 14.03.1995 y. 86-son "Qoraqalpogʻiston Respublikasi Vazirlar Kengashi, respublika viloyatlari, shaharlari va tumanlari hokimliklari apparatidagi хotin-qizlar ishlari ishchi organlari tuzilmasi toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
14.03.1995 y.
N 86
QORAQALPOGʻISTON RESPUBLIKASI
VAZIRLAR KENGAShI, RESPUBLIKA VILOYaTLARI,
ShAHARLARI VA TUMANLARI HOKIMLIKLARI
APPARATIDAGI XOTIN-QIZLAR IShLARI IShChI
ORGANLARI TUZILMASI TOʻGʻRISIDA
"Oʻzbekiston Respublikasining davlat va ijtimoiy qurilishida хotin-qizlarning rolini oshirish chora-tadbirlari toʻgʻrisida" 1995 yil 2 martdagi PF-1084-son Farmonni bajarish yuzasidan Vazirlar Mahkamasi QAROR QILADI:
1. Qoraqalpogʻiston Respublikasi Vazirlar Kengashi, respublika viloyatlari, shaharlari va tumanlari hokimliklari shtat jadvaliga хotin-qizlar ishlari boʻyicha Qoraqalpogʻiston Respublikasi Vazirlar Kengashi Raisining oʻrinbosari, hokimlar oʻrinbosarlari lavozimlari 1-ilovaga* muvofiq lavozim maoshlari bilan kiritilsin.
2. Qoraqalpogʻiston Respublikasi Vazirlar Kengashi, respublika viloyatlari, shaharlari va tumanlari hokimliklari apparati tarkibidagi хotin-qizlar ishlariboʻyicha ishchi organlar tuzilmasi va shtat jadvali 2-ilovaga muvofiq tasdiqlansin.
3. Belgilab qoʻyilsinki, kiritilayotgan lavozimlar va tashkil etilayotgan tarkibiy boʻlinmalarni mablagʻ bilan ta’minlash Qoraqalpogʻiston Respublikasi byudjeti, viloyatlar va Toshkent shahri mahalliy byudjetlari mablagʻlari hisobiga amalga oshiriladi.
Oʻzbekiston Rsspublikasi Moliya vazirligi yangidan kiritilayotgan shtatlarni mablagʻ bilan ta’minlash uchun mablagʻlarni respublika byudjetidan ajratsin va oʻzaro hisob-kitoblar boʻyicha mahalliy byudjetlarga bersin.
Qoraqalpogʻiston Respublikasi Vazirlar Kengashi, respublika viloyatlari, shaharlari va tumanlari hokimliklari ularning faoliyat koʻrsatishlari uchun zarur shart-sharoitlar yaratsinlar.
4. Mazkur qarorning bajarilishini nazorat qilish Bosh vazirning oʻrinbosarlari D.M. Gʻulomova, B.S. Hamidov zimmasiga yuklansin.
Vazirlar Mahkamasining Raisi I. Karimov
*) Ilovalar rus tilidagi matnda berilgan.